136. ALDIZKARIA - 2000ko azaroaren 10a

I. NAFARROAKO FORU KOMUNITATEA

Xedapen Orokorrak. Foru Aginduak

362/2000 FORU AGINDUA, urriaren 4koa, Hezkuntza eta Kultura kontseilariak emana, Nafarroako Foru Komunitateko lurraldean dauden Lehen Hezkuntzako ikastetxe publikoetako, Haur eta Lehen Hezkuntzako ikastetxe publikoetako, Hezkuntza Bereziko ikastetxe publikoetako eta Pertsona Helduen Oinarrizko Hezkuntzako ikastetxe publikoetako eskola kontseiluak hautatu, partez berritu eta eratzeko arauak ezartzen dituena.

Ikasketen Antolamendu eta Lanbide Heziketaren Zerbitzuko zuzendariak adostasun txostena eman du ikastetxe horietako eskola kontseiluak hautatu, partez berritu eta eratzeko, hezkuntza komunitateko sektore guztien parte hartzea bermatzeko asmoz.

Foru Agindu honen helburua da Lehen Hezkuntzako ikastetxe publikoetako, Haur eta Lehen Hezkuntzako ikastetxe publikoetako, Hezkuntza Bereziko ikastetxe publikoetako eta Pertsona Helduen Oinarrizko Hezkuntzako ikastetxe publikoetako eskola kontseiluak hautatu, partez berritu eta eratzeko deialdia egitea. Prozesu horrek hurrengoak jarraikiko ditu: Nafarroako Foru Komunitateko lurraldean dauden Bigarren Hezkuntzako Institutuen Erregelamendu Organikoa onetsi zuen otsailaren 10eko 24/1997 Foru Dekretuaren II. tituluko II. kapituluaren ("Kide anitzeko gobernu organoak") A atala ("Eskola Kontseilua") eta hirugarren xedapen iragankorra (Foru Dekretua 1997-03-14ko Nafarroako ALDIZKARI OFIZIALean argitaratu zen), bai eta uztailaren 6ko 255/1999 Foru Dekretua eta Foru Agindu hau ere.

Kontuan hartu dira irakaskuntza ez-unibertsitarioen arloko eginkizun eta zerbitzuak Estatuko Administraziotik Nafarroako Foru Komunitatera eskualdatzea onetsi zuen abuztuaren 31ko 1070/1990 Errege Dekretua (1990-09-1eko "EAO"), ikastetxeetako parte hartze, ebaluazio eta gobernuari buruzko azaroaren 20ko 9/1995 Lege Organikoa (1995-11-21eko "EAO"), arestian aipatu den otsailaren 10eko 25/1997 Foru Dekretua eta uztailaren 6ko 255/1999 Foru Dekretua.

Horrenbestez, Nafarroako Foru Komunitateko Gobernua eta Administrazioa arautzen dituen apirilaren 11ko 23/1983 Foru Legearen 36. artikuluak eman dizkidan ahalmenak erabiliz,

AGINDU DUT:

Aplikazio eremua

Lehena.-1. Eskola kontseiluak hautatu eta eratzeko deialdi honek ondoko ikastetxe publikoentzako da Foru Dekretua: eskola kontseiluak lehenbiziko aldiz hautatu eta eratu beharra duten Lehen Hezkuntzakoak, Haur eta Lehen Hezkuntzakoak, Hezkuntza Berezikoak eta Pertsona Helduen Oinarrizko Hezkuntzakoak.

2. Era berean, beste hauentzako ere bada: eskola kontseilu horien lehen edo bigarren erdia osatzen duten kideak hautatu zirenetik bi urte iraganik, partez berritu beharra duten Lehen Hezkuntzako ikastetxeak, Haur eta Lehen Hezkuntzakoak eta Hezkuntza Berezikoak. Horrela, deialdi honetan, ikastetxeek, lehen erdia edo bigarren erdia zer berritu behar duten, honela jokatuko dute:

Eskola kontseiluaren lehen erdia zein bigarren erdia berritu behar duten ikastetxeek, betiere, otsailaren 10eko 24/1997 Foru Dekretuaren 9. artikuluan agertzen den ikastetxe mota bakoitzaren osaketaren arabera eginen dute, eta kontuan hartuta otsailaren 10eko 24/1997 Foru Dekretuaren 10.2 a) eta 10.2 b) artikuluetan eta hirugarren xedapen iragankorreko 2. eta 3. puntuan ezarritakoa, lehen edo bigarren erdia zer berritu behar den, horren arabera.

Bestalde, behin-behinekoz eta aldi baterako Derrigorrezko Bigarren Hezkuntzako Lehen Zikloa ematen duten Lehen Hezkuntzako eta Haur eta Lehen Hezkuntzako ikastetxe publikoek, bai eta herriko Derrigorrezko Bigarren Hezkuntzako institutuekin batera diharduten ikastetxe publikoek, 2000ko deialdi honetan lehen erdiaren zein bigarren erdiaren berritzea egin behar badute, idatz-zati honetan gainerako ikastetxeentzat ezarritakoaren arabera eginen dute berritzea, eta, gainera, kontuan izanen dute aipatu ikastetxeek eskola kontseiluaren lehen erdiaren osaerari buruz duten berezitasuna, otsailaren 10eko 24/1997 Foru Dekretuaren lehen xedapen iragankorrean eta bigarren xedapen gehigarrian ezarritakoarekin bat etorriz.

3. Deialdi honen babesean, eskola konseilua hautatzea edo partez berritzea kronologikoki ez dagokien Pertsona Helduen Oinarrizko Hezkuntzako ikastetxe publikoek ere hauteskundeak egin ahalko dituzte, dagokien ordezkari kopurua murriztua dutela-eta indarreko agintaldia duten eskola kontseiluetako zenbait sektore osatzeko, baldin eta gertatu diren hutsuneak ordezkoen zerrendaren bitartez betetzerik izan ez bada.

Atal honetan xedatutakoari jarraikiz hautatzen diren ordezkarien agintaldia, edonola ere, ordezten dituzten kontseilukideen agintaldia bukatuko litzatekeen egunean bukatuko da.

Bigarrena.-Foru Agindu honen lehen puntuan aipatu diren ikastetxeetako eskola kontseiluak hautatu, partez berritu eta eratzeko deialdiak hurrengoak jarraikiko ditu: Nafarroako Foru Komunitateko lurraldean dauden Haur Hezkuntzako eskola publikoen, Lehen Hezkuntzako ikastetxe publikoen eta Haur eta Lehen Hezkuntzako Ikastetxe Publikoen Erregelamendu Organikoa onetsi zuen otsailaren 10eko 24/1997 Foru Dekretuaren II. tituluko II. kapituluaren ("Kide anitzeko gobernu organoak") A atala ("Eskola Kontseilua") eta hirugarren xedapen iragankorra, bai eta, hala tokatzen bada, bigarren xedapen gehigarria eta lehenbiziko xedapen iragankorra ere. Pertsona Helduen Oinarrizko Hezkuntzako ikastetxe publikoei dagokienez, uztailaren 6ko 255/1999 Foru Dekretuaren 32.3 artikuluari jarraikiko die.

Hautatu beharreko kideak

Hirugarrena.-1. Hautatu beharreko kide kopurua ikastetxe mota bakoitzari dagokiona izanen da, kasu bakoitzean egin behar den hautaketa edo berritze partzialaren arabera eta ikastetxe bakoitzak daukan unitate kopurua kontuan hartuta, hala ezartzen baitute otsailaren 10eko 24/1997 Foru Dekretuaren 9 eta 10. artikuluek, bigarren xedapen gehigarriak eta lehen eta hirugarren xedapen iragankorrek.

2. Derrigorrezko Bigarren Hezkuntzako Lehen Zikloa behin-behinekoz ematen duten Haur eta Lehen Hezkuntzako ikastetxe publikoetan eta martxoaren 13ko 150/1996 Foru Dekretuaren bidez (1996-4-8ko Nafarroako ALDIZKARI OFIZIALa) sortu ziren Derrigorrezko Bigarren Hezkuntzako institutuen eskolagune berean dauden ikastetxeetan, Derrigorrezko Bigarren Hezkuntzako ikasle bat Eskola Kontseiluko kide izanen da, hala agintzen baitute, hurrenez hurren, otsailaren 10eko 24/1997 Foru Dekretuaren lehen xedapen iragankorrean eta bigarren xedapen gehigarrian ezarritakoak.

Ikasleen ordezkari hori dela eta, lehen erdia berritzean, gurasoen sektorean -otsailaren 10eko 24/1997 Foru Dekretuaren 10.2.a) artikuluan ezartzen da gurasoen ordezkari kopurua- kide bat gutxiago berritu beharko da. Aipatutako ordezkari hori bi urtez behin berrituko da.

3. Aurreko idatz-zatian aipatu ikastetxeetako eskola kontseiluan Derrigorrezko Bigarren Hezkuntzako ikasleek izanen duten ordezkaria kasuan kasuko ikastetxean Derrigorrezko Bigarren Hezkuntzan ari diren ikasleek aukeratuko dute, ikastetxeko Hezkuntza Proiektuan horretarako ezartzen den prozedurari jarraikiz.

4. Pertsona Helduen Oinarrizko Hezkuntzako ikastetetxe publikoetan, baldin eta osatu gabeko sektoreak osatzeko hauteskundeak egiten badira, hurrengoak kontuan hartuz jokatuko da: otsailaren 10eko 24/1997 Foru Dekretua, uztailaren 6ko 255/1999 Foru Dekretua, irailaren 30eko 336/1999 Foru Agindua eta Foru Agindu hau.

Hauteskundeak egiteko epea

Laugarrena.-Aurten hautatu, partez berritu eta eratu behar diren Lehen Hezkuntzako, Haur eta Lehen Hezkuntzako, Hezkuntza Bereziko eta Pertsona Helduen Oinarrizko Hezkuntzako ikastetxe publikoetako eskola kontseiluetan eskola komunitateko sektoreek izanen dituzten ordezkariak aukeratzeko hauteskundeak 2000ko azaroaren 22tik abenduaren 11 bitartean egin beharko dira, biak barne.

Hauteskunde Batzordea

1. Otsailaren 10eko 24/1997 Foru Dekretuaren 12. artikuluan aurreikusitako hauteskunde batzordea azaroaren 6tik aitzina eratuko da. Haren eginkizuna izanen da eskola kontseiluko kideak hautatzeko prozedura antolatzea, hezkuntza komunitatearen sektore guztiek parte hartu ahal izateko bide egokienak eskainiz.

2. Ikastetxeko zuzendariek Hauteskunde Batzordeko kide titular eta ordezkoak hautatzeko zozketak antolatuko dituzte, publikotasuna eta berdintasuna bermatuz, eta, horretarako, batzordeak gero onetsiko dituen hauteskunde erroldak prestatu beharko dituzte. Horrezaz gain, hauteskunde prozesua aurrera eramateko behar diren neurriak hartuko dituzte.

Pertsona Helduen Oinarrizko Hezkuntzako ikastetxe publikoetako ikastetxeetan, Hauteskunde Batzordean gurasoei tokatzen zaien postua ikasle batek beteko du, dagokion hauteskunde erroldan inskribaturik dauden ikasle guztien artean zozketa bidez aukeratua.

3. Hauteskunde Batzordeak, eratu ondoren, zehaztuko du sektoreetako ordezkarien hautagai zerrendak aurkezteko epea eta otsailaren 10eko 24/1997 Foru Dekretuaren 12.2 eta 13. artikuluetan aipatu eskumenak ere erabili ahalko ditu. Hautagaien behin-behineko zerrendak argitaratu eta bozketa egunaren artean, zortzi egun naturaleko epea utzi beharko da gutxienez.

Erreklamazioak eta inpugnazioak

Seigarrena.-1. Foru Agindu honen bosgarren puntuaren 3. idatz-zatian adierazi zerrendak aurkezteko epea amaiturik, Hauteskunde Batzordeak onarturiko hautagaien behin-behineko zerrenda emanen du argitara.

2. Onartu diren hautagaien behin-behineko zerrendaren aurka erreklamazioa egin ahalko da, argitara ematen den egunaren hurrengo egun baliodunean.

Kasu horretan, batzordeak ondoko egun baliodunean ebatziko du erreklamazioa eta, erabaki horren aurka, gora jotzeko errekurtsoa jarri ahalko da Nafarroako Gobernuari zuzendua, hilabeteko epearen barnean; errekurtsoa jarrita ere, prozesua ez da etengo.

Hautagai zerrenda bereiziak

Zazpigarrena.-Ikasleen gurasoen edo ikasleen hautagai zerrenda bereiziak aurkezten direnean, boto-paperek honako arau hauek bete beharko dituzte:

a) Hautagaien izenak, hautagai zerrenda bereizi batekoak izan ala ez izan, lehenengo abizenaren lehen letraren arabera ordenatuko dira.

b) Hautagaia zerrenda bereizi batean aurkeztu bada, bere izenaren azpian hautagai zerrenda aurkeztu duen elkartearen edo erakundearen izena adierazi beharko da.

c) Hautagai bakoitzaren izenaren aurrean laukitxo bat jarriko da. Boto emaileak gurutze bat jarriko du laukitxoan, botoa zein hautagairentzat den adierazteko.

Posta bidezko botoa

Zortzigarrena.-1. Ikasleen gurasoek posta bidezko botoa erabil dezakete. Horretarako, botoa eta Nortasun Agiri Nazionalaren fotokopia edo nortasuna frogatzeko balio bereko agiria biltzen dituzten kartazalak ikastetxeko Hauteskunde Batzordeari igorri beharko dizkiote, boto kontaketa egin baino lehen.

Hautesleek behar den dokumentazioa eskatuko diote Hauteskunde Batzordeari eskubide hori erabili ahal izateko.

2. Hauteskunde Batzordeak gorde eginen ditu posta bidez jasotako botoak eta bozketa ixteko ordua iritsi baino lehentxeago hauteskunde mahaiari emanen dizkio. Geroago iristen diren botoak ez dira kontatuko.

Hauteskunde mahaiak

Bederatzigarrena.-1. Bozketa egunean irakasle eta gurasoentzako hauteskunde mahaiak eratuko dira, zeinak, hurrenez hurren, otsailaren 10eko 24/1997 Foru Dekretuaren 15.2 eta 16.3 eta 16.4 artikuluetan aurreikusita baitaude. Pertsona Helduen Oinarrizko Hezkuntzako ikastetxe publikoetan, ikasleen ordezkariak hautatzeko hauteskunde mahaiko kideak ondoko hauek izanen dira: ikastetxeko zuzendaria, mahaiburua izanen baita, eta bi ikasle, zozketa bidez aukeratuak; ikaslerik zaharrena idazkaria izanen da.

2. Administrazioko eta zerbitzuetako langileen ordezkaria hautatzeko bozketa, bidezkoa denean, irakasleen hauteskunde mahaian egin beharko da, aparteko boto-kutxa batean, aipatu otsailaren 10eko 24/1997 Foru Dekretuaren 17.2. artikuluan ezarritakoari jarraikiz.

3. Derrigorrezko Bigarren Hezkuntzako Lehen Zikloa behin-behinekoz ematen duten Haur eta Lehen Hezkuntzako ikastetxe publikoetan edo martxoaren 13ko 150/1996 Foru Dekretuaren bidez sortu ziren Derrigorrezko Bigarren Hezkuntzako institutuen eskolagune berean dauden ikastetxeetan Derrigorrezko Bigarren Hezkuntzan ari diren ikasleen ordezkaria hautatzeko bozketa kasuan kasuko ikastetxeko Hezkuntza Proiektuan ezarritako prozedurari jarraikiz eginen da.

4. Behar adina ordu jarriko dira, behar bezala banatuak, nahi duten hautesleek botoa eman ahal izan dezaten.

Botoak kontatzea, aktak egitea eta hautetsiak aldarrikatzea

Hamargarrena.-1. Hauteskunde egintza bakoitzean, bozketa bukatu eta gero, mahaiak botoen kontaketa eginen du, jendaurrean. Horren ondoren, mahaikide guztiek sinatu beharreko akta eginen da, honako datuok bildu beharko dituena: aurkezturiko hautagai zerrenda eta bakoitzak lorturiko boto kopurua; eskola kontseiluko kide izateko aukeratuen zerrenda eta gerta daitezkeen postu hutsak betetzeko ordezkoen zerrenda, horietako bakoitzak lortu duen boto kopurua adierazita eta horren arabera ordenatuta. Hauteskunde mahai bakoitzak ikastetxeko Hauteskunde Batzordeari igorriko dio akta, hautetsien aldarrikapena egin dezan, eta haren kopia bat, eranskinean agertzen den ereduaren araberakoa, Hezkuntza Zuzendaritza Nagusira (Ikasketak Antolatzeko Atala) bidali beharko da.

2. Bozketetan berdinketarik izanez gero, erabakia zozketa bidez hartuko da, hauteskunde mahaiak zuzenduta. Hauteskunde Batzordeari igortzen zaion aktan horren berri emanen da.

3. Hauteskunde Batzordeak, mahaiek boto-kontaketa eta aktak egin ondotik, hautetsien aldarrikapena eginen du. Batzorde horren erabakien aurka errekurtso arrunta jarri ahalko da Nafarroako Gobernuari zuzendua, hilabeteko epean, jakinarazi edo argitaratu eta biharamunetik hasita.

4. Ikastetxeko zuzendariak, hauteskunde batzordeburua den aldetik, Foru Agindu honen eranskinean ageri den ereduaren araberako akten kopiak igorri beharko ditu Hezkuntza Zuzendaritza Nagusira (Ikasketak Antolatzeko Atala), sektore guztietako bozketak amaitu eta berrogeita zortzi orduko epean.

Izendapeneko postuak betetzeko prozedura

Hamaikagarrena.-1. Hauteskunde Batzordeak institutua kokatuta dagoen herriko udalari eskatuko dio eskola kontseiluko kide izateko zinegotzi edo ordezkari bat izenda dezan.

2. Herri eskola bateratuen kasuan, batasunak bere aplikazio eremuan hartzen dituen udalen artean akordiorik ez bada, biztanleen kopuruaren ordenari segituz -biztanle gehien duen herritik hasita- izendatuko dituzte udalek ikasturte bakoitzerako ordezkariak. Gainerako udalen ordezkariak ere ager daitezke eskola kontseilura, hizpidea dutela baina botorik gabe.

3. Halaber, ikastetxeko ikasleen guraso elkarterik garrantzitsuenari eskatuko zaio eskola kontseiluko kide izateko ordezkaria izenda dezan.

Eskola kontseilua eratzea

Hamabigarrena.-1. Hautetsien aldarrikapena egin eta ondoko hamar egun naturaleko epean, zuzendariak eskola kontseilua eratzeko bilkurarako deia eginen du.

2. Eskola kontseilua eraturik geldituko da ikastetxeko eskola komunitateko sektoreren batek -sektore horri egotzi dakizkiokeen arrazoiengatik- kide anitzeko organo honetarako ordezkariak hautatu gabe baldin baditu ere.

XEDAPEN GEHIGARRIAK

Lehena.-Lehen Hezkuntzako ikastetxe publikoek, Haur eta Lehen Hezkuntzakoek eta Hezkuntza Berezikoek, 2000ko hauteskunde hauetan eskola kontseilua partez berritu beharra izan (lehen edo bigarren erdia) eta beren unitate kopuruan aldaketa izan dutelako eskola kontseiluan ere aldaketa egin beharra badute, hura osatzen duten bi erdietan hain zuzen, hala ezartzen baitute otsailaren 10eko 24/1997 Foru Dekretuaren 9 eta 10. artikuluek, lehen edo bigarren erdiaren berritzea -kasuan kasukoa- ikastetxeak egun duen unitate kopuruaren osaketa berriari egokituko diote, otsailaren 10eko 24/1997 Foru Dekretu horren 10.2. artikuluan xedatutakoari jarraikiz.

Bigarrena.-Ikastetxeetako eskola kontseiluak behar bezala eratu daitezen, behar diren neurriak hartuko dituzte Ikasketen Antolamendu eta Lanbide Heziketaren Zerbitzuak, Zerbitzuak Ikuskatzeko eta Ikuskapen Teknikorako Zerbitzuak, ikastetxeetako zuzendariek eta hauteskunde batzordeek; orobat, bermatuko dute kasuan kasuko prozesuetan eskola komunitateko sektore guztiek parte hartzen dutela, horretarako erraztasunak emanez.

AZKEN XEDAPENAK

Lehena.-Hezkuntza zuzendari nagusiari ahalmena ematen zaio Foru Agindu honetan agindutakoa aplikatu eta garatzeko behar diren ebazpenak eman ditzan.

Bigarrena.-Foru Agindu hau eta eranskina igortzea Zerbitzuak Ikuskatzeko eta Ikuskapen Teknikorako Zerbitzura, Ikasketen Antolamendu eta Lanbide Heziketaren Zerbitzura eta Ikasketak Antolatzeko Atalera, behar diren ondorioak izan ditzan.

Hirugarrena.-Foru Agindu honek bai eta duen eranskinak ere Nafarroako ALDIZKARI OFIZIALean argitara eman eta biharamunean hartuko dute indarra.

Iruñean, bi milako urriaren lauan.-Hezkuntza eta Kultura kontseilaria, Jesús Laguna Peña.

E R A N S K I N A

Lehen Hezkuntzako, Haur eta Lehen Hezkuntzako, Hezkuntza Bereziko eta Pertsona Helduen Oinarrizko Hezkuntzako ikastetxe publikoetako eskola kontseiluetako kideak hautatzea eta partez berritzea (2000/2001 ikasturteko lehen hiruhilekoa)

1.-IKASTETXEAREN IDENTIFIKAZIO DATUAK

Izena Herria

Telefonoa Faxa

2.-ESKOLA KONTSEILUA HAUTATZEKO MODUA

f Kontseilua lehenengo aldiz hautatzea

f Kontseilua partez berritzea:

f Lehen erdia f Irakasleen sektorea

f Bigarren erdia f Gurasoen sektorea

f Ikasleen sektorea

f Administrazio eta zerbitzuetako langileen sektorea

3.-HAUTESKUNDEETAKO PARTE HARTZEA ETA ORDEZKARI HAUTATUAK

Irakasleak Gurasoak edo tutoreak IkasleakAdministrazio eta zerbitzuetako langileak

Errolda osoa

Boto emaileak (Kopurua eta %)

Ordezkari hautatuen kopurua

4.-AURKEZTUTAKO HAUTAGAIEN ZERRENDA ETA LORTUTAKO BOTOEN KOPURUA

I r a k a s l e a k Gurasoak edo tutoreak I k a s l e a kAdmin. eta zerbitzuetako langileak

Hautagaiak Botoak Hautagaiak Botoak Hautagaiak Botoak Hautagaiak Bo toak

5.- ESKOLA KONTSEILUAREN OSAKETA

A) Eskola kontseiluko kide ez-hautatuak

Kontseiluburua

Ikasketa burua (baldin badago)

Idazkaria (baldin badago)

Ordezkari gehien duen guraso-elkartea

Udaleko zinegotzi edo ordezkaria

B) Eskola kontseiluko kide hautatuak

B.1. (Kontseiluaren lehenbiziko hautaketa)

I r a k a s l e a k Gurasoak edo tutoreakI k a s l e a k Admin. eta zerbitzuetako langileak

B.2. 1. erdia (.......ko hauteskundeetan berrituak)

I r a k a s l e a k Gurasoak edo tutoreak I k a s l e a k

B.3. 2. erdia (.......ko hauteskundeetan hautatuak/berrituak (1))

I r a k a s l e a k Gurasoak edo tutoreakI k a s l e a k Admin. eta zerbitzuetako langileak

(1) Zer ez duen behar, hura ezabatu.

6.-ORDEZKOEN ZERRENDA

I r a k a s l e a k Gurasoak edo tutoreakI k a s l e a k Admin. eta zerbitzuetako langileak

Hautagaiak Botoak Hautagaiak Botoak Hautagaiak Botoak Hautagaiak Bo toak

7.- HAUTESKUNDE MAHAIAK

I r a k a s l e a k Gurasoak edo tutoreakI k a s l e a k Admin. eta zerbitzuetako langileak

Kideen sinadura Kideen sinaduraKideen sinadura Kideen sinadura

Eguna Eguna Eguna Eguna

..........................(e)n,......(e)ko................aren.......

IKASTETXEKO ZUZENDARIA

Iragarkiaren kodea: A0009409