I. NAFARROAKO FORU KOMUNITATEA
Agintariak eta Langileak
EBAZPENA, 2002ko irailaren 23koa, Funtzio Publikoaren zuzendari nagusiak emana, Nafarroako Foru Komunitateko Administrazioaren eta haren erakunde autonomoen zerbitzuko liburutegiko arduradun izateko 13 lanpostu huts lekualdatze lehiaketa bidez betetzeko deialdia onesten duena.
Funtzio Publikoaren zuzendari nagusiak 2002ko irailaren 23an emandako Ebazpenaren bidez, Nafarroako Foru Komunitateko Administrazioaren eta haren erakunde autonomoen zerbitzuko liburutegiko arduradun izateko 13 lanpostu huts lekualdatze lehiaketa bidez betetzeko deialdia onetsi da, ondoko oinarriei atxikiz:
1.-Xedea
Liburutegiko arduradun izateko 13 lanpostu huts lekualdatze lehiaketa bidez betetzeko deialdia iragartzen da. Lanpostuak Hezkuntza eta Kultura Departamentuaren Liburutegi Publikoei atxikiak dira, eta destinoak ondoko hauek izanen dira:
-1 San Adriánen, plantilla zk.: 30104.
-1 Beran, zk.: 30719.
-1 Lizarran, zk.: 30912.
-4 Tafallan, zk.: 34209, 34921, 36335 eta 36336.
-1 Azkoienen, zk.: 34973.
-1 Agoitzen, zk.: 36039.
-1 Vianan, zk.: 36083.
-1 Lesakan, zk.: 36084.
-1 Etxarri-Aranatzen, lan kontratupekoa eta denbora partzialeko lanaldia duena (25 ordu), zk.: 36085.
-1 Zarrakaztelun, zk.: 36333.
2.-Lanpostu hutsen kopurua handitzea
Deialdi honetako lanpostuak osatzen ahalko dira, hutsik daudenak bete arte, epaimahaiak lehiatzaileen zerrenda, lorturiko puntuen hurrenkerari jarraikiko zaiona, deialdia egin duen organora igortzen duen egunean.
Lehiaketa honetan beteko diren lanpostuak ondokoak izanen dira: deialdian bertan hasieratik eskainiak eta, hala badagokio, aurreko lerroaldeak aipatzen duen gehikuntzaren ondoriozkoak, bai eta lehiaketan beste lanpostu bat lortzen duten izangaiek hutsik uzten dituztenak ere.
3.-Arau aplikagarriak
Lekualdatze lehiaketa hau ondoko arauek erregulatuko dute: Nafarroako Administrazio Publikoen zerbitzuko Langileen Estatutuaren Testu Bategina onesten duen abuztuaren 30eko 251/1993 Legegintzako Foru Dekretuak, azaroaren 6ko 215/1985 Foru Dekretuaren bidez onetsiriko lanpostuak betetzeari buruzko Erregelamenduak, Lehendakaritza, Justizia eta Barne kontseilariak merezimenduen baremoei buruz abuztuaren 12an emaniko 130/1998 Foru Aginduak, aplikatzekoak diren gainerako arauek, eta deialdiaren oinarriek.
4.-Betebeharrak
Lekualdatze lehiaketa honetan parte hartu nahi duten izangaiek honako baldintza hauek bete beharko dituzte eskabideak aurkezteko epea bukatzen den egunean eta lanpostu hautaketan:
a) Nafarroako Foru Komunitateko Administrazioaren edo haren erakunde autonomoen langile finkoa izatea, jardunean, zerbitzu berezietan edo eszedentzia berezian.
b) C maila edo taldekoa izatea.
c) Ligurutegiko arduradun lanpostu baterako izendatua izatea.
Lanpostu erreserbarik gabe borondatezko eszedentzian edo nahitaezko eszedentzian dauden funtzionarioek zilegi izanen dute lehiaketan parte hartzea, baldin eta deialdiak eskatzen dituen betebeharrak betetzen badituzte; horrela, berriz sartuko dira jarduneko zerbitzuan eta lanpostu bat behin betiko adjudikatuko zaie.
Abuztuaren 30eko 251/1993 Legegintzako Foru Dekretuaren zortzigarren xedapen gehigarrian xedatutakoari jarraikiz, deialdiaren baldintzak betetzen dituzten Parlamentuko funtzionarioek ere parte hartzen ahalko dute lekualdatze lehiaketa honetan.
Lehiaketa honetan parte hartzeak ez du aldaketarik ekarriko bertan parte hartu aurretik lehiatzaileek zuten araubide juridikoan.
5.-Lansariak
Lekuz aldatzen diren enplegatuek dagozkien lansariak izanen dituzte, indarra duten xedapenen arabera.
6.-Eskabidea aurkezteko epea eta lekua
a) Deialdian parte hartzeko eskabideak aurkeztu beharko dira Nafarroako Gobernuko Erregistro Orokorrean (Karlos III.a etorbidea, 2, Iruña) edo Administrazio Publikoen Araubide Juridikoari eta Guztientzako Administrazio Prozedurari buruzko azaroaren 20ko 30/1992 Legeko 38.4 artikuluan aurreikusitako bideetako edozeinetatik, deialdia Nafarroako ALDIZKARI OFIZIALean argitaratu eta biharamunetik hamabost egun naturaleko epean. Eskabideak deialdi honetan argitaratutako ereduari lotuko zaizkio (Nafarroako Gobernuaren Informazio Bulegoan jasotzen ahal da, Karlos III.a, 2, atalondoan) eta bertan, izangaiek adierazi beharko dute, kasu bakoitzean, eskatutako baldintza guztiak betetzen dituztela eskabidea aurkezteko epea amaitzen den egunean.
Eskabideak aurkezteko epea luzaezina izanen da.
b) Eskabidearekin batera, deialdi honetan ezarritako baremoaren arabera alegatzen diren merezimendu guztien egiaztagiriak aurkeztuko dituzte, behar bezala kautotuak, barne direlarik Administrazio Publikoetan emandako zerbitzuen egiaztagiriak.
Zerbitzu horiek dagokien unitate administratiboak luzatutako ziurtagiriaren bidez justifikatuko dira eta bertan lanpostua zein den zehaztuko da, baita lanpostu finkoa den ala behin-behinekoa.
7.-Izangai onartu eta baztertuen behin-behineko zerrenda.
Eskabideak aurkezteko epea amaiturik, Funtzio Publikoaren zuzendari nagusiak onartu eta baztertuen behin-behineko zerrenda onetsiko du eta Nafarroako ALDIZKARI OFIZIALean argitara dadila aginduko, ohartaraziz, hurrengo bost egun naturaleko epean baztertuek erreklamazioak egin ditzaketela eta, akatsik baldin badago, haiek zuzendu.
Eskabiderik aurkezten ez bada, Funtzio Publikoaren Zuzendari Nagusiak ebazpena emanen du lehiaketa hutsik gelditu dela adierazteko. Ebazpen hori Nafarroako ALDIZKARI OFIZIALean argitaratu beharko da.
Izangai bat ere baztertu ez bada, behin betiko zerrenda zuzenean onetsiko da eta Nafarroako ALDIZKARI OFIZIALean argitaratuko.
Erreklamazioetarako epea bukatu eta haiek ebatzitakoan, Funtzio Publikoaren zuzendari nagusiak ebazpena emanen du onartu eta baztertuen behin betiko zerrenda onesteko, eta Nafarroako ALDIZKARI OFIZIALean argitaratzeko aginduko du.
8.-Epaimahaiko kideak.
Lehiaketa kalifikatzeko epaimahaiko kideak honako hauek izanen dira:
-Mahaiburua: José Ortega García jauna, Hezkuntza eta Kultura Departamentuko Liburutegi Zerbitzuko zuzendaria.
-Ordezkoa: María Concepción Vidaurre Donamaría andrea, Hezkuntza eta Kultura Departamentuko Liburutegien Sarearen Ataleko burua.
-Mahaikideak:
1. Nafarroako Foru Komunitatearen Administrazioko Langileri Batzordearen ordezkari bat, Batzordeak berak izendatua.
Ordezkoa: Nafarroako Foru Komunitatearen Administrazioko Langileri Batzordearen ordezkari bat, Batzordeak berak izendatua.
2. Asunción Maestro Pegenaute andrea, Liburutegiko arduraduna, Hezkuntza eta Kultura Departamentuari atxikia. Idazkari lanetan ere arituko da.
Ordezkoa: Juana Iturralde Sola andrea, Liburutegiko arduraduna, Hezkuntza eta Kultura Departamentuari atxikia.
9.-Merezimenduen kalifikazioa.
Izangaiek alegatu eta egiaztaturiko merezimenduak honekin batera doan baremoari jarraikiz kalifikatu eta puntuatuko ditu epaimahaiak.
Merezimendu guztiak, Administrazio Publikoetan egindako zerbitzuenak barne, agiri bidez alegatu eta frogatuko ditu izangai bakoitzak lekualdatze lehiaketa honetan parte hartzeko eskabidea aurkeztean.
Epaimahaiak ez du inolaz ere kontuan hartuko alegatu ez den eta agiri bidez egiaztatu ez den merezimendurik, eta ez du emanen merezimenduen atal bakoitzarendako adierazitako puntuazioa baino altuagorik.
Lehiakideen puntuazioetan berdinketa gertatuz gero, administrazio publikoei zerbitzuak ematen antzinatasun handiena dutenen aldeko erabakia hartuko da. Hori eginda ere, berdinketak oraindik jarraitzen badu, lehiatzaile zaharrenari emanen zaio lehentasuna.
Epaimahaiak azalpenak eta datu osagarriak eskatzen ahalko ditu, lehiatzaileek alegatu eta frogaturiko merezimenduen gainean.
Merezimenduen kalifikazioa bukatu ondoren, epaimahaiak parte hartzaileek lorturiko puntuazioak paratuko ditu Nafarroako Gobernuko iragarki oholean, eta bost eguneko epeari hasiera emanen dio, interesatuek beren eskubidearen arabera komeni zaiena alega dezaten balorazio horri buruz.
10.-Izangaien zerrenda, erdietsitako puntuazioaren araberakoa.
Behin aurkez litezkeen erreklamazioak ebatzi ondoren, Epaimahaiak behin betiko puntuazioak argitaratuko ditu eta lortutako puntuazioaren arabera ordenatutako izangaien zerrenda Funtzio Publikoaren zuzendari nagusiari igorriko dio, honek behar den ebazpena emanen duelarik hasieran deitutako lanpostuen kopurua handitzeari dagokionez.
11.-Lanpostu hutsak hautatzea.
Lehiatzaileek lanpostua hautatzen ahalko dute, lehiaketako lanpostu hutsak, edo zerbitzu beharren arabera haien ordez eskaintzen direnak, erdietsitako puntuazioaren arabera, Funtzio Publikoaren Zuzendaritza Nagusiak horretarako deituko duen ekitaldian.
Behar bezala arrazoituriko ezinbesteko kasuetan salbu, aipatu epean lanpostua hartzen ez duten lehiatzaileek lehiaketaren xedea diren lanpostu hutsak betetzeko eskubide guztiak galduko dituzte.
12.-Adjudikazioa eta lanpostuaren jabetza hartzea.
Funtzio Publikoaren zuzendari nagusiak, ebazpen bidez, lanpostua adjudikatuko die proposatutako lehiatzaileei, eta hori Nafarroako ALDIZKARI OFIZIALean argitara dadila aginduko du.
Lehiatzaileek lanpostuaz jabetu beharko dute adjudikazioari buruzko Ebazpena jakinarazi eta hamar egun naturaleko epearen barrenean, non eta ebazpen horretan deialdia egin duen organoak jabetza hartzeko beste data jakinik ezartzen ez duen.
13.-Aurkezturiko agiriak.
13.1. Hautagaiek, baldin eta erreklamazio edo errekurtsorik aurkezten ez bada, aurkeztu dituzten agiriak berreskuratu ahal izanen dituzte halaxe eskatu ondotik. Agiriak eramateko eskaera hiru hilabeteko epean aurkezten ahalko da, lanpostuak esleitzeko Ebazpena Nafarroako ALDIZKARI OFIZIALean argitaratu eta beste hiru hilabeteren buruan.
13.2. Aurreko atalean ezarririko epea agiriak eraman gabe bukatzen bada, ulertuko da izangaiak uko egin diola agiriak eskuratzeari eta horretarako eskubidea galduko du eta agiriak suntsituko dira.
13.3. Erreklamazioa edo errekurtsoa aurkeztu denean, agiriak gorde eginen dira miatu eta aztertzeko. Erreklamazio edo errekurtsoaren tramitazioak ahalbidetzen duenean eramaten ahalko dira agiriak.
14.-Errekurtsoak.
Deialdiaren, haren oinarrien eta aplikazio egintzen kontra gora jotzeko errekurtsoa jar daiteke, Nafarroako Gobernuari zuzendua, hilabeteko epean, errekurritutako egintza argitaratu edo jakinarazi eta biharamunetik aitzina, Administrazio Publikoen Araubide Juridikoari eta Guztiendako Administrazio Prozedurari buruzko azaroaren 26ko 30/1992 Legearen 114. eta 115. artikuluetan eta hura aldatzen duen urtarrilaren 13ko 4/1999 Legean xedaturikoarekin bat.
Iruñean, bi mila eta biko irailaren hogeita hiruan.-Funtzio Publikoaren zuzendari nagusia, Ignacio Bandrés Urriza.
I. ERANSKINA
Eskabide eredua
Eskaria, ............. izateko ..... lanpostu, lekualdatze lehiaketa bidez betetzeko deialdian, ... .....(e)ko ..... Nafarroako ALDIZKARI OFIZIALean argitaratu zen hartan, parte hartzeko.
1.-Norberaren datuak.
Izen-deiturak:
Non eta noiz jaioa:
N..A.N.: ...........................
Helbidea: ................................................... P.K.:
Etxeko telefonoa: ..................... Lantokiko telefonoa:.
2.-Administrazio datuak.
a) Egoera administratiboa:
Zein lanpostutarako izan zen izendatua:
f Nafarroako Foru Komunitatearen Administrazioko funtzionarioa.
f Estatutik Nafarroako Foru Komunitatera transferitutako funtzionarioa.
f Gizarte Segurantzatik Nafarroako Foru Komunitatera transferitutako estatutupeko langilea.
f Lan kontratudun finkoa.
f Nafarroako Parlamentuko funtzionarioa.
f Jardunean.
f Zerbitzu berezietan.
f Eszedentzia berezian.
f Borondatezko eszedentzian.
f Nahitaezko eszedentzian.
(X batez adierazi bakoitzari dagokiona).
b) Oraingo destinoa:
Lanpostua:
Lanpostuaz jabetu zen eguna:
Departamentua:
Zerbitzua:
Atala:
Bulegoa:
Erakunde Autonomoa:
c) Maila edo taldea: ..........
3.-Sinatzaileak aditzera ematen du eskabideak aurkezteko ezarrita dagoen epea akitzen den egunean baldintza guztiak betetzen dituela.
4.-Eskatutako agiriak eta alegatutako merezimenduen egiaztagiriak aurkezten ditu.
5.-f Adierazten du euskararen gaitasuna frogatzeko proba egin nahi duela*.
Horrenbestez,
Eskatzen du deialdian onar dezatela, eskabide honetan dioen bezala.
Iruñean, ......(e)ko .........aren ........(e)an.
(Sinadura)
(*) Bidezko denean bakarrik.
II. ERANSKINA
Merezimenduen baremoa
a) Administrazio Publikoetan emandako zerbitzuak:
1) Edozein administrazio publikotan, langile finko gisa, deialdian eskaintzen den lanpostua bezalakoetan edo antzekoetan: puntu bat urte bakoitzeko.
2) Edozein administrazio publikotan, aldi baterako langile gisa, deialdian eskaintzen den lanpostua bezalakoetan edo antzekoetan: 0,75 puntu urte bakoitzeko.
3) Edozein administrazio publikotan, langile finko gisa, arestikoa ez beste lanpostuetan: 0,25 puntu urte bakoitzeko.
4) Edozein administrazio publikotan, aldi baterako langile gisa, deialdikoak ez beste lanpostuetan: 0,20 puntu urte bakoitzeko.
Oharrak:
1. Urteen kopurua osoa ez bada, zerbitzuan egindako aldiari proportzioan dagokion puntuazioa emanen zaie izangaiei.
2. Honako a) atal honi dagokion puntuazioa gehienez ere 30 puntukoa izanen da.
3. Lanaldi partzialean emandako zerbitzuen kasuan, behar den zatia kenduko da.
4. Deialdia argitaratu ondoren emandako zerbitzuak ez dira baloratuko.
5. Funtzionarioa zerbitzu berezietan edo eszedentzia berezian egon den edo unitate organiko bateko buru edo zuzendari lanetan aritu den aldietako zerbitzuak, egoera horietan sartzean zuen lanpostuan eman izan balitu bezala kontatuko dira.
b) Prestakuntza, irakaskuntza eta ikerketa
1) Erakunde edo zentro publikoek eta unibertsitateek antolaturiko prestakuntza-ekintzetan parte hartzea: 0,10 puntu kreditu akademiko edo haren baliokide (10 ikastordu) bakoitzeko; gehienez ere, 7 puntu.
Oharrak:
1. Baloratu beharreko ikastaroetan, irakastorduen zatikiak hainbanatuko dira.
2. Ikastorduen kopurua agertzen ez duten ziurtagiriei kreditu bateko balorazioa emanen zaie.
3. Ikasturte bateko iraupena agertzen duten ziurtagiriei 12 kredituko balorazioa emanen zaie.
4. Erakunde antolatzaileari buruzko betebeharrak betetzen ez badituzte ere, Administrazioak agindurik edo oniritzirik eginak diren prestakuntza ekintzetan parte hartzea puntuazio berarekin baloratuko da. Horien artean, espresuki, sindikatuek Administrazio Publikoetako Etengabeko Prestakuntzarako Itunen barruan antolatuak sartuko dira.
2) Kongresu edo jardunaldietan ponentziak edo komunikazioak aurkeztea, beka jasotako edo sarituriko zientzia edo ikerketa lanak egitea eta aldizkari espezializatuetan lanak argitaratzea: 2 puntu, gehienez ere, epaimahaiak baloratu beharrekoak, lana edo jarduera bakarka edo taldean egina den eta biltzarrak edo argitalpenak herri, eskualde, nazio edo nazioarteko maila duen kontuan hartuz.
3) Sektore publikoan prestakuntza ekitaldiak antolatu edo/eta horietan irakasle gisa parte hartzea: gehienez ere, puntu bat. Epaimahaiak baloratuko du horien iraupenaren arabera.
b) atal osorako oharrak:
1. Idatz-zati honetan aipatutako merezimenduak deialdiko lanpostuarekin zerikusia izanez gero soilik baloratuko dira.
2. Baremoaren b) atal honetako gehieneko puntuazioa 10 puntukoa izanen da.
Hizkuntzak jakiteagatik gehitutako puntuazioa.
-Frantsesez, ingelesez edo alemanez jakiteagatik, Europako Batasuneko hizkuntza ofizialak baitira, bina puntu gehienez ere.
-Euskaraz jakitea: destinoa eremu euskaldunean duten lanpostuetarako 2,20 puntu gehienez, eta destinoa eremu mistoan dutenetarako 2,10 puntu gehienez, betiere, plantillaren arabera, lanpostu horretan aritzeko euskaraz jakitea merezimendu gisa baloratzen baldin bada.
Ondorio horietarako, Hizkuntza Eskola Ofizial batek luzaturiko Gaitasun Agiria edo ofizialki baliokidetzat titulua edukitzeagatik, aurreko idatz-zatietan adierazten den gehieneko puntuazioa emanen da.
Titulurik eduki ezik, Hizkuntza Eskola Ofizialean gaindituriko ikasmaila bakoitzagatik gehieneko puntuazioaren 1/5 emanen da, eta eruskarari ere gagozkiola, 1/12 emanen zaio Nafarroako Gobernuak antolatutako ikastaroetan gainditutako urrats bakoitzari.
Iragarkiaren kodea: A0210301
