I. NAFARROAKO FORU KOMUNITATEA
1.3. BESTELAKO XEDAPENAK
1.3.4. Dirulaguntzak eta bekak
398/2006 EBAZPENA, abenduaren 15ekoa, Gizarte Ongizatearen zuzendari nagusiak emana. Haren bidez 90.200 euroko dirulaguntza eman zaio Alboan Fundazioari "Kultura eta giza garapena" jardunaldiak egiteko Iruñean 2006ko azaroaren 20tik 23ra.
Ikusirik Alboan Fundazioak dirulaguntza jasotzeko egin duen eskaera, San Frantzisko Xabierkoaren V. mendeurrenaren ospakizunen esparruan "Kultura eta giza garapena" izeneko Nazioarteko Lankidetza jardunaldiak egiteko Iruñean 2006ko azaroaren 20tik 23ra.
Dagokion 238/2006 zenbakiko espediente administratiboa aztertuta eta Garapenerako Nazioarteko Lankidetzaren Zerbitzuak horri buruz aurkeztutako proposamen txostena ikusirik.
Kontuan izanik 2006ko abenduaren 11n Nafarroako Gobernuak erabaki zuela Gizarte Ongizatearen zuzendari nagusiari baimena ematea Alboan Fundazioari 90.200 euroko dirulaguntza emateko, San Frantzisko Xabierkoaren jaiotzaren V. mendeurrenaren ospakizunen esparruan "Kultura eta giza garapena" izeneko jardunaldiak egiteko.
Kontuan izanik martxoaren 9ko 5/2001 Foru Legeak, Garapenaren aldeko lankidetzari buruzkoak, 7. artikuluan ezartzen duela Nafarroako administrazio publikoak elkarlanean arituko direla Garapenerako Gobernuz kanpoko Erakundeekin (GGKE) gizartearen prestakuntza ekintzak garatzeko, besteak beste. Ekintzen helburua Nafarroako jendeak garapen bidean dauden herrien arazoak hobeki ulertzea eta haienganako elkartasuna eta lankidetza aktiboa eragitea da.
Ikusirik Ogasunak Departamentu honetan duen kontu-hartzailetza delegatuaren adostasuna.
Horrenbestez, Nafarroako Foru Komunitateko Administrazioari buruzko abenduaren 3ko 15/2004 Foru Legeak eta Gizarte Ongizate, Kirol eta Gazteria Departamentuaren egitura organikoa ezartzen duen otsailaren 24ko 46/2005 Foru Dekretuak ematen dizkidan eskurantzak erabiliz,
EBATZI DUT:
1. Ematea Alboan Fundazioari, (IFK zenbakia G-4881137-6), 90.200 euroko dirulaguntza "Kultura eta giza garapena" izeneko jardunaldiak egiteko.
2. Baimentzea eta xedatzea guztira 90.200 euroko gastua, 2006ko gastuen aurrekontutik "Garapenerako Nazioarteko Lankidetzarako Biltzarra, San Frantzisko Xabierkoaren V. mendeurrena, Alboan Fundazioa" izeneko 900000-91200-4819-143106 kontusailaren kargura. Xedea Alboan Fundazioari, (IFK zenbakia G-4881137-6) ematea da aurreko atalean adierazitako dirulaguntza finantzatzeko.
3. Kontabilitate Zentroari eskatzea, Ekonomia eta Ogasun Departamentuak emandako baimena izanik, 60.000 euro ordaintzeko Alboan Fundazioari, (IFK zenbakia G-4881137-6), 2006ko gastuen aurrekontutik "Garapenerako Nazioarteko Lankidetzarako Biltzarra, San Frantzisko Xabierkoaren V. mendeurrena, Alboan Fundazioa" izeneko 900000-91200-4819-143106 kontusailaren kargura, aurreko puntuan onetsitako dirulaguntzaren aurrerakin gisa.
Gainerakoa, gastua agirien bidez justifikatu ahala ordainduko da.
4. Dirulaguntzaren honako arauak onestea:
4.1. Onuradunaren betebeharrak.
a) Nafarroako Gobernuaren dirulaguntza hartu ondoren helburu bererako edozein erakunde publiko zein pribaturi eskatu eta horrek emandako dirulaguntzen zenbatekoa jakinaraztea. Ematen den laguntzaren zenbatekoak ez du inolaz ere egin beharreko proiektuaren kostua gaindituko.
b) Jasotako diruaren erabilpenari buruzko frogagiriak gordetzea, egiaztatze eta kontrol lanak egin ahal izateko.
c) Organo emaileak eginen dituen egiaztapenak eta kontrol organo eskudunek egin ditzaketen egiaztapen eta kontrol finantzarioak onartzea eta jarduketa horietan eskatzen zaizkien argibide guztiak ematea. Bereziki, laugarren arauko 2. idatz-zatian aipatzen diren zerrendetako gastuak egiaztagiriak organo emailearen esku uztea, eskatuz gero. Horrela egin ezik, ulertuko da Dirulaguntzei buruzko azaroaren 9ko 11/2005 Foru Legeko 42. artikuluko 1.1.f) idatz-zatia hautsi dela.
4.2. Dirulaguntzaren helburua lortu dela eta harturiko dirua erabili dela frogatzeko epea eta modua.
a) Bukaerako txosten berri-emailearen eta ekonomikoaren bidez erabileraren agirizko froga aurkeztea 2006ko abenduaren 31 baino lehen.
b) Justifikazioko kontua aurkeztea, osagai hauek bilduko dituena:
b1._Kontuan ageri diren datu guztiak egiazkoak direla dioen aitorpena, Alboan Fundazioaren legezko ordezkariak sinatua.
b2._Jardunaldiak egiteko diru-sarrera eta gastu guztien balantzea.
b3._Gastu guztien zerrenda, non adierazi beharko baitira gastu mota eta finantzaketa iturria. Gastu bakoitzean honako kontu hauek agertuko dira: zerrendako agiri zenbakia, egiaztagiri zenbakia, eman zeneko eguna, igorlearen izena eta helbidea eta haren identifikazio fiskalerako zenbakia edo antzekoa, kontzeptua, ordaintzeko modua, ordaindu deneko diru mota eta zenbatekoa eurotan. Gastuen zerrendak gastuen jatorrizko egiaztagiriekin batera aurkeztu beharko dira.
b4._Beste edozein dokumentazio grafiko edo idatzizko, borondatez eman nahi dena, diruz lagundutako proiektua ongi gauzatzen ari dela frogatzeko.
4.3. Alboan Fundazioaren gastuaren zenbatekoa 12.000 eurotik goitikoa bada, aholkularitza edo laguntza enpresek zerbitzuak ematen dituztenean, Alboan Fundazioak frogatu beharko du hornitzailea eraginkortasun eta ekonomia irizpideei jarraituz hautatu dela, salbu eta dirulaguntzaren xede diren ezaugarrien berezitasuna dela-eta, merkatuan hornidura edo zerbitzua emateko behar adina enpresa ez badago, edo gastua egin bada dirulaguntza eskatu baino lehen. Gorabehera horiek justifikatzeko, 4.2. arauan adierazitakoaren txosten gehigarri bat aurkeztuko da hornitzaileak hautatzeko prozedurari eta irizpideei buruzkoa, gutxienez haietako hiruri eskatutako aurrekontuekin batera.
4.4. Dirulaguntzaren aurrerakina. Ekonomia eta Ogasun Departamentuaren baimena izanik, ordainketen aurrerakinak egiten ahalko dira, gehienez ere 60.000 euro, dirulaguntzaren xedeak betetzeko funtsak behar dituela frogatu ondoren.
4.5. Onuradunaren eginbeharrak dirulaguntzaren publizitateari dagokionez.
a) Nafarroako Gobernuari laguntza ematea proiektuaren garapenaren berri ematen, Nafarroako populazioa garapenerako lankidetzaren arloan sentsibilizatzearren.
b) Proiektuaren publizitatean eta hedatze guztietan dirulaguntza norena den adieraztea. Hedakuntza lana idatzia edo grafikoa baldin bada, Nafarroako Gobernuaren logotipoa erabiliko da, Nafarroako Gobernuaren sinbolo ofiziala eta haren erabilera arautzen duen maiatzaren 3ko 189/2004 Foru Dekretuak xedatzen duen moduan Alboan Fundazioaren logotipoarekin batean, tamaina berean eta berdin ikusteko moduan.
4.6. Ez betetzeak eta horien mailakatzea.
a) Dirulaguntzei buruzko azaroaren 9ko 11/2005 Foru Legeko 35. eta 37. artikuluetan ezarritako kasuetan, hartutako dirua itzuli beharko da.
b) Ez-betetzeak mailakatzeko honako hauek hartuko dira kontuan:
b1._Jardunaldien betetze-maila, arlo teknikoari dagokienez.
b2._Aldez aurretik baimen administratiboa eduki gabe egindako aldaketen zenbatekoa eta nolakoa.
5. Ebazpen hau Nafarroako ALDIZKARI OFIZIALean argitaratzea eta jakinaraztea Alboan Fundazioari eta Kontabilitate Zentroari, behar diren ondorioak izan ditzan. Aditzera ematen da bide administratiboa ez duela agortzen eta haren kontra bidezko dela gora jotzeko errekurtsoa paratzea, Gizarte Ongizate, Kirol eta Gazteria kontseilariari igorria, jakinarazi eta biharamunetik hilabeteko epean.
Iruñean, 2006ko abenduaren 15ean._Gizarte Ongizatearen zuzendari nagusia, José Carlos Esparza Sáez.
Iragarkiaren kodea: F0700536
