1. NAFARROAKO FORU KOMUNITATEA
1.7. BESTELAKOAK
101/2010 FORU AGINDUA, martxoaren 3koa, Landa Garapeneko eta Ingurumeneko kontseilariak emana.
Xedea: "Nafarroa" Jatorrizko Deituraren Kontseilu Arauemailearen 2010. ekitaldiko diru-sarreren eta gastuen aurrekontu arrunta onesten duen foru agindua.
Hartzailea:
"Nafarroa" Jatorrizko Deituraren Kontseilu Arauemailea.
IFK: Q 3171001 E.
Rúa Romana, zk.g., 31390 Erriberri (Nafarroa).
Erreferentzia:
Espedientea: 1/2010. "Nafarroa" JDKA.
Nekazaritzako Elikagai Industrien eta Nekazaritzako Ustiategien Zerbitzua.
Telefonoa: 848426131-Faxa: 848426102.
Helbide elektronikoa: jsanagum@cfnavarra.es.
"Nafarroa" Jatorrizko Deituraren Kontseilu Arauemaileak aurkeztutako idazkian eskatu du departamentu honek kontseilu arauemailearen 2010. ekitaldiko aurrekontu arrunta onets dezala.
"Nafarroa" Jatorrizko Deituraren Kontseilu Arauemaileak ekarritako dokumentazioan aditzera ematen da 2010. urteko aurrekontu arrunta, bai diru-sarreretan, bai gastuetan, 2.233.101,23 eurokoa dela, eta erakunde horrek 2010eko urtarrilaren 25ean egindako osoko bilkuran onetsi zuela.
Kontseilu Arauemaileak 2010. ekitaldiko diru-sarreren eta gastuen aurrekontu arrunta onestearen ziurtagiria aurkeztu du, Jorge Vidal Ragoût "Nafarroa" Jatorrizko Deituraren Kontseilu Arauemaileko kudeatzaileak luzatua, non adierazten baita Kontseilu Arauemaileak 2010eko urtarrilaren 25ean egindako osoko bilkuran erabaki zuela 2010. urteko aurrekontu arrunta onestea, eta aurrekontua, bai diru-sarreretan, bai gastuetan, 2.233.101,23 eurokoa dela. Ziurtagiriarekin batera bidalitako eranskinetan aurrekontuen xehetasunak agertzen dira. Ziurtagiri hori egiaztagiri gisa egin da eta aurrekontuen onespenaren espedienteari erantsi zaio, eta Kontseilu Arauemaileko buruak ontzat eman ondoren sinatu du, 2010eko urtarrilaren 29an.
Ikusirik Nekazaritzako Elikagai Industrien eta Nekazaritzako Ustiategien Zerbitzuaren proposamen txostena.
Horrenbestez, Nafarroako Gobernuari eta Lehendakariari buruzko abenduaren 3ko 14/2004 Foru Legearen 41. artikuluak ematen dizkidan eskumenak erabiliz,
AGINDU DUT:
1. "Nafarroa" Jatorrizko Deituraren Kontseilu Arauemaileak 2010. urterako aurkeztu duen aurrekontu arrunta onestea. Aurrekontu hori hala diru-sarreretan nola gastuetan 2.233.101,23 eurokoa da.
Aurrekontu hori onesteak ez dakarkio departamentu honi inolako konpromisorik bertan ezartzen diren diru-laguntzei dagokienez.
2. Foru agindu hau "Nafarroa" Jatorrizko Deituraren Kontseilu Arauemaileari eta Ingurumenaren eta Landa eta Itsas Ingurunearen Ministerioko Kalitate Bereziaren eta Nekazaritza Ekologikoaren Zuzendaritzaordetza Nagusiari jakinaraztea, behar diren ondorioak izan ditzan, eta Nafarroako Aldizkari Ofizialean argitaratzea.
3. Foru agindu honen aurka gora jotzeko errekurtsoa jartzen ahal da, Nafarroako Gobernuari zuzendua, jakinarazi eta biharamunetik hilabeteko epean.
Iruñean, 2010eko martxoaren 3an.-Landa Garapeneko eta Ingurumeneko kontseilaria, Begoña Sanzberro Iturriria.
Iragarkiaren kodea: F1005009
