1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
40/2010 FORU AGINDUA, apirilaren 20koa, Osasun kontseilariak emana, Ignacio Yurss Arruga jauna, Nafarroako Ospitaleko zuzendari medikoa, kargutik kentzen duena, berak eskatu baitu.
Osasunbidea-Nafarroako Osasun Zerbitzuaren estatutuak onetsi zituen uztailaren 3ko 45/2006 Foru Dekretuaren 64.2 artikuluak xedatzen du zuzendari eta zuzendariordeak Osasun kontseilariak askatasunez izendatu eta kenduko dituela kargutik, Osasunbidea-Nafarroako Osasun Zerbitzuko zuzendari kudeatzaileak proposatuta.
Horrenbestez, Osasunbidea-Nafarroako Osasun Zerbitzuko zuzendari kudeatzaileak proposatuta,
AGINDU DUT:
1. Ignacio Yurss Arruga jauna, Nafarroako Ospitaleko zuzendari medikoa, kargutik kentzea, berak hala eskatu baitu, eta emandako zerbitzuak eskertzea.
2. Foru agindu hau Osasunbidea-Nafarroako Osasun Zerbitzuko zuzendari kudeatzaileari eta interesdunari jakinaraztea, behar diren ondorioak izan ditzan.
3. Foru agindu hau Nafarroako Aldizkari Ofizialean argitaratzea.
Iruñean, 2010eko apirilaren 20an.-Osasuneko kontseilaria, María Kutz Peironcely.
Iragarkiaren kodea: F1007011