2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
TUTERA
Aldaketen espedientea, Castel-Ruiz Kultur Etxearen 2009ko aurrekontuan. Behin betiko onespena
Tuterako Udalak, 2009ko uztailaren 3an egin osoko bilkuran, Castel-Ruiz Kultur Etxearen 2009ko aurrekontuko aldaketen espedientea onetsi zuen, 12.194,23 eurokoa, guztira.
Nafarroako Toki Ogasunei buruzko martxoaren 10eko 2/1995 Foru Legeko 214.2 artikuluaren arabera, delako espedientea aurrekontuak bezala tramitatu eta onetsi behar da, informazioari, erreklamazioari eta publizitateari buruzko tramite eta beharkizunei dagokienez. Aipatu lege beraren 202. artikuluan xedatutakoari jarraituz, 2009ko uztailaren 17ko Nafarroako Aldizkari Ofizialean argitaratu zen Udalak 2009ko uztailaren 3an egin osoko bilkuran hasiera batean onetsitako espedientearen iragarkia.
Jendaurreko epean inork alegaziorik aurkeztu ez duenez, espedientea behin betikoz onetsirik dago eta, 202.3 artikuluari jarraituz, aipatu gaikuntzen iragarkia argitaratzen da, kapituluka laburturik:
Gastu goitituak:
A) Eragiketa arruntak:
2.-Ondasun arruntetako eta zerbitzuetako gastuak: 9.630,79 euro.
B) Kapital eragiketak.
6.-Inbertsio errealak: 2.563,44 euro.
Gastu goitituak, guztira: 12.194,23 euro.
Gastu beheitituak:
A) Eragiketa arruntak:
1.-Langileen ordainsariak: 6.630,79 euro.
42.-Ondasun arruntetako eta zerbitzuetako gastuak: 3.000,00 euro.
B) Kapital eragiketak.
6.-Inbertsio errealak: 2.563,44 euro.
Gastu beheitituak, guztira: 12.194,23 euro.
Laburpena:
Gastu goitituak: 12.194,23 euro.
Gastu beheitituak: 12.194,23 euro.
Argitara ematen da, orok jakin dezan, eta ohartarazten, behin betiko onespen honen kontra bide hauetako bat erabil daitekeela:
a) Administrazioarekiko auzi-errekurtsoa, zuzenean Nafarroako Justizia Auzitegi Nagusiari zuzendua, bi hilabeteko epean, iragarki hau Nafarroako Aldizkari Ofizialean argitaratu eta biharamunetik hasita.
b) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, erabaki hau Nafarroako Aldizkari Ofizialean argitaratzen denetik hasita.
Tuteran, 2009ko irailaren 4an.-Ogasuneko zinegotzi delegatua, José María Navarro Fandos.
Iragarkiaren kodea: L0922014
