2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
PITILLAS
2020ko lan egutegia
Pitillasko alkate Pedro José Labari Elduayenek, 2020ko urtarrilaren 2ko Ebazpenaren bitartez, honako hau ebatzi zuen:
"Ikusirik udal honetako langileen 2020rako lan-egutegiaren proposamena.
Kontuan harturik, indarreko lege-xedapenei jarraikiz, alkatetza hau dela hura onesteko edo ezezteko organo eskuduna.
Aintzat harturik abenduaren 27ko 624/1999 Foru Dekretua, urteko lanaldia ezartzen duena Nafarroako Administrazio Publikoetako enplegatuetatik Nafarroako Administrazio Publikoen zerbitzuko Langileen Estatutuaren gainean abuztuaren 30eko 251/1993 Legegintzako Foru Dekretuaren bidez onetsitako testu bateginaren aplikazio eremuan sartzen direnentzat, eta abenduaren 27ko 337/2019 Foru Dekretua, Nafarroako Foru Komunitatearen esparruan, egun baliogabeak zein diren zehazten duena, 2020. urteko epeen zenbaketarako.
Alkatetza honi apirilaren 2ko 7/1985 Legearen 21. artikuluak, apirilaren 18ko 781/1986 Legegintzako Errege Dekretuaren 24. artikuluak eta azaroaren 28ko 2568/1986 Errege Dekretuaren 41. artikuluak ematen dizkioten eskudantziak erabiliz,
EBAZTEN DU:
Lehena.–Pitillasko Udalaren langileendako 2020ko lan-egutegia onestea, abenduaren 27ko 624/1999 Foru Dekretuan urte osorako ezarritako 1.592 orduko zenbatekoan oinarriturik, eta jaiegunak zein diren zehaztea, horietan itxirik egonen baitira udal bulegoak; hona hemen:
–Urtarrilaren 1a: Urteberri eguna.
–Urtarrilaren 6a: Errege eguna.
–Martxoaren 19a: San Jose.
–Apirilaren 9a: Ostegun Santua.
–Apirilaren 10a: Ostiral Santua.
–Apirilaren 13a: Pazko astelehena.
–Maiatzaren 1a: Langileen eguna.
–Ekainaren 29a: San Pedro. Herriko jaieguna.
–Urriaren 12a: Espainiako Jai Nazionala.
–Abenduaren 3a: San Frantzisko Xabierkoa, Nafarroaren Eguna.
–Abenduaren 7a: Konstituzio egunaren hurrengo astelehena.
–Abenduaren 8a: Andre Maria Sortzez Garbia.
–Abenduaren 25a: Eguberri eguna.
Bigarrena.–Udal bulegoak itxirik egonen dira urteko larunbat eta igande guztietan, bai eta gorago aipatutako jaiegunetan ere, horiek ere kontuan hartu baitira 2020rako lan-egutegian.
Hirugarrena.–Astelehenetik ostiralera bitarteko eguneroko lanaldia, orokorrean, 7 ordu eta 20 minutukoa izanen da. Printzipioz, 249 lanaldi izanen dira, 7 ordu eta 20 minutukoa bakoitza.
Laugarrena.–Erabaki honen iragarkia Nafarroako Aldizkari Ofizialean eta Pitillasko Udalaren iragarki-taulan argitaratzea, eta osoko bilkurari igortzea, behar diren ondorioetarako."
Erabaki hau jakinarazten da eta aditzera ematen da ebazpen honen aurka aurkez daitekeela:
–Gora jotzeko errekurtsoa, Nafarroako Administrazio Auzitegiari zuzendua, hilabeteko epean, jakinarazten denetik hasita.
–Berraztertzeko errekurtsoa, hura eman duen udal organoari zuzendua, adierazitako epe berean.
–Administrazioarekiko auzi-errekurtsoa, jurisdikzio horretako organo eskudunari zuzendua, bi hilabeteko epean, jakinarazten zaionetik hasita.
Pitillasen, 2020ko urtarrilaren 23an.–Alkate udalburua, Pedro José Labari Elduayen.
Iragarkiaren kodea: L2001755