1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
66C/2018 EBAZPENA, azaroaren 12koa, Politika Ekonomiko eta Enpresarialaren eta Lanaren zuzendari nagusiak emana, Nafarroako Foru Komunitateko Administrazioaren eta haren erakunde autonomoen hitzarmen kolektiboa erregistratu, gorde eta Nafarroako Aldizkari Ofizialean argitaratzea erabakitzen duena.
Nafarroako Foru Komunitateko Administrazioaren eta haren erakunde autonomoen hitzarmen kolektiboaren testua aztertu da (kode zk.: 31099022131995), Nafarroako Foru Komunitateko Administrazioaren eta haren erakunde autonomoen zerbitzura dauden funtzionarioei eta estatutupeko langileei buruzkoa, erregistro honetan 2018ko azaroaren 6an sartu zena eta administrazioko ordezkariek eta sindikatuetakoek (CCOO, UGT eta LAB) 2018ko urriaren 4an izenpetu zutena. Abuztuaren 30eko 251/1993 Legegintzako Foru Dekretuaren 84.3. artikuluan ezarritakoaren arabera (haren bidez Nafarroako Administrazio Publikoen zerbitzuko Langileen Estatutuaren testu bategina onetsi zen),
EBATZI DUT:
1. Nafarroako Lan Hitzarmen eta Akordio Kolektiboen Erregistroan inskribatzeko agintzea.
2. Nafarroako Aldizkari Ofizialean argitaratzeko agintzea, orok jakin dezan.
Iruñean, 2018ko azaroaren 12an.–Politika Ekonomiko eta Enpresarialaren eta Lanaren zuzendari nagusia, Izaskun Goñi Razquin.
Nafarroako Foru Komunitateko Administrazioaren eta haren erakunde autonomoen hitzarmen kolektiboa (PDFa).
Iragarkiaren kodea: F1814413
