Iragarkia

225. ALDIZKARIA - 2020ko urriaren 1a

1. NAFARROAKO FORU KOMUNITATEA

1.4. DIRU-LAGUNTZAK, LAGUNTZAK ETA BEKAK

490/2020 EBAZPENA, irailaren 15ekoa, Toki Administrazioaren eta Despopulazioaren zuzendari nagusiak emana, zeinaren bidez onesten baita “Kapital transferentzien aparteko funtsa, tokiko ekonomia bultzatzeko inbertsioetarako” izenekoaren onuradun diren udalerrien zerrenda eta agintzen baita haietako bakoitzak jaso beharreko dirua ordaintzeko, aurrerakin gisa.

Uztailaren 1eko 13/2020 Foru Legearen bidez (uztailaren 7ko 148. Nafarroako Aldizkari Ofizialean argitaratua), 25 milioi euroko aparteko kreditu bat eman, arautu eta banatzea onetsi zen, Nafarroako Toki Ogasunen parte-hartzearen funtsaren kargura, COVID-19ak eragindako osasun publikoko arrazoiak direla-eta hartu behar izan diren ohiz kanpoko neurri urgenteengatik toki entitateek dituzten beharrei erantzuteko.

Foru lege horren 4. artikuluan kapital transferentzien aparteko funts bat arautzen da, 13.500.000 eurokoa, tokiko ekonomia bultzatzeko inbertsioetarako, “COVID-19 kapital transferentzien aparteko funtsa, tokiko ekonomia bultzatzeko inbertsioetarako” izeneko 211000-21300-7600-261603 aurrekontu-partidaren kargura, Nafarroako udalerri guztiei zuzendua.

Artikulu horretan berean funtsa arautzen duten baldintzak ezartzen dira, eta honakoa adierazten da:

1. Inbertsio finantzagarriak izanen dira Nafarroako Toki Entitateen Aurrekontu Egiturari buruzko 234/2005 Foru Dekretuaren 2. eranskineko VI. kapituluan aurreikusitakoetatik udalerri bakoitzak erabakitzen dituenak, haien xedea jasota badago foru lege honen III. eranskineko A letran araututako apartatu hauetako batean edo gehiagotan:

a) Efizientzia energetikoa.

b) Hiri mugikortasun jasangarria.

c) Ekipamenduak egokitzea.

d) Banda zabaleko konektibitatea.

e) Uraren erabilera efizientea.

2. Udalerriak bere mugarteko kontzeju baten edo batzuen mesederako inbertsioak egiten ahalko ditu.

Kontzejuen eskumenei dagozkien gaietarako inbertsioak direnean, kontzejuaren erabakia beharko da udalerriak jarduketa betetzeko, aplikatzekoa den araudian ezarritakoarekin bat.

3. Inbertsioak egiteko epea 2020ko martxoaren 14tik 2021eko irailaren 30era bitartekoa izanen da.

Gastuak epe horretan fakturaturik eta ordaindurik daudenean joko da betetzat inbertsioa.

4. Udalerri bakoitzak jaso beharreko zenbatekoa parametro hauen arabera kalkulatuko da:

5. Toki Administrazioaren eta Despopulazioaren zuzendari nagusiaren ebazpen baten bidez, foru lege honek indarra hartu eta 3 hilabeteko epean, udalerri onuradunen zerrenda onetsiko da, jaso beharreko diru-kopuruak ere zehaztuta, eta ordainketa osorik eginen da. Ordainketa hori aurrerakin gisa eginen da.

6. Udalerri onuradunak eginen duen inbertsioaren edo inbertsioen kostuak, gutxienez, emandako ekarpena baino %15 handiagoa izan behar du (BEZa barne).

7. Tokiko ekonomia bultzatzeko inbertsioetarako kapital transferentzien aparteko funtsaren ekarpenak bateragarriak izanen dira beste erakunde publiko edo pribatu batzuek emandako bestelako ekarpenekin, 2017-2019 aldirako Toki Inbertsioen Planeko ekarpenekin eta Toki Inbertsioen Planeko libreki erabaki beharreko ekarpenekin (10.000 biztanletik beherako udalerriak-Despopulazioari aurre egitea), 2020rako Nafarroako Aurrekontu Orokorrei buruzko martxoaren 4ko 5/2020 Foru Legean araututakoaren arabera.

Jasotako ekarpen guztien batura -bai tokiko ekonomia bultzatzeko inbertsioetarako kapital transferentzien aparteko funtsari dagozkionak, bai toki entitatearen nahitaezko ekarpena bai eta entitate publiko edo pribatuen bestelako ekarpenak ere- ez da izanen egindako inbertsioaren %100 baino handiagoa.

8. Gastua 2021eko irailaren 30a baino lehen egin beharko da.

Toki Administrazioaren eta Despopulazioaren Zuzendaritza Nagusiko Toki Azpiegituren Zerbitzuak aztertuko du aurkeztutako dokumentazioa, eta ahalmena izanen du ikuskapeneko bisitak egiteko eta udalerri onuradunei eskatzeko beharrezkotzat jotzen duen dokumentazio osagarri guztia, Administrazio Publikoen Administrazio Prozedura Erkideari buruzko urriaren 1eko 39/2015 Legean xedatutakoarekin bat.

Toki entitateak inbertsioak justifikatzen dituen dokumentazioa aurkeztu eta 6 hilabeteko gehieneko epean, txosten teknikoak emanen dira inbertsioa baliozkotzat jotzeko, xedearekin bat etorriz gero eta baldintza arautzaileak betetzen badira, eta, kasu horretan, espedientea amaitutzat emanen da, Kontu-hartzailetza Delegatuak fiskalizazioa egin ondotik.

9. 13/2020 Foru Legearen 4.10 artikuluan jasotako kasuetan, ez-betetzea eragiten duten ziotzat hartzen direnetan, ordaindutako zenbatekoak osorik edo haien zati bat itzultzea eskatuko da, betiere interesdunei 15 egun balioduneko entzunaldia emanez espedientea tramitatu ondoren.

Edozein kasutan, itzulketa hori konpentsazio bidez eskatuko da, Toki Ogasunek Nafarroako tributuetan duten parte-hartzearen funtsaren transferentzia arrunten atalaren kargura.

Itzulitako zenbatekoak Toki Ogasunek Nafarroako tributuetan duten parte-hartzearen Funtsari atxikitako diruzaintza-gerakina izanen dira.

2020ko irailaren 8ko txosten baten bidez, Toki Azpiegituren Zerbitzuak proposatu du Toki Administrazioaren eta Despopulazioaren zuzendari nagusiak onets dezala “Kapital transferentzien aparteko funtsa, tokiko ekonomia bultzatzeko inbertsioetarako” izenekoaren onuradun diren udalerrien zerrenda, haietako bakoitzak jaso beharreko diru-kopuruak eta horiek eman eta ordaintzea, 1. eranskinean zehaztuta ageri den bezala, guztira 13.499.999,09 euroko zenbatekoa egiten dutenak.

Entitate onuradunak zein diren eta haietako bakoitzak zenbat diru jaso behar duen 13/2020 Foru Legearen 4. artikuluko 5. apartatuan xedatutakoaren arabera zehaztu da. Apartatu horretan aurreikusitakoaren ondorioetarako, Baztango Udala udal konposatua da, eta populazio datuak Estatistikako Institutu Nazionalak argitaratutako datu ofizialak dira, 2020ko urtarrilaren 1ekoak.

Aurrekoarekin bat, bidezkoa da onestea, Toki Administrazioaren eta Despopulazioaren zuzendari nagusiak emandako ebazpenaren bidez, “Kapital transferentzien aparteko funtsa, tokiko ekonomia bultzatzeko inbertsioetarako” izenekoaren onuradun diren udalerrien zerrenda, haietako bakoitzak jaso beharreko diru-kopurua, eta horiek eman eta ordaintzea. Ebazpen hau Nafarroako Aldizkari Ofizialean argitaratuko da.

Horrenbestez, uztailaren 1eko 13/2020 Foru Legearen 4. artikuluko 6. apartatuan xedatutakoari jarraikiz, eta Lurralde Kohesiorako Departamentuaren egitura organikoa ezartzen duen urriaren 30eko 263/2019 Foru Dekretuak esleitu dizkidan eskudantziak erabiliz,

EBAZTEN DUT:

1. Guztira 13.499.999,09 euroko gastua baimentzea, ebazpen honetatik heldu diren betebeharrei erantzuteko.

2. Onestea “Kapital transferentzien aparteko funtsa, tokiko ekonomia bultzatzeko inbertsioetarako” izenekoaren onuradun diren udalerrien zerrenda, haietako bakoitzak jaso beharreko diru kopurua adierazita; 1. eranskinean ageri da.

3. Toki entitate onuradunei 1. eranskinean jaso diren zenbatekoak eman eta ordaintzea, 2020ko gastuen aurrekontuko “COVID-19 kapital transferentzien aparteko funtsa, tokiko ekonomia bultzatzeko inbertsioetarako” izeneko 211000-21300-7600-261603 partidaren kargura. Ordainketak aurrerakin gisa eginen dira.

4. Ebazpen hau toki entitate interesdunei igortzea eta Nafarroako Aldizkari Ofizialean argitaratzea.

5. Ebazpen honen aurka toki entitate interesdunek administrazioarekiko auzi-errekurtsoa aurkezten ahalko dute, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean, argitaratu eta biharamunetik hasita. Horrek ez du galaraziko Nafarroako Gobernuari aurretiazko errekerimendua egiteko aukera, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.

Iruñean, 2020ko irailaren 15ean.–Toki Administrazioaren eta Despopulazioaren zuzendari nagusia, Jesús M. Rodríguez Gómez.

ERANSKINA

Iragarkiaren kodea: F2010635