Iragarkia

53. ALDIZKARIA - 2014ko martxoaren 18a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

IRUÑA

Deialdia, 2013-2014ko kirol denboraldian lehenengo hiru maila absolutuetako nazioko ohiko liga ofizialetan parte hartzen duten kirol taldeei norgehiagokako araubidean diru-laguntzak emateko

2013ko martxoaren 6an. Iruñeko Udaleko Alkate jaunak, 2014ko martxoaren 4an, deialdia onetsi zuen 2013-2014ko kirol-denboraldian nazioko lehenengo hiru maila absolutuetako ohiko liga nazional ofizialetan parte hartzen duten kirol-taldeei diru-laguntzak norgehiagokako araubidean emateko.

Deialdi honen helburua 2013-2014ko kirol denboraldian lehenengo hiru maila absolutuetako nazioko ohiko liga ofizialetan parte hartuko duten kirol taldeei diru-laguntzak norgehiagokako araubidean emateko prozedura garatzea da, Iruñeko Udalaren Diru-laguntzei buruzko Ordenantza Orokorrak xedatutakoa gauzatze aldera, zeina 21. Nafarroako Aldizkari Ofizialean, 2006ko otsailaren 17koan, argitaratu baitzen.

Deialdi honetan aurreikusten ez den orotan, Iruñeko Udalaren Diru-laguntzei buruzko Ordenantza Orokorra aplikatuko da.

1.–Aurrekontua.

Deialdi honi 436.000,00 euro esleituko zaizkio, gehienez ere, Udalaren Aurrekontuko 90/45220/482090 kontu-sailaren kargura.

Esleitutako 436.000,00 euroak honela banatuko dira: 180.000,00 euro nazioko maila gorenean jardun eta 700.000 eurotik gorako aurrekontua betetzen duten taldeen artean, eta 256.000,00 euro gainerakoen artean.

Onuradun izateko baldintzak betetzen dituzten entitateei emanen zaien laguntza 10. klausulan xedatutakoa aplikatu eta gero lortzen den emaitza izanen da. Nolanahi ere, onuradun bakoitzari emanen zaion kopuruak ezin izanen du gainditu aurkeztutako proiektuaren gastu-aurrekontuaren %20, eta, betiere, muga hauek egonen dira:

–90.000,00 euro, nazioko maila gorenean jardun eta 700.000 eurotik gorako aurrekontua betetzen duten taldeentzat.

–45.000,00 euro, 300.000 eurotik gorako aurrekontua betetzen duten gainerako taldeentzat.

–22.500,00 euro, 150.000 eurotik gorako aurrekontua betetzen duten gainerako taldeentzat.

–11.250,00 euro, 75.000 eurotik gorako aurrekontua betetzen duten gainerako taldeentzat.

–5.625,00 euro, 37.500 eurotik gorako aurrekontua betetzen duten gainerako taldeentzat.

–2.812,50 euro, gainerako taldeentzat.

Modalitateren batean aurrekontua sobera geratzen bada, hori beste modalitate bati esleitzen ahalko zaio.

Diruz lagundutako proiektu guztietan egindako jardueraren gastuaren %100 justifikatu beharko dute. Justifikazio-aldian egiaztatzen bada proiektuaren benetako gastua txikiago dela, diru-laguntza horrenbestean gutxiagotuko da.

Diru-laguntzek ezin izanen dute gainditu, inongo kasutan, kirol-jarduera egiteak sortutako defizita. Halakorik gertatuz gero, murriztu eginen da diru-laguntzaren zenbatekoa.

2.–Diru-laguntzaren xedea, baldintzak eta helburua, eta onuradunen betebeharrak.

Deialdi honen helburua 2013/2014ko kirol-denboraldian Nazioko lehenengo hiru maila absolutuetako ohiko federazio-liga ofizialetan parte hartzen duten Iruñeko kirol-taldeei diru-laguntzak ematea da.

Diru-laguntzei buruzko Ordenantza Orokorraren 11. artikuluan ezarritakoarekin bat, honako hauek dira onuradunen betebeharrak:

a) Diru-laguntza emateko oinarria izan den helburua betetzea, proiektua edo jarduera gauzatzea edo jokabidea hartzea.

b) Organo emailearen aurrean justifikatzea baldintzak eta betekizunak bete dituztela, bai eta jarduera egin dutela eta diru-laguntza zertarako den eta helburu hori bete dutela ere.

c) Organo emaileak egin beharreko egiaztapen eta finantza-kontrol guztiei men egitea, bai eta kontrol-organo eskudunek egiten ahal dituzten egiaztapen eta finantza-kontrol guztiei ere men egitea, betiere udal-agiritegietan jaso ez eta aurreko jarduketetan eskatzen dieten adina informazio eman beharko dutelarik.

d) Diru-laguntzaren xede diren jarduerak finantzatzeko beste diru-laguntza, laguntza, diru-sarrera edo baliabiderik lortuz gero, organo emaileari horren berri ematea. Bestelako laguntza horiek lortu direla jakin bezain laster egin behar da jakinarazpen hori, eta, betiere, hartutako funtsei emandako aplikazioa justifikatu baino lehen.

e) Diru-laguntzetarako ebazpen-proposamena eman baino lehen egiaztatu beharra dute egunean dituztela hala tributu-betebeharrak nola Gizarte Segurantzarekikoak. Iruñeko Udalak bere kabuz egiaztatuko du Udalarekiko tributu-betebeharrak egunean dituztela.

f) Kontabilitate-liburuak, erregistro eginbidetuak eta gainerako agiriak izan behar dituzte, behar bezala ikuskatuak, onuradunari aplikatzen ahal zaizkion merkataritzako eta sektoreko legeek ezarritakoekin bat, bai eta deialdiek edo ebazpenek egiaztapen- eta kontrol-eskumenak modu egokian gauzatuko direla bermatzeko galdatzen ahal dituzten egoera-orriak eta berariazko erregistroak ere.

g) Jasotako funtsak zertan aplikatu diren egiaztatzen duten agiriak –agiri elektronikoak barne– gordetzea, egiaztapen eta kontrol jarduketen xedea izan daitezkeen neurrian.

h) Behar bezalako publizitatea egitea, diru-laguntza jaso duten programak, jarduerak, inbertsioak edo jarduketak Iruñeko Udalak finantzatu dituela jakitera emate aldera.

i) Jasotako funtsak itzultzea, hala deialdi honek nola Diru-laguntzei buruzko Ordenantza Orokorrak horretarako zein kasu adierazi eta halakoetan.

3.–Diru-laguntzak eskatzeko bete beharreko baldintzak eta horiek egiaztatzeko bideak.

Baldintza orokorrak betetzen dituzten eta Diru-laguntzei buruzko Ordenantza Orokorraren 10. artikuluak ezarritako debeku-zioren bakar batek ere ukitzen ez dituen entitateek eska ditzakete diru-laguntzak, betiere ondoko baldintzak betetzen badituzte:

3.1. Legearekin bat eratuta egotea eta dagokien Erregistroan izena emanda izatea, eskabidea aurkezteko mugaegunean, betiere indarra duten legeekin bat baldintza hori eskatzen ahal bada. Dokumentazio hori egunean eduki beharko dute.

3.2. Elkartearen egoitza nahiz zergetarako helbidea Iruñean edukitzea.

3.3. Lehenengo hiru maila absolutuetako nazioko ohiko liga ofizialetan parte hartzea 2013/2014ko kirol-denboraldian.

3.4. Bere mailatik gorako (bigarren edo hirugarren maila) Iruñeko talderen batek deialdi honi heldu ez izana. Halako talderik izanez gero, ez da beste eskaerarik onartuko.

3.5. Kasuan-kasuko kirol modalitatea iraunkorrak diren arauzko kirol-barruti itxietan egitea, salbu eta kirol anitzeko modalitatea bada.

Onuradunek aipatu baldintzak betetzen dituztela eta diru-laguntza jasotzeko inongo debeku-ziok ukitzen ez dituela justifikatzeko, zazpigarren klausulan galdatzen diren agiriak aurkeztu behar dituzte.

Ez dira agiri bidez egiaztatu beharko udal-agiritegietan jasota dauden alderdiak.

4.–Diru-laguntzak bideratu eta ebazteko organo eskudunak.

Herritarren Partaidetza, Gazteria eta Kirol Alorreko Idazkari Teknikoa izanen da diru-laguntzen inguruko prozedura bideratzeko organo eskuduna, eta bere kabuz egingo ditu ebazpen-proposamena emateko behar diren datuak zehaztu, ezagutu eta egiaztatzeko beharrezko jotzen dituen jarduketak oro.

Ebazpen-proposamena instrukzio-organoak emanen du, espedientea eta Balorazio Batzordearen txostena kontuan harturik, eta ebazteko eskumena duen organoari helaraziko dio.

Iruñeko Udaleko Herritarren Partaidetza, Gazteria eta Kiroleko zinegotzi delegatuari dagokio diru-laguntzak emateko prozedura ebaztea.

Hona Balorazio Batzordea osatuko duten kideak:

Batzordeburua: Gazteria eta Kirolekozinegotzi berezia.

Batzordekideak: Herritarren Partaidetza, Gazteria eta Kirol Alorreko zuzendaria.

Kirol-koordinatzailea.

Idazkaria: Herritarren Partaidetza, Gazteria eta Kirol Alorreko letradua edo zuzenbidean lizentziaduna.

5.–Eskabideak aurkezteko epea eta tokia.

Interesdunen eskaerak deialdi honek 1. eranskin gisara ezarritako arauzko ereduarekin bat etorri eta eskatzaileak sinatu beharreko eskabide baten bitartez egin behar dira.

Eskabideak aurkezteko epea hilabetekoa izanen da, deialdi hau Nafarroako Aldizkari Ofizialean argitaratu eta biharamunetik aitzina. Eskabidearekin batera, deialdi honen zazpigarren oinarriak aipatzen dituen agiriak eta argibideak aurkeztuko dira.

Eskabideak aurkezteko epea luzaezina izanen da.

Eskaerak ez baditu betetzen deialdian ezarritako betekizunak, interesdunari eskatuko zaio gehienez ere hamar eguneko epe luzaezinean zuzen dezala, eta ohartaraziko zaio hala egin ezean eskaera bertan behera utzi duela ulertuko dela, betiere aldez aurretik ebazpena emango delarik, Herri Administrazioen Araubide Juridikoaren eta Administrazio Prozedura Erkidearen Legearen 71. artikuluak aurreikusitakoarekin bat.

Diru-laguntzetarako eskaerak ondoko tokietan aurkezten ahal dira: Iruñeko Udaleko Erregistro Orokorrean (Kondestablearen Jauregia - Kale Nagusia, 2), erregistro osagarrietan (Descalzos k. 72, 2. solairua; San Saturnino k. 2, beheko solairua; Iratxeko monasterioaren k. 2, beheko solairua; Armada etorbidea 2, 5. solairua; eta Zapatería k. 40, beheko solairua) edoHerri Administrazioen Araubide Juridikoaren eta Administrazio Prozedura Erkidearen Legearen 38. artikuluak aurreikusten dituen beste edozeinetan.

6.–Ebazteko eta jakinarazteko epea.

Ebatzi eta jakinarazteko epea sei hilabetekoa izanen da, gehienez ere. Epea deialdi hau Nafarroako Aldizkari Ofizialean argitaratu eta hortik aitzina hasiko da kontatzen.

Epe hori berariazko ebazpenik eman gabe igarotzen bada, eskatzaileak eskaera ezetsitzat jotzen ahalko du, betiere Diru-laguntzei buruzko Ordenantza Orokorraren 17. artikuluan aurreikusitakoarekin bat.

7.–Eskabidearekin batera aurkeztu beharreko agiriak eta argibideak.

Eskabideekin batera agiri hauek aurkeztu behar dira (agiriek jatorrizkoak izan beharko dute, edo, bestela, indarrean dagoen legearekin bat kautoak diren kopiak):

a) Eskaera-orria beterik, deialdi honi atxiki zaion ereduarekin bat (I. eranskina).

b) Legearekin bat eratuta egotea eta dagokien Erregistroan izena emanda izatea, eskabidea aurkezteko mugaegunean, betiere indarra duten legeekin bat baldintza hori eskatzen ahal bada.

c) Erantzukizuneko aitorpena, honako hauek egiaztatzeko: Diru-laguntzei buruzko Ordenantza Orokorraren 10. artikuluak aipatzen dituen debeku-zioetako bakar batek ere ez duela eskatzailea ukitzen, eta deialdi honetan galdatutako baldintzak betetzen dituela (atxikita doan eskabide-orrian jasota).

d) Erantzukizuneko aitorpena, eskatzaileak hala tributu-betebeharrak nola Gizarte Segurantzarekikoak egunean dituela adierazita, betiere Diru-laguntzei buruzko Ordenantza Orokorraren 10. artikuluak xedatutakoarekin bat. (atxikita doan eskabide-ereduan jasota).

Horretarako, edozein unetan eta, edonola ere, diru-laguntza emateko ebazpen-proposamena egin aurretik, aipatu betebehar horiei dagozkien egiaztagiriak, eskudun den Administrazioak emanak, eskatuko zaizkio onuradunari, betiere ezertan galarazi gabe aurkeztutako aitorpenak edo egiaztagiriak ikertzeko Administrazioak dituen ahalmenak.

e) Dagokion kirol-federazioak emandako ziurtagiria, taldea zein ohiko ligatan aritzen den adierazten duena, betiere berariaz agertuta nazioko lehen, bigarren edo hirugarren mailan aritzen den.

f) Beste erakunde publiko eta pribatuei helburu bera lortzeko eskatutako diru-laguntzen zerrenda, halakorik balitz, honako hauek zehaztuta: eskatutako kopurua, erakundeen izena eta emandako zenbatekoa.

Eskatutako agiriez gain, entitateak nahi beste agiri aurkezten ahalko ditu bere jardueraren berri emateko.

B) atalean adierazitako agiriei dagokienez, estatutuez bezainbatean, ez da beharrezkoa izanen horiek aurkeztea lehenagotik aurkeztu badituzte eta, gerora, aldaketarik izan ez badute. Betiere, adierazi beharko da noiz eta zein espediente edo deialditarako aurkeztu ziren (Udalak bere kabuz egiaztatuko du hori), eta, berariaz adierazi ere, estatutu horietan ez dela aldaketarik izan aurkeztu ziren aurreko alditik.

Aurrekoan xedatutakoa gorabehera, Udalak edo haren mendeko erakunde autonomoek ezin badute agiriren bat eskuratu, eskatzaileei eskatzen ahalko diete hura aurkezteko, edo, bestela, agiria zein betekizuni dagokien eta horiek beste bide batzuk erabiliz egiaztatzeko, betiere ebazpen-proposamena egin baino lehen.

8.–Eskaerak baloratzeko irizpide objektiboak.

Diru-laguntzetarako deialdi honen eskaerak baloratzeko irizpide hauek erabiliko dira:

1. Oinarri hauen 3. artikuluak jasotako baldintzak betetzea.

2. Behin baldintzak betetzen dituztela egiaztatuta, 10. oinarrian ezarritako koadroa aplikatuko da diru-laguntzak zenbat jotzen duen zehazteko, betiere 1. klausulan ezarritakoa kontuan harturik.

Emandako diru-laguntza honako hauetarako erabiliko da: alde batez edo osorik finantzatzeko aipatu 10. artikuluan diru-laguntzaren xedetzat jotako gastuak, jarduera egiteak sortutakoak.

Eskaerek 1. oinarrian esleitutako aurrekontua gainditzen badute, diru-laguntzen onuradunen artean hainbanatuko da aurreikusitako zenbatekoa, betiere eskatzaile bakoitzari aplikatuta, behetik jota, esleitutako aurrekontuak zenbatean gainditu eta horrenbesteko portzentajea.

9.–Ebazpena jakinarazi edo argitaratzeko bidea.

Diru-laguntzak emateko ebazpenak amaiera emanen dio administrazio-bideari, eta interesdunei jakinaraziko zaie, Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legearen 58. eta 59. artikuluetan agindutakoarekin bat.

Diru-laguntzak emateko ebazpena Nafarroako Aldizkari OfizialEAN emanen da argitara, eta honako datu hauek adieraziko ditu: deialdia, diru-laguntza zein aurrekontu-programari eta -kredituri egotzi zaion, onuraduna, emandako diru-kopurua eta diru-laguntzaren xedea.

10.–Diru-laguntzen xede diren gastuak.

Diru-laguntzak kontzeptu hauetarako eskatzen ahalko dira:

Deialdi honetan ezarritako justifikazio-aldia amaitu baino lehen ordaindutako gastua hartuko da egindako gastutzat. Diru-laguntzaren xede diren gastuetan, eskuratze-kostua ezin izanen da inoiz izan merkatuko balioa baino handiagoa.

(*) Diru-laguntza jaso dezakeen gastu bakoitzaren zenbatekoa, banan-banan hartuta, 18.000 eurotik gorakoa denean –ekipamendu ondasunen horniduraren kasuan edo aholkularitzako zein laguntza teknikoko enpresen zerbitzuen kasuan–, onuradunak gutxienez hiru eskaintza eskatu beharko dizkie hornitzaileei dena delako zerbitzua edo ondasuna emateko konpromisoa bere gain hartu baino lehen, salbu, diru-laguntza jaso dezaketen gastuen ezaugarri bereziengatik, merkatuan hornidura edo zerbitzua egin dezaketen behar adina entitaterik ez bada edo gastua diru-laguntza eskatu baino lehen egin bada. Aurkeztutako eskaintzen artean bat hautatzeko, eragimen eta ekonomia printzipioei egin behar zaie men, eta eskaintzarik merkeena hautatzen ez bada, memoria batean berariaz justifikatu behar da hartutako erabakia. Eskaintzak, bestalde, justifikazioari erantsiko zaizkio, edo, bestela, diru-laguntzaren eskabideari.

Diru-laguntzek ezin izanen dute gainditu, inongo kasutan, kirol-jarduera egiteak sortutako defizita. Halakorik gertatuz gero, murriztu eginen da diru-laguntzaren zenbatekoa.

11.–Azpikontratazioa.

Diru-laguntzen xede diren jarduerak ezin dira azpikontratatu, betiere Diru-laguntzei buruzko Ordenantza Orokorraren 30. artikuluarekin bat. Entitateek diru-laguntza zer jardueratarako eskatu eta zuzenean hartuko dituzte bere gain horien antolamendua, kudeaketa eta gauzatzea.

12.–Finantzaketa eta diruz lagundutako jardueren bateragarritasuna edo bateraezintasuna.

Diru-laguntza hauen onuradunek konpromisoa hartzen dute gutxienez proiektuaren %80 haien ekarpenen edo beste bide batzuen bitartez finantzatzeko.

Deialdi honen diru-laguntzak Iruñeko Udaleko beste edozein alorretakoekin baino ez dira izanen bateraezin; aitzitik, beste edozein administraziok, entitatek edo pertsonak xede bera harturik emandakoekin batera eskura daitezke.

Diru-laguntzen zenbatekoa ez da inolaz ere izanen diru-laguntzaren xedea den jardueraren kostua baino handiagoa. Udala jabetzen bada onuradunak gehiegizko finantzaketa jaso duela hainbat entitatetatik, diruz lagundutako jardueraren kostuaz bezainbatean, gehiegizko kopuruak zenbat jo eta hori dena itzultzeko galdatuko dio onuradunari, Udalaren diru-laguntzak guztira zenbat egin eta horrenbesteraino.

Deialdiariheldu dioten entitateek txosten bat egin beharko dute proiektuei edo jarduerei buruz, non xehe-mehe azalduko baitira horiei egotzitako gastu-kontzeptuak, deialdi honi atxikitako eranskinaren ereduarekin bat. Gastu horiek arrazionaltasun ekonomikoarekin bat egindakoak behar dute izan, eta, betiere, bateragarriak izan, deialdi honen xedearekin, eta proportzionalak, jarduera gauzatzearekin.

Benetako defizita edo benetako gastuak aurrekontuan sartutakoak baino gutxiagokoak badira, eta kontuan harturik azken horiek zedarritu dutela diru-laguntzaren zenbatekoa, aintzat hartuko da inguruabar hori, eta proportzioan murriztuko da azkenik ordaindu behar den kopurua.

13.–Ordainketa.

Diru-laguntzak emateko ebazpenaren bidez lehen ordainketa eginen zaio talde bakoitzari (dagokion kopuruaren %70), behin balorazio-irizpideak aplikatu eta gero.

Bukaerako likidazioa behin onuradunek 14. oinarrian galdatutako egiaztagiriak aurkeztu eta gero eginen da.

Aurrez ordaindu beharreko kopurua 60.000 euro baino gehiago bada, onuradunak banku-abal askietsia aurkeztu beharko du, edo, bestela, emandako laguntzak zenbat jo eta horren %4 sartu beharko du Udal Diruzaintzan, aurrerakinaren berme gisara.

Ezin izanen zaizkie diru-laguntzak onuradunei ordaindu eguneraturik ez badituzte tributu-betebeharrak zein Gizarte Segurantzarekikoak, edo diru-itzulketa bidezkoa dela xedatu duen ebazpen batek zorduntzat jotzen baditu.

14.–Justifikazioa.

Ezarritako baldintzak bete eta diru-laguntza ematerakoan aurreikusitako helburuak lortu direla justifikatzeko, gastuaren justifikazio-kontua aurkeztu behar da; kontu horretan, dirua jaso duen jarduera dela-eta aitortzailearen erantzukizunaren pean egindako gastuak oro justifikatu behar dira (ez bakarrik diru-laguntzaren zenbatekoaren adinakoa), gastuen zuzeneko egiaztagiriak aurkeztuta. Fakturak eta gainerako egiaztagiri baliokideak aurkeztu behar dira, betiere trafiko juridikoan balioa edo indar administratiboa dutenak, diru-laguntzaren xedea bete dela egiaztatze aldera.

Justifikazio-kontua agiri hauek osatuko dute:

a) Ebaluazio-memoria, diru-laguntzen xedea den jardueraren gainean; bertan xehetasunez aitortuko dira diru-laguntzen bidez finantzatu diren jarduerak eta haien kostua.

Memoriak gutxienez eduki hauek jasoko ditu:

–Programaren edo proiektuaren izena.

–Diru-laguntzaren xedea, aurkeztutako aurrekontu eta proiektuarekin bat.

–Egindako jarduketak eta erdietsi nahi ziren helburuen zein lortutako emaitzen deskribapena.

–Proiektua edo jarduera garatzean egindako aldaketak.

–Finantzabideak zerrendatuta: Diru-laguntzarekin finantzatu diren jardueren deskribapena, haien kostua adierazita, bai eta norbere funtsekin edo beste diru-laguntzekin finantzatu diren jarduerak ere aipatuta.

–Ondorioak.

b) Egindako gastuen eta lortutako diru-sarreren zerrenda izenpetua eta ordenan zenbakitua, hamargarren oinarrian ageri diren kontzeptuen arabera ordenaturik eta zenbatekoen guztizkoa emanda.

c) Maiatzaren 17ko 205/2004 Foru Dekretuak (uztailaren 4ko 96/2005 Foru Dekretuak aldatua) aipatzen dituen egiaztagiriak, fakturak edo horien ordezkoak eta ordainagiriak, baita nominak, tributuak zein Gizarte Segurantzako kuotak eta, oro har, gastuak frogatzeko gainerako egiaztagiri baliokideak, trafiko juridikoan balioa dutenak edo indar administratiboa dutenak, betiere modu korrelatiboan ordenaturik eta zerrenda zenbakituan emandako ordena-zenbakiaren arabera. Agiri horien fotokopiak egin eta zerbitzu kudeatzaileak konpultsatu eta adostuko ditu; gero, jatorrizkoak interesdunei itzuliko zaizkie. Agiri jatorrizkoak edo horien kopia konpultsatuak entitate onuradunak gorde beharko ditu, gutxienez lau urtean.

Aurrekoaz gain, honako baldintza hauek bete beharko dira:

c.1) Faktura jaulkitzen duen entitatea BEZetik salbuetsirik dagoenean, organo eskudunak emandako egiaztagiria aurkeztu beharko da, kasuan kasuko salbuespena egiaztatu eta horretaz fede emateko.

c.2) Langileria-gastuak soldata-kostuen gisara egiaztatzeko, beharrezkoa da agiri hauek aurkeztea: lan-kontratuaren kopiak, langileei dagozkien nominak jasotzaileak sinaturik eta ordainduta daudela egiaztaturik edo, bestela, bankuaren abonu-agiria, eta Gizarte Segurantzaren kotizazioei dagozkien ziurtagiriak.

c.3) Proiektua gauzatzeko aurreikusitako data ez den beste bat duten fakturak onartuko dira, baldin eta organo eskudunak aldez aurretik proiektuaren aldaketaren bat baimendu badu eta aldaketa horrek proiektua gauzatzeko epeari eragiten badio.

d) Hartzekodunei ordaindu izana egiaztatzen duten ziurtagiriak. Ordaindu izana banku zordunketa bidez egiaztatu behar da, behar bezala sinatutako hartu-agiri baten bidez edo, bestela, aurkeztutako fakturak ordaindu egin direla ziurtatzen duen beste agiri bat aurkeztuz.

e) Dagokion itzulketaren ordainketa-gutuna, baldin eta aplikatu gabeko geldikinik bada edo diru-laguntzen xede izan den jardueraren kostua baino diru gehiago jaso bada, eta horiei dagozkien berandutze-interesak.

Emandako diru-laguntza justifikatu eta, horrenbestez, agiri frogagarriak aurkezteko epea 2014ko azaroaren 15ean amaituko da. Epe hori betetzea funtsezkoa da. Hori horrela, onuradunek agiri horiek epean aurkeztu ezean, Udalak aurkezteko eskatuko die, eta berriz ere epean aurkeztu ezean, laguntzaren zenbatekoa itzultzeko exijituko die.

Nolanahi ere, diru-laguntzen onuradunek balorazio txostena erantsi behar diote aurkeztutako justifikazioari, dagokion udal-teknikariak izenpetua.

Halaber, kontuan harturik diru-laguntza publikoek ezin dutela inolaz ere irabazirik sorrarazi, haiekin batera jarduera edo helburu jakin batzuetarako beste diru-laguntza batzuk eskuratzeak Udalaren diru-laguntza murriztea edo horren zenbateko osoa itzuli beharra eragiten ahal du.

Diru-kopurua kobratu izanak diru-laguntzak jaso dituzten kirol-taldeen kontabilitate edo erregistro liburuan agertu behar du, betiere kirol-taldeok halakorik izatera behartuta badaude.

Diru-laguntza emateko aintzat hartu diren baldintzak aldatzen badira, eta, edozein kasutan, beste administrazioek, pertsonek edo entitate publiko edo pribatuek emaniko diru-laguntzak aldi berean eskuratzen badira, eta ez bada horien berri lehenago eman, diru-laguntza emateko ebazpena aldatzen ahalko da.

Halaber, diru-laguntzaren zenbatekoa murriztu eginen da, justifikatutako gastuak diru-laguntzaren xede izan direnak baino gutxiago badira, edo aurreikusi baino diru-sarrera gehiago eskuratu badira.

Kontuan harturik diru-laguntzen zenbatekoak ezin izanen duela inola ere gainditu onuradunek egin beharreko jardueren kostua –ez berez, ezta beste hainbat diru-laguntza edo diru-sarrera gehituta ere, Udalak berak edo beste edozein administrazio publikok zein entitate publiko edo pribatuk edota beste edozein partikularrek, Espainiakoek zein nazioartekoek, emanda–, onuradunak dagozkion kopuruak itzuli beharko ditu, Diru-laguntzei buruzko azaroaren 17ko 38/2003 Lege Orokorrean ezarritakoarekin bat.

Honako egoera hauetan zilegi izanen da hala jasotako diru-laguntzak itzularaztea, osorik edo hein batean, nola berandutze-interesak galdatzea diru-laguntzak kobratu eta hortik aitzina:

a) Diru-laguntza zertarako eman eta horren xedea betetzen ez denean.

b) Diru-laguntzak eskatutako baldintzak bete gabe eskuratzea, betiere onuradunei egozten ahal zaizkien zioak direla medio.

c) Jaso diren funtsak zertarako erabili diren justifikatzeko betebeharra bete ez izana.

d) Diru-laguntza gehiago jasotzea aldi berean, salbu horiek bateragarriak badira.

e) Onuradunek jarduerak egiteko jaso dituzten eta bateragarriak diren diru-laguntzek egin beharreko jardueren kostuaren muga gainditzen badute, muga hori zenbatean gainditu eta hainbeste itzuli behar dute.

f) Diru-laguntzak emateko kontuan hartu diren baldintzak aldatu edo ez betetzea.

g) Oinarri honetan aipatzen diren egiaztapenei oztopoak jartzea edo haiek egiten ez uztea.

Emandako diru-laguntzak zenbat jo eta kopuru horren %30 murriztuko da onuradunek publizitatea egin edo sustatzen badute hiri-elementuetan pintadak eginez edo baimenik gabe kartel eta pankartak paratuz.

Diru-laguntza itzularazteko ebazpena organo emaileak emanen du, behin espedientea instruitu eta gero, betiere aplikagarriak diren lege orokorrekin bat.

Itzuli beharreko kopuruak zuzenbide publikoko diru-sarreratzat hartuko dira, eta, horiek kobratzeko, diru-bilketarako indarra duten arauetan xedatutakoa aplikatuko da.

15.–Errekurtsoak.

Deialdi honen, oinarri hauen eta horiek betearazteko har daitezkeen administrazio-ebazpenen aurka, errekurtso hauek paratzen ahalko dira, aukeran:

–Berraztertzeko errekurtsoa, administrazio-egintzaren egile den organoari zuzendua, hilabeteko epean, errekurritzen den egintza jakinarazi edo, bestela, argitara eman eta biharamunetik aitzina.

–Gora jotzeko errekurtsoa, Nafarroako Administrazio Auzitegiari zuzendua, hilabeteko epean, errekurritzen den egintza jakinarazi edo argitaratu eta hortik aitzina.

–Administrazioarekiko auzi-errekurtsoa, Iruñeko Administrazioarekiko auzien Epaitegiari zuzendua, bi hilabeteko epean. Epe hori errekurritzen den egintza jakinarazi edo argitaratu eta biharamunetik aitzina kontatuko da.

1. ERANSKINA

Deialdia, 2013/2014ko kirol denboraldian lehenengo hiru maila absolutuetako nazioko ohiko liga ofizialetan parte hartzen duten kirol taldeei norgehiagokako araubidean diru-laguntzak emateko

Kirol-denboraldia: 2013-2014

–Klub edo entitate eskatzailearen datuak:

Klub edo entitate eskatzailea:

Kirol-modalitatea eta -kategoria (gizonena edo emakumeena den adierazi):

IFK: .................................... Helbidea:

PK: .................... Telefono finkoa: .............Telefono mugikorra:

Helbide elektronikoa: ,

Klubeko delegatuaren edo pertsona erantzulearen izen-abizenak:

NAN: ..................................... Helbidea:

PK: ........................ Telefono finkoa: .......... Telefono mugikorra:

Helbide elektronikoa:

AZALPENA:

2013-2014ko kirol-denboraldian nazioko lehenengo hiru maila absolutuetako nazioko ohiko liga ofizialetan parte hartzen duten kirol-taldeei diru-laguntzak norgehiagokako araubidean emateko deialdiaren berri izan dute.

ESKAERA:

Eskaera hau kontuan hartzea. Xede horretarako, honako hauek adierazten ditut:

–Eskatzaileak deialdi honetan galdatzen diren baldintza guztiak betetzen ditu.

–Iruñeko Udalaren Diru-laguntzei buruzko Ordenantza Orokorraren 10. artikuluak aipatzen dituen debeku-zioetako bakar batek ere ez du eskatzailea ukitzen.

–Tributu-betebeharrak eta Gizarte Segurantzakoak egunean ditu.

Jardueraren aurrekontua:

Guztira: ..............................euro

Sinadura:

Iruñean, 2014 ...... (e)ko ................aren .........(e)an

(*) Kirol-talde bakoitzak fitxa bat bete behar du derrigorrean, bi taldek lehiaketa berean elkarrekin parte hartzen badute ere.

Iruñean, 2014ko martxoaren 11an.–Enrique Maya Miranda, Alkatea.

Iragarkiaren kodea: L1403720