176. ALDIZKARIA - 2018ko irailaren 11

1. NAFARROAKO FORU KOMUNITATEA

1.5. ESTATUTUAK ETA LAN HITZARMEN KOLEKTIBOAK

23C/2018 EBAZPENA, ekainaren 25ekoa, Politika Ekonomiko eta Enpresarialaren eta Lanaren zuzendari nagusiak emana. Honen bidez erabakitzen da Fomento de Construcciones y Contratas SA enpresaren Iruñeko eta Iruñerriko hiri hondakin solidoak biltzeko zerbitzuko langileentzako hitzarmen kolektiboa erregistratu, gorde eta Nafarroako Aldizkari Ofizialean argitaratzea.

Iruñeko eta Iruñerriko hiri hondakin solidoak biltzeko zerbitzuko langileentzako Fomento de Construcciones y Contratas SA enpresaren hitzarmen kolektiboaren testua (kode zenbakia: 31003402011988) aztertu da, erregistro honetan 2018ko maiatzaren 3an sartu eta 2018ko apirilaren 11n enpresaren eta sindikatuen ordezkariek sinatua, eta 2018ko ekainaren 4an zuzendua, Langileen Estatutuari buruzko Legearen testu bategina onetsi zuen urriaren 23ko 2/2015 Legegintzako Errege Dekretuaren 90. artikuluaren 2. eta 3. apartatuetan eta Hitzarmen Kolektiboen Erregistro eta Gordailuei buruzko maiatzaren 28ko 713/2010 Errege Dekretuan ezarritakoaren arabera. Horrenbestez,

EBATZI DUT:

1. Nafarroako Lan Hitzarmen eta Akordio Kolektiboen Erregistroan inskribatzeko agintzea.

2. Nafarroako Aldizkari Ofizialean argitaratzeko agintzea, jendaurrean egon dadin.

Iruñean, 2018ko ekainaren 25ean.–Politika Ekonomiko eta Enpresarialaren eta Lanaren zuzendari nagusia, Izaskun Goñi Razquin.

Fomento de Construcciones y Contratas SA enpresaren Hitzarmen Kolektiboa (PDFa).

Iragarkiaren kodea: F1809392