II. NAFARROAKO TOKI ADMINISTRAZIOA
2.1. ORDENANTZAK ETA BESTELAKO XEDAPEN OROKORRAK
ALLO
Udal Planeko aldaketa xehekatua behin betikoz onetsirik
Udalak, 2006ko urtarrilaren 16an egin bilkuran, erabaki hauek hartu zituen:
1._Deklaratzea ezen, Lurraldearen Antolamenduari eta Hirigintzari buruzko abenduaren 20ko 35/2002 Foru Legearen 74. artikuluko 2. idatz-zatiaren 2. lerroaldean ezarritakoari jarraikiz, isilbide positiboaren bidez onetsi dela Alloko Udal Planeko aldaketa xehekatua, Georgia Pacific fabrikaren aldean, Alloko Udalak sustatua; hasierako onespena 2006ko urriaren 25eko bilkuran erabaki zen.
2._Aldaketa puntualaren testu osoa, ondoren azaltzen dena, Nafarroako ALDIZKARI OFIZIALean argitaratzea, behar diren ondorioak izan ditzan:
Alloko udalerrian dagoen Georgia Pacific SRPL. Comp. P.A. fabrikaren ekialdeko eraikigarritasun baldintzei dagokien aldaketa xehekatua honetan datza:
Alloko Hiriginta Arauen aldaketa:
3.1. artikulua.
Esaldi honen ordez:
"Zona guztiak 1.05 planoan grafiatu dira, delako zonak hauek dira".
Ondokoa behar du:
"Zona guztiak 1.05 eta 1.00 planoan grafiatu dira, delako zonak hauek dira".
Bukaeran hau eranstea:
"Fabrika
Georgia Pacificen instalazioek osatzen duten aldea da; haren egungo erabilera finkatzen da eta fabrikaren jarduera mantentzeko emendatze batzuk baimentzen dira.
3.10. artikulua.
Esaldi honen ordez:
"b._Exekuzio unitateetan sartu ez diren lurretan, urbanizazio finkaturik ez badute, egungo eraikinen ordezkatze hutsa egin gabe Planak aprobetxamendua handitzen duenean: planeamenduak zenbat handitzen duen, horren % 90. Halako kasuan, aprobetxamenduaren gainerakoaren % 10, administrazioari dagokiona, eskudirutan konpentsatuko da, haren hirigintzako balioarekin bat. Fabrikaren aldea determinazio horretatik salbuesten da".
9.5. artikulua.
9.6 artikulua izanen da hemendik goiti.
9.5. artikulu berria.
9.5._Fabrika
Fabrikaren sailkapena hiri lurzoru finkatua izanen da.
9.5.1._Determinazio generikoak.
_Hiri lurzoruaren sailkapena.
_Kalifikazioa, industriakoa.
_Industriarako erabilera berezkoa.
_Baimenduak: biltegiak, artisau lanetako lokalak, lantegiak, ostalaritza.
_Abeltzaintza debekaturik.
9.5.2._Erabileren zenbaterainokoa.
Berezko erabilera
Eraikin osoa hartzen ahal dute.
Libre izanen da solairuarteak egitea, eta horiek solairuaren azalera osoa hartzen ahalko dute. Solairuarteak % 100 kontatuko dira gehieneko azalera baimenduaren kalkuluan, eta haien azalera gehieneko eraikigarritasunaren araberakoa izanen da, kasu honetan lurzatiaren zoruaren 0,40 m² /m² baita.
Gutienez ere lurzatiaren azalera osoaren % 10 berdegune arboladunetarako izanen da eta betiere arbola-hesiak paratuko dira inguruan.
Lurzatiak aparkatzeko toki bat izan beharko du, gutienez ere, 100 m² eraikitik.
Lurzatiak behar bezala hesiturik egonen dira, ordenantzetako determinazioekin bat.
9.5.3._Bideen tratamendua
Hormigoizko edo asfaltozko zola jarraituak baimentzen dira.
Ahal den guztietan, espaloietan arbolak landatuko dira, ordenantzetako determinazioekin bat.
9.4.6._Xehetasuneko determinazioak: Exekuzio unitateak.
Adierazten den eraikigarritasuna garbia da, hau da, lurzatiaren azalera osoaren gainekoa.
3._Nafarroako Gobernuko Ingurumen, Lurraldearen Antolamendu eta Etxebizitza Departamentuari erabakiaren berri ematea, jakin dezan.
Allon, 2006ko urtarrilaren 20an._Alkate udalburua, sinadura ulertezina.
Iragarkiaren kodea: L0601204