1. NAFARROAKO FORU KOMUNITATEA
1.1. XEDAPEN OROKORRAK
1.1.3. Foru Aginduak
57/2020 FORU AGINDUA, maiatzaren 7koa, Lehendakaritzako, Berdintasuneko, Funtzio Publikoko eta Barneko kontseilariak emana, Nafarroako Foru Komunitateko Administrazioaren eta haren erakunde autonomoen plantilla organikoa eta langile finkoen eta izendapen libreko zuzendaritza karguetan aritzen diren behin-behineko langileen zerrenda argitaratzea xedatzen duena. Plantilla eta zerrenda 2019ko abenduaren 31koak dira.
Uztailaren 27ko 100/2005 Foru Dekretuak, Nafarroako Foru Komunitateko Administrazioaren eta haren erakunde autonomoen plantilla organikoa onesten duenak, 2. artikuluko 1. apartatuan ezarri duenez, urtero, abenduaren 31ko egitura organikoaren eta egoeraren arabera, argitara emanen dira Nafarroako Foru Komunitateko Administrazioaren eta haren erakunde autonomoen plantilla organikoa eta funtzionarioen, lan-kontratudun finkoen, estatutupeko langileen eta izendapen libreko zuzendaritza karguetan aritzen diren behin-behineko langileen zerrenda.
Halaber, foru dekretu horretako xedapen gehigarri bakarrak dio urtero argitara emanen direla Nafarroako Foru Komunitateko Administraziora transferitutako Justizia Administrazioaren zerbitzuei atxikitako langileen zerrenda eta hango plantilla organikoa, urte bakoitzeko abenduaren 31n dagoen egoeraren araberakoak.
Horrenbestez, eta Nafarroako Foru Komunitateko Administrazioaren eta haren erakunde autonomoen organoetako langileen arloko eskudantziak zehazten dituen otsailaren 21eko 30/2005 Foru Dekretuaren bidez esleituak ditudan eskudantziak erabiliz,
AGINTZEN DUT:
1. Argitaratzea, 1. eranskinetik 4.era bitartekoen A) atalean, Nafarroako Foru Komunitateko Administrazioaren eta haren erakunde autonomoen zerbitzuko langileen plantilla organikoa, 2019ko abenduaren 31ko egoeraren araberakoa, honako hauek jasotzen dituena: funtzionarioek, lan-kontratudun finkoek, estatutupeko langileek eta izendapen libreko zuzendaritza karguetan aritzen diren behin-behineko langileek betetzen dituzten lanpostuak, baita Nafarroako Gobernuko kideek eta beren kabineteetako langileek betetzen dituztenak ere.
2. Argitaratzea, aipatutako eranskinen B) atalean, Nafarroako Foru Komunitateko Administrazioaren eta haren erakunde autonomoen zerbitzuko funtzionarioen, lan-kontratudun finkoen, estatutupekoen eta izendapen libreko zuzendaritza karguetan aritzen diren behin-behineko langileen zerrenda, aipatutako plantilla organikoak 2019ko abenduaren 31n zeukan egoeraren araberakoa.
3. Argitaratzea, 5. eranskin gisa, Nafarroako Foru Komunitateko Administrazioari transferitutako Justizia Administrazioko zerbitzuei atxikitako langileen zerrenda eta hango plantilla organikoa, 2019ko abenduaren 31ko egoeraren araberakoak.
4. Foru agindu hau Nafarroako Aldizkari Ofizialean argitaratzea.
Iruñean, 2020ko maiatzaren 7an.–Lehendakaritzako, Berdintasuneko, Funtzio Publikoko eta Barneko kontseilaria, Javier Remírez Apesteguía.
Jaitsi dokumentu osoa (PDFa).
Iragarkiaren kodea: F2004821
