2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BERIAIN
Xehetasun azterlana. Hasierako onespena
Alkatetzaren 2011ko martxoaren 24ko 38/2011 Ebazpenaren bidez, hasiera batean onetsi da Beriaingo Udal Planeko S-I/III sektoreko A-1 unitatean Miguel Ángel Toribio Gonzálezek sustatu duen xehetasun azterlana. Xedea da lerrokadurak eta bolumenak antolatzea, karrerapeak egiteko.
Lurraldearen Antolamenduari eta Hirigintzari buruzko abenduaren 20ko 35/2002 Foru Legearen 76. artikuluan ezarritakoari jarraikiz, espedientea jendaurrean egonen da hogei egunean, iragarki hau Nafarroako Aldizkari Ofizialean argitaratzen denetik hasita, azter dadin eta bidezko alegazioak aurkez daitezen. Jendaurreko aldian inork ez badu alegaziorik aurkezten, dokumentua behin betiko onetsiko da, bidezko bada.
Beriainen, 2011ko martxoaren 25ean.-Alkatea, Rafael Blanco Pena.
Iragarkiaren kodea: L1105618
