81. ALDIZKARIA - 2020ko apirilaren 20a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

LEDEA

2020ko lan-egutegia eta egun baliogabeen deklarazioa

Ledeako Udaleko Alkatetzak, abenduaren 30eko 86/2019 Ebazpenaren bidez, 2020ko lan-egutegia eta egun baliogabeen deklarazioa onetsi zituen. Hona hemen zer ezartzen duen haren xedapen zatiak:

1. 2020ko lan-egutegia onestea Ledeako Udalaren zerbitzuko langileentzat. Honako hauek ezartzen dira jaieguntzat, eta egun horietan itxirik egonen dira Udalaren bulegoak eta eraikinak:

–Urtarrilaren 1a: Urteberri eguna.

–Urtarrilaren 6a: Errege eguna.

–Martxoaren 19a: San Jose.

–Apirilaren 9a: Ostegun Santua.

–Apirilaren 10a: Ostiral Santua.

–Apirilaren 13a: Pazko astelehena.

–Maiatzaren 1a: Langileen eguna.

–Uztailaren 23a: Herriko jaia.

–Uztailaren 24a: Zaindariaren jaieguna.

–Abuztuaren 15a: Andre Mariaren Jasokundea.

–Urriaren 12a: Espainiako Jai Nazionala.

–Abenduaren 3a: San Frantzisko Xabierkoa.

–Abenduaren 7a: Konstituzio egunaren biharamuna.

–Abenduaren 8a: Andre Maria Sortzez Garbia.

–Abenduaren 25a: Eguberri eguna.

2. Orobat, baliogabeak izanen dira, 2020an epeak kontatzeari dagokionez, larunbat eta igande guztiak eta honako ebazpen honen lehenbiziko xedapenean adierazitako jaiegunak.

3. Ledeako Udalean jendea hartzeko eta bertako Erregistro Orokorra irekita egoteko ordutegia 10:00-14:00 da, astelehenetik ostiralera.

4. Ledeako Udaleko administrazioko langileen urteko lanaldia benetan lan egindako 1.592 ordukoa da, abenduaren 26ko 26/2012 Foru Legeari jarraikiz, eta haren banaketa honela eginen da:

Astelehenetik ostiralera, eguneroko lanaldia izanen da, oro har, 7 ordu eta 20 minutukoa.

Onetsitako lan-egutegiaren arabera Udaleko langileek 27 opor egun izanen dituzte, bai eta norberaren aferetarako 3 egun, langile bakoitzaren lan kontratuaren arabera dagokion proportzioan.

Soberako egun bat eta 6,40 ordu sortzen dira 2020rako onetsitako lan-egutegian (Gizarte eta Kultura Zentroko langileen kasuan izan ezik). Eguna uztailaren 26an hartuko da, eta gainerako 6,40 ordu horiek nahierara hartuko dituzte Udaleko langileek.

Gizarte eta Kultura Zentroko zerbitzuak berariazko lan-egutegia izanen du, kontuan harturik larunbatak ere sartzen direla lanaldian. Hori dela eta, ordu konpentsazio bat izanen da larunbatean lan egindako ordubete bakoitzeko: 45 minutu gehiago.

5. Ebazpen hau argitaratzea Nafarroako Aldizkari Ofizialean eta Ledeako Udalaren iragarki-taulan.

6. Ebazpen hau eta lan-egutegia Udaleko langile guztiei jakinaraztea eta Osoko Bilkurari ebazpenaren berri ematea, egiten den hurrengo bilkura arruntean.

Ledean, 2019ko abenduaren 30ean.–Alkatea, Ricardo Murillo Delfa.

Iragarkiaren kodea: L2004306