I. NAFARROAKO FORU KOMUNITATEA
1.3. BESTELAKO XEDAPENAK
1.3.3. Nahitaezko desjabetzeak
703/2007 EBAZPENA, maiatzaren 30ekoa, Toki Administrazioko zuzendari nagusiak emana,"13,2 kV-ko linea eta 100 KVAko aire zabaleko eraldatze zentroa, Zangozako hondakin urak tratatzeko estaziorako (EDAR)" izeneko proiektua eta hark ukituriko ondasun eta eskubideen zerrenda jendaurrean paratzen duena.
Navarra de Infraestructuras Locales, S.A. (NILSA) enpresak, Zangozako Udalarekin finkatua duen lankidetzaz baliatuz diharduela, departamentu honi eskatu dio jendaurrera atera ditzala "13,2 kV-ko linea eta 100 KVAko aire zabaleko eraldatze zentroa, Zangozako hondakin urak tratatzeko estaziorako (EDAR)" izeneko proiektua eta hark ukitutako ondasun eta eskubideen zerrenda.
Udalaren zerbitzu publikoa denez gero, eta Nahitaezko Desjabetzeari buruzko Legearen 10. artikuluan eta Nafarroako Toki Administrazioari buruzko uztailaren 2ko 6/1990 Foru Legearen 215. artikuluko 2. idatz-zatian ezarritakoari jarraituz, tokiko obren eta zerbitzuen proiektuak onesteak berarekin dakar hartzen dituzten ondasunen onura publikoaren deklarazioa eta ondasun horiek okupatu behar izatea, nahitaezko desjabetzea egiteko.
Horrenbestez, Nahitaezko Desjabetzeari buruzko Legeko 52. artikuluan xedatutakoari jarraikiz, eta Toki Administrazioko Departamentuaren egitura organikoa ezartzen duen otsailaren 24ko 41/2005 Foru Dekretuak esleitu dizkidan eskurantzak erabiliz,
EBATZI DUT:
1. Hamabost egunez jendaurrean jartzea eta hark ukitutako ondasun eta eskubideen zerrenda, hemen ondotik ematen dena "13,2 kV-ko linea eta 100 KVAko aire zabaleko eraldatze zentroa, Zangozako hondakin urak tratatzeko estaziorako (EDAR)" proiektuak ukitutakoek egokiak iruditzen zaizkien alegazioak aurkeztu eta argitaratzen den zerrendan egindako akatsak zuzentzeko behar diren datuak, idatziz, eman ditzaten, Toki Administrazioko Departamentuan (Arrieta kalea, 12, 3.a, 31002 Iruña) eta Zangozako Udalean.
2. Ebazpen hau, ondasun eta eskubide ukituen zerrendarekin batera, Nafarroako ALDIZKARI OFIZIALean, Foru Komunitateko egunkari batean eta Zangozako udaletxeko iragarki-oholean argitaratuko da, non interesdunek eskura izanen baitituzte proiektua eta lurzatien planoak.
Iruñean, 2007ko maiatzaren 30ean._Toki Administrazioko zuzendari nagusia, Angel Serrano Azcona.
UKITUTAKO ONDASUN ETA ESKUBIDEEN ZERRENDA
SA-01 Nafarroako Foru Komunitatea 7 24 42 1 2 3 540 Altxonbidea
(Altxonbideak)
Alondegi kalea, 1.
31002 Iruña (Nafarroa)
SA-04 Sangüesina Textil, S.A. 74 259 444 1 2 3 626 Larreak
Helbide ezezaguna
Iragarkiaren kodea: F0709481
