Iragarkia

69. ALDIZKARIA - 2007ko ekainaren 4a

I. NAFARROAKO FORU KOMUNITATEA

1.3. BESTELAKO XEDAPENAK

1.3.6. Beste batzuk

173/2007 FORU AGINDUA, maiatzaren 17koa, Ekonomia eta Ogasun kontseilariak emana. Honen bidez jendaurrean jartzen da, Nafarroako ALDIZKARI OFIZIALean argitaratuz, Pertsona Fisikoen Errentaren gaineko Zergaren Erregelamendua (maiatzaren 24ko 174/1999 Foru Dekretuak onetsia) eta Alarguntza pentsioengatiko kenkariak aldez aurretik ordaintzeko prozedura arautzen duen maiatzaren 20ko 127/2003 Foru Dekretua aldatuko dituen foru dekretuaren proiektua.

Nafarroako Gobernuari eta haren lehendakariari buruzko abenduaren 3ko 14/2004 Foru Legearen 61. artikuluari jarraikiz, kontseilari eskudunak zilegi du erregelamenduzko arauen proiektuak jendaurrean paratzea, arauaren ezaugarriengatik egokia iruditzen bazaio.

Maiatzaren 11ko 165/2007 Foru Aginduaren bidez abian jarri da foru dekretu baten proiektua egiteko espedientea, Pertsona Fisikoen Errentaren gaineko Zergaren Erregelamendua, maiatzaren 24ko 174/1999 Foru Dekretuak onetsia, eta Alarguntza pentsioengatiko kenkariak aldez aurretik ordaintzeko prozedura arautzen duen maiatzaren 20ko 127/2003 Foru Dekretua aldatzeko xedearekin.

Arauen Garapen eta Fiskalitaterako Zerbitzuak egindako txostenak agerian utzi du foru dekretuaren proiektuak, bere edukiagatik, interesdun askorengan izanen duela eragina. Izan ere, foru dekretu horrek Pertsona Fisikoen Errentaren gaineko Erregelamenduaren hainbat atal aldatuko ditu: errenta salbuetsiak, balore homogeneoen kontzeptua, enpresa eta lanbide jardueren zenbait alderdi, 65 urtetik gorakoek edo mendekotasuna duten pertsonek ohiko etxebizitza eskualdatzeagatiko salbuespena, ohiko etxebizitzan inbertitzeagatiko kenkaria, gauzazko ordainsari ez diren enpresa-jantokiko zerbitzuen gastuak, eta atxikipenen gaia.

Bestalde, alarguntza pentsioengatiko kenkarian, Zergari buruzko foru legearen 67 bis artikuluak arautzen duen horretan, aldaketak gertatu direnez, beharrezkoa da Alarguntza pentsioengatiko kenkariak aldez aurretik ordaintzeko prozedura arautzen duen maiatzaren 20ko 127/2003 Foru Dekretuaren atal batzuk aldatzea, dekretu horren testua kenkariari buruzko arau berriei egokitzeko. Prozeduran ere zenbait aldaketa egin behar dira, dekretua aplikatu izan den urteetan horien beharra agerian geratu baita.

Horiek horrela, kontuan izanik foru dekretu hori zer nolako xedapena den eta zein helburu dituen, eta beren legezko eskubide eta interesetan ukituak izan daitezkeen herritarrei entzun ahal izateko, komenigarri eta egokitzat jotzen da Nafarroako ALDIZKARI OFIZIALean argitaratzea, ahalik eta interesdun gehienek haren berri izan dezaten.

Horrenbestez,

AGINDU DUT:

Lehenbizikoa._Pertsona Fisikoen Errentaren gaineko Zergaren Erregelamendua (maiatzaren 24ko 174/1999 Foru Dekretuak onetsia) eta Alarguntza pentsioengatiko kenkariak aldez aurretik ordaintzeko prozedura arautzen duen maiatzaren 20ko 127/2003 Foru Dekretua aldatuko dituen foru dekretuaren proiektua Nafarroako ALDIZKARI OFIZIALean argitara dadila agintzea. Horren testua foru agindu honen eranskinean dago.

Bigarrena._Hilabeteko epea ematea, foru dekretuaren proiektua Nafarroako ALDIZKARI OFIZIALean argitaratu eta biharamunetik hasita, beren legezko eskubide eta interesetan ukiturik dauden herritarrek bidezkotzat jotzen dituzten alegazioak aurkez ditzaten Ekonomia eta Ogasun Departamentuan.

Iruñean, 2007ko maiatzaren 17an._Ekonomia eta Ogasun kontseilaria, Francisco J. Iribarren Fentanes.

ERANSKINA

FORU DEKRETUAREN PROIEKTUA, Pertsona Fisikoen Errentaren gaineko Zergaren Erregelamendua (maiatzaren 24ko 174/1999 Foru Dekretuak onetsia) eta Alarguntza pentsioengatiko kenkariak aldez aurretik ordaintzeko prozedura arautzen duen maiatzaren 20ko 127/2003 Foru Dekretua aldatzen dituena.

ZIOEN AZALPENA

Bai abenduaren 11ko 13/2006 Foru Legeak, Pertsona Fisikoen Errentaren gaineko Zergari buruzko abenduaren 30eko 22/1998 Foru Legea aldatzen duenak, bai abenduaren 27ko 18/2006 Foru Legeak, zenbait zerga aldatu eta beste tributu-neurri batzuk hartzeari buruzkoak, berrikuntza garrantzitsuak sartu dituzte Pertsona Fisikoen Errentaren gaineko Zergari buruzko Foru Legean.

Hala, aldaketa nabarmenak egin dira gizarte aurreikuspenaren eta aurrezkiaren tratamenduan. Beren egoera dela-eta tratamendu espezifikoa behar duten gizatalde batzuen zerga-egoera hobetu egin da, konparazio batera, ezgaitasunak dituztenen, beren buruaz baliatzen ez direnen, hirugarren adinekoen, familia larrien eta besteren konturako langileen zerga-egoera hobetu da.

Halaber, alarguntza pentsioa duten pertsonentzako kenkaria hobetu egin da. Kenkari hori lanbide arteko gutxieneko soldataren zenbatekoaren araberakoa izanen da, eta ez ondorio anitzetarako errenta-adierazle publikoaren (IPREM) araberakoa, eta figura berri batzuk gehitu dira, adibidez, aurrezpen sistematikorako banakako plana, enpresen gizarte aurreikuspeneko planak eta mendekotasuna duten pertsonentzako aseguru pribatuak.

Aurrezkiaren erregulazio fiskalari dagokionez, funtsezko aldaketa gertatu da, aurrezkiaren tributu araubidea homogeneizatu egin baita, "produktu" finantzario guztien finantza eta zerga tratamendua pixkanaka berdintzeko.

Pertsona Fisikoen Errentaren gaineko Zergari buruzko Foru Legean egindako aldaketa eta berrikuntza horien ondorioz hainbat aldaketa egin behar dira Pertsona Fisikoen Errentaren gaineko Zergaren Erregelamenduan.

Bestalde, alarguntza pentsioa jasotzen dutenentzako kenkarian, Zergari buruzko foru legearen 67 bis artikuluak arautzen duen horretan, aldaketak gertatu direnez, beharrezkoa da Alarguntza pentsioengatiko kenkariak aldez aurretik ordaintzeko prozedura arautzen duen maiatzaren 20ko 127/2003 Foru Dekretuaren atal batzuk aldatzea, dekretu horren testua kenkariari buruzko arau berriei egokitzeko.

Foru dekretu hau bi artikuluz, xedapen indargabetzaile batez eta azken xedapen batez osatuta dago.

Lehen artikuluak aldaketak egiten ditu Pertsona Fisikoen Errentaren gaineko Zergaren Erregelamenduko hainbat artikulutan.

Errenta salbuetsien arloan, Zergari buruzko foru legearen 7. artikuluan emandako gaitasuna erabiliz, aldaketa hauek egiten dira:

1. Kaleratzen dituzten edo lanpostua uzten duten langileentzako kalte-ordainen salbuespenari dagokionez, arauen aldaketaren xedea hauxe da: Espainiako bigarren mailako balore-merkatu ofizialetan negoziatutako baloreen aipamena egin ordez "2004/39/EE Zuzentarauan definitutako balore-merkatu arautuetakoren batean negoziatzeko onartutako baloreen" aipamena egitea, erregelamenduzko araua Zergari buruzko foru legeari egokitzeko xedearekin, horren azken aldaketaren ondoren.

2. Ikasteko bekengatiko salbuespena dela eta, erregelamenduzko arauak zenbait alderdi zehatz argitu nahi ditu, adibidez, zein baldintza bete behar diren onura publikoko elkarteek edo uztailaren 2ko 10/1996 Foru Legea aplikatu behar zaien fundazioek bekak ematen dituztenean.

3. Zergari buruzko foru legearen 7. artikuluko l) letrak Erregelamenduari gaitasuna ematen dio goi mailako kirolarientzako laguntza ekonomikoek bete behar dituzten baldintzak ezar ditzan. Erregelamenduan egiten den aldaketa urteko muga 60.100 eurora igotzea da.

4. Atzerrian egindako lanengatik lortzen diren etekinen salbuespenari dagokionez, argitu egiten da, beste gauza batzuen artean, lanen hartzaile den entitateak langilea enplegatzen duen entitatearekin edo langilearen zerbitzuak jasotzen dituen beste batekin loturarik baldin badu ulertu behar dela lanak entitate ez-egoiliarrarentzat egin direla, baldin eta, Sozietateen gaineko Zergari buruzko abenduaren 30eko 24/1996 Foru Legearen 29. artikuluan aurreikusitakoarekin bat, entitate ez-egoiliarrari "talde barneko" zerbitzua eman zaiola pentsatu badaiteke, zerbitzu horrek entitate hartzaileari onura dakarkiolako edo ekartzen ahal diolako.

Balore homogeneoen kontzeptua, praktikan, ez da aldatzen. Indarra duen Erregelamenduaren 7. artikuluak, balore edo partaidetza homogeneoen kontzeptua zehazte aldera, Baloreen jaulkipenei eta salmenta-eskaintza publikoei buruzko martxoaren 27ko 291/1992 Errege Dekretuaren 4. artikulura bidaltzen du. Errege dekretu hori 2005eko azaroaren 17an indargabetu zen, azaroaren 4ko 1310/2005 Errege Dekretuak indarra hartu zuenean. Azken horrek Baloreen merkatuari buruzko uztailaren 28ko 24/1988 Legea garatzen du, baloreak bigarren mailako merkatu ofizialetan negoziatzeko onartzeari buruzko zatian. Azken errege dekretu horretan ez da azaltzen zer diren balore homogeneoak, eta, hori horrela, Pertsona Fisikoen Errentaren gaineko Zergaren Erregelamenduaren 7. artikuluak martxoaren 27ko 291/1992 Errege Dekretuaren 4. artikuluko 2. eta 4. idatz-zatietan ezarritako ezaugarrien arabera arautzen du kontzeptua.

Enpresa eta lanbide jarduerez den bezainbatean, erregelamenduzko araua Zergari buruzko foru legeari egokitzen zaio, horrek "iruzur aurkako" arauak erantsi baititu diru sarrerak zenbatzeko orduan, jarduera bat zenbatespen objektiboaren araubidean sartzeari dagokionez. Hala, errenta-egozpenaren araubidea duten entitateentzat, zenbatespen objektiboaren araubidea aplikatzeko mugatzat hartu behar diren diru sarrerak kalkulatzerakoan, kontuan hartu behar dira, entitateak berak egindako enpresa jardueretako eragiketez gain, baita haren bazkide, oinordeko, erkide edo partaideek, horien ezkontide, ondorengo eta aurrekoek, eta horietako edozeinen partaidetzakoak diren errenta-egozpenaren araubideko beste entitate batzuek egindakoak ere, baldin eta enpresa jarduerak berdinak edo antzekoak badira, jarduera horiek guztiek helbide komuna badute eta langileak edo materialak partekatzen badituzte.

Mendekotasuna dutenek edo 65 urtetik gorakoek ohiko etxebizitza eskualdatzeagatiko salbuespena dela eta, ohiko etxebizitzatzat jotzen da saltzerakoan halakoa dena ?edo eskualdatze egunaren aurreko bi urteetako edozein egunetara arte halakoa izan dena. Beraz, bi urteko epean subjektu pasiboak zilegi izanen du ohiko etxebizitzan egiaz ez bizitzea eta, hala ere, salbuespen honen ondorioetarako haren ohiko etxebizitzatzat joko da. Azken batean salbuespena malgutu egin nahi da, alegia, epe luzeagoa eman nahi da etxebizitza saldu ahal izateko salbuespena galdu gabe.

Ohiko etxebizitzan inbertitzeagatiko salbuespenari dagokionez, Zergari buruzko foru legean lehendik ezarrita dagoen moduan, ezkontza deuseztatu, ezkontideak dibortziatu edo epaileak banantzen dituenean, kenketa egin daiteke ezkontza indarrean zegoela ezkontideek zergaldian beren ohiko etxebizitza erosteko ordaindu zituzten kopuruengatik. Horrez gain, berariaz onartzen da ezkontide ohiek kenketa egin dezaketela ohiko etxebizitza berria erosteko ordaindutako kopuruengatik, baldin eta tributu arloko araudian horretarako eskatzen diren baldintzak betetzen badituzte.

Gauzazko ordainsari ez diren enpresa-jantokiko zerbitzuengatiko gastuei dagokienez, 9 eurora igotzen da eguneko zenbateko salbuetsia, zerbitzua emateko zeharkako formulak erabiltzen direnean. Gainera, zenbait berrikuntza eransten dira, besteak bete txartel elektronikoen erabilera, eta zehaztu egiten da egun batean kontsumitu gabeko zenbatekoa ezin zaiola beste egun bateko zenbatekoari gehitu.

Informazioa emateko betebehar berriak ezartzen zaizkie mendekotasun aseguruak, enpresen gizarte aurreikuspeneko planak eta aurrezpen sistematikorako banakako planak merkaturatzen dituzten aseguru entitateei, baita ondare babestuen titular diren subjektu pasiboei ere.

Atxikipenetan berrikuntza garrantzitsuak egiten dira. Azpimarratzekoak dira hurrengoak:

a) Salgaien errepideko garraioaren (722 multzoko enpresa jarduerak) eta etxe-aldaketa zerbitzuaren (757 multzoko enpresa jarduerak) ordainetan lortzen diren etekinen %1 atxikiko da, jarduera horien etekin garbia zenbatespen objektiboaren araubidean zehazten baldin bada.

Atxikipena ez da bidezkoa izanen enpresa jarduera egiten duen subjektu pasiboak ordaintzaileari jakinarazten badio berak zuzeneko zenbatespenaren araubidean, bi modalitateetako edozeinetan, kalkulatzen duela jarduera horren etekin garbia.

b) Lanaren etekinak atxikitzeko portzentajeen taula berriak eransten dira, Zenbait zerga aldatu eta beste tributu-neurri batzuk hartzeari buruzko abenduaren 27ko 18/2006 Foru Legeak egindako arauketaren ildotik.

c) Ondare sozietateen araubide berezia desagertu denez, aldatu egiten da Erregelamenduko hirugarren xedapen iragankorra, berariaz adierazteko ez dagoela Pertsona Fisikoen Errentaren gaineko Zergaren konturako diru sarrerarik edo atxikipenik egin beharrik dibidenduengatik edo mozkinetako partaidetzengatik, horiek sortu diren zergaldietan entitate banatzaileak aplikagarria izan badu ondare sozietateen araubidea, Sozietateen gaineko Zergari buruzko abenduaren 30eko 24/1996 Foru Legearen hogeita seigarren xedapen iragankorrean ezarritakoarekin bat.

Alarguntza pentsioengatiko kenkariak aldez aurretik ordaintzeko prozedura arautzen duen maiatzaren 20ko 127/2003 Foru Dekretuaren aldaketak foru dekretu honen 2. artikuluan daude. Aldaketa horien helburua da 127/2003 Foru Dekretua indarra duen araudira egokitzea, bai Pertsona Fisikoen Errentaren gaineko Zergari buruzko Foru Legearen 67 bis artikuluan aurreikusitako kenkariaren zenbatekoari dagokionez, bai hura aplikatu izan den urteetan metatutako esperientziaren argitan beharrezkotzat jotzen diren prozedura aldaketa batzuk egiteko.

Xedapen indargabetzaileak indarrik gabe uzten ditu Pertsona Fisikoen Errentaren gaineko Zergaren Erregelamenduko zenbait manu, ez datozelako bat Zergari buruzko foru legean dauden arau berriekin.

Azken xedapenean foru dekretu honek indarra nola hartuko duen arautzen da.

Horiek horrela, Ekonomia eta Ogasun kontseilariak proposaturik, eta Nafarroako Gobernuak .........ko ...............aren ....(e)ko bilkuran hartutako erabakiarekin bat,

DEKRETATU DUT:

Artikulu bakarra._Pertsona Fisikoen Errentaren gaineko Zerga onesten duen maiatzaren 24ko 174/1999 Foru Dekretua aldatzea.

Pertsona Fisikoen Errentaren gaineko Zergaren Erregelamendua onesten duen maiatzaren 24ko 174/1999 Foru Dekretuko manuen artetik ondoren aipatzen direnak aldatu eta honelaxe geldituko dira:

Bat._1. artikuluko 1. idatz-zatia.

"1. Zergari buruzko foru legearen 7. artikuluaren c) letran aurreikusiriko salbuespena ez da aplikatuko langilea kaleratu edo lana utzi eta ondoko hiru urteen barrenean langilea berriz hasten bada lanean enpresa horretan edo horrekin lotutako beste batean, Sozietateen gaineko Zergari buruzko abenduaren 30eko 24/1996 Foru Legearen 28. artikuluan aurreikusiriko moduan, betiere, enpresen arteko lotura hori bazkide-sozietate harremanean oinarritzen den kasuan, partaidetza %25ekoa edo handiagoa bada, edo %5ekoa edo handiagoa, Europako Parlamentuak eta Kontseiluak 2004ko apirilaren 21ean emandako 2004/39/EE Zuzentarauak, finantza tresnen merkatuei buruzkoak, definitzen dituen balore-merkatu arautuetakoren batean negoziatzeko onartutako baloreak baldin badira."

Bi._2. artikuluko 2. idatz-zatiko 5. puntua.

"5. Eskaera saria eman aurretik egin beharko da edo, arestiko zenbakiko b) letraren kasuan, eskuratu den ekitaldian aitorpena egiteko erregelamenduzko epea hasi aurretik.

Deklarazioak hurrengo deialdietarako ere balioko du, beti ere espedientea eragin zuenaren nondik norakoak aldatzen ez badira.

Ondoko deialdiren batean deklarazioaren nondik norakoak aldatzen badira, edo salbuespena aplikatzeko baldintzaren bat betetzen ez bada, 2. idatz-zati honetako 4. zenbakiko lehen paragrafoan aipatutako Tributu Administrazioko organo berak adieraziko du salbuespenaren aplikaziorako eskubidea galdu dela aldaketa edo ez-betetze hori gertatu denetik.

Prozedura ebazteko gehieneko epea sei hilabetekoa izanen da. Epe hori organo eskudunak espresuki ebazpenik eman gabe iraganik, ezetsi egin dela ulertuko da."

Hiru._2 bis artikulua, berria. Ikasketa-bekak salbuestea.

"2 bis artikulua. Ikasketa-bekak salbuestea.

Onura publikoko elkarteek edo uztailaren 2ko 10/1996 Foru Legea aplikatzen ahal zaien fundazioek emandako ikasketa-beken kasuan, Zergari buruzko foru legearen 7.h) artikuluan ezarritako baldintzak betetzat emanen dira:

a) Hartzaileak pertsona talde generikoak badira eta ezin bazaie inolako mugarik jarri, egin beharreko ikasketekin eta taldearen estatutuetan ezarritako xede edo helburua betetzeko jarduerekin zerikusirik ez duten arrazoiengatik.

b) Deialdiaren iragarkia argitara ematen bada Nafarroako ALDIZKARI OFIZIALean edo Estatukoan eta, horrez gain, nazio mailako egunkari batean edo elkarte nahiz fundazioaren web orrian.

c) Adjudikazioa norgehiagokaren bidez egiten bada."

Lau._3. artikulua. Goi mailako kirolariei ematen zaizkien dirulaguntzak salbuestea.

"3. artikulua. Goi mailako kirolariei ematen zaizkien dirulaguntzak salbuestea.

Zergari buruzko foru legearen 7. artikuluaren l) letran aurreikusitakoaren ondorioetarako, salbuetsirik egonen dira, urtean 60.100 euroko gehieneko mugarekin, kirol prestakuntza eta teknifikaziorako dirulaguntzak, baldintza hauek betetzen badituzte:

a) Onuradunek aitorturik izatea goi mailako kirolarien izaera, Goi mailako kirolariei buruzko irailaren 19ko 1467/1997 Errege Dekretuan aurreikusitakoari jarraikiz, edo Nafarroako Kirol eta Gazteriaren Institutuak halakotzat hartzea.

b) Honakoen finantzaketa, zuzena edo zeharkakoa, izatea: Foru Komunitateko Administrazioarena, Kirolaren Kontseilu Nagusiarena, Kirol Olinpikoen Elkartearena, Espainiako Batzorde Olinpikoarena, Espainiako Batzorde Paraolinpikoarena, kirol federazioena, edo Fundazioen eta babes jardueren zerga araubidea erregulatzen duen uztailaren 2ko 10/1996 Foru Legeak hartzen dituen fundazioena."

Bost._5. artikuluko 1. eta 2. idatz-zatiak.

"1._Zergatik salbuetsirik egonen dira, Zergari buruzko foru legearen 7. artikuluko n) letran aurreikusitakoarekin bat, atzerrian egiaz egindako lanen etekinak, baldintza hauek betetzen direnean:

1. Lan horiek Espainian egoitzarik ez duen enpresa edo entitate batendako edo atzerrian finkatutako establezimendu iraunkor batendako egitea. Bereziki, lanen hartzaile den entitateak loturarik badu langilea enplegatzen duen entitatearekin edo haren zerbitzuak jasotzen dituenarekin, ulertuko da lanak entitate ez-egoiliarrentzat egin direla, baldin eta, Sozietateen gaineko Zergari buruzko abenduaren 30eko 24/1996 Foru Legearen 29. artikuluan ezarritakoaren arabera, entitate ez-egoiliarrari "talde barneko" zerbitzua egin zaiola onartzen ahal bada, zerbitzu horrek abantaila dakarkiolako edo ekartzen ahal diolako aipatu entitate hartzaileari.

2. Lanak egiten direneko lurraldean zerga hau bezalako edo antzeko beste zerga bat aplikatzea eta zerga paradisutzat jotzen den herrialde edo lurralde bat ez izatea. Baldintza hau betetzat emanen da lanak egiten direneko herrialde edo lurraldeak Espainiarekin hitzarmena badu nazioarteko zergapetze bikoitza saihesteko eta hitzarmen horrek informazioa trukatzeko klausularik badu.

2._Salbuespena, gehienez ere, 61.000 eurokoa izanen da urtean. Atzerrian egindako lanei dagokien ordainsaria kalkulatzeko, kontuan hartuko dira langileak atzerrian egin dituen egunak eta atzerrian egindako lanari dagozkion ordainsari berariazkoak.

Atzerrian egindako lanek egunean zenbateko etekinak sortu dituzten kalkulatzeko, lan horiei dagozkien ordainsari berariazkoak gorabehera, proportzionaltasunezko banaketa irizpidea erabiliko da, urteko egunen kopurua kontuan hartuta."

Sei._7. artikulua. Balore edo partaidetza homogeneoen kontzeptua.

"7. artikulua. Balore edo partaidetza homogeneoen kontzeptua.

Balore edo partaidetzek baldintza hauek bete behar dituzte jaulkitzaile berarengandik datozen balore edo partaidetza homogeneotzat hartu ahal daitezen: finantza eragiketa berekoak izatea, edo xede bera izatea, informazioaren bilketa sistematikoa barne, eta izaera eta transmisio-araubidea ere berberak izatea, eta gainera beren titularrei, funtsean, antzeko eskubide eta betebeharrak egoztea.

Balore multzo baten homogeneotasunean beste inguruabar hauek, aldiz, ez dute eraginik izanen: baloreen zenbateko unitarioen arteko aldeak; zirkulazioan jartzeko, emateko edo prezioak finkatzeko egunak; kokatzeko prozedurak, inbertsiogile kategoria jakinentzako tarte edo blokeak barne; edo bigarren mailako beste edozein inguruabar. Bereziki, jaulkipena segidako tarteetan zatitzeak eta gehikuntzak aurreikusteak ez dute eraginik izanen homogeneotasunean."

Zazpi._8. artikuluko A).2 ataleko b) letra.

"b) Bestelakoetan, ondoko kopurua izanen da: 0,29 euro zenbatuko da egindako kilometro bakoitzeko, baldin eta joan-etorria egin dela frogatzen bada, eta horrez gainera bidesari eta aparkalekuaren gastuak ere gehituko dira, frogatuz gero."

Zortzi._8. artikuluko B).1 ataleko a) letra.

"a) Lokomozio gastuengatik:

Garraiobide publikoak erabiltzen direnean, fakturaren edo balio bereko agiriaren bidez frogatzen den gastuaren zenbatekoa.

Bestelakoetan, ondoko kopurua izanen da: 0,29 euro zenbatuko da egindako kilometro bakoitzeko, baldin eta joan-etorria egin dela frogatzen bada, eta horrez gainera bidesari eta aparkalekuaren gastuak ere gehituko dira, frogatuz gero."

Bederatzi._9. artikulua. Gastu kengarriak lanbide elkargoei ordaindutako kuotengatik.

"9. artikulua. Gastu kengarriak lanbide elkargoei ordaindutako kuotengatik.

Lan etekin garbia zehazteko, gastu kengarriak izanen dira lanbide elkargoei ordaindutako kuotak, lan egiteko elkargoko kide izatea ezinbestekoa denean, entitate horien funtsezko xedeei dagozkien heinean, gehienez ere 500 euro urtean."

Hamar._12. artikuluko e) letrako a') azpiletra.

"a') Zorduna konkurtsoan dagoenean."

Hamaika._17. artikuluko 1. puntua.

"1. Prestazioak jasotzeko arrazoia eragin dezaketen inguruabarrak Pentsio Plan eta Funtsak arautzen dituen Legearen Testu Bateginak, azaroaren 29ko 1/2002 Legegintzako Errege Dekretuaren bidez onetsiak, 8.6 artikuluan aurreikusitakoak izanen dira, aipatutakoentzat ezarritako eran."

Hamabi._20. artikulua. Higigarrien kapitalaren etekinak, denboran era irregular nabarmenean lortutakoak eta zatika jasotakoak.

"20. artikulua. Higigarrien kapitalaren etekinak, denboran era irregular nabarmenean lortutakoak eta zatika jasotakoak.

1._Zergari buruzko foru legearen 32.2 artikuluan aurreikusiriko murrizketa aplikatzeko, denboran era irregular nabarmenean jasotako etekinak izanen dira, zergaldi bakar batean egozten direnean, higigarrien kapitalaren etekin hauek soilik:

a) Alokairu-kontratuaren eskualdaketaren edo lagapenaren bidez lortutako zenbatekoak.

b) Alokairu kasuetan, kalte edo akatsak direla eta errentari edo berrerrentariarengandik jasotako kalte-ordainak.

c) Erabili edo gozatzeko eskubideak, biziartekoak, eratu edo lagatzetik lortutako zenbatekoak.

2._Higigarrien kapitalaren etekinak, bi urtetik gorako sortze epea dutenak, zatika jasotzen direnean, Zergari buruzko foru legearen 32.2 artikuluaren bigarren lerroaldean aurreikusitako %40ko murrizketa aplikatuko da, soilik, sortze epeari dagozkion urteek, datatik datara kontaturik, egiten duten kopuruaren eta zatiketaren zergaldien kopuruaren arteko zatidura bitik gorakoa baldin bada."

Hamahiru._38. artikuluko 3. idatz-zatia.

3._Zenbatespen objektiboko araubidea aplikatuko da bazkide, oinordeko, erkide edo partaideen banakako inguruabarrak zeinahi direla ere.

Diru sarreren zenbatekoa kalkulatzerakoan, ordea, kontuan hartu behar dira, entitateak berak egozpenaren araubidean egindako enpresa jardueretako eragiketez gain, baita haren bazkide, oinordeko, erkide edo partaideek, horien ezkontide, ondorengo eta aurrekoek, eta horietako edozeinen partaidetzakoak diren errenta-egozpenaren araubideko beste entitate batzuek egindakoak ere, baldin eta horietan guztietan inguruabar hauek gertatzen badira:

_Enpresa jarduera berdinak edo berdintsuak egitea. Berdintzat edo berdintsutzat joko dira Jarduera Ekonomikoen gaineko Zergaren ondorioetarako multzo berean sailkaturik daudenak.

_Jarduera horiek guztiek helbide komuna izatea eta langileak edo materialak partekatzea."

Hamalau._40. artikuluaren izenburuaren aldaketa.

"40. artikulua. Salbuespena, ohiko etxebizitza eskualdatzean."

Hamabost._40. artikuluko 6. idatz-zatia.

"6. Etxebizitza ohikotzat kalifikatzeko, erregelamendu honen 51. artikuluan xedatutakoari jarraituko zaio. Halaber, salbuespen hau izan dezakete, baita Zergari buruzko foru legearen 39.5.b) artikuluan aurreikusitako salbuespena ere, ohikoa ez den etxebizitza eskualdatzen duten subjektu pasiboek, eskualdaketaren aurreko bi urteen barnean ohikoa izan bada."

Hamasei._46. artikuluko 2. idatz-zatia.

"2. Zerbitzua zeharkako formulen bidez ematen denean, aurreko idatz-zatian eskatzen diren baldintzez gain beste hauek ere bete beharko dira:

1. Zeharkako formulen zenbatekoa ez da 9 eurotik gorakoa izanen egunean. Eguneko zenbatekoa handiagoa izanez gero, gauzazko ordainsaria eman beharko da soberakinaren ordainez. Zenbateko hori Ekonomia eta Ogasun kontseilariak aldatu ahal izanen du formula horien bilakaera ekonomikoa eta eduki soziala kontuan harturik.

2. Zerbitzua emateko enplegatuari edo langileari jatordu-bonoak edo antzeko agiriak, ordaintzeko txartelak edo ordaintzeko bestelako bitarte elektronikoak ematen bazaizkio, honakoa bete beharko da:

a) Zenbakituta eta dagokionaren izenean luzatuta egonen dira, eta enpresa jaulkitzailea zein den agertuko da. Gainera, paperezko euskarrian ematen badira, zenbateko nominala ere agertuko da.

b) Ezin izanen dira eskualdatu eta egun batean kontsumitzen ez den zenbatekoa ezin izanen zaio beste egun batekoari gehitu.

c) Ezin izanen da haien zenbatekoa jaso ez enpresarengandik ez hirugarrenengandik.

d) Ostalaritzako establezimenduetan baizik ez dira erabiliko.

e) Ematen dituen enpresak enplegatu edo langile bakoitzari emandakoen zerrenda egin eta gorde beharko du, bertan honakoak adierazirik:

_Jatordu-bonoak edo antzeko agiriak badira, agiriaren zenbakia, eman den eguna eta zenbateko nominala.

_Txartelak edo ordaintzeko bestelako bitarteko elektronikoak badira, agiriaren zenbakia eta egun bakoitzean emandako zenbatekoa."

Hamazazpi._48. artikulua. Gizarte aurreikuspeneko mutualitateen eskubide kontsolidatuen erabilerak.

"48. artikulua. Gizarte aurreikuspeneko mutualitateen eskubide kontsolidatuen erabilerak.

Zergari buruzko foru legearen 55.1.2.b) artikuluan aurreikusitakoaren ondorioetarako honakoa hartuko da kontuan:

1. Pentsio Plan eta Funtsak arautzen dituen Legearen Testu Bateginak, azaroaren 29ko 1/2002 Legegintzako Errege Dekretuaren bidez onetsiak, 8.8 artikuluan aurreikusitakoez beste kasuetan, eskubide kontsolidatuen erabilerak lan etekintzat hartuko dira. Prestazioak kapital gisa jasotzen badira eta lehenbiziko ekarpenetik bi urte iragan direnean, Zergari buruzko foru legearen 17.2 artikuluak aipatzen dituen murrizketak egiteko, %40ko portzentajea aplikatuko zaie.

2. Jasotako zenbatekoak erabilera aurreratua egiten den zergaldiari dagokion aitorpenean sartuko dira."

Hemezortzi._49. artikulua. Gizarte aurreikuspeneko sistemetarako ekarpen eta kontribuzioen soberakinak.

"49. artikulua. Gizarte aurreikuspeneko sistemetarako ekarpen eta kontribuzioen soberakinak.

Zergari buruzko foru legearen 55.1.8 artikuluan eta hamaseigarren xedapen gehigarrian aipatzen diren soberakinengatik murrizketak egin ahal izanen dira zerga oinarrian hurrengo bost zergaldietan, erregela hauen arabera:

1. Murrizketaren zenbatekoa, hurrengo zergaldietako bakoitzean, izan daitekeen handiena izanen da, Zergari buruzko foru legearen 55.1.7 artikuluan eta hamaseigarren xedapen gehigarrian ezarritako mugak gainditu gabe.

2. Zergaldian egindako ekarpenekin pilatzen badira, lehenbizi aurreko urteetako soberakinei dagozkien murrizketak aplikatuko dira."

Hemeretzi._49 bis artikuluko 1. idatz-zatiko a) letra.

"a) 52. artikuluko 1. idatz-zatian ageri diren talde inbertsioko erakundeetan, eskualdatu edo itzuli aurretik erakundeak Talde inbertsioko erakundeei buruzko 35/2003 Legearen Erregelamenduan (azaroaren 4ko 1309/2005 Errege Dekretuak onetsia) xedatutakoarekin bat etorriz Balore Merkatuen Batzorde Nazionalari bidalitako azken hiruhilekoko txostenean ageri den akziodun kopurua."

Hogei._52. artikuluko 3. idatz-zatiko lehen paragrafoa.

"3. Konkurtsoan egotearen ondorioz sustatzaileak eraikitze lanak amaitzen ez baditu artikulu honen 1. idatz-zatiak aipatzen duen lau urteko epea iragan baino lehen edo etxebizitzak epe horretan ezin baditu entregatu, epea beste lau urtetarako luzatuko da."

Hogeita bat._52. artikuluko 5. idatz-zatia.

"5. Ohiko etxebizitza erostean edo zaharberritzean kapital gisako dirulaguntzak jasotzen direnean, horien zenbatekoa ondare gehikuntzatzat hartuko da, eta aurrezkiaren zerga oinarri berezian sartuko da, inolaz ere ekarri gabe kenkariaren oinarria murriztea.

Etxebizitzaren erosketa edo zaharberritzea finantzatzen duen maileguaren interes tasak hobaritu edo subsidiatzen dituzten dirulaguntzen kasuan, horien zenbatekoak kenkariaren oinarria jaitsiko du, baina ez da errenta zergagarria izanen."

Hogeita bi._52. artikuluari 7. idatz-zati berria gehitzea.

"7. Zergari buruzko foru legearen 62.1.a) artikuluan aipatutako kasuetan, hau da, ezkontza deuseztatu, ezkontideak dibortziatu edo epaileak banantzen dituenean, ezkontza desegin arte ezkontideen ohiko etxebizitza izan zena erosteko ordaindutako kopuruengatik ez ezik, subjektu pasiboak murrizketa egin ahalko du bere ohiko etxebizitza berria erosteko zergaldian ordaindu dituen kopuruengatik ere. Horretarako, guztira 9.015 euroko muga izanen du urtean."

Hogeita hiru._54. artikulua. Enpresa eta lanbide jardueretako kenkarien mugak.

"54. artikulua. Enpresa eta lanbide jardueretako kenkarien mugak.

Enpresak sustatzeko sozietateen funts propioetarako edo arrisku-kapitaleko entitateen kapital zein funts propioetarako egindako ekarpenen kenkarien mugak, bai eta Zergari buruzko foru legearen 64. artikuluaren 2. idatz-zatiak aipatzen dituen lanbide eta enpresa jardueretako kenkarien mugak ere, foru lege horren 62. artikuluko kenkariak kuota osoari kenduta ateratzen den kuota likidoaren gainean aplikatuko dira, artikulu bereko 3. eta 8. idatz-zatietan ezarritakoa salbu."

Hogeita lau._57 bis artikulua. Alarguntza-pentsioen ondoriozko kenkaria.

"57 bis artikulua. Alarguntza_ pentsioen ondoriozko kenkaria.

1._Kasuan kasuko kuota diferentziala finkatu ondoren, alargun-pentsioa jasotzen duten subjektu pasiboek, Gizarte Segurantzari buruzko Lege Orokorraren testu bategina onetsi zuen ekainaren 20ko Legegintzako 1/1994 Errege Dekretuaren 50. artikuluan aipatutako osagarriak jasotzeko eskubidea badute, kenkari gehigarria egiten ahalko dute, kasuan kasuko pentsio motarentzat finkatutako gutxieneko zenbatekoaren eta lanbide arteko gutxieneko soldataren arteko diferentzia adinakoa, kasu bietan urteko kopuruak kontuan harturik, Zergari buruzko foru legearen 67 bis artikuluan ezarritako moduan eta baldintzetan.

2._Gizarte Segurantzatik kasuan kasuko pentsio motarentzat finkatutako gutxienekoa baino gehiagoko alarguntza-pentsioak eta lanbide arteko gutxieneko soldata baino gutxiagokoak jasotzen dituzten subjektu pasiboek zilegi dute kenkari gehigarria egitea, jasotako pentsioaren zenbatekoaren eta lanbide arteko gutxieneko soldataren arteko diferentzia adinakoa, kasu bietan urteko kopuruak kontuan harturik, Zergari buruzko foru legearen 67 bis artikuluan ezarritako moduan eta baldintzetan.

3._Aurreko idatz-zatietan ezarritako kenkari gehigarri hori ezin aplikatu izanen da Gizarte Ongizate, Kirol eta Gazteria Departamentuak hura aurrerakin gisa ordaintzeko baimena eman badu, Alarguntza pentsioengatiko kenkariak aldez aurretik ordaintzeko prozedura arautzen duen maiatzaren 20ko 127/2003 Foru Dekretuan ezarritako prozedurari lotuz.

4._Aplikatuko den kenkariaren zenbatekoa ez badator bat aurreratu den kopuruarekin, subjektu pasiboek beren egoera erregularizatu behar dute zerga honen autolikidazioko kuota diferentzialean; horretarako, aurreratutako kopurua jaso dutenetik sortu diren berandutza interesak sartu behar dituzte, kopurua behar ez zela jaso bada edo behar baino handiagoa izan bada. Zerga honen autolikidaziorik egiten ez duten subjektu pasiboek Alarguntza pentsioengatiko kenkariak aldez aurretik ordaintzeko prozedura arautzen duen maiatzaren 20ko 127/2003 Foru Dekretuaren 10. artikuluan ezarritakoari lotuz erregularizatu behar dute beren egoera eta itzuli behar dute dirua."

Hogeita bost._58. artikuluko 3. idatz-zatia.

"3._Kasu horietan, kausatzailearen ondorengoak edo subjektu pasiboak errenta horiei dagokien zerga zorraren zati bat zatika ordaintzea eskatu ahal izanen du, berandutza interesik sortu gabe. Zati hori kalkulatzeko, Zergari buruzko foru legearen 59.2 artikuluan aurreikusiriko tasa aplikatuko zaio zerga oinarri orokorrean sartutako errentari, eta 60. artikuluan aurreikusitako tasa aplikatuko zaio aurrezkiaren zerga oinarri berezian sartutakoari."

Hogeita sei._62. artikuluko 3. idatz-zatia.

"3._Talde inbertsioko erakundeak kudeatzen dituzten sozietateek, sozietate kudeatzailerik izendatu ez duten inbertsio sozietateek, helbidea atzerrian duten talde inbertsioko erakundeen entitate merkaturatzaileek eta zerbitzuak aske emateko araubidean Espainian diharduten sozietate kudeatzaileen ordezkariek, hurrengo urteko urtarrilean, bazkide edo partaideek egindako akzio_ edo partaidetza-besterentzeen berri emateko aitorpena aurkeztu beharko dute, eta bertan honako datu hauek agertuko dira:

a) Bazkide edo partaidearen izen-deiturak eta identifikazio fiskaleko zenbakia.

b) Akzio edo partaidetzen eskuratze balioa eta besterentze balioa.

c) Akzioak edo partaidetzak bazkide edo partaidearen esku egondako denbora.

Betebehar hori betetzat joko da erregelamendu honetako 90. kapituluko 2. idatz-zatian adierazitako urteko laburpena aurkeztuz gero, baldin eta horretan aurreko letrek aipatutako informazioa ematen bada."

Hogeita zazpi._62. artikuluko 5. idatz-zatia.

"5. Zergari buruzko foru legearen 55. artikuluko 1. idatz-zatiko 3. eta 4. puntuetan aipatutako aurreikuspen plan aseguratuak eta mendekotasun aseguruak merkaturatzen dituzten aseguru entitateek informazioa emateko aitorpena aurkeztu behar dute hurrengo urteko urtarrilean; bertan datu hauek eman behar dituzte:

a) Hartzaile bakoitzaren izen-deiturak eta identifikazio fiskaleko zenbakia.

b) Hartzaileek ordaindutako primen zenbatekoa."

Hogeita zortzi._62. artikuluko 6. idatz-zatia.

"6. Indarreko arautegiaren arabera, banku-trafikoan edo kredituen arloan diharduten bankuek, aurrezki kutxek, kreditu kooperatibek eta pertsona fisikoek edo juridikoek zabalik dituzten kontu korronte, aurrezki kontu, eperako ezarpen eta kreditu-kontuen titularrek haiek erabiltzeko eta baliatzeko baimendutako pertsonei buruzko informazio aitorpena aurkeztu behar dute hurrengo urteko urtarrilean, dena delakoa haien modalitatea edo izena, nahiz eta titularra edo berak baimendutako pertsona Espainiako lurraldeko egoiliarra ez izan. Informazioa aurreko urte naturalekoa izan behar da.

Aitorpen horretan, kontua zehatz-mehatz identifikatzeaz gainera, baimendutako pertsonen izen-deiturak eta identifikazio fiskaleko zenbakia adierazi behar dira. Hain zuzen ere, aitortzen den zergaldian aritu diren pertsona baimenduak identifikatu behar dira, baimenak zenbat iraun duen kontuan izan gabe."

Hogeita bederatzi._62. artikuluko 7. idatz-zatia.

"7. Indarreko araudiaren arabera banku-trafikoan edo kredituen arloan diharduten bankuek, aurrezki kutxek, kreditu kooperatibek eta pertsona fisikoek edo juridikoek zerga honen kargapekoek, Sozietateen gaineko Zergaren subjektu pasiboek edo Ez-egoiliarren Errentaren gaineko Zergaren kargapekoek (establezimendu iraunkorrarekin) zabalik dituzten kontu guztiei buruzko informazio aitorpena aurkeztu behar dute hurrengo urteko urtarrilean, nahiz eta ordainketarik, atxikipenik edo konturako sarrerarik izan ez. Aitorpen hori aurreko urte naturalari buruzkoa izanen da.

Aitorpen horretan, kontua zehatz-mehatz identifikatzeaz gainera, kontuen titular diren pertsona edo erakundeak edo haiek baimendutakoak zehaztu behar dira, eta Ekonomia eta Ogasun kontseilariak adierazten dituen datu guztiak eman behar dira."

Hogeita hamar._62. artikuluko 9. idatz-zatia.

"9. Kreditu entitateek txekeen bidez egin dituzten eragiketen berri emateko aitorpena aurkeztu behar dute hurrengo urteko apirilean. Aitorpen horretan eragiketen identifikazioa jarri behar dute."

Hogeita hamaika._62. artikuluko 10. idatz-zatia.

"10. Pentsio funtsak kudeatzen dituzten erakundeek urteko informazio aitorpena aurkeztu behar dute hurrengo urteko urtarrilean; bertan funtsei atxikitako planetako partaideak eta haiek (zuzenean zein planen sustatzaileen bidez) egindako ekarpenak adierazi behar dira.

Pentsio planen sustatzaileek, planetarako kontribuzioak egiten badituzte, urteko informazio aitorpena aurkeztu behar dute hurrengo urteko urtarrilean; bertan banaka agertu behar dira ekarpenak egin dituzten partaideak eta bakoitzak jarritako zenbatekoa.

Maiatzaren 12ko 3/1988 Foru Legearen 77.1 artikuluan aurreikusitako moduan pentsioengatiko konpromisoei aurre egiteko kontribuzio edo ekarpenak egiten dituzten enpresek (baita enpresen gizarte aurreikuspeneko planetarako kontribuzioak egiten dituztenek ere), hurrengo urteko urtarrilean, urteko informazio aitorpena aurkeztu behar dute. Bertan banaka agertuko dira kontribuzio edo zuzkidurak egin dituzten pertsonak eta bakoitzari dagokion zenbatekoa.

Gizarte aurreikuspeneko mutualitateek informazio aitorpena aurkeztu behar dute hurrengo urteko urtarrilean; bertan mutualista guztien zerrenda jarri behar da, bai eta bakoitzak zerga honi buruzko arauetan ezarritakoaren arabera murrizketa egiteko edo zerga oinarria txikitzeko arrazoi izan daitezkeen kontingentziak estaltzeko ordaindu duen kopurua ere.

Idatz-zati honetan aipatutako aitorpenetan aurreko urte naturaleko datuak eman behar dira."

Hogeita hamabi._62. artikuluko 11. idatz-zatia.

"11. Efektu publikoak, baloreak edo bestelako titulu edo finantza-aktiboak jaulki, harpidetu, eskualdatu, trukatu, bihurtu, kitatu eta itzultzeko eragiketetan esku hartzen duten edo haietan bitartekari aritzen diren fede-emaile publikoek eragiketa horiei buruzko informazio aitorpen bat aurkeztu behar dute urtean, batez ere efektu, balore eta bestelako titulu eta finantza-aktiboen gaineko eskubide errealei dagozkien eragiketei buruz, berme-eskubideak eta bestelako kargak, baloreen mailegu-eragiketak eta erantzukizun mugatuko sozietateen kapitalean parte hartzeko eragiketak barne direla.

Krediturako finantza erakundeek eta establezimenduek, baloreen sozietateek eta agentziek, finantzetako gainerako bitartekariek eta, oro har, efektu publikoak, baloreak eta bestelako finantza tituluak eta aktiboak, indizeak eta haien gaineko aukerak, kontu-idazpenen bidez dokumentatuak barne, kokatzen eta haiekin egiten diren eragiketetan bitartekari lanak egiten jarduten duten gainerako pertsona fisiko eta juridikoek urtean zehar balore edo efektuen bitartez baliabideak biltzeko edo kokatzeko zuzenean edo zeharka egindako eragiketei buruzko informazio aitorpena aurkeztu behar dute.

Halaber, talde inbertsioko erakundeen sozietate kudeatzaileek erakunde horien akzioekin edo partaidetzekin urtean egindako eragiketei buruzko informazio aitorpena aurkeztu behar dute, gauza bera egin behar dute ezein merkatu antolatutan kotizatzen ez duten tituluak edo izendun baloreak jaulkitzen dituzten erakundeek jaulkipen-eragiketei dagokienez, bai eta gerokoen eta aukeren merkatuetako zuzendaritza sozietateek ere merkatuetan egindako eragiketez.

Kontuetako idazpenen bidez ordezkatutako zor publikoa harpidetu, eskualdatu eta itzultzeko eragiketetan parte hartzen duten erakunde kudeatzaileek urtean egindako mota horretako eragiketei buruzko aitorpena aurkeztu behar dute, eta harekin batera interesak jaso dituztenen zerrenda ere bai.

Ekonomia eta Ogasun Departamentuari informazioa eman beharra betetzeko, aurreko paragrafoan ezarri bezala, baldin eta eragiketa batean hirugarren paragrafoan aipatutako pertsona edo erakundeek eta idatz-zati honetako lehen eta bigarren paragrafoetan aipatutako fede-emaile edo finantza bitartekariek hartzen badute, haren berri ematen duen aitorpena fede-emaileak edo finantza bitartekariak aurkeztu behar du.

Eragiketaren xede atzerrian jaulkitako baloreak edo atzerrian eraturiko tresna eratorriak badira, aitorpena baloreok Espainian merkaturatzen dituzten entitateek egin behar dute, edo bestela Espainian balore horiek gordailututa dituzten erakundeek.

Aurreko paragrafoetan aipatutako aitorpenetan Estatuko lurraldetik kanpo egin arren Espainiako lurraldeko egoiliar diren edo bertan establezimendu iraunkorra duten bitartekariek euren kabuz edo besteren kontura esku hartuz egindako eragiketen eta kontratuen berri eman behar da.

Urteko informazio aitorpena hurrengo urteko urtarrilean aurkeztuko da. Bertan datu hauek emanen dira: eragiketetan esku hartu duten subjektuen identifikazio osoa, zer gisa esku hartu duten, haien izen-abizenak edo sozietatearen izena, helbidea eta identifikazio fiskaleko zenbakia, eragiketa bakoitzeko efektu publiko, balore, titulu eta aktiboen mota eta kopurua, eta eragiketa bakoitzaren zenbatekoa eta data. Aitorpena aurreko urte naturaleko eragiketei buruzkoa izan behar da.

Idatz-zati honetan aipatutako informatu beharra, atxikipena aplikatu beharreko eragiketei dagokiena, betetzat joko da hartzaileen zerrenda urteko atxikipenen eredu ofizial egokian aurkeztuz gero."

Hogeita hamahiru._62. artikuluko 12. idatz-zatia.

"12. Zor Publikoaren Idazpenen Merkatua kudeatzen duten erakundeek euren komisio-emaileen kontura urtean egindako Altxorraren letren harpidetzei, eskualdaketei eta itzulketei buruzko informazio aitorpena aurkeztu behar dute hurrengo urteko urtarrilean eta Idazpenen Zentralak gauza bera egin behar du bertako kontuen titularrek beren kabuz egindako eragiketei buruz. Aitorpen horretan eragiketetan esku hartu duten subjektu guztiak identifikatu behar dira (izen-deiturak edo sozietatearen izena, helbidea dagoen probintzia-herrialde kodea eta identifikazio fiskaleko kodea), bakoitzak zer gisa esku hartu duen zehaztu behar da, eta eragiketa bakoitzaren zenbatekoa eta data adierazi behar dira."

Hogeita hamalau._62. artikuluari 14., 15. eta 16. idatz-zatiak gehitzen zaizkio. Oraingo 14. idatz-zatia 17. idatz-zatia izanen da.

"14. Ezinduen ondarea babesteari eta Kode Zibila, Prozedura Zibilaren Legea eta zerga araudia aldatzeari buruzko azaroaren 18ko 41/2003 Legeak arautzen dituen ondare babestuen titular diren subjektu pasiboek, eta, hauek ezgai izanez gero, ondare horien administratzaileek, informazio aitorpena igorri behar dute urte natural bakoitzean jasotako ekarpenei eta egindako erabilerei buruz. Beren identifikazio datuez gain, aitorpen horretan honakoak jarriko dituzte:

_Ekarpen-egileen eta egindako erabileren onuradunen izen-abizenak eta identifikazio fiskalak.

_Jasotako ekarpenen eta egindako erabileren mota, zenbatekoa eta identifikazioa.

Informazio aitorpen hori urtarrilean aurkeztuko da, aurreko urtean egindako ekarpen eta erabileren berri emateko.

Lehenbizi aurkezten den informazio aitorpenari ondare babestuaren eraketaren eskritura publikoaren kopia soila erantsiko zaio. Bertan, ondarea hasieran osatu zuten ondasun eta eskubideen zerrenda jarriko da, eta zehatz azalduko dira ondare babestua eratu zenetik lehen aitorpen hori aurkezten den egunera arte jasotako ekarpenak eta egindako erabilerak.

15. Enpresek hartutako pentsio-konpromisoak bideratzeko aseguru kontratu kolektiboak (maiatzaren 12ko 3/1988 Foru Legearen 77. artikuluan aurreikusitakoak, Zergari buruzko Foru Legearen 55.1.5 artikuluak aipatzen dituen enpresa-aurreikuspen sozialeko planak barne) merkaturatzen dituzten aseguru entitateek informazio aitorpena aurkeztu behar dute hurrengo urteko urtarrilean. Bertan datu hauek agertuko dira:

a) Hartzaileen eta aseguratuen izen-deiturak eta identifikazio fiskaleko zenbakiak.

b) Aseguratuek egindako ekarpenen zenbatekoa eta aseguru-hartzaileek haietako bakoitzarentzat ordaindutako kontribuzioen zenbatekoa.

16. Zergari buruzko foru legearen hogeita bigarren xedapen gehigarrian aipatutako planak, hots, aurrezpen sistematikorako banakako planak, merkaturatzen dituzten aseguru entitateek informazio aitorpena aurkeztu behar dute hurrengo urteko urtarrilean; bertan datu hauek eman behar dituzte:

a) Hartzaile bakoitzaren izen-deiturak eta identifikazio fiskaleko zenbakia.

b) Hartzaileek ordaindutako primen guztizko zenbatekoa, eta lehen prima ordaindu zen eguna.

c) Eskubide ekonomikoak osorik edo neurri batean aurreratzen badira, biziarteko errenta eratu zenean jakinarazi zen errenta salbuetsiaren zenbatekoa.

d) Baldin eta, Zergari buruzko foru legearen hogeita bosgarren xedapen gehigarriarekin bat, bizi aseguruko kontraturen bat aurrezpen sistematikorako banakako plan bihurtzen bada, aurreko a) eta b) letretan aipatutako datuak, eta xedapen horretan ezarritako muga (urtean ordaindutako primen gehieneko zenbatekoa) gainditu ez izanaren adierazpena."

Hogeita hamabost._62 bis.1 artikuluko a) letra.

"a) Bazkide, jaraunsle edo erkideen (Espainiako egoiliar izan zein ez izan) identifikazioa, zerga helbidea eta identifikazio fiskaleko zenbakia; horiez gainera, zergaldian zehar entitatearen osaeran gertatu diren aldaketen berri eman behar da.

Entitateko kideren bat Espainiako egoiliarra ez bada, haren ordezkari fiskalaren identifikazioa, Ez-egoiliarren Errentaren gaineko Zergari buruzko Legearen Testu Bateginak, martxoaren 5eko 5/2004 Legegintzako Errege Dekretuaren bidez onetsiak, 10. artikuluan ezarritakoarekin bat.

Atzerrian eraturiko errenta-egozpenaren araubideko entitateek zerga honen edo Sozietateen gaineko Zergaren kargapean dauden kideak identifikatu behar dituzte, bai eta Ez-egoiliarren Errentaren gaineko Zergaren kargapekoak direnak ere (zerga horri lotutako errentei dagokienez), eta identifikatu ere artikulu honetan ezarri den bezala."

Hogeita hamasei._64.1 artikuluko c) letra.

"c) Ondoko jarduera hauen etekinak:

a') Lanbide jarduerak.

b') Nekazaritza eta abeltzaintzakoak.

c') Basogintzakoak.

d') Erregelamendu honen 78.6 artikuluan aurreikusitako enpresa jarduerak, etekin garbia zehazteko zuzeneko zenbatespenaren araubidea ez badute."

Hogeita hamazazpi._64.3 artikuluko a) letra.

"a) Errenta salbuetsiak, Zergari buruzko foru legearen 7. artikuluko v) letran aipatutakoak izan ezik, eta kargarik ez daukaten bidaia sari eta gastuak."

Hogeita hemezortzi._65.2 artikuluari e) eta f) letrak gehitzea.

"e) Zerbitzuak aske emateko araubidean diharduten aseguru entitateek Espainian egiten dituzten eragiketetan, atxikipena edo konturako sarrera egin behar du Zergari buruzko Legearen hemeretzigarren xedapen gehigarriak dioen moduan izendatutako ordezkariak.

f) Helbidea Europar Batasuneko beste herrialde batean duten pentsio funtsek Espainian egiten dituzten eragiketetan, Espainiako legeriaren pean langileentzako pentsio planak garatzen badituzte, Langileentzako pentsio funtsen jarduerei eta gainbegiratzeari buruzko 2003ko ekainaren 3ko 2003/41/EE Zuzentarauak, Europako Parlamentuak eta Kontseiluak emanak, aurreikusten duen bezala, Zergari buruzko foru legearen hogeita batgarren xedapen gehigarriaren arabera haiek izendatutako ordezkariak atxikipena edo konturako sarrera egin behar du."

Hogeita hemeretzi._71. artikuluko Bat idatz-zatia.

"Bat._Atxikipen portzentajeen taula orokorra.

10.000tik gora

2,00

11.250etik gora

4,00

2,00

12.750etik gora

6,00

4,00

2,00

14.250etik gora

8,00

6,00

4,00

2,00

16.750etik gora

10,00

8,00

6,00

4,00

1,00

19.750etik gora

12,00

11,00

9,50

8,00

6,00

4,00

23.250etik gora

13,50

12,00

11,50

9,00

8,00

6,00

4,00

25.750etik gora

14,50

13,00

12,50

10,00

9,50

8,00

6,00

4,00

1,00

28.250etik gora

15,50

14,00

13,50

12,00

10,50

9,00

8,00

6,00

4,00

1,00

32.250etik gora

16,50

15,00

14,50

13,00

12,50

11,00

10,00

8,00

7,00

5,00

2,00

35.750etik gora

17,50

16,50

14,00

13,50

13,00

12,00

10,00

9,00

7,00

6,00

41.250etik gora

18,50

17,50

16,00

15,50

15,00

13,00

12,00

11,00

10,00

9,00

48.000tik gora

20,50

20,00

18,00

17,50

17,00

16,00

15,00

14,00

13,00

12,00

55.000tik gora

23,00

22,50

22,00

20,50

20,00

19,00

18,00

17,00

16,00

14,50

62.000tik gora

25,00

24,50

23,50

22,50

22,00

21,00

20,50

19,00

18,00

16,50

69.250etik gora

27,00

26,50

26,00

25,50

24,00

23,50

22,00

21,00

19,50

18,50

75.250etik gora

28,00

27,00

26,00

25,00

23,50

22,50

21,50

20,50

82.250etik gora

29,00

28,00

27,00

26,50

25,50

24,50

23,50

23,00

94.750etik gora

30,00

29,00

28,00

27,50

26,50

25,50

24,50

107.250etik gora

32,00

31,00

30,50

30,00

29,50

28,50

28,00

27,00

26,00

120.000tik gora

33,00

32,50

32,00

31,50

31,00

30,50

29,50

29,00

28,00

27,50

132.750etik gora

33,50

33,00

32,50

32,00

31,50

31,00

30,50

30,00

29,00

28,50

146.000tik gora

34,00

33,50

33,00

32,50

32,00

31,50

31,00

30,50

30,00

Jardunean dauden langile ezinduei goiko 1. idatz-zatian ezarritako taulan dagokien atxikipena eginen zaie, baina ondoko eskalan ageri den koefiziente murriztailea aplikatuta:

URTEKO ETEKINA (EUROTAN) MINUSBALIO GRADUA

%33 %65

10.000,01 23.250,00 5 15

23.250,01 41.250,00 3 15

41.250,01 94.750,00 2 8

94.750,01 Hortik gora 2 5

Eskala horretan agertzen diren kenkariak aplikatuta, ezin izanen da zerotik beherako portzentajerik atera."

Berrogei._71. artikuluko Bi idatz-zatiko 2. zenbakia.

"2. Taula aplikatzeko kontuan hartu behar den ordainsarien zenbatekoa subjektu pasiboak urte naturalean normalean jasoko duen zenbateko osoaren arabera zehaztuko da. Zenbateko hori aplikatzekoak diren kontratu-arau edo _baldintzen eta aurreikus daitezkeen gainerako inguruabarren araberakoa izanen da. Zenbateko horretatik kanpo geratuko dira pentsio planen eta gizarte aurreikuspeneko mutualitateen sustatzaileek eta 3/1988 Foru Legearen 77. artikuluan aurreikusitako moduan enpresek hartutako pentsio-konpromisoak bideratzen dituzten aseguru kolektiboen hartzaileek (enpresen gizarte aurreikuspeneko planak barne) ordaindutako kontribuzio edo ekarpenak, horiek zerga oinarria murrizten badute, bai eta dagozkion zergaldiez beste batzuetan hartutako ordainsariak ere, beti ere langileak bere zerbitzuak eman baldin bazituen aldi horretan ordaintzen duen enpresan. Ondorio horietarako, gauzatan egindako ordainketak euren balioarengatik zenbatuko dira, Zergari buruzko foru legearen 16. artikuluak ezarritakoaren arabera zehaztuta, konturako sarreraren kopurua kanpo utzita.

Urtean jasoko den kopuru osoan ordainsari finkoak eta aurreikus daitezkeen aldakorrak sartuko dira."

Berrogeita bat._71.Hiru artikuluko 5. idatz-zatia.

"5. Langabezia prestazioen kasuan, entitate kudeatzaile batek onetsiak betiere, atxikipenetan honako portzentaje hauek aplikatuko dira:

URTEKO ETEKINA (EUROTAN) PORTZENTAJEA

10.000,00tik gora 2

11.250,00tik gora 4

12.750,00tik gora 6

14.250,00tik gora 8

Prestazioak jasotzeko eskubidea eteten den urte natural berean berreskuratzen bada eskubide hori, prestazioaren etenaldia gertatu zenean egiten zen atxikipen portzentaje bera aplikatuko da.

Langabezia-prestazioa jasotzen den urte natural berean hura utzi eta subsidio-prestazioa jasotzen bada, langabezia-prestazioari aplikatzen zitzaion atxikipen portzentaje berbera aplikatuko zaio subsidio-prestazioari ere."

Berrogeita bi._72 bis artikuluko 5. idatz-zatia.

"5. Baldin eta interesduna atzerritik datorren urtean ez bada zerga honen subjektu pasibo gertatzen, Ez-egoiliarren Errentaren gaineko Zergaren aitorpenean zerga honen kontura aplikatutako atxikipenak kendu ahal izanen ditu.

Halaber, Ez-egoiliarren Errentaren gaineko Zergari buruzko Legearen Testu Bateginaren 32. artikuluan ezarritakoa aplikatu behar bada eta langilea atzerrira joan den urtean Ez-egoiliarren Errentaren gaineko Zergaren kargapekoa izan ez bada, zerga horren ziozko atxikipenak eta konturako sarrerak Pertsona Fisikoen Errentaren gaineko Zergaren konturako ordainketatzat hartu behar dira."

Berrogeita hiru._76. artikuluko 1. idatz-zatia.

"1. Oro har, higigarrien kapitalaren etekinen gaineko atxikipen-oinarria izanen da eska daitekeen kontraprestazio osoa edo ordaindutako kontraprestazioa. Ondorio hauetarako, inoiz ere ez da kontuan hartuko Zergari buruzko foru legearen 7. artikuluko v) letran ezarritako salbuespena."

Berrogeita lau._76. artikuluko 3. idatz-zatia.

"3. Atxikipena egiteko betebeharra Erregelamendu honen 64.3.e) artikuluaren azken lerroaldean aurreikusitakoan sortzen bada, balore eskualdatuaren kupoi jarraituaren berdina den prezioaren zatia izanen da atxikipen-oinarria."

Berrogeita bost._76. artikuluko 4. idatz-zatia.

"4. Zergari buruzko foru legearen 30. artikuluko 3. idatz-zatian araututako etekinei Zergari buruzko foru legearen 32.2 artikuluan aipatutako murrizketak aplikatu behar bazaizkie, etekin horien zenbateko osoan aplikatu beharreko murrizketak aplikatuz kalkulatuko da atxikipen-oinarria."

Berrogeita sei._78. artikuluko 1. idatz-zatia.

"1. Etekinak lanbide jarduera baten kontraprestazio direnean, %15eko atxikipen-tasa aplikatuko da ordaindutako sarrera osoetan.

Hala ere, atxikipen-tasa %7 izanen da honakoei ordaindutako etekinak direnean:

a) Loterías y Apuestas del Estado enpresa-entitate publikoaren merkataritza-ordezkariak.

b) Udalaren zerga-biltzaileak.

c) Aseguru-agenteak eta aseguru-artekariak, azpiagenteen edo merkataritza-laguntzaileen zerbitzuak erabiltzen dituztenean."

Berrogeita zazpi._78. artikuluari 6. idatz-zati berria gehitzea.

"6. 1. Etekinak idatz-zati honetako 2. zenbakian aipatutako enpresa jardueren kontraprestazio gisa lortzen direnean, jarduera horien etekin garbia zenbatespen objektiboaren araubideari loturik zehazten bada, %1eko atxikipen-tasa aplikatuko da ordaindutako sarrera osoetan.

2. Idatz-zati honetan xedatutakoa aplikagarria izanen da ondoko jarduera edo jarduera-sektore hauetan:

JEZ JARDUERA EKONOMIKOA

722 Salgaiak errepidez garraiatzea.

757 Etxe-aldairetako zerbitzuak.

3. Idatz-zati honetan aurreikusitako atxikipena ez da bidezkoa izanen baldin eta enpresa jarduera egiten duen subjektu pasiboak ordaintzaileari jakinarazten badio berak zuzeneko zenbatespenaren araubidean, bi modalitateetako edozeinetan, zehazten duela jarduera horren etekin garbia.

Jakinarazpen horretan datu hauek jarriko dira:

a) Jakinarazpena egiten duenaren izena, abizenak, helbide fiskala eta identifikazio fiskaleko zenbakia. Enpresa jarduera errenta-eragozpenaren araubideko entitate baten bitartez egiten bada, jakinarazpena egiten duenak entitate horren izena edo izen soziala eta identifikazio fiskaleko zenbakia ere eman beharko ditu, eta berak ordezkatzen duela entitatea adierazi beharko du.

b) Aurreko 2. zenbakian aipatutako enpresa jardueretatik zein egiten duen. Jarduera Ekonomikoen gaineko Zergaren epigrafea jarri behar du.

c) Jardueraren etekin garbia zuzeneko zenbatespenaren araubideari loturik zehazten duela, araubide horren modalitateetatik edozeinetan.

d) Data eta jakinarazlearen sinadura.

e) Jakinarazpena hartu behar duen pertsona edo entitatearen identifikazioa.

Gerora subjektu pasiboak berriz zehazten baditu jardueraren etekinak zenbatespen objektiboaren araubideari loturik, ordaintzaileari jakinarazi beharko dio aldaketa hori, eta goiko a), b), d) eta e) letretan aipatutako datuak eman, atxikitzeko betebeharra sortu baino lehen.

Betiere ordaintzaileak datuen jakinarazpenak gorde behar ditu, behar bezala sinaturik.

4. Goiko 3. zenbakian aipatzen diren datuak behar bezala jakinarazten ez badira, Tributuei buruzko abenduaren 14ko 13/2000 Foru Lege Orokorrean xedatutakoaren araberako zerga-ondorioak sortuko dira.

5. Zenbatespen objektiboaren araubideari uko egiten bazaio F-65 eredua betez edo Balio Erantsiaren gaineko Zergaren Erregelamenduaren 22. artikuluko 1. zenbakiko laugarren paragrafoan azaltzen den moduan, ulertuko da subjektu pasiboak zuzeneko zenbatespenaren araubideari loturik zehazten duela bere enpresa jardueraren etekin garbia, F-65 eredua edo Balio Erantsiaren gaineko Zergaren aitorpen-likidazioa aurkezten duen egunetik aurrera."

Berrogeita zortzi._85. artikuluko 2. idatz-zatia.

"2. Pentsio planen eta gizarte aurreikuspeneko mutualitateen sustatzaileek eta 3/1988 Foru Legearen 77. artikuluan aurreikusitako moduan enpresek hartutako pentsio-konpromisoak bideratzen dituzten aseguru kolektiboen hartzaileek (enpresen gizarte aurreikuspeneko planak barne) ordaindutako kontribuzioengatik, horiek zerga oinarria murrizten badute, ez da konturako sarrerarik egin beharko."

Berrogeita bederatzi._90. artikuluko 2. idatz-zatia.

"2. Atxikipenaren egileak edo konturako sarrera egitera beharturik dagoenak hurrengo urteko urtarrilean aurkeztu beharko du aurreko urtean egindako atxikipen eta konturako sarreren laburpena. Laburpen horretan, bere identifikazio datuez gain, hartzaileen izenen zerrenda ere jartzeko eskatu ahal izanen da, datu hauekin:

a) Izen-deiturak.

b) Identifikazio fiskaleko zenbakia.

c) Lortutako errenta, kontzeptuen identifikazioa, deskribapena eta izaera adieraziz, bai eta errenta hori zein ekitalditan sortua den ere. Era berean, haien kopurua dela-eta atxikipen edo konturako sarreren menpean ez dauden errentak agertu beharko dira, bai eta zergarik ez daukaten dietak eta salbuetsitako errentak ere.

d) Zergari buruzko foru legearen 17.2 eta 32.2 artikuluetan aurreikusitakoaren arabera aplikatutako murrizketak.

e) Zergari buruzko foru legearen 18. eta 32.1.a) artikuluetan aipatutako gastu kengarriak, sindikatu eta lanbide elkargoei ordaindutako kuotak izan ezik, ordaindutako etekinen ordaintzaileak kendu baditu.

f) Ordaintzaileak dagokion atxikipen portzentajea aplikatzeko kontuan hartu dituen inguruabar pertsonalak eta familiarenak.

g) Ezkontideen arteko pentsio konpentsatzaileen zenbatekoa, atxikipenak egiteko kontuan hartu badira.

h) Egindako atxikipena edo konturako sarrera.

i) Ordaintzaileari itzulitako kopuruak, aurreko ekitaldietan sortutako errentetatik heldu direnak.

Aurreko lerroaldeetan ezarritako betebehar berberen menpean daude Espainian egoitza edo ordezkariak dauzkaten entitateak, atxikipenaren menpean dauden errentak beste batzuen kontura ordaintzen badituzte edo balore-errenten gordetzaile badira edo horien kobrantza kudeatzen badute."

Berrogeita hamar._92. artikuluko 3. idatz-zatia.

"3. Aipatutako portzentajeak urtearen lehen egunetik ordainketa zatikatuaren hiruhilekoaren azken egunera arte eskuratutako etekinei aplikatuz lortutako zenbatekoa hurrengo artikuluan aipatzen diren epeetan sartuko du subjektu pasiboak.

Hiruhileko bakoitzean lortutako kopurutik honakoa kenduko da, egoki bada: enpresa eta lanbide jardueretako etekinen gainean egin zaizkien atxikipen eta konturako sarreren zenbatekoa, eta ordainketa zatikatuen zenbatekoa, aurreko hiruhilekoari edo hiruhilekoei dagokiena.

Subjektu pasiboek horien aitorpena aurkeztu beharko dute, sartzeko kopururik egon ez arren."

Berrogeita hamaika._Hirugarren xedapen gehigarriari 2. idatz-zatia gehitzea. Hirugarren xedapen gehigarriaren oraingo edukia 1. idatz-zatia izanen da.

"2. Ez da Pertsona Fisikoen Errentaren gaineko Zergaren konturako sarrerarik ez atxikipenik egin beharko, halaber, Zergari buruzko foru legearen 28. artikuluko 1. idatz-zatiko a) eta b) letrek aipatutako dibidenduengatik edo mozkinetako partaidetzengatik, horien zergaldietan horien entitate banatzaileak aplikagarria izan badu ondare sozietateen araubidea, Sozietateen gaineko Zergari buruzko abenduaren 30eko 24/1996 Foru Legearen hogeita seigarren xedapen iragankorrean ezarritakoaren arabera."

Bigarren artikulua._Alarguntza pentsioengatiko kenkariak aldez aurretik ordaintzeko prozedura arautzen duen maiatzaren 20ko 127/2003 Foru Dekretua aldatzea.

Alarguntza pentsioengatiko kenkariak aldez aurretik ordaintzeko prozedura arautzen duen maiatzaren 20ko 127/2003 Foru Dekretuko manuen artetik ondoren aipatzen direnak aldatu eta honelaxe geldituko dira:

Bat._1. artikulua. Xedea.

"1. artikulua. Xedea.

Foru dekretu honek hauxe du xedea: Pertsona Fisikoen Errentaren gaineko Zergari buruzko abenduaren 30eko 22/1998 Foru Legearen 67 bis artikuluan ezarritako kenkaria, alargun-pentsioei dagokiena, aldez aurretik ordaintzeko prozedura arautzea."

Bi._2. artikulua. Kontzeptua eta pertsona onuradunak.

"2. artikulua. Kontzeptua eta pertsona onuradunak.

Ordainketa aurreratua eginen zaie alargun-pentsioa jasotzen dutenei, Gizarte Segurantzari buruzko Lege Orokorraren Testu Bategina onetsi zuen ekainaren 20ko 1/1994 Legegintzako Errege Dekretuaren 50. artikuluan aipatutako osagarriak jasotzeko eskubidea badute."

Hiru._3. artikulua. Betebeharrak.

"3. artikulua. Betebeharrak.

Aurrerakin honetarako eskubidea izateko honako baldintza hauek bete behar dira:

a) Nafarroan erroldatua egotea eta helbide fiskala Nafarroan izatea, gutxienez sei hilabete lehenagotik.

b) Alarguntza pentsioa jasotzen dela frogatzea eta Gizarte Segurantzari buruzko Lege Orokorraren Testu Bategina onetsi zuen ekainaren 20ko 1/1994 Legegintzako Errege Dekretuaren 50. artikuluan araututako osagarriak jasotzeko eskubidea izatea."

Lau._6. artikulua. Zenbatekoa.

"6. artikulua. Zenbatekoa.

Aurrerakinaren zenbatekoa hauxe izanen da: kasuan kasuko pentsio motarako finkatutako gutxieneko zenbatekoaren eta lanbide arteko gutxieneko soldataren arteko diferentzia (bi kasuetan ere urteko zenbatekoak harturik).

Aurrerakina kalkulatzeko, alargun-pentsioa ez baldin bada jaso zergaldi osoan, zenbateko hori urtera eramanen da. Kasu horretan, zergaldian zehar alargun-pentsioa jasotzeko eskubidea ematen duen egun kopuruaren arabera kalkulatuko da aurrerakina."

Bost._9. artikulua. Ordainketa.

"9. artikulua. Ordainketa.

Ordainketa hilero eginen da."

Sei._10. artikulua. Laguntzaren iraungitzea eta itzuli beharra.

"10. artikulua. Laguntzaren iraungitzea eta itzuli beharra.

Foru dekretu honetan ezarritako baldintzak ez betetzeak eta horiek bete gabe hura lortu eta jasotzeak laguntzaren iraungitzea ekarriko du, baita zuzengabean jasotako diru kopurua itzuli beharra ere. Bestetik, bidezko bada, berandutzako interesak eskatuko zaizkio, laguntza bidegabeki kobratu zenetik kontatuta, Nafarroako Ogasun Publikoari buruzko apirilaren 4ko 13/2007 Foru Legearen 18. artikuluak ezarritako kopuruan."

XEDAPEN INDARGABETZAILE BAKARRA

1. Foru dekretu honek indarra hartzen duenean, indarrik gabe geldituko dira haren edukiaren kontra dauden maila bereko edo beheragoko xedapen guztiak.

2. Bereziki, indarrik gabe geldituko dira Pertsona Fisikoen Errentaren gaineko Zergaren Erregelamenduaren 19. artikulua eta 64.3 artikuluko e) letra. 64.3 artikuluko f), g), h), i) eta j) letrak, hurrenez hurren, e), f), g), h) eta i) izanen dira.

AZKEN XEDAPEN BAKARRA

Indarra hartzea

Foru dekretu honek Nafarroako ALDIZKARI OFIZIALean argitaratu eta biharamunean hartuko du indarra.

Iragarkiaren kodea: F0708335

Sarbidea

Loturiko estekak

Nafarroako Aldizkari Ofiziala

Paseo Pablo Sarasate, 38, 2.º izda.

31001 - Iruña

848 42 12 50

bon@navarra.es