90. ALDIZKARIA - 2011ko maiatzaren 12a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

ATETZ

Udal Plan Orokorreko hirigintzako araudia

Kontuan hartuta Lurraldearen Antolamenduari eta Hirigintzari buruzko abenduaren 27ko 35/2002 Foru Legearen 71. eta 81. artikuluei jarraituz Toki Araubideko Oinarriak arautzen dituen apirilaren 2ko 7/1985 Legearen 70.2 artikuluan ezarritakoa, eta hura betetzeko asmoz, Atezko Udalak xedatu du Udal Plan Orokorreko araudia argitara dadin, plana bera Lurraldearen Antolamenduko eta Etxebizitzako kontseilariaren abuztuaren 11ko 146/2010 Foru Aginduaren bidez behin betiko onetsi ondoren.

Horiek horrela, jarraian txertatu da Udal Plan Orokorreko hirigintzako araudia.

Eritze Atetzen, 2011ko apirilaren 8an.-Alkatea, Carmen Ciganda Ibarrola.

HIRIGINTZAKO UDAL PLANEKO ARAUDIA

I. TITULUA

Xedapen orokorrak

1. artikulua. Xedea.

Udal Plan Orokor honek Atezko udal mugapeko hirigintzako araubidea ezartzea du xede.

Hemen dauden manuak ulertuko dira maila goragoko legezko nahiz erregelamenduzko arauetan xedatutakoa ukatu gabe.

2. artikulua. Lurralde esparrua.

Udal Plan Orokor honek Atezko udal mugape osoan izanen du eragina.

3. artikulua. Indarraldia.

Udal Plan Orokorrak indarra hartuko du hori behin betiko onesteko erabakia eta hirigintzako araudia Nafarroako Aldizkari Ofizialean argitaratzen direnean. Indarraldi mugagabea izanen du, berrikusi edo aldatu ahal izatea ukatu gabe.

4. artikulua. Nahitaezkotasuna.

Nahitaezkotasunak esan nahi du bai administrazio publikoak bai administratuek Udal Plan Orokorreko determinazio guztiak zehatz-mehatz bete behar dituztela eta edozein pertsona fisiko edo juridikok legez hala eskatzeko eskubidea duela, akzio publikoaren bitartez.

5. artikulua. Berrikustea eta ordezkatzea.

1. Udal Plan Orokorra berrikusi edo aldatzen ahalko da, legeak plan orokorretarako xedatzen duen moduan.

2. Goragoko mailako xedapenetan azaltzen diren kasuez gain, honako inguruabar hauek berrikuspena ekarriko dute:

a) Udal Plan Orokor honetan ezarritakoa funtsean aldarazten duen eskualde mailako planeamenduren bat onestea.

b) Udalerrirako ezarritako determinazioetan eragin nabarmena duen udalez gaindiko plan edo proiektu sektorialen bat behin betiko onestea.

c) Helbururen bat aldatzea, edo lurraldearen egitura orokor eta organikoari eragiten dioten inguruabarrak sortzea.

6. artikulua. Aldaketa.

1. Udal Plan Orokorraren edukian egiten diren aldaketei, araudiaren 5. artikuluko zerrendakoei izan ezik, hain zuzen ere "Udal Planeko aldaketak" deituko zaie.

2. Udal Plan Orokorra aldatzeko espedienteetako dokumentazio teknikoan sartu beharko dira aldaketak ukitutako plano edo agiri guztiak; horiek berritik idatzi beharko dira, sartutako aldaketekin batean, agiri bateginaren gisara, anarteraino indarra zuten agiri guztiak deuseztatu eta berriek ordezkatu ahal izateko.

7. artikulua. Publizitatea.

1.-Atezko Udal Plan Orokorreko agiriak publikoak dira, eta pertsona guztien eskubidea da Udalak haien intereseko finka edo sektoreari aplikatzen ahal zaion hirigintzako araubidearen berri ematea, idatziz eta hilabeteko epean.

8. artikulua. Udal Plan Orokorreko agiriak.

Hona hemen Atezko Udal Plan Orokorreko agirien izenak, norainokoa eta edukia.

1. Memoria. Agiri horrek udalerriko hirigintzaren oraingo egoeraren berri ematen du, Udal Plan Orokorrean ezarritako antolamendua deskribatu eta justifikatzen du, eta hura erabaki aurretik zer-nolako azterketak egin diren azaltzen du.

2. Hirigintzako arauak. Agiri horretan arau bidez finkatzen dira udal mugapeko hirigintzako jarduketa guztiek bete beharko dituzten baldintzak.

-Eraikuntzari buruzko ordenantza, urbanizazioari buruzkoa, hirigintzako prozedurari buruzkoa eta jarduera sailkatuak arautzen dituena.

-Babestu beharreko eraikinen eta osagai historiko, artistiko edo ingurumenekoen katalogoa.

5. Dokumentazio grafikoa, ondokoak biltzen dituena:

Informazio planoak. Horiek hasierako hirigintza egoera erakusten dute, Udal Plan Orokorreko determinazioetan abiapuntutzat hartzen dena. Beraz, ez dira arau-emaileak.

Antolamendu planoak. Horiek antolamenduzko determinazioak azaltzen dituzte, eta irudien bidez adierazitako manu juridikoak dira.

9. artikulua. Interpretazioa.

Determinazio grafikoen eta idatzien artean, edo determinazio idatzien artean, kontraesanik bada, Udal Plan Orokorraren helburu eta xedeekin ongien uztartzen den determinazioak izanen du indarra.

I. titulua

Lurzoruaren araubidea

I. kapitulua

Hirigintzako arau orokorrak

10. artikulua. Determinazio orokorrak.

Udalerriko hiri garapenaren egitura orokorra eta osagai erabakigarriak finkatze aldera, Udal Plan Orokorrak ondokoak definitzen ditu:

1. Sistema orokorrak, espazio libreen sistema eta ekipamendu komunitarioa, denak ere planean aurreikusten diren zenbateko eta mugen arabera kalkulatuak.

2. Lurzoru motak, eta horietako bakoitzaren hirigintzako araubidea, erabilera orokor eta berariazkoak, eta erabilera horien intentsitatea.

3. Beren interesagatik gorde beharrekoak diren natur edo hiri elementu eta guneak.

11. artikulua. Sistema orokorrak. Espazio libreak. Komunitate ekipamendua.

1. Atezko Udal Plan Orokorrean sistema orokor hauek jaso dira:

-Komunikazio sare orokorra, hots, NA-4120 errepideak (Gulia-Aroztegi), NA-4100 errepideak (Antsoain-Aroztegi, udalerria zeharkatzen duen tartean) eta udal mugapeko toki errepideek (NA-4174 Hiriberri, 94NA-4175 Beuntza, Zigandako eta Egillorko errepidea eta Aroztegiko errepidea) osatzen dutena. Errepideetako babes eremuak eta errepideei lotutako elementu bereziak ere sarearen barnean daude.

-Ur horniduraren sare nagusia.

-Hondakin urak eta euri urak bideratzeko egungo hodien sare nagusia.

-Argindarra banatzeko egungo sare nagusia.

2. Espazio libreen sistemak parke, berdegune eta plazetarako espazioak biltzen ditu.

3. Komunitate ekipamendua udalerri osorako gizarte intereseko zentro eta zerbitzu publikoetarako espazioek osatzen dute. Adibidez, ikastetxeak, gizarte zerbitzuak eta administraziokoak, osasun, kirol eta erlijio arloetakoak kokatzeko espazioak dira.

12. artikulua. Lurzoruaren sailkapena.

Atezko Udal Plan Orokorrak ukitzen duen lurraldean lurzoru mota hauek daude:

1. Hiri lurzorua:

-Finkatua.

-Finkatu gabea.

2. Lurzoru urbanizaezina:

-Gorde beharrekoa.

-Babestu beharrekoa.

13. artikulua. Hiri lurzorua.

1. Hiri lurzorua izanen da honako egoera hauetakoren batean dagoena:

a) Sarturik dagoena halako hiri bilbe batean, zeinak, duen urbanizazio egokia dela medio, bilbea osatzen duten lurzatiei orubearen izaera ematen baitie.

b) Aurreko letrak aipatzen duen hiri bilbean sar daitekeena, dagoeneko baduelako urbanizazio bat, zeina osatzeko lurzatietan bakar-bakarrik egin behar baitira eraikuntzarekiko obra osagarriak, lurzati horiek orube izaera har dezaten.

c) Urbanizatu baldin bada hirigintza planeamenduaren exekuzioaren ondorioz eta haren determinazioen arabera, eta, beraz, baldin bada egiazki orube izaera ematen duten zerbitzuen jabe.

d) Baldin badu urbanizazio bat, zeinak, gutxienez ere izanik ibilgailuentzako udal hiribidean barnako sarbidea, ur hornidura, hondakin uren hustuketa eta argindarraren hornidura, bere finkapenerako lurzatietan beharko baititu eraikuntzarekiko osagarriak diren obrak baino haratago doazen jarduketak edo haien erreforma, berrikuntza edo hobekuntza, exekuzio unitateak zehaztuz.

Bereziki halakotzat hartuko dira urbanizatutako lurrak, zeinetan hirigintza planeamenduak lehenagokotik oso desberdina den antolamendua aurreikusten duen, edo ukitutakoen artean berdinbanaketako operazioak eskatuko dituzten birmoldaketako edo barne erreformako jarduketak aurreikusten dituen.

e) Eraikia baldin badago, gutxienez, aurreko letran aipatzen diren zerbitzuen sareek ematen duten espazioaren bi heren, eta osorik urbanizatzeko behar badu exekuzio unitateak zehatz daitezen.

2. Hiri lurzoru finkatua izanen da a), b) eta c) letretan deskribatutakoa.

3. Hiri lurzoru finkatugabea izanen da d) eta e) letretan deskribatutakoa.

14. artikulua. Lurzoru urbanizaezina.

1. Lurzoru urbanizaezina izanen da honako kasu hauetakoren batean dagoen lurra:

a) Sektoreko legeriaren arabera babes araubide bereziren bat dutenak, haien eraldaketarekin bateraezina, paisaia, natura, ingurumen edo nekazaritza aldetik dituzten balioengatik edo haien balio historiko, artistiko, zientifiko nahiz kulturalengatik.

b) Lurraldearen antolamenduko tresnek prozesu urbanizatzailetik baztertu dituztenak, lurralde garapeneko ereduaren ondorioz, paisaia, natura, ingurumen edo nekazaritza aldetik dituzten balioengatik edo haien balio historiko, artistiko, zientifiko nahiz kulturalengatik.

c) Haien urbanizazioarekin bateraezinak diren arrisku naturalek edo bestelakoek mehatxaturik daudenak, alegia, uholdea, higadura, hondoratzea, lur-jausia, lur-lerradura, sutea, kutsadura edo segurtasun nahiz osasun publikoari edo ingurumenari kalte egin diezaiokeen bestelako gertakariren baten aukera aurreikusten den tokian daudenak.

Bertan sartzen ahalko dira, baita ere, lehen noizbait a) eta b) letrek aipatzen dituzten balioak izan zituztenak eta, suteen, hondamendien edo bestelako gorabeheren ondorioz, haiek gabe gelditu direlako orain babestu egin behar direnak, balio horiek berreskuratzeko.

d) Udal planeamenduan, behar bezala arrazoituz, lur horren ezaugarriei eustea bermatzea beharrezkoa dela adierazten bada, lur horren balio historiko, arkeologiko, zientifiko edo kulturalengatik, edo ingurumen nahiz paisaia aldetik edo nekazaritza, abeltzaintza nahiz oihangintza aldetik dituen balioengatik.

e) Udal planeamenduak, behar bezala arrazoituz, lurra hirigintza garapenetik at uzteari beharrezkoa irizten diona, bertako azpiegitura, ekipamendu, zerbitzu eta instalazio publikoen kontserbazio, ahalmen eta funtzionaltasunarengatik, edo interes publikoko arrazoiengatik, edo jarduera bereziak instalatzeko, erregelamendu bidez ezartzen denaren arabera. Garapen eredua zaintzeko lurzoru urbanizaezinaren sailkapenaren aldaketa Udalarekin sinatutako hitzarmenaren bidez eginen da, hitzarmen horretan esparrua eta antolamendu berria ezarriko direla.

2. Babestu beharreko lurzoru urbanizaezina izanen da a), b) eta c) letretan deskribatutakoa.

3. Gorde beharreko lurzoru urbanizaezina izanen da d) eta e) letretan deskribatutakoa.

15. artikulua. Lurzoruaren kalifikazioa.

Lurzoruaren kalifikazioan, lurzoru sailkatuaren hirigintzako araubidea garatzeko, erabilerak lurraldean banatzen edo finkatzen dira zonaka, zehaztu egiten dira eta haien intentsitatea mailakatu egiten da.

16. artikulua. Lurzoruaren hirigintzako araubidea.

Udal Plan Orokor honetan, lurzoruaren hirigintzako araubidea ondoren aipatzen diren inguruabar guztiek edo horietako batzuek zehazten dute:

-Lurzoruaren okupazioa eta eraikigarritasuna.

-Gehieneko eta gutxieneko garaierak.

-Eremu publiko eta pribatuen mugaketa.

-Gehieneko lerrokaduren eta nahitaezkoen ezarpena.

-Erabileren ezarpena.

-Eraikuntza tipologiak.

-Ordenantza orokorrak eta partikularrak.

17. artikulua. Determinazio motak.

Udal Plan Orokorreko determinazioak egiturazkoak edo xehakatuak izan daitezke.

Hauek dira egiturazko determinazioak:

a) Lurzoru motak eta kategoriak zehaztea lursail bakoitzean.

b) Lurraldea zatitzeko eremuak mugatzea.

c) Eremu bakoitza antolatzeko oinarrizko baldintzak.

Hiri lurzoru finkatugabean adieraztea zein den gehieneko aprobetxamendua, erabilera orokorrak, babes publikoko motaren bati loturiko etxebizitzen nahitaezko portzentajea eta banaketa eremu etengabeak edo etenak, haien batez besteko aprobetxamenduak eta horien guztien multzorako homogeneizazio koefizienteak.

Lurzoru urbanizaezinean, babes arauak ezartzea kategoria bakoitzerako.

Hauek dira determinazio xehakatuak:

a) Hiri bilbeen definizio zehatza, bereziki eraikinen eta bide elementuen lerrokadura eta sestra lerroen bidez.

b) Lurzatien gaineko egintzak arautzen dituzten baldintzak eta lurzatiek bete behar dituztenak exekuzio materialaren esparrua izateko.

c) Onar daitezkeen obra moten arauketa eta eraikinek bete behar dituzten baldintzak; halaber, haien morfologia eta tipologia.

d) Erabilera xehakatuen eta esku-hartze onargarri eta debekatuen araubidea, bai eta baimenduak izateko bete behar dituzten baldintzak ere.

e) Bide publikoetako, hiri zerbitzuetako, espazio libre publikoetako eta ekipamendu publiko nahiz pribatuetako toki sistemen definizioa, alegia, sistema orokorren artean sartu gabe, sistema orokorretako zerbitzuak osatzeko beharrezkotzat jotzen diren ekipamendu publikoena.

f) Planeamenduaren helburuekin eta irizpideekin bat ez datozela eta, antolamenduz kanpo deklaratzen diren lurzoruaren erabileren zerrenda, eta bereziki eraikin eta instalazioena.

g) Exekuzio unitateak zehaztea eta jarduketa sistemak finkatzea.

h) Hirigintza betebeharrak betetzeko epeak seinalatzea.

i) Haien natur edo kultur balioak direla-eta, edo jabari publikoarekin duten loturagatik, kontserbatu edo berreskuratu behar diren elementuen identifikazioa eta katalogoa, bidezkoak diren babes neurriekin batera.

j) Elbarritasun organiko edo zirkunstantzial bat jasaten duten pertsonei oro har erabilera publikorako espazio libreen, kaleen, eraikinen, lokalen eta garraiobideen irisgarritasuna eta erabilera bermatzen dizkieten determinazioak, oztopo fisiko eta zentzumenezkoei buruzko araudiak ezarritako xedapenei jarraikiz.

k) Unitate bakoitzeko etxebizitzen gehieneko kopurua.

Udal Plan Orokorreko dokumentazio orokorrean, antolamendu planoetan eta hirigintzako arauetan garatu egiten dira determinazioak eta haien faktore guztiak.

Hiri lurzoruan erabilera xehakatuak esleitzeko planoek lurzoruaren eta eraikuntzen erabilera zehazten dute.

18. artikulua. Definizioak.

1. Eraikigarritasuna.

-Eraikigarritasuna eraikitako metro karratutan neurtzen da.

-Eraikigarritasun gordina = m² eraikigarriak / jarduketa esparruaren barnean ekarritako lurzatiaren m²-ak.

-Eraikigarritasun garbia = m² eraikigarriak / antolamenduaren ondoriozko lurzati pribatuaren m²-ak.

2. Antolamenduz kanpoko eraikin eta elementuak.

Udal Plan Orokorra onetsi baino lehen zutitutako eraikinak dira, harekin bat heldu ez direnak.

Horietan ezin izanen da egin ez finkatzeko, ez bolumena handitzeko, ez modernizatzeko edo desjabetze-balioa gehitzeko obrarik. Bakar-bakarrik onartuko dira higiene, apaindura eta kontserbaziorako beharrezkoak diren konponketa txikiak.

Zenbait elementu ere antolamenduz kanpo daude. Ez dira eraikuntzaren egitura orokorraren atalak, baina eraitsi edo planeko aurreikuspenetara egokitu beharko dira.

19. artikulua. Obra motak.

1. Oin berriko obrak.

Oin berriko obra eraikin berria egiteko obra da.

2. Ondare eraikia zaharberritzea.

Zaharberritzea da eraikitako ondare andeatua moldatzeko edo lehengoratzeko behar diren obrak egitea, egoera orekatu, egonkor eta funtzionalki erabilgarrian izan dadin.

Orobat, hauek zaharberritze obratzat hartzen dira:

2.1. Mantentze obrak.

Aldian behin egin behar direnak, materialen zahartzea dela-eta, eraikinek egoera onean iraun dezaten.

2.2. Finkatzeko obrak.

Eraikinei finkotasuna eta sendotasuna emateko direnak, egintza presako eta saihestezinen bidez, konpondutako elementuak finko eta iraunkor bilakatzen dituztenak.

3. Eraberritzea.

Eraberritze obra deitzen zaie ezinbestekoak ez diren hobekuntza obrei. Batzuetan eraikin edo etxebizitzaren hasierako egoera egokia da eta eraberritze obren bidez haren balioa handitu egiten da. Beste batzuetan hasierako egoera ez da egokia eta amaierako egoera egokia lortzen da, baina materialetan egiten den gastua gehiegizkoa edo ohiz kanpokoa da, xede bereko beste obra batzuekin alderatuta.

4. Berritzea.

Berritzea da dagoen eraikina beste batez ordezkatzea.

5. Eraispen obrak.

Eraikina osotara edo partez botatzeko lanak, dela orubea libre uzteko, dela eraikina zaharberritzeko, haren ordez eraikin berria egiteko edo eraberritze obrak egiteko.

20. artikulua. Eraikuntza tipologiak.

1. Familia bakarreko etxebizitza bakartua.

Eraikina osorik hartu eta familia bakarraren bizileku dena.

2. Binakako etxebizitza.

Familia bakarreko bi etxebizitza, mehelinean elkarri atxikita.

3. Etxebizitza atxikia.

Hiru etxebizitza edo gehiago, binakako etxebizitzak bezala elkarri atxikiak.

Tipologia hori berariaz debekatuta dago udal mugape osoan.

4. Etxebizitza kolektiboa.

Etxebizitza kolektiboen eraikina da bi etxebizitza edo gehiago dituena eta kanpotik guztientzako sarbidea.

21. artikulua. Araudi honen aurretik eginak diren eraikuntzak.

1. Hiri lurzoruan lehendik egon eta araudi honetako determinazioen kontrako ezaugarriak dituzten eraikuntzak.

Planoetan finkatu gisa ageri diren eraikuntzen erabilerak finkatu eginen dira, abeletxeenak izan ezik; horiek indarra duen sektore araudiaren bidez arautzen dira.

2. Lurzoru urbanizaezinean lehendik dauden eta haien garaian indarra zuen legeria betez egin ziren eraikuntzak.

Eraikuntza eta erabilera finkatu eginen dira, planeamenduarekin bateragarriak badira. Handitu edo eraberritzeko obrak honako araudi honen bidez arautuko dira.

Planeamenduarekin bateragarriak ez badira, eraikuntza horiek antolamenduz kanpokotzat joko dira.

3. Lurzoru urbanizaezinean dauden eta haien garaian indarra zuen legeria bete gabe egin ziren eraikuntzak.

Eraikuntza horiek antolamenduz kanpokotzat jotzen dira. Hala ere, planeamenduarekin bateragarriak direnak finkatzen ahalko dira, legeztatzeko espedienteen bitartez.

II. KAPITULUA

Hirigintzako arauak hiri lurzoruan

I. ATALA

Arau orokorrak hiri lurzoruan

22. artikulua. Erabilera motak.

Arau hauen ondorioetarako eta mendeko planeamenduaren bidez garatzeko, erabilera mota hauek ezarri dira:

1. Antolamenduaren xedeetarako duten egokitasunaren arabera:

-Aurreikusia: bera garatzeko hautatutako erabilera da.

-Nahitaezkoa: aurreikusiari nahitaez erantsi behar zaion erabilera da.

-Toleratua: aurrekoekin batera gara daiteke, baina erabilera aurreikusia gainditu gabe.

-Debekatuak: bateraezina delakoan eragozten den erabilera da.

2. Esleipen mailaren arabera:

-Orokorra.

-Xehakatua.

-Zehaztuak.

3. Funtzioaren arabera:

-Bizitegia: bizitegitarako eraikuntzak dira pertsonen ohiko bizileku izateko balio dutenak.

Mota hauek bereizten dira:

  • Familia bakarreko etxebizitza bakartua.
  • Binakako etxebizitza.
  • Etxebizitza kolektiboa.

-Industria: Industria eraikuntza esaten zaio produktuak prestatu, eraldatu eta konpontzeko helburua duenari.

-Merkataritza eta hirugarren sektorea: merkataritza eraikuntza esaten zaio jendeari zerbitzuak ematea helburu duenari.

Mota hauek bereizten dira:

  • Txikizkako merkataritza.
  • Bulegoak.
  • Ostalaritza.

-Biltegia: biltegia esaten zaio gorde eta kontserbatu nahi diren materialak edo saldu nahi direnak pilatzeko erabiltzen den eraikuntzari.

Mota hauek bereizten dira:

  • Biltegia.
  • Jarduerari lotutako biltegia.

-Abeltzaintza: abeltzaintza erabilera da gizakiak abereak haztea haien produktuak eta azpiproduktuak lortzeko.

Mota hauek ezarri dira:

  • Etxeko ukuiluak: gehienez ere ondoko abelburu kopurua duten abeltegiak.
  • Behi edo zaldi aziendako 2 buru.
  • 2 zerrama ugalketarako.
  • Gizentzeko 3 zerri.
  • 5 ardi edo ahuntz.
  • 10 untxi eme.
  • 20 hegazti.
  • Etxeko ukuiluek baino abelburu gehiago dituzten ustiategiak.

-Nekazaritza: nekazaritza erabilera da gizakiak nekazaritza laboreak haztea haien produktuak eta azpiproduktuak lortzeko.

-Ekipamendutarako erabilera: ekipamendutarako erabilera da herritarrak hezkuntza, kultur aberastasuna, osasuna eta ongizatea lortzeko ekipamenduaz hornitzeko balio duena.

Mota hauek bereizten dira:

  • Eskola ekipamendua.
  • Kirol ekipamendua.
  • Erlijio ekipamendua.
  • Gizarte laguntzako ekipamendua.
  • Administrazio ekipamendua.
  • Kultur eta josteta ekipamendua.

-Komunikazioak: bide sarea, hau da, galtzadak eta aparkatzeko eremuak.

-Espazio libreak: berdeguneen eta oinezkoentzako ibilbideen sarea.

-Azpiegiturak eta hiri zerbitzuak: saneamendu sareak, ur hornidurarenak, argindar, telefono eta gas sareek eta gainerako hiri zerbitzuek ukitzen dituzten lurrak.

Goiko zerrendako "Komunikazioak" eta "Espazio libreak" erabilerak honela agertzen dira, hurrenez hurren, erabilera xehakatuen planoan: "Bide sarea eta espazio libreak" eta "Parkea eta berdegunea".

Erabilera horien diseinua orientagarria da, espaloi, aparkaleku, bide, zuhaitz, berdegune eta plazen definizioari dagokionez.

Diseinu hori unitate bakoitzeko urbanizazio obren proiektuetan doitzen ahalko da.

23. artikulua. Antolamenduaren ondoriozko jabetza publikoa.

"Antolamenduaren ondoriozko jabetza publikoa" deituko diogu lurzoru mota hauen multzoari:

-Bide sarea eta espazio libreak.

-Berdegune publikoa.

-Ekipamenduak (ekipamendu pribatuak eta eliza salbu).

24. artikulua. Lurzoruaren zatiketa.

Atezko udal mugapeko hiri lurzorua eremutan zatituta dago.

25. artikulua. Eremuak.

Lurraldea eremutan zatitu da, dokumentua argiago uler dadin.

Eremu horiek unitarioak dira lurraldearen, morfologiaren eta tipologiaren ikuspegitik, eta arauzkoak dira.

Udal Plan Orokorreko eremu bakoitzak determinazio hauek ditu:

1. Determinazio orokorrak.

-Lurzoruaren sailkapena.

-Lurzoruaren erabilera orokorra eta xehakatua.

2. Determinazio formalak.

-Berariazko antolamendua.

-Aurreikusitako azpiegiturak.

3. Eraikuntzari buruzko ordenantza partikularra.

-Aplikatu beharreko ordenantza.

-Eraikuntzen babes maila.

-Antolamenduz kanpoko eraikin eta elementuak.

4. Kudeaketari dagozkion determinazioak.

-Lagapen eta urbanizazio betebeharrak.

-Aprobetxamenduen kalkulua.

5. Ekipamenduen determinazioak.

26. artikulua. Udal Plan Orokorraren garapena.

Hirigintzako agiri hauek egiten ahalko dira Udal Plan Orokor hau osatu edo garatzeko:

-Plan bereziak eta partzialak.

-Xehetasun azterlanak.

27. artikulua. Lurzoruaren araubidea aldatzea.

Lurzoruaren araubidea aldatzeko eremua, gutxienez ere, aldaketaren xedea lortzeko behar dena izanen da.

Exekuzio unitate antolatuetan zilegi izanen da haien determinazioak gauzatzea, aldez aurretik garapen planeamendua tramitatu gabe.

Xehetasun azterlanak prestatuko dira, baldin eta nahi bada:

1. Egungo edo aurreikusitako eraikuntzen bolumen baldintzak aldatu nahi direnean.

2. Eraiki gabeko lurzorua okupatu, egungo eraikinak handitzeko edo eraikinak berritik egiteko ekimenetan, eremu bakoitzeko araudi partikularrak ezarritako egokitasun araubidearekin bateragarri badira.

3. Lerrokadurak eta sestrak aurreikusi, aldatu edo birmoldatu.

Xehetasun azterlanek ezin izanen dute haien eremu barnean dauden lurrei dagokien aprobetxamendua handitu.

Ezin izanen dute inoiz ere kalterik egin, ezta inguruko finken baldintzak bestelakotu ere.

Aldaketa xehakatuak prestatuko dira baldin eta nahi bada:

1. Egungo edo aurreikusitako eraikuntzen erabilera xehakatuak aldatzea. Betiere aldaketa beharrezkoa eta justifikatua izanen da eta bat etorriko da erabileren egokitasun taularekin.

Plan bereziak prestatuko dira, Udal Plan Orokor honek lurzoru urbanizaezinean dituen determinazioak garatu nahi direnean.

Plan partzialak prestatuko dira, determinazio xehakatuak hiri lurzoruan garatu edo aldatu nahi direnean.

Garapen planen eta proiektuen sustatzaileek identifikatzeko prebentzio eta zuzenketa neurriak gehituko dituzte ingurumen ondorioen azterlanean, eta horiek gehitzeko modua justifikatuko dute.

28. artikulua. Urbanizazio obrak eta hiri zerbitzuak.

Exekuzio unitate bakoitzean urbanizazio obra eta hiri zerbitzu hauek eginen dira:

1. Exekuzio unitatearen barneko urbanizazio obrak, urbanizazioari buruzko ordenantzan ezarritako kalitateekin; zehazki, honako hauek:

-Bide sarea: gurpildunentzako bide zolatuak eta espaloiak.

-Berdeguneak eta oinezkoentzako eremuak.

-Hornidura sarea.

-Saneamendu sarea.

-Argindarraren sarea.

-Kaleko argien sarea.

-Ureztatzeko sarea.

-Gas sarea, hala behar denean.

-Telefono sarea eta aurreikusitako bestelako zerbitzuak.

2. Aurreko lerroaldean aipatutako sareak eta exekuzio unitatearen kanpoaldean jada urbanizaturik dauden sare orokorrak lotzeko obrak, nahiz eta sare orokor horiek beste exekuzio unitate batean dauden jabari publikoko ondasunei eragin.

29. artikulua. Kudeaketa.

Exekuzio unitateak gauzatzeko, legezko xedapen aplikagarrietan onartzen diren jarduketa sistema edo tresnetatik edozein erabiliko da, horretarako legez eskatzen diren inguruabarrak gertatzen direnean, eta xedapen egokietan ezarritako prozedura, eraginkortasuna eta formalitateak tarteko direla.

Araudi partikularrean ezarri da zein jarduketa sistema erabili behar den exekuzio unitate bakoitzean.

Hiri lurzoru finkatuko jarduketa asistematikoen exekuzioa zuzenean eginen da. Aurretik, planeko determinazioen arabera, xehetasun azterlana edo lagapen akta eginen da.

30. artikulua. Jarduketa sistemak.

1. Borondatezko birzatiketa.

2. Konpentsazioa.

3. Lankidetza.

4. Desjabetzea.

Exekuzio unitateetan sartu gabeko lurzati bakartuen exekuzioa zuzenean eginen da.

31. artikulua. Lurrak lagatzea.

Goian "Antolamenduaren ondoriozko jabetza publikoa" izendatutako lurzorua Udalari nahitaez laga behar zaio exekuzio unitate edo lurzati solte bakoitzean. Birzatiketak onesten direnean egin beharko da lagapena, birzatiketak nahitaezkoak diren exekuzio unitateetan, edo lizentziaren bat eman aurretik, gainerako kasuetan.

Exekuzio unitateetan, lurra zatitzeko edozein lizentzia eman aurretik, planean ezarritako lagapen, berdinbanaketa eta urbanizazio betebeharrak bete behar dira.

Udal Plan Orokorrean ezarritako tramiteak eta lagapenak egin ondoren, fase partzialetan eraikitzen ahalko da, kasuan kasuko exekuzio unitatea osatu arte.

Nolanahi ere, atxiki gabeko sistema orokorretarako diren lurrak desjabetzen ahalko dira.

32. artikulua. Erantzukizun ekonomikoak eta urbanizatzeko bermeak.

Urbanizazio gastuak exekuzio unitateko jabeen kargura izanen dira.

Ezin izanen da eraikin berriak egiteko edo lehendik dauden eraikinak zaharberritu, eraberritu edo ordezteko obrarik egin harik eta lurzatia orube bihurtu arte, hau da, dagozkion urbanizazio obrak bukatu arte, salbu eta urbanizazioa eta eraikuntza aldi berean eginen direla bermatzen denean horretarako eskatzen diren bermeak jarriz.

Lehendik dauden bideak, espazio libreak eta urbanizazio baldintzak hobetzeko ekintzak, lehentasunez, Udalak erabaki eta eginen ditu.

Urbanizazio proiektua nahitaezkoa ez duten exekuzio unitate edo lurzatietan, esparrua urbanizatzeko obren proiektua aurkeztu beharko da, lurra zatitzeko edo eraikitzeko edozein lizentzia eskuratu aurretik.

33. artikulua. Aprobetxamendua.

Jabe pribatuek eskuratzen ahal dituzten aprobetxamenduak 35/02 Foru Legean ezarritakoak arautuko ditu. Aprobetxamendu horiek hiri lurzorurako araudi partikularrean zehaztuko dira.

34. artikulua. Aparkalekuak.

Etxebizitza berri bakoitzeko aparkalekuen kopurua 2,5 plazakoa izanen da; horietatik bat, gutxienez, erabilera publikoko lurzoruan kokatuko da. Gainerako plazak lurzati pribatuaren barnean kokatuko dira, eta horietako bat, gutxienez, eraikinaren barnean. Plazen kopurua bakoitia denean, gorantz biribilduko da.

Plazek 2,5 x 5 m-ko azalera, gutxienez, izanen dute, eta hori ezin izanen da beste ezertarako erabili.

Ekipamendutarako erabilera pribatuak edo zerbitzuak, saltokiak, jatetxeak, hotelak, landa-etxeak edo bulegoak direnean, eskatzen den plazen kopurua aurreikusitako erabileraren intentsitatearen arabera justifikatu beharko da.

Lurzati edo eraikinaren barnean egin ezin denean, aparkaleku plazak lurzatitik kanpo kokatzea onartuko da, baldin eta horiek eraikinari behar bezala lotuta badaude.

35. artikulua. Sestrapeko eraikuntzak.

Eraikuntzarik gabeko eremu pribatuetan sotoak eta erdisotoak egitea onartuko da, lurraren sestratik gora 1 m baino gehiago irten gabe.

36. artikulua. Estalkipeak.

Estalkipeak, hirigintzako araudi orokorrean definitzen diren eran, azpiko solairuari lotuta dauden lokaletarako edo trastelekuetarako erabiltzen ahalko dira.

37. artikulua. Epeak.

Lagapen, berdinbanaketa eta urbanizazio betebeharrak betetzeko aurreikusten diren epeak zortzi urtekoak izanen dira, plan honen behin betiko onespena Nafarroako Aldizkari Ofizialean argitaratzen denetik zenbatuta.

Sistema orokorrak eskuratzeko aurreikusten diren epeak zortzi urtekoak izanen dira, plan honen behin betiko onespena Nafarroako Aldizkari Ofizialean argitaratzen denetik zenbatuta.

II. ATALA

Arau partikularrak hiri lurzoruan

38. artikulua. Hiri lurzorua.

Hiri lurzorua plan honetan hala sailkatu eta mugatutako lurren multzoa da.

39. artikulua. Lurzoruaren zatiketa.

Atezko udal mugapeko hiri lurzorua eremutan zatituta dago.

Eremuen barnean ondokoak ezarri dira:

Hiri lurzoruan.

1. Exekuzio unitateak.

2. Lurzati bakartuak.

40. artikulua. Exekuzio unitateak.

Eremuen barnean exekuzio unitateak ezarri dira. Horrek bide ematen du planeamenduaren ondoriozko onurak eta kargak jabeen artean behar bezala banatzeko.

Exekuzio unitateetako hiri lurzorua "hiri lurzoru finkatugabea" kategoriakoa da.

Hiri lurzoru antolatua, planeko definizioaren arabera, hiri lurzoru finkatuaren inguruetan dago, eta eskatzen diren zerbitzu eta azpiegituretako batzuk baditu, baina eraiki aurretik antolatu eta urbanizatu egin behar da planean ezarritako irizpide eta determinazioei jarraituz.

41. artikulua. Lurzati bakartuak.

Hiri lurzoru finkatuaren barnean baina exekuzio unitateetatik kanpo dauden lurzatiei lurzati bakartuak deitzen zaie.

Exekuzio unitateetatik kanpo utzi den hiri lurzorua "hiri lurzoru finkatua" kategoriakoa da.

Finkatu eginen dira azalera, debekaturik ez dauden erabilerak dituzten eraikuntzak eta egungo aprobetxamendu eraikia.

Lurzatiaren eraikigarritasun koefizientea kasuan kasuko eremuan ezarritakoa izanen da, egungo aprobetxamendu eraikia baino txikiagoa duten lurzatietarako.

Lizentzia eskuratu baino lehen, lurzatiari dagokion urbanizazioa osorik egin beharko da, edo bestela, eraikuntza obrekin batera eginen dela bermatu.

41.bis artikulua. Lurzati pribatuen bidezko sarbidea duten lurzatietan eraikitzeko baldintzak.

Bide publikotik sarbiderik ez duten eta lehendik dauden lurzati pribatuetan etxebizitzak eraikitzeko aukera onartuko da, baldin eta hurrengo baldintzak betetzen badira:

-Lurzatiaren aurrealdean kale berria sortu ezin bada, "zaku-hondo"rik gabe.

-Lurzatirako ibilgailuen eta oinezkoen sarbidea konpontzen bada, behar bezalako bide pribatuen bitartez.

-Bideek hartzen duten espazioa erabilera publikoa bada.

42. artikulua. Garaierak.

Araudi partikularreko fitxetan eta planoetan ezarritakoak.

Garaiera horiek gainditzen dituzten egungo eraikuntzak orain duten garaierarekin finkatuko dira. Berritzeko obrak eginez gero, lehen azaldutako irizpideen mende geldituko dira.

43. artikulua. Eraikuntzako baldintzak.

Eraikuntzari buruzko ordenantza aplikatuko da, eta hirigintzako araudi partikularrean eremu bakoitzerako ezarritako determinazioak ere bai.

44. artikulua. Eraikigarritasuna.

Koefiziente bat da, sestraren gainetik gehienez zenbat eraiki daitekeen adierazten duena, antolamenduaren ondoriozko lurzatiaren azalera unitateko.

45. artikulua. Eraikin finkatua.

Lehendik dagoen eta antolamenduz kanpokoa deklaratu ez den azalera eraikia.

Eraikuntza berritzeko edo handitzeko obretan, gehieneko eraikigarritasuna balio hauetatik handiena izanen da: lehendik dagoen eraikuntzaren bidez finkatuta dagoen eraikigarritasuna, edo aplikatu behar den eraikigarritasuna, hirigintzako araudi partikularraren arabera.

46. artikulua. Laga beharreko azalerak.

Antolamenduaren arabera eremu publiko, berdegune, bide eta ekipamenduetarako lurzoru publikorako laga beharreko azalera, metro karratutan.

47. artikulua. Lurzati pribatuaren azalera garbia.

Erabilera pribatuko azalera, antolamenduaren arabera.

48. artikulua. Lurzati pribatuaren azalera okupagarria.

Eraikuntzak lurzatian okupatzen ahal dituen metro karratuak.

49. artikulua. Azalera eraikigarri osoa.

Lurzati edo exekuzio unitate bakoitzean eraikitzeko har daitezkeen metro karratuak.

50. artikulua. Etxebizitzen kopurua.

Fitxetan gehieneko etxebizitza kopurua aurreikusten da unitate bakoitzerako.

Eraikin finkatuan garatu beharreko etxebizitzen gehieneko kopurua honela mugatuko da: etxebizitza 1, gehienez, 150 m² eraikiko.

51. artikulua. Irabazizko aprobetxamendu osoa.

Udal Plan Orokorrak exekuzio unitateen esparrurako (hiri lurzoru antolatuaren kasuan) edo lurzatien esparrurako (hiri lurzoru finkatuari dagokionez) proiektatzen dituen aprobetxamendu errentagarri homogeneizatu guztiak batuz kalkulatzen da.

52. artikulua. Eskuratzen ahal den aprobetxamendua.

Lurren titularrari dagokiona da.

Hiri lurzoru finkatuan, planak sortzen duen aprobetxamenduaren %100 izanen da.

Hiri lurzoru finkatugabean, unitateko aprobetxamenduaren %90 izanen da.

53. artikulua. Hirigintzako aprobetxamendua neurtzeko era.

Lurzati edo unitate bakoitzaren gehieneko azalera eraikia neurtzeko arau hauek erabiliko dira:

1. Sotoetan ez da aprobetxamendua kontsumitzen duen azaleratzat kontatuko garajeen azalera, ezta trastelekuena, instalazio gelena, sarbideena eta familia bakarreko etxeetako upategi eta antzeko gelena ere. Eraikuntzaren inguruko lurraren sestretatik gora metro bat baino gutxiago irteten diren erdisotoetan ere ez dira kontatuko azalera horiek.

2. Lurraren kontrako beheko solairuetan, lurzatira edo kalera jotzen duen fatxadatik atzera neurtuta 4 metro sakoneko zatiari dagokion eraikigarritasuna kontatuko da.

3. Beheko solairuetan azalera zehazteko, fatxadako lerrokaduraren eta benetan proiektatzen den hondoaren arteko tartea neurtuko da. Atarien eta garajeetako sarbideen kontaketan, beheko solairuko gainerako tokien koefiziente bera erabiliko da. Neurketa horretan ez dira deskontatuko atariko atzeraemanguneak, garajeko ateetakoak eta proiektuan plantea litezkeen antzeko beste espazio batzuk.

4. Gainerako erabileren kontaketarako, kasuan kasuko azalera eraikia neurtuko da. Trasteleku edo instalazio gelaren bat planteatzen bada, horiek solairuko gainerako gelen erabilera koefiziente berarekin kontatuko dira.

Lurzati pribatuko lurzoruari dagokion koefizientea aplikatzeko, ez da kontuan hartuko lurzati horretan erabilera publikorako lurrazaleko zortasunpean dagoen partea.

5. Goiko solairuetan eraikinaren itxituraren kanpoaldeko gainazalak definituko du azalera. Ez dira kontuan hartuko balkoiak eta kanpora irekitako esekitokiak.

6. Terraza irekien eta lurzatiko patioen azalera ez da kontatuko.

7. Kontuan hartuko dira, aldiz, instalazioetako patioen azalera, igogailu zuloena eta eskailera kaxena.

-Atiko eta estalkipeetan, gutxienez 1,50 metroko garaiera librea duen zatia kontatuko da.

54. artikulua. Homogeneizazio koefizientea. Taulak.

Homogeneizazio koefiziente hauek ezarri dira aurreikusten diren erabileretarako.

ERABILERA

KOEFIZIENTEA

Familia bakarreko bizitegia edo binakakoa

1

Babes ofizialeko etxeb.

0,5

Bizitegi kolektiboa: 2 etxebizitza

1

Bizitegi kolektiboa: 2 etxebizitza baino gehiago

0,9

Lorategi pribatua

0,05

Gainerako erabilerak

1

Etxebizitzari lotutako garaje eta trastelekuak bizitegitarako erabilerarekin parekatuko dira.

III. KAPITULUA

Hirigintzako arauak lurzoru urbanizaezinean

I. ATALA

Arau orokorrak lurzoru urbanizaezinean

55. artikulua. Lurzoru urbanizaezina.

Atezko udal mugapeko lurzoru urbanizaezina plan honetan hala sailkatu eta mugatutako lurren multzoa da. Paisaiaren, historiaren, arkeologiaren, ingurumenaren edo kulturaren aldetik dituzten balioak edota nekazaritza, basogintza eta abeltzaintzarako balioa kontuan harturik, lur horien ezaugarriak babestu eta indartu egin nahi dira.

Hiri garapenerako edo urbanizazio eta eraikuntza prozesuetarako ezegokitzat jotzen diren lurrak sartu dira multzo horretan.

Lurzoru urbanizaezinaren hirigintzako araubidea Lurraldearen Antolamenduari eta Hirigintzari buruzko 35/02 Foru Legeak arautzen du, indarra duten beste lege xedapen batzuekin batera.

56. artikulua. Lurzoru urbanizaezinaren kalifikazioa.

Lurzoru urbanizaezinaren kategoria eta azpikategoria hauek daude:

1. Babestu beharreko lurzorua.

1.1. Ingurumen aldetik balioa duen lurzorua.

1.2. Natura aldetik ustiatzeko balioa duen lurzorua.

1.3. Balio kulturala duen lurzorua.

1.4. Arriskuei aurrea hartzeko lurzorua.

1.5. Azpiegituretarako lurzorua.

2. Gorde beharreko lurzorua.

2.1. Ingurumen aldetik balioa duen lurzorua.

2.2. Natura aldetik ustiatzeko balioa duen lurzorua.

2.3. Garapen eredua zaintzeko lurzorua.

2.4. Paisaia aldetik balioa duen lurzorua.

2.5. Aurreikusitako azpiegituretarako lurzorua.

57. artikulua. Lurzoru urbanizaezinaren zatiketa.

Lurzoru urbanizaezin guztiak aurreko artikuluan adierazitako kategoria eta azpikategorietan sartuko dira.

Kategoria eta azpikategoria bakoitzaren barnean sektore edo eremuak ezartzen ahalko dira.

58. artikulua. Kategoriak eta azpikategoriak.

Lurzoru urbanizaezinaren kategoriak hirigintzako mugape homogeneoak dira, planeamenduan lurzoruaren araubideaz eta gainerako baldintza orokorrez ezarritako determinazioei dagokienez.

Kategoria bakoitzeko lurzoruak azpikategorietan banatzen dira. Sailkapen horren arrazoia izan daiteke paisaiaren, ingurumenaren edo kulturaren aldetik balioa izatea, natura ustiatzeko balioa izatea, garapenaren eredua bermatzea, arriskuen prebentzioa, edo azpiegitura nahiz jarduera berezietarako erabili beharrekoa izatea.

59. artikulua. Eremuak.

Lurzoru urbanizaezinaren kategoria edo azpikategorietako toki jakinetan araudi partikularra ezartzeko, toki horiek eremuetan sartzen ahalko dira.

Lurzoru urbanizaezinerako araudi partikularrean eremu horietarako determinazioak osatuko dira.

60. artikulua. Baimenen araubidea.

Jarduerak eta erabilerak, lurzoru urbanizaezinean, onartuak, baimengarriak edo debekatuak izan daitezke.

61. artikulua. Jarduera onartuak.

Jarduera eta erabilera onartuak izanen dira lurzoru urbanizaezina babestu eta gordetzeko helburuekin berez bateragarriak direnak, eta bermatzen dutenak lurzoru hori babestu edo gorde behar izateko balioak edo arrazoiak ez dituztela aldatuko.

Erabilera eta jarduera onartuek ez dute beharko lurzoru urbanizaezineko jarduera baimengarrientzako baimenik, baina horrek ez du esan nahi beste organo edo administrazioen lizentzia edo baimena beharko ez dutenik.

62. artikulua. Jarduera baimengarriak.

Jarduera eta erabilera baimengarriak izanen dira lurzoru urbanizaezina babestu eta gordetzeko helburuekin berez, kasu jakin batzuetan, bateragarriak direnak, eta bermatzen dutenak lurzoru hori babestu edo gorde behar izateko balioak edo arrazoiak ez dituztela aldatuko.

Jarduera eta erabilera horiek Udalaren baimena beharko dute, baina horrek ez du esan nahi beste organo edo administrazioen lizentzia edo baimena ere beharko ez dutenik.

A) Jarduera eta erabilera baimengarriak, babestu beharreko lurzoru urbanizaezinean.

1. Babestu beharreko lurzoru urbanizaezinean, bakar-bakarrik baimentzen ahalko dira, salbuespen gisa, lurzoru hori hobeki kontserbatzeko eta jendea horretaz goza dadin beharrezkoak diren eraikuntza, instalazio edo erabilerak, baldin eta justifikatzen bada bateragarriak direla lurzorua bereziki babestu behar izateko balio eta arrazoiekin.

2. Babestu beharreko lurzoru urbanizaezineko gainerako jarduerak ezin izanen dira baimendu, eta bereziki debekatzen dira lurzoruaren xedea edo izaera eraldatu, babestu nahi den balio berariazkoa kaltetu edo lurraldearen antolamenduko tresnek edo sektoreko legeriak ezartzen duten araubide mugatzailea hausten duten eraikuntza, jarduera edo erabilerak.

B) Jarduera eta erabilera baimengarriak, gorde beharreko lurzoru urbanizaezinean.

1. Gorde beharreko lurzoru urbanizaezinean baimenduak daude eraikuntzaz kanpoko jarduera guztiak, salbu lurra mugitu beharra dakarten eta baimena behar duten jarduerak.

2. Gorde beharreko lurzoru urbanizaezinean bakar-bakarrik baimentzen ahalko dira eraikuntzazko jarduera batzuk, nekazaritza, oihangintza edo abeltzaintzari lotuak daudenak, edo azpiegitura eta ekipamenduak, lurzoru urbanizaezinean garatu beharrekoak direlako.

3. Halaber, baimentzen ahalko dira lurzoru urbanizaezinean kokatu edo garatu behar diren industriako edo hirugarren sektoreko jarduerak, zeinak egonen baitira loturik urbanizazio eta aprobetxamendu lagapenaren betebeharrei, sektorizatutako lurzoru urbanizagarriari ezarritako berberak.

63. artikulua. Jarduera debekatuak.

Jarduera eta erabilera debekatuak izanen dira, hurrengo paragrafoan aipatzen direnez gain, lurzoru urbanizaezinaren kategoria bakoitza babestu eta gordetzeko helburuekin berez bateraezinak direnak.

Lurzoru urbanizaezinean debekatuta daude ondorio hauek dakartzaten egintzak edo ez-egiteak:

a) Higaduraren gehikuntza eta lurzoruen kalitatearen galera.

b) Landaredia suntsitzea, oihan ondarea babesteari buruz indarra duen legerian ezarritakoa deusetan ukatu gabe.

c) Hezeguneak edo haien ingurune hurbila suntsitu edo kutsatzea, urari buruzko legerian bildutakoa deusetan ukatu gabe.

d) Gauzak, hondakinak edo bestelako zaborrak baimenduta dauden lekuetatik kanpo botatzea edo uztea, edo baimenik gabe erretzea.

e) Natura edo akuiferoak hondatu edo kutsa ditzaketen likido edo solidoak botatzea.

f) Hirigintza lurzatiketak egitea, inola ere ezin izanen delarik egin inolako banaketa, bananketa edo zatiketarik nekazaritzako, oihangintzako edo antzeko bestelako legerian xedatutakoaren aurka.

64. artikulua. Planeamenduaren garapena.

Udal Plan Orokor honetako determinazioak plan berezien bidez garatzen ahalko dira, berehalako aplikazioa eragotzi gabe.

Plan berezi horien eremu gisa, zonak sortuko dira, lehendik halakorik ez dagoen kasuetan.

65. artikulua. Landa finken bananketa.

Indarra duen legerian xedatutakoari jarraituko zaio.

66. artikulua. Hirigintzako lurzatiketa.

Indarra duen legerian xedatutakoari jarraituko zaio.

II. ATALA

Arau partikularrak lurzoru urbanizaezinean

67. artikulua. Ingurumen balioa duen babestu beharreko lurzorua.

Babestu beharreko lurzoruaren azpikategoria honetan sartzen dira arboladiei euskarri emateagatik babestu behar diren lurrak, beren tamainak eta kalitateak iraunen dutela bermatzeko, gaur egun betetzen dituzten eginkizunak betetzen segi dezaten: ekologikoa, babesekoa, ekoizpenekoa, turismo eta jostetakoa eta paisaia sortzekoa. Halaber, aipatu helburuentzat oihan bihurtzea interesgarri gerta daitezkeen eremuak ere sartzen dira.

Ondokoak sartu dira kategoria honetan:

1. Irailaren 6ko 926/1996 Foru Aginduan adierazitako erabilera publikoko mendiak, hots, honako hauek, Atezko udal mugapean:

-399. zk.-Artalu, Ezpeleta eta Mandaputzu (121 Hc) Aroztegin.

-400. zk.-Basaketa, Musquillicorreca eta Zadarre (182 Hc) Beratsainen.

-401. zk.-Beuntza Larrea (687 Hc).

-402. zk.-Herrilurretako mendia (154 Hc) Eguaratsen.

-403. zk.-Herrilurretako mendia (149 Hc) Eguaratsen.

-404. zk.-Kanpanegi eta Uzpela (118 Hc) Eritzen.

-405. zk.-Beratsain aldea eta Larrabeltz (26 Hc) Eritzen.

2. Habitatei buruzko 92/43 CE Zuzentarauaren I. eranskinean aipatzen diren lehentasunezko interesa duten habitatak, Europar Batasuneko estatu kideetan babes berezia dutenak. Atezko udal mugapean badira horrelako habitatak:

-4030.-Txilardi atlantikoak eta mediterraneoak.

-4090,6212.-Sastraka mediterraneoen eta oromediterraneoen mosaikoa, larre mesoxerofilo kaltzikolak dituena.

-6212.-Larre mesoxerofilo kaltzikolak (*orkidea nabarmenak dituzten parejeak).

-6212,4090.-Larre mesoxerofilo kaltzikolen mosaikoa, sastraka mediterraneoak eta oromediterraneoak dituena.

-9120.-Pagadi azidofiloak.

-9150.-Pagadi xerotermofilo kaltzikolak.

-91E0*.-Ur bazterreko haltzadiak.

-9230.-Ameztiak.

3. Ibaiaren ibilerak eta haien zortasun eremua (5 m, urtarrilaren 11ko 9/2008 Errege Dekretuaren arabera), ibaiertzeko landare naturalak barne.

Erabilera eta jardueretarako babes araubidea aplikatzen ahal den sektore araudiak eta ingurumen balioa duen babestu beharreko lurzorurako ezarritako determinazioek ezarriko dute.

Lurzoru mota horretan proposatzen diren jarduketek organo eskudunaren txostena beharko dute.

68. artikulua. Natura aldetik ustiatzeko balioa duen babestu beharreko lurzorua.

Babestu beharreko lurzoruaren azpikategoria honetan sartzen dira nekazaritzako kalitatea duten lurzoruak, eta abeltzaintza estentsiborako aprobetxatzen diren belardiek eta larreek okupatzen dituzten eta Habitatei buruzko 92/43 CE Zuzentarauaren I. eranskinean aipatzen diren erabilera publikoko mendiek eta lehentasunezko interesa duten habitatek mugatzen duten esparruaren barnean dauden lurrak, Europar Batasuneko estatu kideetan babes berezia dutenak.

Erabilera eta jardueretarako babes araubidea aplikatzen ahal den sektore araudiak eta natura aldetik ustiatzeko balioa duen babestu beharreko lurzorurako ezarritako determinazioek ezarriko dute.

Lurzoru mota horretan proposatzen diren jarduketek organo eskudunaren txostena beharko dute.

69. artikulua. Kultur balioa duen babestu beharreko lurzorua.

Ondokoak sartu dira kategoria horretan:

1. Vianako Printzea Erakundea-Kultura Zuzendaritza Nagusiko Museoen, Ondasun Higigarrien eta Arkeologiaren Atalean dagoen Nafarroako Inbentario Arkeologikoak aipatzen dituen aztarnategi arkeologikoak. Honako hauek dira Atezko udal mugapekoak:

-Auzaldia: Trikuharri hori Beuntzako udal mugapean dago, izen hori daukan parajeko muino batean. Harri poligonal irekia da, estalkirik ez duena eta tumulu zirkularra duena.

-Auzaldigañe: Tumulu zirkularra da, 22 m-ko diametroa duena. Beuntzako udal mugapean dago, Auzaldia trikuharritik 100 m ingurura.

Erabilera eta jardueretarako babes araubidea aplikatzen ahal den sektore araudiak ezarriko du.

Lurzoru mota horretan proposatzen diren jarduketek organo eskudunaren txostena beharko dute.

70. artikulua. Arriskuei aurrea hartzeko babestu beharreko lurzorua.

Babestu beharreko lurzoruaren azpikategoria honetan sartzen dira ibaien eta ibilguen uholdeek ukitutako lurrak, 100 urteko birgertatze-aldia kontuan hartuta.

Ukituriko lurrak zehatz-mehatz mugatzen dituen azterlan hidrologiko-hidraulikorik ez dagoenez, planoen mugaketa grafikoa gutxi gorabeherakoa da, eta lurrak esparru horretatik baztertzea justifikatzen ahalko da, Ebroko Ur Konfederazioak eta Ingurumeneko Departamentuak oniritzia ematen badiote edo, bestela, automatikoki, Ingurumeneko Departamentuak azterlan hidrologiko-hidraulikoa egiten duen unean.

Erabilera eta jardueretarako babes araubidea aplikatzen ahal den sektore araudiak ezarriko du.

Lurzoru mota horretan proposatzen diren jarduketek organo eskudunaren txostena beharko dute.

71. artikulua. Azpiegituretarako babestu beharreko lurzorua.

Babestu beharreko lurzoruaren azpikategoria honetan sartzen diren tokietan, gai bakoitzarentzat indarrean diren legeen arabera, komunikazioetarako, ur politikarako, ur hornidura eta saneamendurako, kutsaduraren kontrako borrokarako eta natura babesteko erabiltzen diren eroanbide eta eraikuntzak kokatu behar dira edo horiek ukitu behar dituzte.

1. Gordetze araubidea. Orain dauden azpiegiturek okupatu edo ukitzen dituzten espazioetarako gordetze araubidea, sektoreak indarrean dituen legeek agindutakoari lotuko zaio, jarraian xedatzen dena ezertan galarazi gabe.

Zilegi izanen da azpiegiturarekin bateragarriak diren jarduera eta erabilera eraikuntzazko nahiz eraikuntzaz kanpokoak baimentzea, non eta azpiegitura horien kontserbazio, mantentze eta zerbitzu soilerako ez diren. Aipatutako jarduerok, kontserbazio, mantentze eta zerbitzu arloetakoak, alegia, onartu eginen dira, eta horien barnean egonen dira ondoko obrak:

-NA-4100 eta NA-4210 errepideen arteko elkargunea hobetzea.

-Eguarasko herrigunerako sarbideak hobetzea.

-Aroztegiko herrigunerako sarbideak hobetzea.

2. Errepideak: Nafarroako Errepideei buruzko 5/07 Foru Legea.

36.c artikuluaren arabera, eraikuntza lerroa NA-4120 Gulia-Aroztegi, NA-4100 Aitzoain-Aroztegi, NA4174 Hiriberri, NA-4175 Beuntza, NA-4176 Egillor, NA-4177 Beratsain, NA-4178 Ziganda eta NA-4179 Aroztegi errepideetan egonen da, galtzadaren mugaketaren kanpoko lerrotik 18 metrora.

3. Linea elektrikoak: Goi Tentsioko Lineen Erregelamendua.

4. Ura eta saneamendua: Indarra duen legedia. Uren Legea.

Lurzoru mota horretan proposatzen diren jarduketek organo eskudunaren txostena beharko dute.

72. artikulua. Ingurumen balioa duen gorde beharreko lurzorua.

1. Gorde beharreko lurzoruaren azpikategoria honetan sartzen dira arboladiei euskarri emateagatik babestu behar diren lurrak, beren tamainak eta kalitateak iraunen dutela bermatzeko, gaur egun betetzen dituzten eginkizunak betetzen segi dezaten: ekologikoa, babesekoa, ekoizpenekoa, turismo eta jostetakoa eta paisaia sortzekoa. Halaber, aipatu helburuentzat oihan bihurtzea interesgarri gerta daitezkeen eremuak ere sartzen dira.

Gaur egungo oihan lurzorua finkatzeaz gainera, beste jarduketa batzuk eginen dira, oihan bihurtzeko horretarako egokiak diren eremuak edo paisaia lehengoratu beharra dagoen beste eremu batzuk.

Kategoria horretatik kanpo egonen dira ingurumen balioa duten babestu beharreko lurzorutzat jotzen diren lurrak.

2. Babes araubidea.

a) Eraikuntzaz kanpoko jarduerak. Debekaturik daude usadiozko larratzea arboladietan eta landaretza erretzea.

Zilegi izanen da baimena ematea pista edo bide berriak irekitzeko, luberriak eta zapaldak egiteko, meatzeak ustiatzeko, legarra eta harea erauzteko, harrobietarako eta matarrasako mozketa egiteko usadioz hala egiten den tokietan, erabakiko diren baldintzekin.

Gainerako jarduerak onartuko dira.

b) Eraikuntzazko jarduerak. Onartuko dira basogintza eta erlezaintzarako eraikuntza eta instalazioak.

Zilegi izanen da baimena ematea lurzoru mota horretan garatu behar diren eraikuntzetarako, adibidez, herri lanak gauzatu eta mantentzeko eta haien zerbitzurako beharrezko eraikuntzak eta instalazioak, lurzoru urbanizaezinean kokatu beharreko ekipamendu edo zerbitzuetarakoak, lurzoru urbanizaezinean egitekoak diren kirol eta aisiako jardueretarakoak eta azpiegituretarakoak.

73. artikulua. Natura aldetik ustiatzeko balioa duen gorde beharreko lurzorua.

1. Gorde beharreko lurzoruaren azpikategoria hau osatzen dute nekazaritzako kalitatea duten lurzoruek, baita abeltzaintza estentsiborako aprobetxatzen diren belardiek eta larreek okupatzen dituzten lurrek ere.

Kategoria horretatik kanpo egonen dira natura aldetik ustiatzeko balioa duten babestu beharreko lurzorutzat jotzen diren lurrak.

2. Gordetze araubidea.

Nekazaritza eta abeltzaintza instalazio berriak ezartzeko bizitegitarako hiri lurzorutik gutxieneko distantzia dokumentazio grafikoan ezarritakoa izanen da.

Ezarpen berriak egiteko debekua duen zerrendan lehendik dauden instalazioak finkatu eginen dira, herriguneetatik 150 metrotik gorako distantzian daudenei azalera eraikia %20, gehienez, handitzea onartuko zaiela.

Herriguneetatik 50 metrotik beherako distantzian daudenak antolamenduz kanpo egonen dira eta, beraz, ez da onartuko horiek handitzea.

Salbuespenez, herriguneetan kokaturik dauden eta antolamenduz kanpo dauden jardueren lekualdaketa errazte aldera, baimena ematen ahalko da, bidezkoa denean, jarduerak herriguneetatik 150 m-tik beherako distantzian dagoen debeku zerrendan ezartzeko, eta, halaber, azienda mota eta kopurua aldatzeko, eragozpen mailaren arabera.

Abaroan egoteko zuhaitzen hesiak eta landazabalgo paisaiako zuhaizti txikiak kontserbatuko dira, bereziki hurrengo parajeetan: Itargoien, Iturzar, Aldabe...

Lur horiek gordetzeko araubidea honakoa izanen da:

a) Eraikuntzaz kanpoko jarduerak.

Erauzteko jarduerak debekatuta daude.

Zilegi izanen da lur mugimendua dakarten beste ekintzak baimentzea.

Nekazaritzako ustiategiak hobetzeko lur mugimendu txikiak onartuko dira.

Gainerako jarduerak onartuko dira.

b) Eraikuntzazko jarduerak.

Honako hauek ere baimentzen ahalko dira:

Honakoak baimentzen ahalko dira:

-Abeltzaintzarako eraikinak, horretarako prestaturiko eremuetan.

-Abeltegiak debekatzeko zerrendan, etxeko ukuiluak izanen diren eraikinak.

-Finkaren izaerarekin, tamainarekin eta erabilerarekin bat datozen nekazaritzako ustiategietarako diren eta horiei loturik dauden eraikuntza eta instalazioak, eta mintegi eta berotegiak.

-Herri lanak gauzatzeko, haiek mantentzeko edo haien zerbitzurako behar diren eraikin eta instalazioak.

-Lurzoru urbanizaezinean kokatu beharreko ekipamendu, dotazio edo zerbitzuetarako behar diren eraikin eta instalazioak.

-Lurzoru urbanizaezinean kokatu beharreko industria jarduerak.

-Etxolak aterpe gisa zaharberritzea, baldin eta jarduketak lehendik dagoen eraikina errespetatzen badu eta ingurunean integratzen bada. Eraikin horiek ezin izanen dira inoiz bihurtu etxebizitza, ezta eraikinean etengabe bizi izatea dakarren jarduera ere.

-Azpiegiturak.

Honakoak debekatzen dira:

-Baratzezaintzari sostengu emateko eraikuntza eta instalazioak eta aisiarako eraikuntzak.

-Abeltzaintzarako eraikinei dagokienez, herriguneen eta errepideen inguruan mugaketa ezartzen da. Gauzak horrela, mugaketa horren eta herriguneen edo errepideen artean debekatuta egonen da abeltegi berriak eraikitzea.

74. artikulua. Garapen eredua babesteko gorde beharreko lurzorua.

Guneen inguruko lurretan gordetze araubide zorrotzagoa ezarri da, guneen etorkizuneko hazkundea, egitura edo irudia kolokan ez jartzeko.

Lur horiek gordetzeko araubidea honakoa izanen da:

a) Eraikuntzaz kanpoko jarduerak.

Erauzteko jarduerak debekatuta daude.

Zilegi izanen da lur mugimendua dakarten beste ekintzak baimentzea.

Nekazaritzako ustiategiak hobetzeko lur mugimendu txikiak onartuko dira.

Gainerako jarduerak onartuko dira.

b) Eraikuntzazko jarduerak.

Honako hauek ere baimentzen ahalko dira:

-Etxeko ukuiluak.

-Mintegiak eta berotegiak.

-Lurzoru urbanizaezinean kokatu behar diren eta herrigunearen zerbitzuari lotuta dauden azpiegituren eraikuntza eta instalazioak.

75. artikulua. Paisaia aldetik balioa duen gorde beharreko lurzorua.

Guneen inguruko lurretan gordetze araubide zorrotzagoa ezarri da, hazkundea, egitura edo irudia kolokan ez jartzeko.

Lur horiek gordetzeko araubidea honakoa izanen da:

a) Eraikuntzaz kanpoko jarduerak.

Erauzteko jarduerak debekatuta daude.

Nekazaritzako ustiategiak hobetzeko lur mugimendu txikiak onartuko dira.

Gainerako jarduerak onartuko dira.

b) Eraikuntzazko jarduerak.

Honako hauek ere baimentzen ahalko dira:

-Mintegiak eta berotegiak.

-Lurzoru urbanizaezinean kokatu behar diren eta herrigunearen zerbitzuari lotuta dauden azpiegituren eraikuntza eta instalazioak.

76. artikulua. Aurreikusitako azpiegituretarako gorde beharreko lurzorua.

Azpikategoria horren barnean sartzen da urak haranera ekartzeko hodi berriaren aurreikuspenari eta errepideen sarearen hobekuntzei dagokien ibilbildea.

Gordetze araubidea.

a) Eraikuntzaz kanpoko jarduerak.

Zilegi izanen da lur mugimendua berekin dakarten ekintzak baimentzea.

Gainerako guztiak onartuko dira.

b) Eraikuntzazko jarduerak.

Baimentzen ahalko dira, hodi biltzailearen ibilbidearen arrazoizko alternatibak daudela justifikatzen bada.

III. ATALA

Jarduera eta erabileretarako arauak lurzoru urbanizaezinean

77. artikulua. Nekazaritzako biltegien ezaugarriak.

Nekazaritza estentsiborako biltegi osagarriak dira.

Lizentzia eskuratu baino lehen, behar bezala justifikatu eta frogatu behar da egin nahi den eraikuntzaren eta ustiatzen den lurzatiaren arteko proportzionaltasuna.

Oinplanoaren forma: karratua edo laukizuzena.

Estalkia: bi edo lau isurkikoa.

Eraikuntzako materialak: harrizko fatxada, zarpeatu zuriak edo okre kolorekoak. Estalkian teila gorria, xafla gorria edo uralita gorria.

Eraikin guztiak ezkutatuko dira ezker-eskuinetan zuhaitzak landatuta.

Fatxadetatik lurzatiko mugetara gutxienez 6 m-ko tartea utziko da.

Udalak materialen eta akaberen beste irtenbide mota batzuk onartzen ahalko ditu, jardueraren berezitasunak eta haren kokapena oinarri hartuta, baldin eta horiek ingurunera moldatzen badira.

78. artikulua. Abeltzaintza intentsibo eta estentsiborako eraikinen ezaugarriak.

Abeltzaintza intentsiboa esaten zaio lurzoruko baliabideen mende ez dagoenari, abereentzako janari gehienak kanpotik ekartzen direlako eta abereak funtsean ukuiluan hazten direlako.

Abeltzaintza estentsiboan, aldiz, abereen elikaduraren oinarri nagusia lurzoruko baliabideen zuzeneko aprobetxamendua da.

1. Kokalekua.

Beti errespetatu behar dira Abeltegiak baimentzeko baldintza teknikoei, higiene eta osasun arlokoei eta ingurumenekoei buruzko 188/1986 Foru Dekretuan ezarritako distantziak, jarduera sailkatuei buruzko ordenantzan definitutakoak.

2. Eraikuntzaren baldintzak.

Gehieneko garaiera: 6 m teilatu-hegaleraino. Justifikatuz gero, garaiera handiagoa onartuko da.

Gehieneko luzera: 50 m.

Gutxieneko distantzia lurzatiko mugara: 6 m.

Instalazio bereko eraikuntzen arteko distantzia, gutxienez: 6 m.

Materialak: bi edo lau isurkiko estalkia, teilaz, xafla gorriz edo uralita gorriz egina; harrizko fatxadak, zarpeatu zuri edo okre kolorekoak.

Azalera: behar bezala justifikatu eta frogatuko da egin nahi den eraikuntza abelburuen kopuruaren neurrikoa dela.

3. Eraikin guztiak ezkutatuko dira ezker-eskuinetan zuhaitzak landatuta.

Artikulu honetako determinazioak aldatzen ahalko dira jarduketaren eskalaren arabera, ustiategiaren espezifikotasuna justifikatuta edo plan bereziaren bitartez.

Udalak materialen eta akaberen beste irtenbide mota batzuk onartzen ahalko ditu, jardueraren berezitasunak eta haren kokapena oinarro hartuta, baldin eta horiek ingurunera moldatzen badira.

79. artikulua. Aisiako abeltzaintzarako eraikuntzen ezaugarriak.

Aisiako abeltzaintzarako eraikuntzak dira zaldiak eta ehiza txakurrak edukitzeko behar diren instalazioak.

Determinazio hauek beteko dituzte:

1. Zolaketa.

Ezin da lurzatiaren azaleraren %5 baino gehiago zolatu.

2. Materialak.

Fatxadetan harria edo zuriz nahiz okre kolorez pintaturiko zarpeatuak.

Estalkietan teila arabiarra edo gisakoa, gorria edo hareakara. Zurezko etxolak ere onartzen dira.

3. Eraikin guztiak ezkutatuko dira ezker-eskuinetan zuhaitzak landatuta.

4. Eraikuntzaren fatxadatik lurzatiko mugara gutxienez 6 m-ko tartea egonen da.

5. Eraikitako azalera abelburuen kopurua oinarri hartuta justifikatu beharko da, eta ezin izanen da 20 m²-tik gorakoa izan inoiz.

80. artikulua. Erlezaintzako jardueren ezaugarriak.

Erleen abeltegietarako indarra duen araudia aplikatuko da.

81. artikulua. Zura ateratzeko edo basoa kudeatzeko eraikuntza eta instalazioen ezaugarriak eta obrak eta horien mantentze lan eta zerbitzuak egiteko eraikuntza eta instalazioen ezaugarriak.

Eraikuntzan ezaugarriak, hots, tamaina, materialak eta beste batzuk, Udalak finkatzen duenari lotuko zaizkio.

Udalak behin-behineko lizentzia emanen du eta bertan zehaztuko da zein berme eskatuko diren esleipen-hartzaileak eraikuntza eraisteko eta horren kokalekua lehengoratzeko ardura har dezan, behin baso ustiapena edo herri lanak bukatu eta gero.

82. artikulua. Lurzoru urbanizaezinean kokatu beharreko ekipamendu eta zerbitzuetarako eraikuntza eta instalazioen ezaugarriak.

Landa ingurunean nahitaez kokatu behar diren eraikuntzez ari gara.

Landa ingurunean kokatu beharra dagoela ulertuko da baldin eta, lurzoru mota edo lurzoruaren ezaugarri jakin batzuei lotuta egoteagatik, eraikuntzak ezin badira kokatu hiri lurzoruan.

Eraikinen tratamendua eskualdeko eraikuntzaren eta arkitekturaren ezaugarriekin bat etorriko da, konposizioaren eta bolumenaren elementuei, koloreei eta akaberei dagokienez.

Eraikinaren fatxada guztietatik gutxienez 6 m-ko tartea egonen da lurzatiko mugetaraino.

Funtzionamendu egokirako beharrezkoa den garaiera izanen da gehienekoa.

Behar bezala antolatu beharko dira sarbidea, ur hornidura, saneamendua, argindar hornidura eta abar lurzatian bertan, eta urbanizazio egokia bermatuko da beti, zoladurak eta lorategiak barne. Lurzatiari berdegunea emanen zaio haren esparruan, soropilaz eta eremu arboleztatuez baliatuz.

Beharren programak eta hiri lurzorurainoko gutxieneko distantzia kasuz kasu justifikatuko dira. Kokalekuaren ezaugarriak direla-eta herriguneetan eta errepideetako zirkulazioan arriskua, eragozpenak edo antzeko trabak sortzen ahal direla irizten bazaio, baimena ukatzen ahalko da.

Lurzoru urbanizaezinean debeku dira kirol instalazioak, irabazteko xederik gabeko ekimen publikokoak izan ezik. Ez da erabilera horretarako neurri berezirik ezarri, Udala izanen delako sustatzailea eta berak onetsi beharko duelako obren proiektua.

Aisiarako eremu handiak baimentzen ahalko dira. Landa inguruneko eremu ireki handiak behar dituzten aire zabaleko josteta jarduerak ere puntu honetan sartzen dira.

Erabilera nagusiari zuzenean lotutako eraikin osagarriak onartuko dira. Udalak kasuz kasu aztertuko ditu hiri lurzorurainoko gutxieneko distantziak eta erabileraren eta eraikuntzaren inguruko baldintza partikularrak.

83. artikulua. Lurzoru urbanizaezinean kokatu behar diren industria jarduerei lotutako eraikuntza eta instalazioen ezaugarriak.

Apirilaren 5eko 84/1990 Foru Dekretuak, 3. kapituluan, zein jarduera baimentzen ahal diren zehazten du eta horien ezaugarriak eta eraikuntza baldintzak finkatzen ditu, bai eta administrazio baimena lortzeko prozedura eta dokumentazioa ere.

III. titulua

Udal Plan Orokorraren garapena

84. artikulua. Hiri lurzoruaren garapena.

Hiri lurzoruko exekuzio unitateetan hura aurretiazko planeamendurik gabe egokituko zaie Udal Plan Orokorreko agirietan unitateetarako ezarritako aurreikuspenei.

Udal Plan Orokorreko determinazioak xehetasun azterlanen bitartez garatuko dira hiri lurzoruan, araudiaren 27. artikuluak aurreikusten dituen kasuetan.

Eraikuntzarik gabeko lurzoru pribatua okupatzen ahalko da. Xehetasun azterlana tramitatu beharko da, araudiaren 27. artikuluko baldintzak betez.

85. artikulua. Jarduketak lurzoru urbanizaezinean.

Udal Plan Orokorrak onartzen dituen jarduketetarako baimena Udalak emanen du zuzenean.

Baimengarritzat jotzen diren jarduketetarako baimena 35/02 Foru Legearen 117. artikuluaren arabera tramitatuko da.

Udal Plan Orokorreko determinazioak plan berezien bitartez garatuko dira hiri lurzoruan, araudiaren 27. artikuluak aurreikusten dituen kasuetan.

86. artikulua. Udal Plan Orokorraren garapenari begira aurreikusten diren egoerak.

Udal Plan Orokor honek xehetasunez ezartzen du hiri lurzoru osoaren hirigintzako araubidea.

1. Oin berriko obrak.

1.1. Exekuzio unitateetan.

Jarduketa sistemaren arabera, behar den erakundea eratzea.

Birzatiketa proiektua idaztea.

Urbanizazio proiektua idaztea.

Urbanizazioa egin eta lagatzea.

Eraikuntza gauzatzeko proiektua.

Eraikuntza.

Etxebizitzak okupatzea.

Jarduerak irekitzea.

1.2. Lurzati bakartuetan.

Xehetasun azterlana. Bertan ezarriko dira lerrokadurak, okupazioa eta lurzoru lagapenak, behar denean.

Lurzoru lagapena formalizatzea, hala behar denean.

Eraikuntza eta lotura urbanizazioa egiteko proiektua.

Eraikuntza.

Etxebizitzak okupatzea.

Jarduerak irekitzea, halakorik bada.

2. Eraikuntza zaharberritu edo eraberritzeko obrak.

Xehetasun azterlana, eraikigarritasuna handitzen bada.

Eraberritze proiektua.

Eraberritzeko obrak.

3. Erabileraren aldaketa, birkalifikazioa edo jarduera berriaren ezarpena.

Eraberritze proiektua.

Eraberritzeko obrak.

Jarduera irekitzea.

4. Eraikuntza berritzeko obrak.

Eraikuntza eraisteko proiektua.

Xehetasun azterlana, eraikigarritasuna handitzen bada.

Eraikuntza gauzatzeko proiektua.

Eraikuntza.

Etxebizitza okupatzea.

Jarduerak irekitzea, halakorik bada.

5. Lurzoru urbanizaezinetako eraikuntzak.

5.1. Eraikuntza onartuak.

Plan berezia, hala behar denean.

Lurzoru lagapena formalizatzea, hala behar denean.

Eraikuntza eta lotura urbanizazioa egiteko proiektua.

Eraikuntza.

Jarduerak irekitzea, halakorik bada.

5.2. Eraikuntza baimenduak.

Baimenaren eskaera. Aurreproiektuaren gutxieneko edukia.

Nafarroako Gobernuari zuzenduta tramitatzea.

Ikus 1.2 puntua.

IV. TITULUA

Hiri ondare babestua

87. artikulua. Ondare arkitektonikoaren kontserbazioa.

Jabearen betebeharrak dira eraikina modu egokian kontserbatu eta txukun mantentzea eta fatxada, pareta, itxitura, mehelin eta abarrekoak bukatu eta ongi errematatzea.

Eraikin bereko jabeek ezin izanen dute nork bere solairuko fatxada zatia pintatu edo berriztatu. Jabe guztiek batera egin beharko dute, Udalaren baimena jaso eta gero.

88. artikulua. Ondare arkitektonikoa.

Ondare arkitektonikoak eraikin eta elementu bereziak biltzen ditu, historiaren, tipologiaren edo arkitekturaren aldetik dituzten ezaugarriak direla-eta banaka babestu behar direnak.

AZKEN XEDAPEN INDARGABETZAILEA

Udal Plan Orokor honetan berariaz xedatzen ez den orotan, osagarri eta ordezko gisa, Lurraldearen Antolamenduari eta Hirigintzari buruzko abenduaren 20ko 35/20 Foru Legea, Oztopo Fisiko eta Zentzumenezkoei buruzko uztailaren 11ko 4/1998 Foru Legea, Nafarroako Errepideei buruzko 11/1986 Foru Legea eta gainerako lege xedapenak aplikatuko dira.

Eritzen, 2010eko urriaren 20an

Arkitektoak

Abokatua

David Gómez Urrutia

Héctor M. Nagore Sorabilla

Rafael Calderón Alonso

ORDENANTZAK

ATARIKO TITULUA

Xedapen orokorrak

1. artikulua. Xedea.

Ordenantza honen xedea da eraikuntzari dagozkion gai guztiak arautzea: eraikitzearen ingurukoak, alderdi teknikoak, osasun eta segurtasun arloetakoak, eta zerbitzuen araubidea.

2. artikulua. Lurralde esparrua.

Ordenantza honen aplikazio esparrua Atezko udal mugape osoa da.

3. artikulua. Indarraldia.

Ordenantza hauek Atezko Udal Plan Orokorrarekin batera hartuko dute indarra.

Behin betiko onesten direnean, lehengo udal ordenantzak indargabetu eginen dira.

4. artikulua. Interpretazioa.

Determinazio grafikoen eta idatzien artean, edo determinazio idatzien artean, kontraesanik bada, Udal Plan Orokorraren helburu eta xedeekin ongien uztartzen den determinazioak izanen du indarra.

Ez da ordenantza honen egitekoa eraikuntzako jardueraren elementu paradigmatikoa izatea berak arautzen dituen arloetan, gutxieneko baldintza onargarriak bermatzea baizik. Ondorioz, goragoko legerian arauturik ez dauden arlo batzuetan, baliteke ordezko antolabide tekniko edo estetikoak onartzeko aukera izatea, egokiak direla behar bezala egiaztatu ondoren.

Horrelakoetan, proiektu teknikoan berariaz arrazoituko da aukeratutako soluzioa, irizpide tekniko edo estetikoak erabiliz, eta saihestu nahi diren manuak aipatuko dira.

Txosten teknikoan proposamen alternatiboaren egokitasuna baloratuko da, bai eta, hala badagokio, proiektua onesten ahal ote den ere.

Udalak ordenantza hauen eguneratzea sustatuko du, gizartearen unean uneko egoerari egokitzeko, bilakaera zientifikoak eta ordenantza honen xede diren gaiei buruzko arau berriek horren beharra sortzen dutenean.

I. TITULUA

Eraikuntzari buruzko ordenantza

I. KAPITULUA

Atarikoa eta definizioak

5. artikulua. Xedea.

Titulu honetako xedapenen helburua baldintza orokorrak arautzea da, eraikin berrien obrak, edo lehendik daudenak eraberritu, zaharberriu, ordeztu edo handitzekoak haietara makur daitezen.

6. artikulua. Lerrokadura ofiziala.

Kontzeptu hau antolamenduaren ondoriozko jabetzaren araubideari dagokio.

Lerrokadura ofiziala eremu publikoa eremu pribatutik bereizten duen lerroa da.

7. artikulua. Gehieneko lerrokadura.

Fatxadatik pasa ez daitekeen lerroa, bertatik atzeraeman badaiteke ere.

8. artikulua. Nahitaezko lerrokadura.

Kale edo espazio publikoren baten diseinurako beharrezkoa den kasuetan, fatxada nahitaez kokatuko da lerro horretan eta ezin izanen da fatxada solairu guztietan atzeraeman.

9. artikulua. Ordezko lerrokadura.

Bidea zabaltzea komeni den kasuetan, eraikuntza finkatua baldin bada, ordezko lerrokadura ezartzen da nahitaezko lerrokadura gisa, dagoen eraikuntzaren ordez beste bat egiten denerako. Hala, eraikuntza berria egiten bada, sustatzaileak bidea zabaltzeko lurra laga beharko du.

10. artikulua. Eraikinaren garaiera.

Espaloiaren sestratik hasi eta fatxadako hormak kanpoaldetik estalkiko teilatu-hegalarekin bat egiten duen behereneko lerroraino dagoen distantzia bertikala da, fatxadako lerrokaduraren erdiko puntuan neurtua.

Eraikuntzak inguruan espaloirik ez badu, perimetroko lurraren sestratik neurtuko da garaiera.

Fatxadaren luzera 15 m-tik gorakoa denean garaiera neurtzeko, fatxada gehienez ere 15 m dituzten tarteetan zatituko da eta garaiera lurraren sestratik neurtuko da tarte bakoitzaren erdian.

Fatxada nagusiaren eta atzeko fatxadaren koten artean 3 metrotik gorako aldea badago (solairu bat baino gehiago), teilatu-hegalaren kota lehenetsiko da solairu kopuruaren gainetik.

11. artikulua. Gorputz irtenak.

Gorputz irtenak dira eraikinaren bolumena zehazten duen planotik ateratzen direnak, eta betiere bizitzeko edo okupatzeko egokiak direnak. Itxiak, erdi itxiak edo irekiak izan daitezke.

12. artikulua. Elementu irtenak.

Elementu irtenak bizitzeko edo okupatzeko egoki ez diren eraikuntza edo apaindurazko elementuak dira, hala nola zokaloak, teilatu-hegalak, gargolak, markesinak, eguzki-babesak, toldoak eta abar.

13. artikulua. Eraikineko solairuak.

Solairu kopuruaren muga fatxadarik zailenean ezarriko da, eta horrek esan nahi du garaieran aldeak izateagatik eraikin batek izaten ahal badu fatxada batean gainerakoetan baino solairu gehiago, fatxada horretan neurtuko dela solairu kopuruaren muga.

14. artikulua. Sotoak.

Sotoa deritzon solairua da sabaitik espaloiko sestrara edo eraikuntzaren ondoko lurreko sestrara metro bat baino gutxiagoko distantzia duena puntu guztietan, edo sabaia sestrapean duena.

15. artikulua. Beheko solairua.

Horrela deritzo eraikinaren inguruko lurraren behereneko mailatik hurbilen dagoen solairuari.

16. artikulua. Goiko solairua.

Beheko solairuaren eta estalki edo estalkipearen artean dagoen edozein solairu.

17. artikulua. Estalkipeko solairua.

Estalkipeko solairua da estalkiaren planoaren azpian dagoen goiko solairua, baldin eta estalkiaren ezaugarriek bi forjatuen arteko espazio horretan bizitzeko aukera ematen badute.

Estalkiko forjatuaren eta eraikinaren kanpoaldeko paramentuen arteko elkartzeak gaineko estradosari ematen dion garaiera librea (solairuko zorutik neurtuta) 2,00 m baino gehiagokoa bada, solairu hori goiko solairua izanen da.

II. KAPITULUA

Eraikinek bete beharreko baldintza orokorrak

I. ATALA

Eraikuntzako baldintzak

18. artikulua. Baldintza orokorrak.

Jarraian ezartzen diren eraikuntza baldintzak nahitaez bete beharko dira, eraikuntza mota bakoitzaren baldintza partikularrak betetzeko determinazioez aparte.

Horretarako, eta eraikuntzaren baldintza orokorrei eragiten badie ere, Udalak eskatuko du eraikinak egin edo eraberritzeko obretan Arkitekturari buruzko Agiri Orokorreko preskripzioak bete daitezela. Horiek Udalari onesteko aurkezten zaizkion proiektu teknikoetan jaso behar dira.

Halaber, aplikagarriak izanen dira eraikuntzari buruz eta eraikuntzan egin beharreko instalazioei buruz indarra duten arau eta erregelamenduak.

19. artikulua. Herriaren zerbitzurako elementuak jartzea.

Udalak, bere kontura, finketan paratu, kendu edo aldatzen ahalko ditu, eta jabeek onartu beharko, euskarri, seinale edo herriaren zerbitzurako diren bestelako elementuak. Udalaren Zerbitzu Teknikoak ukitutakoei molestiarik ez sortzen ahaleginduko dira, aitzinetik, ahalik eta aguroena, abisu emanda.

20. artikulua. Zimenduak eta eustormak.

Eraikuntzen zimenduak ezin dira lurzatiko lerrokadura ofizialetik kanpora irten, ez sestraren azpitik ezta gainetik ere.

21. artikulua. Tximiniak eta sutegiak.

Galarazia dago mota guztietako patio eta fatxadetatik kanpora kea ateratzea, baldin eta ez bada hodi egokien bidez eraikinaren kanpoko estalkiaren gainetik eramaten, puntu horren parean.

Norberaren edo beste baten beste etxebizitza batera 2 m baino gutxiagoko distantzia bada, eraikuntza garaienaren estalkiaren gainetik kontatuko da.

Tximiniak ez baditu aipaturiko baldintzak betetzen, alboko eraikina gero egin delako, gorago altxatu beharko da, arauzko garaieraraino eta jabearen kontura.

22. artikulua. Aireztapen hodiak.

Kea ez bada zerbait erretzeak, gasek edo bizigarritasunik gabeko gelen aireberritzeak sortua, kanpora ateratzeko baldintza hauek bete beharko dira:

Beheko solairuetako lokaletan edo sotoetan, baita berokuntza kolektiboko instalazioetan ere, zilegi izanen da eraikinen estalkira ateratzea aireberritzeko tximiniak, ke edo gasentzako irteerak, etab. Higiezinaren jabeak horren aipamena egin beharko du obra berriaren aitorpenean, jabetza horizontala eratzean, eta lokal nahiz etxebizitzen salmentako dokumentuetan.

Beheko solairuan instalatzen ahal den jardueraren bat ke edo gasak estalkiraino atera behar dituzten horietakoa bada, eraikinaren proiektuan hodi egokiak aurreikusi beharko dira.

Lehendik dauden eraikinetan, patio itxirik ez badago edo patioko paretak fatxadak badira, Udalak baimena ematen ahalko du fatxadetan tximiniak jartzeko, berak ezartzen dituen baldintzekin.

II. ATALA

Eraikinak kontserbatzeko baldintzak

23. artikulua. Kontserbatzeko betebeharra.

Udalerrian dagoen edozein eraikin motaren jabeek hura kontserbatzeko betebeharra dute, sendotasunari, osasungarritasunari, higieneari eta apaingarriei dagokienez, baldintza egokietan edukita.

Fatxada, etxekarte eta mehelinak, baita argi-patioak ere, eremu publikotik ikusten ez badira ere, egoera onean, garbi, luzituta edo entokatuta egon beharko dute.

Udalak badu ahalmena baldintza hauek betetzen ez dituzten jabeei eraikinaren kontserbazio egokirako komenigarritzat jotzen diren neurriak har ditzaten agintzeko, Udalak berak betebehar edo erantzukizunik izan gabe.

24. artikulua. Apaindura lanak.

Interes turistiko edo estetikoa duten arrazoiengatik, fatxadak edo eremu publikotik agerian diren guneak kontserbatu eta eraberritzeko obrak egiteko agindua ematen ahal du Udalak, nahiz eta horiek aitzinetik inongo planetan ez agertu.

Obrak jabeen kontura eginen dira, baldin eta kontserbazio betebeharraren barrenean badaude; aldiz, Udalaren kontura, hura gainditzen badute, interes orokorreko hobekuntzak egiteko.

25. artikulua. Behe solairuetako itxiturak.

Beheko solairuetako lokal komertzialen jabeek edo sustatzaileek haiek ixtera beharturik daude, eraikitzen diren unetik, fabrikako pareta itsuak altxatuz, gutxienez 2,50 metroko garaierarekin. Zilegi da ate bat jartzea, gehienez ere 0,62 x 2,05 metrokoa.

Erabiltzen diren lokalak badira, horrez gainera, itxiturak garbitasun eta apaindura baldintza egokietan egon beharko du. Horretarako, eraikinarekin eta inguruarekin bat datozen materialak erabiliko dira. Horri dagokionez, akatsik izanez gero, Udalak berak konpon dezake, betiere jabeen kontura.

26. artikulua. Osasungarritasun obrak.

Udalak agindua ematen ahal du ondasun higiezin baten higiene edo osasungarritasun baldintzak hobetzeko, ordenantza hauetako xedapenak kontuan hartuta.

Era berean, aipatu aginduari kasurik egin ezean, Udalak jabearen kontura egiten ahalko ditu obra horiek.

III. ATALA

Eraikinaren segurtasunerako baldintzak

27. artikulua. Sendotasun baldintzak.

Eraikuntza guztiek, xedapen orokorrei loturik, estatikak eskatzen dituen sendotasun baldintzak bete beharko dituzte, obraren zuzendaritza fakultatiboaren erantzukizunaren pean.

Udalak noiznahi ikuskatzen ahal ditu ezarritako sendotasun baldintzak eta agintzen ahalko ditu egokiak iruditzen zaizkion neurriak, bere gain inolako betebehar edo erantzukizunik sortu gabe.

28. artikulua. Segurtasun hesiak.

Eraikuntza berriko obrak edo eraispenekoak egiten badira, etxearen edo orubearen frontea gutxienez ere 2 metro garai izanen den segurtasun hesi batekin itxiko da; hura segurtasuna eta inor lotsaraziko ez duen kontserbazioa segurtatuko dituzten materialetan eginen da, hala nola adreiluak, taulak edo panel aurrefabrikatuak. Hesia jartzea ez da nahitaezkoa izanen, baldin eta eraikinaren itxitura egina badago edo egin beharreko lanek eremu publikoan eragozpenik eta arriskurik gabe ibiltzeko eraginik ez badute.

Hesiak behin-behinekoz jarriko dira, obrek irauten duten bitartean. Beraz, obrak hasi gabe hilabete pasatuz gero edota hilabeteko etena izanez gero, hesia kendu eta espaloia libre utziko da, betiere babeserako behar diren neurriak hartuta.

Lan horiek oinezkoei arriskua ekartzen ahal badiete, haiek egin bitartean eremu publikoa babesteko olanak edo sareak paratuko dira solairuen forjatuen artean, edo bestela espaloiaren babes egokia eginen da.

29. artikulua. Jasogailuak eta dorre-garabiak.

Materialak goititzeko aparatuak eta dorre-garabiak ezin izanen dira eremu publikoan paratu. Bai, ordea, eraikin edo orubearen barrenean edota babeserako hesiaren barrenean. Kasu berezietan salbuespenak eginen dira, betiere Udalaren baimenarekin.

Dorre-garabietan, arau orokor gisa, kakoa zintzilik daukan gurdiak ezin izanen du gainditu orubearen mugek eta obrako segurtasun hesiak mugatzen duten eremua. Hala ere, behar bezala justifikatutako kasuetan, aurrealdeko hesia gainditzea onartzen ahalko da. Betiere obraren zuzendari fakultatiboak hesiaren osagarrizko edo ordezko konponbidea proposatu beharko du, eremu publikoa segurtasunez erabiltzea bermatuko duena.

30. artikulua. Garabi, jasogailu edo aldamioetarako ziurtagiriak.

Jasogailuak, garabiak edo aldamioak jarri behar dituzten obretarako, aurkeztu beharko da fakultatibo eskudunak egindako ziurtagiria, zeinetan hark bere gain hartuko baitu aipaturiko tresnen diseinuaren eta obrako martxan jartzearen egokitasuna. Baldintza hori ez bada betetzen, ez da eraikitzeko lizentziarik emanen.

31. artikulua. Egitura ukitzen duten obrak.

Eraikin bat handitu edo eraberritzeko obrek eraikinaren egitura ukitu behar badute, lizentziarako eskabidearekin batera agiri osagarri hauek aurkeztuko dira:

1. Egituraren karga-baldintzak, proiektaturiko handitze edo eraberritze obrak egin aitzin.

2. Handitze edo eraberritze obren ondoriozko kargen azterketa.

3. Obretan egin beharko diren eskora egiturak deskribatzeko memoria, haien kalkuluak eta lanen koordinaziorako programa barne.

4. Ea inor bizi den eraberritu edo handitu nahi den eraikinean, eta hala bada, bizilagunen izen-deiturak.

Bizilagunek, eurek edo horretarako eskuordetutako pertsonak, dokumentu horiek aztertzen ahalko dituzte eta egoki iruditzen zaizkien ohar teknikoak egiten ahalko dituzte.

IV. ATALA

Aurri egoeran dauden eraikinetarako eta eraispenetarako baldintzak

32. artikulua. Aurri egoeran dauden eraikinak eskoratu beharra.

Eraikin bat aurri egoeran badago edo eraikineko elementuren batek ondasunen edo jendearen segurtasunerako baldintzak ez baditu betetzen, jabeak eskoratu beharko du. Horretarako fakultatibo eskudunak proiektua egin beharko du eta obraren erantzukizuna bere gain hartuko duen zuzendaria izendatu beharko da, baita lizentzia eskatu eta eskuratu ere. Herritarrek ezin izanen diote uko egin beren jabegoko eraikinetan eskoratzeko behar adina elementu jartzeari.

Udalak ofizioz deklaratzen ahal du eraikin bat eskoratu behar dela, baita eskoramendua egin ere, jabearen kontura, hark egiten ez badu.

Obra bateko fakultatibo zuzendariak edo finka nahiz instalazio baten egoera aztertzeko ardura duenak uste badu eskoramendua paratzea atzera ezinezko urgentziaz egin behar dela, berehala egiteko agindua eman dezake, betiere Udalari horren berri emanez, lizentzia eskatuz eta behar diren tasak ordainduz.

Eraikin bat bota ondoren, ondoko finkak eskoratu behar badira, Udalari nahitaez eman behar zaio horren berri. Horretarako proiektua aurkeztuko da, fakultatibo eskudunak eginiko planoekin eta memoriarekin.

33. artikulua. Aurri egoeraren deklarazioa eta eraisteko erabakia.

Eraikinaren aurri egoeraren deklarazioa eta osorik edo partzialki eraisteko erabakia, baita higiezinen bizigarritasunari buruz ematen diren xedapenak nahiz bizilagunak irtenarazteari buruzkoak ere, lotu beharko zaizkio Lurraldearen Antolamenduari eta Hirigintzari buruzko 35/2002 Foru Legean xedatutakoari.

V. ATALA

Eraikuntza obretako segurtasun eta osasun baldintzak

34. artikulua. Xedapen orokorra.

Eraikuntza obra guztietan bete behar dira indarra duen legerian segurtasunari eta osasunari buruz ezarritako gutxieneko baldintzak.

VI. ATALA

Suteetarako aurreneurriak

35. artikulua. Xedapen orokorra.

Eraikuntza obrek arlo honetan indarra duen legeria berariazkoan ezarritakoa bete behar dute.

III. kapitulua

Bolumenaren baldintzak

I. ATALA

Lerrokadurak eta sestrak

36. artikulua. Lerrokadura eta garaiera ofizialak.

Udal plan honetako antolamendu planoetan eta hirigintzako araudiko fitxetan agertzen diren lerrokadurak eta garaierak ofizialak dira, ondorio guzietarako.

37. artikulua. Eraikinen gehieneko garaiera.

Eraikuntza mota guztiek errespetatu behar duten garaiera muga, metrotan adierazia.

Gehieneko garaiera hori hirigintzako araudiko fitxa partikularretan zehazturik dago.

Bi isurkiko estalkia duten eraikinetan, oro har, gehieneko garaiera 10,5 metro izanen da gailurreraino eta 8 metro teilatu-hegaleraino. Lau isurkiko estalkia duten eraikinetan gehieneko garaiera 11,5 metro izanen da gailurreraino eta 9 metro teilatu-hegaleraino.

38. artikulua. Gehieneko solairu kopurua.

Gehieneko solairu kopurua ere errespetatu beharko da. Horretarako ez dira kontuan hartuko sotoak eta erdisotoak.

Solairuen kopurua hirigintzako araudiko fitxa partikularretan mugatuko da.

Oro har solairuen gehieneko kopurua beheko solairua + 2 izanen da lau isurkiko eraikinetan, eta beheko solairua + 1 + estalkipea, aldiz, bi isurkiko eraikinetan.

Eraikin guztiek, nekazaritza eta abeltzaintzako instalazioek eta oztopo fisiko eta zentzumenezkoei buruzko araudira egokitu nahi duten etxebizitzek izan ezik, beheko solairua eta lehen solairua izanen dituzte, gutxienez.

Eraikin osagarri bakartua beheko solairua izanen da nahitaez.

39. artikulua. Eraikuntzak gehieneko garaieratik gora.

Gehieneko garaieratik gora eraikitzea galarazia dago. Salbuespen moduan, tximiniak eta eraikinaren zerbitzurako beharrezkoak diren instalazioak egiten ahalko dira.

40. artikulua. Sotoak.

Kanpoko sestraren gainetik gehienez ere 1 m-ko garaiera librea duten sotoak onartuko dira. Sotoak aireberritu eta argiztatzeko baoak ezin izanen dira kalera ireki; betiere lurzatiaren barnealdera irekiko dira.

41. artikulua. Solairuen garaiera.

Solairuen barnean gutxieneko garaiera librea ez da inoiz izanen 2,20 m-tik beherakoa komunetan, ezta 2,40 m-tik beherakoa ere gainerako geletan.

Beheko solairuan gehieneko garaiera librea ez da inoiz izanen 3,5 m baino gehiagokoa.

Atikoaren garaiera, BS+1+A eraikinetan, ez da 1,50 m-tik gorakoa izanen barneko paramentuan, bukatutako zorutik estalkiaren planoarekiko elkarguneraino neurtuta.

42. artikulua. Gutxieneko okupazioa.

1. Eraikin nagusia.

Eraikin nagusiak beheko solairuan 100 m²-ko azalera izanen du, gutxienez. Azalera hori kanpoko perimetroa kontuan hartuz kontatuko da, sarguneak barne.

Eraikin nagusiaren gehieneko okupazioa 18 m-ko aurrealdea eta 18 m-ko hondoa, gehienez, dituen angeluzuzen baten barnean sartuko da beti.

2. Eraikin osagarria.

Eraikin osagarri osoak eraikin nagusiaren okupazioaren %20tik beherakoa den okupazio azalera izanen du lurzatian.

3. Sestrapeko okupazioa.

Erabilera pribatuko lurzoruaren barnean, sotoek beste solairuen lerrokadurak gainditzen ahalko dituzte, hori alboko lurzatietatik 3 m-tik beherako distantzian baldin badago.

43. artikulua. Lerrokadurak eta garaierak aldatzea.

1. Eraikinetan.

Edozein arrazoirengatik eraikinen lerrokadurak edota garaierak aldatu nahi badira, beharrezkoa izanen da xehetasun azterlana egitea, hirigintzako araudi orokorraren 27. artikuluan zehaztutakoaren arabera.

2. Lurzatietan.

Lurzatiaren sestra aldatzen ahalko da metro batean, gehienez. Alboko lurzatiekiko elkargunean 0,5 metroko berma utzi beharko da, isurketa urak biltzeko, gehieneko ezponda 1:1 izanen dela.

Aldaketa metro batetik gorakoa bada, lurzatiko sestren azterlana aurkeztu beharko da, Udalak onets dezan.

Aldapa ertain eta handiak dituzten unitateetan sestrak aldatzen badira, paisaian integratzeko eta lurraren topografiara moldatzeko neurriak zehaztu beharko dira.

II. ATALA

Sarguneak, irtenguneak eta hegalak

44. artikulua. Sarguneak.

Fatxadako horma-ataletan sarguneak egiten ahalko dira, fatxada frontearen herena baino gehiago hartu gabe.

45. artikulua. Gorputz irtenak.

1. Balkoiak eta begiratokiak baino ez dira onartuko. Beheko solairutik hasita onartuko dira, eta betiere horren gainetik, eta kaleko sestratik 2,8 metrora baino gorago puntu guztietan.

2. Balkoi, begiratoki eta, halakorik balitz, gorputz irten itxien gehieneko dimentsioa kalea zabal zenbat izan eta horren araberakoa izanen da, eta fatxaden arteko distantziarik txikiena hartuko da gehieneko neurritzat:

Fatxadaren aurreko kalearen zabalera eta gorputz irten itxien gehieneko dimentsioa

8 m baino gutxiago

0,6 m

8 eta 15 m artean

0,8 m

15 m baino gehiago

1,0 m

Zabalera 6 metrotik beherakoa duten kaleetan, Udalak berariaz emandako baimena beharko da hegalak egiteko.

Lerrokadura ofizialetik atzeraemandako balkoietan 1,2 m-ko hegala onartuko da.

3. Leiho, balkoi, begiratoki eta gorputz irtenen ertzetatik mehelinaren planora 80 cm-tik gorako distantzia egonen da.

4. Fatxaden perpendikularrak diren edo fatxadekin angelua egiten duten alboetan, baoen ertzetatik ondoko eraikineko fatxadaren planoraino gutxienez 1 m egonen da, alboko eraikinak mehelina edo etxekartea baldin badu.

5. Hegalkinen erlaitzek eta inpostek inoiz ez dute 15 cm baino gehiago izanen, onartutako hegalduratik goiti. Balkoi eta teilatu-hegaletako moldurak onartutako hegalaren barnean daudela ulertu behar da.

6. Begiratoki bakoitzaren gehieneko luzera 5 metrokoa izanen da.

7. Balkoiak edo begiratokiak dituen fatxada bat baino gehiago badago, horiek ezin izanen dira fatxaden luzera osoaren %50etik gorakoak izan, eta ezin izanen dute jarraipenik izan fatxada ezberdinen artean.

8. Hegalek oinplanoan forma erregularra izanen dute beti. Aurrealdeko lerroa fatxadarekiko paralelo izanen dute, eta albo-lerroak fatxadarekiko perpendikular.

9. "In antis" hormen gisako mentsula gaineko soluzioei dagozkien gorputz itxiak onartuko dira herri arkitekturako ereduetan. Horiek 50 cm-ko hegala izanen dute gehienez solairu bakoitzeko, beheko solairutik hasita.

10. Sarrerak babesteko teilatutxoak eta fatxadei atxikitako farolak. Balkoiek adinako hegala izan dezakete. Betiere, kalearen edo eremu publikoaren sestratik 2,80 metrora edo gorago egonen dira, fatxadaren konposizioarekin bat etorriko dira eta ez dituzte ukituko arkuak edo elementu bereziak.

11. Debekaturik daude fatxadari atxikitako irtengune etengabeak, hala nola tximiniak edo eskailera atxikiak.

12. Eraikin babestuen jatorrizko osagaiak ez dira antolamenduz kanpo geldituko, nahiz eta artikulu honetako determinazioren bat ez bete.

46. artikulua. Atari eta erakusleihoak.

Ez dituzte fatxada-hormen kanpoaldeko planoak gaindituko.

47. artikulua. Farolak.

Onartuko da fatxadan farolak jartzea, fatxadarekiko zut, eta gehienez ere 80 cm irteten direnak fatxadatik. Espaloiko sestratik 2,80 m-ra edo gorago egonen dira.

48. artikulua. Errotuluak.

Errotuluek lizentzia beharko dute. Beraz, instalatu aurretik onetsi beharko dira.

Alde zaharrean ez da material sintetikorik ez argi-errotulurik erabiliko. Lehentasunez metal urtuak eta zura erabiliko dira, apainkeriak saihestuz.

49. artikulua. Markesinak.

Ez da markesinarik onartuko lurzoru publikoan.

50. artikulua. Olanak.

Eguzki-oihalak jartzea onartuko da bakar-bakarrik barneko patio pribatuetan eta beheko solairuetan 3 metroko sakoneraraino.

Ez dira eguzki-oihaltzat hartuko babes elementu zurrunak: metalezko xaflak, plastikoak eta abar, egitura desmuntagarria izan arren, ezin izanen dira inola ere instalatu.

51. artikulua. Ate zabukariak.

Denda, biltegi edo garajeetarako diren beheko solairuetan, ate zabukariek, zabalik daudela, gutxienez 2,50 m-ko garaiera izan behar dute bide publikoaren sestratik gora. Atea ekortzeko orduan, ezin izanen da oinezkoen zirkulazioa ukitu.

52. artikulua. Fatxadetan lehendik dauden instalazio eta elementuak.

Fatxadetan lehendik dauden instalazio edo elementuak (balkoi, begiratoki, erakusleiho, errotulu eta abarrekoak), ordenantza hauetako determinazioekin bat ez badatoz, ezin izanen dira zaharberritu, ez osorik ez zati batean, determinazio hauek betetzeko moduan baizik.

53. artikulua. Komunitate instalazioak.

Udalak, bere kontura, finketan eta eraikinen fatxadetan paratu, kendu edo aldatzen ahalko ditu seinale, farol, euskarri edo herriaren zerbitzurako diren bestelako elementuak.

Jabeek hori onartu beharko dute eta Udalak aurretik abisu eman beharko die, ahalik lasterren.

54. artikulua. Aurreko artikulu guztietarako agindu orokorrak.

Portadak, erakusleihoak, beirarasak, markesinak, olanak, erakustokiak, banderatxoak eta, oro har, bide publikoko fatxada ukitzen duten elementuak jartzeko baimena ematen denean, hartzaileak hitz eman behar du elementu horiek aldatu edo kendu eginen dituela Udalak egokitzat jotzen duen unean.

IV. KAPITULUA

Estetikari eta konposizioari buruzko baldintzak

I. ATALA

Orokorrak

55. artikulua. Irizpide orokorrak.

Udal plan honek tratamendu zehatzak ezarri nahi ditu udal mugapean egitekoak diren eraikuntzetarako.

Sei kategoria nagusi ezarri dira, kapitulu honetan zehaztuko baitira. Hirigintzako araudiko fitxa partikularretan osatuko dira, bai eta interes artistikoa duten eraikinen katalogoan ere.

Hona hemen aipatu kategoriak:

a) Babes osoa duten eraikinak.

b) Ingurumen babesa duten eraikinak.

c) Alde zaharretako eraikinak.

d) Bizitegitarako hiri lurzoruko eraikinak.

e) Industria lurzoruko eraikinak.

f) Lurzoru urbanizaezineko eraikinak.

Irizpide orokorra da eraikinek bat egin beharko dutela, funtsean, inguruko estetikarekin, eremuan eremuko estetikaren balioa erabakigarria baita. Horretarako, kapitulu honetan aurreikusitakoari jarraikiko zaio.

Eraikin, horma, itxitura eta gainerako elementuen kokalekuari, bolumenari eta garaierari begiratuko zaie, kontuan hartuz mugatu edo hutsaltzen ote dituzten balio formal aipagarria duten alderdi irekien eitea edo hirigunearen ikuspegiak. Udalak lizentziak ukatzen ahalko ditu proiektu batek ez baditu kontuan hartzen eraikina eginen den inguruko ezaugarri historikoak eta hirigunearen nahiz paisaiaren eitea.

56. artikulua. Eraikin eta elementu katalogatuak.

Intereseko eraikin eta elementuen katalogoan dauden eraikuntza eta elementuek beren ordenantza izanen dute. Bertan ezarriko dira babes mailak eta egin litezkeen jarduketetarako arau esparrua.

Debekaturik dago eraikinaren ikuspegian traba egiten duen edozein elementu, hesi, eguzki-oihal, aireko biltegi eta abar instalatu edo eraikitzea.

Hondeaketetan edo obretan interes arkeologikoa izan dezakeen piezaren bat aurkituz gero, Udalari jakinaraziko zaio eta hark ikuskapena egiteko ahalmena izanen du.

Eraikuntza babestuen katalogoa erantsi da. Bertan eraikuntza bakoitzaren babes maila ezarri da.

57. artikulua. Eraikin katalogatuetatik hurbil dauden eraikinak.

Katalogatu gabeko eraikinak zaharberritu edo eraikitzeko obretan, inguruan intereseko eraikin edo elementuren bat izanez gero, horrekin bat datorren emaitza lortu behar da, bai materialen erabileran bai fatxaden konposizioan.

58. artikulua. Eraikuntza osagarriak.

Zein eraikini erantsi edo lotzen zaizkion, harekin adosten saiatuko dira. Aurreko artikuluetan eraikuntza nagusiari buruz azaldu diren baldintza berberak bete behar dituzte.

Eraikin nagusiari atxikitako bolumena denean, fatxada nagusia ez diren fatxadei lotuko zaie, eta eraikin nagusian ezarritako erabilerak barne hartzen ahalko ditu.

Eraikin nagusitik bakartuta dagoen bolumena denean, erabilera osagarriak barne hartzen ahalko ditu bakarrik.

59. artikulua. Fatxaden konposizioa.

Kapitulu honetan xedatutakoari dagokionez, bide publikotik ikusten diren paramentu guztiak izanen dira eraikinaren fatxadak. Bereziki, elkarren ondoko bi eraikinen gehieneko garaierek solairu bateko edo gehiagoko aldea dutenean, horren ondorioz agerian geratzen den paramentua fatxada balitz bezala tratatu beharko da.

Beheko solairuko merkataritza instalazioak, erakusleihoak eta iragarkiak eraikinaren bao arkitektonikoa osatzen duten lerroen barnean egonen dira, eta dekorazioa ez da fatxadan gora edo alboetara hedatuko.

Beheko solairuetako lokalak denda edo antzeko erabileretarako egokitzean aplikatzen ahal diren tratamenduek ez dute gaindituko, aurrekoaren arabera, lehen solairuko forjatuaren azpialdea, eta ez dituzte eraikuntzaren euskarriak ezkutatuko, horiek fatxadaren gainerako aldeei aplikatutako eite eta testura bera badute, salbu eta dekorazio horrek fatxadaren konposizioa desitxuratuko ez duela edo, aitzitik, hobetu eginen duela ziurtatzen ahal den kasuetan. Halako tratamenduek eta erantsitako edozein apaingarrik, bestalde, ez dute fatxadako lerrokadura gaindituko. Salbuespen gisa, justifikatutako estaldurak edo moldurak 10 cm irteten ahalko dira eraikuntzari eusten dion egituratik kanpora.

Merkataritzako lokalak, bestelako erabilerak dituzten lokalak edo eraikuntza orokorrak eraberritu nahi direnean, aurreko determinazioak bete beharko dira eta proiektu teknikoa horiexen arabera egin beharko da.

59.bis artikulua. Eraikuntzaren Kode Teknikoaren HE4 eta HE5 oinarrizko agiriak.

Kulturako zuzendari nagusiak emandako maiatzaren 11ko 283/2007 Ebazpenaren bidez, ipar-mendebaldeko Nafarroa hezeko herrietako herriguneak, industria erabilera duten hiri eremuak izan ezik, eta eremu geografiko horretako eraikin tradizional bakartua Eraikuntzaren Kode Teknikoaren HE4 (eraikin berrietan eta zaharberritzen direnetan ur bero sanitariorako izan beharreko gutxieneko eguzki ekarpena) eta HE5 (energia elektrikoaren gutxieneko ekarpen fotovoltaikoa zenbait erabileratan) oinarrizko dokumentuen aplikazio eremutik kanpo utzi dira, horien artean Atezko udal mugapea dagoela.

Katalogoko eraikinetan (babes osoa dutenak zein ingurumen babesa dutenak) debekatuta dago eguzki panelak instalatzea.

Herriguneetako gainerako eraikinetan panelak jartzen ahalko dira, baldin eta autokontsumorako erabiltzen badira eta eraikinarekin batera integratzen badira.

II. ATALA

Babes osoa duten eraikinak

60. artikulua. Esparrua.

Multzo honetan sartzen diren eraikinek garrantzia dute arkitektura, kultura edo historia aldetik eta, beraz, haien ezaugarri nagusiak osorik kontserbatu behar dira.

Halaber, IV. atala aplikatuko zaie: Alde zaharretako eraikinak.

Hona hemen zein diren babes osoko eraikinak (zenbakiak planeko fitxetakoak dira).

ETXESAILA

LURZATIA

ERDIGUNEA

HELBIDEA

KATALOGOA

2

8

Eguarats

San Martin, 12

01. BO

2

3

Eguarats

San Martin, 3

02. BO

2

15

Eguarats

San Martin, 7

03. BO

2

16

Eguarats

San Martin, 9

04. BO

2

17

Eguarats

San Martin, 11

04. BO

2

32

Eguarats

San Martin, 19

05. BO

2

44

Eguarats

San Martin, 42

06. BO

2

33

Eguarats

San Martin, 21

12. BO

8

8

Beratsain

San Kristobal, 23

14. BO

8

1

Beratsain

San Kristobal, 2

15. BO

3

3

Eritze

San Migel, 7

20. BO

6

4

Ziganda

Doneztebe, 7

23. BO

7

2

Egillor

CR Ziganda, 4

26. BO

5

15

Aroztegi

La Asunción, 6

27. BO

5

5

Aroztegi

La Asunción, 16

29. BO

12

29

Beuntza

La Asunción, 35

39. BO

12

22

Beuntza

La Asunción, 16

43. BO

11

4

Beuntza-Larrea

San Justo eta Pastor, 3

53. BO

61. artikulua. Xedea.

Arkitektura, kultura edo historia aldetik duten garrantziagatik kategoria honetan sartutako eraikinak osorik kontserbatuko dira, beren ezaugarri nagusiak aldatu gabe, eta haiek iraunarazteko helburuarekin egiten diren sendotze eta zaintze lanak baizik ez dira baimenduko.

Irizpide orokor gisa, halako eraikinak zaharberrikuntzaren bidez kontserbatu behar direla zehazten da, eta haien ezaugarriak eta izaera iraunarazi edo lehengoratzeko determinazioak ematen dira.

Zaharberrikuntzaren bidez bilatuko da eraikina kontserbatzea, forma nahiz egitura aldetik duen batasun banaezinean, ezaugarri arkitektoniko eta dekoratiboak baloratzea, hondatutako parteak lehengoratzea eta balioa apaltzen dioten eranskinak kentzea.

Jatorrizko egituraren prozesu historikoan integratuz eta eraikinaren nortasuna eta identitatea indartzen lagunduz, harekin batera entitate batu bat osatzera iritsi diren gehigarriak eta eranskinak kontserbatu beharko dira.

62. artikulua. Baimenak.

Babes osoa duten eraikin guztiek, Udalaren obra lizentzia jaso baino lehen, Vianako Printzea Erakundearen aldeko txostena beharko dute.

III. ATALA

Ingurumen babesa duten eraikinak

63. artikulua. Esparrua.

Multzo honetan sartzen diren eraikinek elementu bereziak dituzte eta elementu horien ezaugarri nagusiak kontserbatu behar dira, duten balioagatik.

Elementu bereziak dituzten eraikinak babes osoko eraikuntzei erantsita badaude ez dira kategoria honetan sartzen, babes maila handiagoko kategoriaren bidez arautzen baitira.

Halaber, IV. atala aplikatuko zaie: Alde zaharretako eraikinak.

Hona hemen zein diren ingurumen babesa duten eraikinak (zenbakiak planeko fitxetakoak dira).

POLIGONOA

LURZATIA

ERDIGUNEA

HELBIDEA

KATALOGOA

2

28

Eguarats

San Martin, 38

07. IB

2

31

Eguarats

San Martin, 17

08. IB

2

7

Eguarats

San Martin, 6

09. IB

2

29

Eguarats

San Martin, 13

10. IB

2

25

Eguarats

San Martin, 32

11. IB

1

10

Amalain

Sakabanatua

13. IB

8

9

Beratsain

San Kristobal, 21

16. IB

8

10

Beratsain

San Kristobal, 19

17. IB

8

5

Beratsain

San Kristobal, 8

18. IB

8

18

Beratsain

San Kristobal, 1

19. IB

3

16

Eritze Atetz

San Migel, 20

21. IB

3

4

Eritze Atetz

San Migel, 5

22. IB

6

9

Ziganda

Doneztebe, 4

24. IB

6

11

Ziganda

Doneztebe, 8

25. IB

5

12

Aroztegi

La Asunción, 9

28. IB

5

10

Aroztegi

La Asunción, 13

30. IB

5

126

Aroztegi

La Asunción, 18

31. IB

5

127

Aroztegi

La Asunción, 18-A

31. IB

5

1

Aroztegi

La Asunción, 19

32. IB

5

6

Aroztegi

La Asunción, 14

33. IB

5

30

Aroztegi

La Asunción, 10

34. IB

5

31

Aroztegi

La Asunción, 12

34. IB

5

9

Aroztegi

La Asunción, 8

35. IB

5

14

Aroztegi

La Asunción, 14

36. IB

5

18

Aroztegi

La Asunción, 1

37. IB

9

1

Hiriberri

CR Gulia, 1

38. IB

12

32

Beuntza

La Asunción, 41

40. IB

12

40

Beuntza

La Asunción, 26

41. IB

12

38

Beuntza

La Asunción, 30

42. IB

12

154

Beuntza

La Asunción, 29

44. IB

12

23

Beuntza

La Asunción, 18

45. IB

12

48

Beuntza

La Asunción, 1

46. IB

12

17

Beuntza

La Asunción, 27

47. IB

12

1

Beuntza

La Asunción, 2

48. IB

12

21

Beuntza

La Asunción, 14

49. IB

12

6

Beuntza

La Asunción, 3

50. IB

12

18

Beuntza

La Asunción, 8

51. IB

10

44

Beuntza

Sakabanatua

52. IB

11

3

Beuntza-Larrea

San Justo eta Pastor, 5

54. IB

11

5

Beuntza-Larrea

San Justo eta Pastor, 4

55. IB

2

24

Eguarats

San Martin, 28

56. IB

2

1

Eguarats

San Martin, 2

57. IB

3

14

Eritze Atetz

San Migel, 10

58. IB

3

87

Eritze Atetz

San Migel, zk.g.

59. IB

64. artikulua. Xedea.

Arkitektura, kultura edo historia aldetik duten garrantziagatik edo elementu bereziak edukitzeagatik kategoria honetan sartutako eraikinak zaharberrikuntzaren bidez kontserbatu behar dira.

Ordenantzaren bidez araututako jarduketa batzuek Vianako Printzea Erakundearen txostena behar dute aldez aurretik.

65. artikulua. Baimenak.

Ingurumen babesa duten eraikin guztiek, Udalaren obra lizentzia jaso baino lehen, Vianako Printzea Erakundearen aldeko txostena beharko dute, hurrengo kasuetan izan ezik:

-katalogoko fitxan deskribatzen diren elementu interesgarriak ukitzen ez dituzten obrak.

-egitura ukitzen ez duten teilaberritze obrak, estalkiko elementua antzekoa bada.

-elementu interesgarriak aldatzea ez dakarten mantentze eta kontserbatze obrak.

66. artikulua. Irizpide orokorrak.

1. Armarriak.

Zaharberrikuntzaren bidez kontserbatuko dira eta egokiro kokatuko dira, ahal dela jatorrizko lekuan, batik bat eraikinak zaharberritzen edo berritzen direnean.

Fatxadetako armarriek legezko babes berariazkoa dute, martxoaren 14ko 571/1963 Dekretuaren arabera, eta interes kulturaleko ondasunak dira.

2. Iturriak eta garbitokiak.

Zatiak eta multzoa zaharberrituz kontserbatuko dira. Materialen tratamenduak eta eraikuntzak jatorrizko ezaugarriak izanen dituzte.

3. Portadak.

Zatiak eta multzoa zaharberrituz kontserbatuko dira. Materialen tratamenduak eta eraikuntzak jatorrizko ezaugarriak izanen dituzte.

Eraikinak zaharberritzen edo berritzen direnean, portadak, ahal dela, fatxadan izan zuten toki berean kokatuko dira.

4. Zubiak.

Zatiak eta multzoa zaharberrituz kontserbatuko dira. Materialen tratamenduak eta eraikuntzak jatorrizko ezaugarriak izanen dituzte.

Pasagunea zabaltzeko baimena ematen ahalko da beharrezkoa denean, beste biderik ez izateagatik.

5. Eraikinak.

Eraikuntzak alde zaharretarako ordenantza berariazkoa bete beharko du.

67. artikulua. Garaierak.

Fatxada eta teilatu-hegalen elkarguneraino, oraingo garaierari eustea gomendatzen da.

Bizitzeko baldintzak hobetzearren, gehieneko solairu kopurua Beheko solairua + 1 + Solairuartea duten eraikinetan, estalkiaren eta hormaren arteko elkargunean barnealdeko garaiera librea 2 m baino gutxiagokoa bada, baimenduko da eraikinaren garaiera osoa handitzea. Solairuartearen barneko garaiera 2 m-raino handitzen ahalko da, baina eraikinaren garaiera osoaren gehikuntza 0,5 m baino gutxiagokoa izanen da.

Zati berri hori fatxadaren luzera osoan eginen da, eta fatxadako hormak handitzeko, eraikinaren gainerako elementuetarako erabili diren materialak erabiliko dira.

IV. ATALA

Alde zaharretako eraikinak

68. artikulua. Esparrua.

Baldintza partikular hauek Atezko udalerriko herriguneetako alde zaharretan aplikatuko dira, ingurumen babesa eta babes osoa duten eraikinak barne.

69. artikulua. Xedea.

Eraikuntza prozesua arautzea, alde zaharretako eraikuntza motak eta ezaugarriak kontserbatzeko irizpideei jarraituz.

70. artikulua. Baimenak.

Eraikuntza multzoarekin bat egiten duten, kalitate arkitektoniko ona duten eta herriaren itxura orokorra hobetzen laguntzen duten jarduketak baizik ez dira baimenduko.

Ordenantza honetan zuzentzat jotzen da eraikinak analogiaz taxutzea eta ez imitazio faltsuz, eta lehendik dauden eraikinen ezaugarriak aintzat hartzea, tipologiari, eraikuntzari, formari eta xehetasunei dagokienez.

Hala ere, jarduketaren berezitasunagatik eta emaitzaren kalitate arkitektoniko handiagatik, interes orokorrekoa bada arkitekturako proiekturen bati babesa ematea, baimena ematen ahalko zaio, ordenantza hau osorik bete ez arren, betiere Vianako Printzea Erakundearen eta Udalaren aldeko txostenak baldin baditu.

71. artikulua. Okupazioa oinplanoan.

1. Eraikuntza berriek oinplanoan forma tradizionala izanen dute, lehendik dauden eraikuntzen antzekoa, soila eta inguruko eraikinekin bat datorrena, laukitik edo laukizuzenetik hurbilekoa.

2. Eraikinaren lehen solairuko okupazioa beheko solairukoa baino %25 txikiagoa izaten ahalko da.

Beheko solairuko okupazioa goiko solairuetakoa baino handiagoa denean, okupazioen arteko diferentzia hori ez da fatxada nagusian izanen.

72. artikulua. Fatxaden proportzioa.

Eraikinaren fatxada guztiek 1,2ko gehieneko proportzioa izan beharko dute garaieraren eta luzeraren artean.

73. artikulua. Fatxaden konposizioa.

Balkoi, leiho eta ateetako baoek eta fatxadetako gainerako elementuek inguruko konposizio arau tradizionalak bete ditzatela eskatuko da.

Horretarako, konposizio ardatz bertikalak ezarriko dira eta solairu bakoitzeko baoak ardatz horien arabera kokatuko dira.

1. Beheko solairuko baoak.

Sarrera nagusiak tradizioz duen garrantzia aintzat hartu eta eraikuntzaren ardatz nagusi batean kokatuko da.

Beheko oineko baoak fatxadako gainerakoekin bat etorriko dira, bai neurriei bai ardatzen eskema antolatuei dagokienez.

Baoen eta hormaren arteko proportzioa gehienez %70 izanen da.

Bigarren mailako sarrerek, haietatik ibilgailuak sartzen ahal badira, gehienez 3 m-ko zabalera eta 2,5 m-ko garaiera izanen dituzte.

2. Goiko solairuetako baoak.

Baoen antolaerak, inguruko eraikinei begira, egokia eta antzekoa beharko du izan.

Fatxada osoan (beheko solairua barne), ardatz horizontal eta bertikal jarraituen arabera antolatuko dira baoak, edo eskema antolatu eta proportzionatuen arabera.

Baoek forma tradizionala izanen dute.

Baoen eta hormaren arteko proportzioa gehienez %60 izanen da solairu bakoitzean.

3. Eskailera begiak.

Fatxada nagusietan ezin izanen da kokatu gainerako leihoen garaiera berean lerrokatuta ez dagoen eskailera begirik. Nolanahi ere, eskailera begiak gainerako leihoen garaieran ez daudenean, leiho horiek baino askoz txikiagoak izanen dira.

74. artikulua. Fatxadako materialak.

1. Jarraitutasuna, soiltasuna eta batasuna dira fatxadak goitik behera osatzeko irizpide nagusiak.

Eraikinen kanpo itxiturek karga-hormaren itxura izanen dute.

Materialen tratamenduaren batasuna beheko solairuan ere zainduko da.

Baimendutako materialak konbinatzen ahalko dira, betiere eraikuntzarako eta konposiziorako irizpide argiei jarraikiz.

2. Jarduketa hauek baimentzen dira:

a) Harlangaitzezko edo harlanduzko harria eraikitzea, agerian egon dadin. Harlangaitz-hormarako eremuko harri zainduna edo antzekoa erabiliko da.

b) Morterozko zarpiatua, ondoko baldintzak beteko dituena:

Etengabea eta leuna izanen da, zurezko habeak edo bestelakoak imitatzeko marrazkirik gabekoa, eta ez da harririk bistan utziko zarpiatuaren erdian.

Akabera emateko usadiozko kolore leunak erabiliko dira.

c) Halako kasu berezietan adreilua baimenduko da, gune historikoan eta halako materiala erabili den tokietan. Egungo adreiluzko fatxaden antzekoak izanen dira, taxuketaz nahiz kolorez.

d) Lehendik dauden zokaloak, izkinak, azpadurak eta elementu bereziak.

Izkinako elementuak azpimarratu nahi direnean, harria erabiltzen ahalko da, herriko gainerako elementuen harriaren kolore eta tamaina bertsukoak.

Ate eta leihoetako hozkaduretan, aurreko lerroaldeko irizpide berberei jarraituko zaie. Ez dira gezurrezko oholezko burukoak onartuko.

Zokaloak zarpiatuak izaten ahalko dira, akaberako testuran tonu pixka batekin. Ez dira onartuko harrizkoak, baina bai harlangaitz jarraitua.

Elementu horiek harrizkoak edo zurezkoak direnean, nahitaez halaxe kontserbatu behar dira.

3. Ez da onartuko harrizko hormen edo zureriaren imitaziozko materialak erabiltzea, hala nola harri plakak, hormigoizko elementuak edo pinturak.

Halaber debekaturik dago harlanduen edo harlangaitzen arteko junturak pintatzea.

Eraikinak goitik behera itxiko dira, kale edo galtzadako zoladuraren sestraraino. Ez da onartuko beheko solairuetako egitura sostengatzailea agerian uztea.

4. Eraikinetako izkinak harrizkoak izanen dira beti eta inguruko taxuera tradizionala izanen dute.

75. artikulua. Estalkiak.

1. Maldak.

Estalki makurtuek malda bera izanen dute isurki guztietan, gutxienez ere %25ekoa eta gehienez ere %40koa, horizontalarekiko, eta bi, hiru edo lau isurkiko forma bakunak edo horietatik eratorriak izanen dituzte, orubearen forma kontuan izanik estaldurarik sinpleena ezartzen dela, alde batera utzirik faldoietako eta teilatu-hegaletako zatiketa, behar ez diren hastialak agertzean.

Salbuespen gisa, eraikin nagusiari atxikitako eraikin osagarriek isurki bateko estalkia izaten ahalko dute.

2. Estalkiko elementuak.

Ezin izanen da eten estalkiaren planoa, sabaileihoak eta tximiniak eraikitzeko izan ezean. Debekatuta daude txapitulak eta argizuloak.

Baimenduko da Velux motako sabaileihoak irekitzea, estalkiko isurkiaren planoari jarraituz. Leiho horien hasiera fatxadaren planotik gutxienez ere 100 zentimetro atzerago egonen da.

Finkatu den estalkiaren gehieneko okupaziotik gora eraikitzeko baimenik ez da emanen, salbu eta berokuntzako eta aireberritzeko tximiniak; horiek erremate sinpleak edo tradizionalak izanen dituzte.

3. Teilatu-hegalak.

Estalkiko isurkiak teilatu-hegalen bidez luzatuko dira soluzio tradizionaletan.

Debekaturik daude teilatu-hegalen gaineko karel edo barandak. Teilatu-hegalek bat eginen dute etenik gabe estalki edo isurkiarekin.

4. Estalkietako ageriko materialak.

Estalkirako, zeramikazko teila arabiarra edo zeramika misto uhindua erabiliko da, ez beste materialik, inguruko teilen kolorearen antzekoa duena.

Estalkiko materiala zinka, beruna, kristala edo kobrea izanen da, eraikinaren bolumen berezi baten errematea denean, adibidez, begiratoki edo markesina txikiak.

Teilatu-hegalei eusten dieten elementuak zurezkoak izanen dira eite tradizionaleko eraikinetan, alde batera utzita nola antolatzen den estalkiko forjatuaren egitura. Teilatu-hegalek ez dituzte izanen zuraren imitaziozko materialez egindako euskarriak.

Teilatu-hodiak eta zorrotenak nahitaez jarri beharko dira, teilatu-hegalak eta horma-atalak ahalik eta gehien errespetatuko dituzte, eta material hauek izanen dituzte: kobrea, zinkezko xafla edo galbanizatua; eta fatxadari ondo egokitutako kolore apalez pintatuko dira.

76. artikulua. Terrazak.

Terraza estaliak eraikitzen ahalko dira goiko solairuetako bateko bigarren mailako bolumenetako batean, estalkiaren faldoiek terrazak okupatzen duen azalera osoa okupatzen badute.

Debeku dira estalki lauak eta estalki-terrazak eraikuntza komunean.

77. artikulua. Kanpoaldeko arotz lanak.

Baoetako arotz lanak zurezkoak izanen dira, hura pintatua edo bere kolorekoa izan. PVC eta metalezko arotz lanak erabiltzea zilegi da, kolore ilunetan lakatzen badira. Ezin izanen dira jarri fatxadako hormaren kanpoko azaletan, fatxada ataletik 15 cm atzerago, gutxienez, egon beharko direla.

Beste material batzuk ere zilegi dira, betiere diseinuan kalitatez erabiltzen badira eta fatxadaren osotasunarekin ongi heldu badira.

Arotz lan batzuetan kolorea erabiltzeak eraikinaren fatxadako gainerako arotz lanak kolore berean pintatzea dakar, zuria kenduta, hura beste kolore guztiekin nahasten ahal baita. Egituretako eta estalkiko zurezko elementuak tindaturik nahiz haien kolore naturalean izaten ahal dira, gainerako arotz lanak pintaturik badaude ere.

Udalak obra egin bitartean erabilitako koloreak ikuskatzen ahalko ditu eta berriz ere pintatzea agintzen ahalko du hasiera batean onetsitakoak ez badira.

Kanpoaldea iluntzeko elementuak kontraleihoak izanen dira betiere taxuera tradizionaleko eraikinetan. Eraikina katalogoaren barnean ez badago, kutxa ezkutatuta duten pertsiana bilgarriak baimentzen ahalko dira.

Kontraleihoen eta pertsianen alternatiba gisa onartuko dira iluntzeko barneko sistemak, hala leihatilak nola gortina opakuak.

Katalogoko eraikinetako kanpoko arotz lanetan baimentzen den material bakarra zura da.

78. artikulua. Burdineria.

Baimenduko dira balkoietan burdinazko edo zurezko balustrak, tradizionalen antzekoak, edo horien aldaera sinplifikatuak. Ez dira onartuko tramexak, saretak eta xafla zulatuak.

Baimenduko dira beheko solairuko leihoetan forma soileko burdin sareak, hozkaduren barnean jarriak edo gehienez ere kanpora 15 cm irteten direnak.

79. artikulua. Balkoiak.

1. Neurriak.

Zilegi da oinplano angeluzuzeneko balkoiak egitea, ordenantza hauetan bolumenari buruz ezarritako mugak gainditu gabe.

Balkoiak eraikinetik kanpo egonen dira, eta haien hegala ezin izanen da teilatu-hegalarena baino handiagoa izan.

Hegala, guztira, ez da izanen 1,20 metrotik edo 45. artikuluan ezarritako neurritik gorakoa.

2. Materialak.

Balkoiak zurezkoak izanen dira. Hormigoizko lauzak baimenduko dira soluzio tradizionaletan, zurez estalita badaude.

Ez da onartuko hormigoizko elementu aurrefabrikatuekin egindako barandak jartzea, balaustrada motakoak. Barandak burdinazkoak edo zurezkoak izanen dira.

Balkoietan ez da onartuko inolako obrako karelik.

Balkoietako zorua zurezkoa, harrizkoa, hormigoizkoa edo landatar itxurako beste materialen batekoa izan daiteke, eta gehienez 15 cm-ko ertza izanen du.

80. artikulua. Begiratokiak.

1. Neurriak.

Zilegi da oinplano angeluzuzeneko begiratokiak egitea, ordenantza hauetan bolumenari buruz ezarritako mugak gainditu gabe.

Hegala, guztira, ez da izanen 0,80 cm-tik edo 45. artikuluan ezarritako neurritik gorakoa.

2. Materialak.

Begiratokiak zurezkoak izanen dira. Arotz lanen piezakatzeak beirazko elementuen tamaina mugatzera joko du, usadioko begiratokietan bezala.

Begiratokietan ez da onartuko inolako obrako karelik.

Begiratokia fatxadari atxikitako elementu autonomo gisa tratatuko da. Ondorioz, haren estalkia eraikinaren estalkitik bereiziko da metalezko xaflen eta antzekoen bidezko soluzioetan.

81. artikulua. Eraikuntzarik gabeko eremu pribatuak.

Barnealdea urbanizatzeko jarduketak soilik baimentzen dira, lorategiekin, hormen tratamenduarekin, zoladurekin eta beste batzuekin inguru osoaren irudiari kalte egiten ez diotenak.

Baimentzen da eraikuntza nagusiari atxikita ataripeak egitea, hiru metro sakon, gehienez. Ataripetik inguruko lurzatietako mugetaraino 3 metroko tartea utzi behar da.

82. artikulua. Lurzatietako itxiturak.

Forma aldetik haien ezaugarriak usadioko gainerako itxitura tradizionalenak bezalatsukoak izanen dira.

a) Fatxada nagusiaren aurrealdeari dagokion itxitura.

Eraikuntzaren fatxada nagusiari dagokion itxiturari aplikatzeko, fatxadaren proiekzioek mugatuko dute.

Gehienez ere metro bateko garaiera bitarte harlangaitz-hormaz, fabrikako horma entokatuz edo harrizko imitazioz eta metalezko hesiz edo landare hesiz egiten ahalko dira.

b) Bide publikorako itxitura.

Bide publikora jotzen duten itxiturei aplikatzeko, a) atalean daudenak salbu.

Gehienez ere metro bateko garaiera bitarte harlangaitz-hormaz, fabrikako horma entokatuz edo harrizko imitazioz eta metalezko hesiz edo landare hesiz egiten ahalko dira. Garaiera horretatik gora eta 1,80 m-raino landare hesiak edo metalezko hesiak kokatzen ahalko dira.

c) Jabetza pribatuen arteko itxiturak.

Planeamenduaren ondoriozko jabetza pribatuen arteko itxituretan aplikatzeko.

Gehienez ere metro bateko garaiera bitarte harlangaitz-hormaz, fabrikako horma entokatuz edo hormigoizko hormaz egiten ahalko dira. Garaiera horretatik gora eta 1,80 m-raino landare hesiak, metalezko hesiak edo sare metalikoak paratzen ahalko dira.

Jabetza pribatuen arteko itxiturak, eginez gero, lurzatien arteko mugetan eginen dira, fronte bakar eta komuna osatuz.

d) Ohar orokorrak.

Landare hesitzat joko dira heskaiak, landare igokariz egindako itxiturak eta antzekoak.

Metalezko hesia izanen dira eraikinaren fatxaden ikus gardentasuna ahalbidetzen duten soluzio guztiak. Hesiaren gutxieneko kalitatea eta sare elektrosoldatuarena antzekoak izan behar dira, eta ez da onartuko bihurdura bakunekorik.

Sare metalikotzat joko dira bihurdura bakuneko sareak edo antzekoak.

Harlangaitz-hormak, behintzat kanpoko aldetik. Harrizko horma horiek hormigoizko edo harrizko horma-txapela izaten ahalko dute. Harlangaitz-hormarako eremuko harri zainduna edo antzekoa erabiliko da. Ez da onartuko itsatsiriko lauzarik. Pilastrak ipintzen ahalko dira 1,80 m-ko garaieraraino.

Ez da txarrantxarik erabiliko, ezta ebakitzen ahal duen materialik ere murruen gainaldean, ezta saretazko edo antzeko itxiturarik ere.

Debeku da keretak, zerriak, plastikoak, oihalak eta itxiturari atxikitako beste edozer paratzea. Salbuespenez txilarrezko kereta paratzen ahalko da, Udalak adieraziko duen ereduari jarraituz.

Harresia mailakatu behar denean, maldan ezarritako itxituretan gehieneko garaiera 1,3 m-koa izanen da.

Kota kalea baino gorago duten lurzatietan, itxiturako garaierak kaleko sestratik neurtuko dira. Lurzatia kaletik metro batera gelditzen bada, itxitura gehienez ere 1,3 m garai izanen da lurzatiko sestratik, metalezko hesian eta/edo landare hesian egina.

Alde zaharretan, lurzatietako itxiturei edo pribatuaren eta publikoaren arteko muga jartzen duten elementuei inguruko eraikinen ezaugarri berdintsuak galdatzen ahalko zaizkie, Udalaren iritziz horrela behar dutenean.

Unitate berrietan lurzatietako itxituren diseinua denentzako berdina izanen da. Hortaz, ukitutako jabeek proiektatutako sistema proposatu beharko diote Udalari, onets dezan, edozein lurzati ixteko lizentzia eman baino lehen.

83. artikulua. Eraikin berdinak errepikatzea.

Irizpide orokorra da eraikinek ezberdinak izan beharko dutela eta ez direla eraikin berdinak onartuko.

Ondokoa da eraikinaren definizioa:

-Lurzatiaren barneko bolumen bakartu oro, eraikin nagusia edo osagarria izan.

-Elkarri atxikitako bolumenen elkarte oro, lurzati bateko edo gehiagoko eraikuntza nagusia bere baitan duena, betiere lurzatiek sarbide komun, bakar eta banaezina badute.

Aurrekoari jarraikiz, 2 eraikineko edo gehiagoko edozein etxe multzo egiten denean, espazio publiko bereko fatxadak, elkarren ondokoak nahiz parez parekoak, ez dira elkarren berdinak izanen, uniformizazioa saiheste aldera.

Fatxada ezberdinak direla ulertuko da ondoko alderdietako bat, gutxienez ere, diferente dutenean:

-Fatxadaren itxura orokorra, bolumenaren edo tipologiaren eitea diferentea delako.

-Fatxadak tipologia bereko eitekoak direnean, ondokoak izan beharko dituzte ezberdin:

  • Fatxadaren tamaina, aldeak metro batetik gorakoak izanen direla.
  • Nagusia ez diren fatxadetako baoak antolatzea, horiek elementu berriak izanen dituztela, hala nola balkoia, begiratokia, ataripea, egutera, galeria, etab.
  • Eraikitzeko sistemetan eta materialetan aldaketa nabarmenak ageriko dira.

Konposizio berbera oinarri duten eraikinen antolamendua ez da ezberdintzat hartuko, bolumenen edo elementuen ordena ezker-eskuin edo goitik behera alderantzikatua izanagatik ere.

V. ATALA

Eraikuntza berrien baldintza partikularrak

84. artikulua. Esparrua.

Baldintza partikular hauek Atezko udalerriko herrigune berrietan aplikatuko dira.

85. artikulua. Xedea.

Baldintza estetikoak eta konposizioaren ingurukoak arautu nahi dira etxebizitza gune berrietan, bai eta zabalguneetako hiri eremuetan ere.

86. artikulua. Irizpide orokorrak.

Atal honetako irizpide orokorrak, baldintza estetikoei dagokienez, IV. atalekoak berak dira funtsean, baina hemen zenbait ñabardura erantsi dira.

87. artikulua. Okupazioa oinplanoan.

1. Eraikuntza berriek oinplanoan forma tradizionala izanen dute, lehendik dauden eraikuntzen antzekoa, soila eta inguruko eraikinekin bat datorrena, laukitik edo laukizuzenetik hurbilekoa.

2. Eraikinaren lehen solairuko okupazioa beheko solairukoa baino %25 txikiagoa izaten ahalko da.

Beheko solairuko okupazioa goiko solairuetakoa baino handiagoa denean, okupazioen arteko diferentzia hori ez da fatxada nagusian izanen.

88. artikulua. Fatxaden proportzioa.

Eraikinaren fatxada guztiek 1,2ko gehieneko proportzioa izan beharko dute garaieraren eta luzeraren artean.

89. artikulua. Fatxadaren konposizioa.

Eraikinetako fatxaden konposizioak inguruneko soluzio tradizionalei jarraituko die, salbu eta eraikina kokatuko den kalean, etxesailean edo sektorean beharrezkoa edo besterik gabe komenigarria denean arkitekturako edo hirigintzako ezaugarri bereziak iraunaraztea edo ezartzea. Halako kasu guztietan, eraikitzeko material eta sistema jakinak erabiltzeko agintzen ahalko da.

Fatxada osoari tratamendu bera emanen zaio, alegia, goiko solairuen eta beheko solairuaren artean ez da etenik nabarituko kanpo-itxituraren materialetan eta konposizioan.

90. artikulua. Fatxadako materialak.

1. Jarraitutasuna, soiltasuna eta batasuna dira fatxadak goitik behera osatzeko irizpide nagusiak.

Eraikinen kanpo itxiturek karga-hormaren itxura izanen dute.

Materialen tratamenduaren batasuna beheko solairuan ere zainduko da.

Baimendutako materialak konbinatzen ahalko dira, betiere eraikuntzarako eta konposiziorako irizpide argiei jarraikiz.

2. Jarduketa hauek baimentzen dira:

a) Harlangaitzezko edo harlanduzko harria eraikitzea, agerian egon dadin. Harlangaitz-hormarako eremuko harri zainduna edo antzekoa erabiliko da.

b) Morterozko zarpiatua, ondoko baldintzak beteko dituena:

Etengabea eta leuna izanen da, zurezko habeak edo bestelakoak imitatzeko marrazkirik gabekoa, eta ez da harririk bistan utziko zarpiatuaren erdian.

Akabera emateko usadiozko kolore leunak erabiliko dira, beige edo siena koloreak, lur kolore argiak eta zurixkak.

c) Halako kasu berezietan adreilua baimenduko da, gune historikoan eta halako materiala erabili den tokietan. Egungo adreiluzko fatxaden antzekoak izanen dira, taxuketaz nahiz kolorez.

d) Lehendik dauden zokaloak, izkinak, azpadurak eta elementu bereziak.

Izkinako elementuak azpimarratu nahi direnean, harria erabiltzen ahalko da, herriko gainerako elementuen harriaren kolore eta tamaina bertsukoak.

Ate eta leihoetako hozkaduretan, aurreko lerroaldeko irizpide berberei jarraituko zaie. Ez dira gezurrezko oholezko burukoak onartuko.

Zokaloak zarpiatuak izaten ahalko dira, akaberako testuran tonu pixka batekin. Ez dira onartuko harrizkoak, baina bai harlangaitz jarraitua.

Elementu horiek harrizkoak edo zurezkoak direnean, nahitaez halaxe kontserbatu behar dira.

3. Ez da onartuko harrizko hormen edo zureriaren imitaziozko materialak erabiltzea, hala nola harri plakak, hormigoizko elementuak edo pinturak.

Halaber debekaturik dago harlanduen edo harlangaitzen arteko junturak pintatzea.

Eraikinak goitik behera itxiko dira, kale edo galtzadako zoladuraren sestraraino. Ez da onartuko beheko solairuetako egitura sostengatzailea agerian uztea.

4. Eraikinetako izkinak harrizkoak izanen dira beti eta inguruko taxuera tradizionala izanen dute.

91. artikulua. Estalkiak.

1. Maldak.

Estalki makurtuek malda bera izanen dute isurki guztietan, gutxienez ere %25ekoa eta gehienez ere %40koa, horizontalarekiko, eta bi, hiru edo lau isurkiko forma bakunak edo horietatik eratorriak izanen dituzte, orubearen forma kontuan izanik estaldurarik sinpleena ezartzen dela, alde batera utzirik faldoietako eta teilatu-hegaletako zatiketa, behar ez diren hastialak agertzean.

Salbuespen gisa, eraikin nagusiari atxikitako eraikin osagarriek isurki bateko estalkia izaten ahalko dute.

2. Estalkiko elementuak.

Ezin izanen da eten estalkiaren planoa, sabaileiho, argizulo eta tximiniak eraikitzeko izan ezean. Debekatuta daude txapitulak.

Baimenduko da Velux motako leihoak irekitzea, estalkiko isurkiaren planoari jarraituz. Leiho horien hasiera fatxadaren planotik gutxienez ere 100 zentimetro atzerago egonen da.

Argiztapen eta aireztapeneko argizuloak estalkian paratzeko baimena bada, baina ezin dira 90 zentimetro baino gehiago irten estalkiaren planotik gora, eta plano horrekiko paraleloak izanen dira. Beira armatu lauaz edo plastikozko xafla lauaz eta metalezko profileriaz edo zurezko arotziaz eginen dira.

Finkatu den estalkiaren gehieneko okupaziotik gora eraikitzeko baimenik ez da emanen, salbu eta berokuntzako eta aireberritzeko tximiniak; hauek fatxadako material berarekin eginen dira eta erremate sinpleak edo tradizionalak izanen dituzte.

3. Teilatu-hegalak.

Estalkiko isurkiak teilatu-hegalen bidez luzatuko dira soluzio tradizionaletan.

Debekaturik daude teilatu-hegalen gaineko karel edo barandak. Teilatu-hegalek bat eginen dute etenik gabe estalki edo isurkiarekin.

4. Estalkietako ageriko materialak.

Estalkirako, zeramikazko teila arabiarra edo zeramika misto uhindua erabiliko da, ez beste materialik, inguruko teilen kolorearen antzekoa duena.

Estalkiko materiala zinka, beruna, kristala edo kobrea izanen da, eraikinaren bolumen berezi baten errematea denean, adibidez, begiratoki edo markesina txikiak.

Teilatu-hegalei eusten dieten elementuak zurezkoak izanen dira eite tradizionaleko eraikinetan, alde batera utzita nola antolatzen den estalkiko forjatuaren egitura.

5. Teilatu-hodiak eta zorrotenak nahitaez jarri beharko dira, teilatu-hegalak eta horma-atalak ahalik eta gehien errespetatuko dituzte, eta material hauek izanen dituzte: kobrea, zinkezko xafla edo galbanizatua; eta fatxadari ondo egokitutako kolore apalez pintatuko dira.

92. artikulua. Terrazak.

Terraza estaliak eraikitzen ahalko dira, estalkiaren faldoiek terrazak okupatzen duen azalera osoa okupatzen badute.

Debeku dira estalki lauak eta estalki-terrazak eraikuntza komunean.

Terrazak beheko solairu irtenean baimentzen ahalko dira, baina lurzatiaren barne aldera jotzen badute bakarrik.

Ez dute azaleraren %20 baino gehiago okupatzen ahalko, ezta 30 m²-tik gora egin ere.

93. artikulua. Kanpoaldeko arotz lanak.

Baoetako arotz lanak zurezkoak izanen dira, hura pintatua edo bere kolorekoa izan. PVC eta metalezko arotz lanak erabiltzea zilegi da, kolore ilunetan lakatzen badira.

Beste material batzuk ere zilegi dira, betiere diseinuan kalitatez erabiltzen badira eta fatxadaren osotasunarekin ongi heldu badira.

Arotz lan batzuetan kolorea erabiltzeak eraikinaren fatxadako gainerako arotz lanak kolore berean pintatzea dakar, zuria kenduta, hura beste kolore guztiekin nahasten ahal baita. Egituretako eta estalkiko zurezko elementuak tindaturik nahiz haien kolore naturalean izaten ahal dira, gainerako arotz lanak pintaturik badaude ere.

Udalak obra egin bitartean erabilitako koloreak ikuskatzen ahalko ditu eta berriz ere pintatzea agintzen ahalko du hasiera batean onetsitakoak ez badira.

Kanpoaldeko argi-estalkiak kontraleihoak izanen dira betiere soluzio tradizionaletan. Debekatuta daude pertsianak.

Kontraleihoen alternatiba gisa onartuko dira iluntzeko barneko sistemak, hala leihatilak nola gortina opakuak.

Kanpoaldeko argi-estalkiak kontraleihoak izanen dira betiere soluzio tradizionaletan edo kutxa ezkutatuta duten pertsiana bilgarriak.

Kontraleihoen eta pertsianen alternatiba gisa onartuko dira iluntzeko barneko sistemak, hala leihatilak nola gortina opakuak.

94. artikulua. Burdineria.

Baimenduko dira balkoietan burdinazko edo zurezko balustrak, tradizionalen antzekoak, edo horien aldaera sinplifikatuak. Ez dira onartuko tramexak, saretak eta xafla zulatuak.

Baimenduko dira beheko solairuko leihoetan forma soileko burdin sareak, hozkaduren barnean jarriak edo gehienez ere kanpora 15 cm irteten direnak.

95. artikulua. Balkoiak.

1. Neurriak.

Zilegi da oinplano angeluzuzeneko balkoiak egitea, ordenantza hauetan bolumenari buruz ezarritako mugak gainditu gabe.

Balkoiak eraikinetik kanpo egonen dira, eta haien hegala ezin izanen da teilatu-hegalarena baino handiagoa izan.

Hegala, guztira, ez da izanen 1,20 metrotik edo 45. artikuluan ezarritako neurritik gorakoa.

2. Materialak.

Balkoiak zurezkoak edo hormigoizkoak izanen dira.

Ez da onartuko hormigoizko elementu aurrefabrikatuekin egindako barandak jartzea, balaustrada motakoak. Barandak burdinazkoak edo zurezkoak izanen dira.

Balkoietan ez da onartuko inolako obrako karelik.

Balkoietako zorua zurezkoa, harrizkoa, hormigoizkoa edo landatar itxurako beste materialen batekoa izan daiteke, eta gehienez 15 cm-ko ertza izanen du.

96. artikulua. Begiratokiak.

1. Neurriak.

Zilegi da oinplano angeluzuzeneko begiratokiak egitea, ordenantza hauetan bolumenari buruz ezarritako mugak gainditu gabe.

Hegala, guztira, ez da izanen 0,80 cm-tik edo 45. artikuluan ezarritako neurritik gorakoa.

2. Materialak.

Begiratokiak zurezkoak izanen dira. Arotz lanen piezakatzeak beirazko elementuen tamaina mugatzera joko du, usadioko begiratokietan bezala.

Begiratokietan ez da onartuko inolako obrako karelik.

Begiratokia fatxadari atxikitako elementu autonomo gisa tratatuko da. Ondorioz, haren estalkia eraikinaren estalkitik bereiziko da metalezko xaflen eta antzekoen bidezko soluzioetan.

97. artikulua. Eraikuntzarik gabeko eremu pribatuak.

Barnealdea urbanizatzeko jarduketak soilik baimentzen dira, lorategiekin, hormen tratamenduarekin, zoladurekin eta beste batzuekin inguru osoaren irudiari kalte egiten ez diotenak.

Baimentzen da eraikuntza nagusiari atxikita ataripeak egitea, hiru metro sakon, gehienez. Ataripetik inguruko lurzatietako mugetaraino 3 metroko tartea utzi behar da.

98. artikulua. Mehelinak.

-Mehelin zortasunari buruz Kode Zibilean eta foru legerian xedatutakoa aplikatuko da, ondorio guztietarako.

99. artikulua. Lurzatietako itxiturak.

a) Fatxada nagusiaren aurrealdeari dagokion itxitura.

Eraikuntzaren fatxada nagusiari dagokion itxiturari aplikatzeko, fatxadaren proiekzioek mugatuko dute.

Gehienez ere metro bateko garaiera bitarte harlangaitz-hormaz, fabrikako horma entokatuz edo harrizko imitazioz eta metalezko hesiz edo landare hesiz egiten ahalko dira.

b) Bide publikorako itxitura.

Bide publikora jotzen duten itxiturei aplikatzeko, a) atalean daudenak salbu.

Gehienez ere metro bateko garaiera bitarte harlangaitz-hormaz, fabrikako horma entokatuz edo harrizko imitazioz eta metalezko hesiz edo landare hesiz egiten ahalko dira. Garaiera horretatik gora eta 1,80 m-raino landare hesiak edo metalezko hesiak kokatzen ahalko dira.

c) Jabetza pribatuen arteko itxiturak.

Planeamenduaren ondoriozko jabetza pribatuen arteko itxituretan aplikatzeko.

Gehienez ere metro bateko garaiera bitarte harlangaitz-hormaz, fabrikako horma entokatuz edo hormigoizko hormaz egiten ahalko dira. Garaiera horretatik gora eta 1,80 m-raino landare hesiak, metalezko hesiak edo sare metalikoak paratzen ahalko dira.

Jabetza pribatuen arteko itxiturak, eginez gero, lurzatien arteko mugetan eginen dira, fronte bakar eta komuna osatuz.

d) Ohar orokorrak.

Landare hesitzat joko dira heskaiak, landare igokariz egindako itxiturak eta antzekoak.

Metalezko hesia izanen dira eraikinaren fatxaden ikus gardentasuna ahalbidetzen duten soluzio guztiak. Hesiaren gutxieneko kalitatea eta sare elektrosoldatuarena antzekoak izan behar dira, eta ez da onartuko bihurdura bakunekorik.

Sare metalikotzat joko dira bihurdura bakuneko sareak edo antzekoak.

Harlangaitz-hormak, behintzat kanpoko aldetik. Harrizko horma horiek hormigoizko edo harrizko horma-txapela izaten ahalko dute. Harlangaitz-hormarako eremuko harri zainduna edo antzekoa erabiliko da. Ez da onartuko itsatsiriko lauzarik. Pilastrak ipintzen ahalko dira 1,80 m-ko garaieraraino.

Ez da txarrantxarik erabiliko, ezta ebakitzen ahal duen materialik ere murruen gainaldean, ezta saretazko edo antzeko itxiturarik ere.

Debeku da keretak, zerriak, plastikoak, oihalak eta itxiturari atxikitako beste edozer paratzea. Salbuespenez txilarrezko kereta paratzen ahalko da, Udalak adieraziko duen ereduari jarraituz.

Harresia mailakatu behar denean, maldan ezarritako itxituretan gehieneko garaiera 1,3 m-koa izanen da.

Kota kalea baino gorago duten lurzatietan, itxiturako garaierak kaleko sestratik neurtuko dira. Lurzatia kaletik metro batera gelditzen bada, itxitura gehienez ere 1,3 m garai izanen da lurzatiko sestratik, metalezko hesian eta/edo landare hesian egina.

Kaleko sestraren eta lurzatiaren barnealdeko sestraren arteko gorabehera 1,5 metro baino gehiago bada, eustorma betiere harri lehorrez estaliko da. Eustorma hori gehienez 2,5 metro garai izanen da. Hortik gora ezponda egin beharko da.

Unitate berrietan lurzatietako itxituren diseinua denentzako berdina izanen da. Hortaz, ukitutako jabeek proiektatutako sistema proposatu beharko diote Udalari, onets dezan, edozein lurzati ixteko lizentzia eman baino lehen.

100. artikulua. Eraikin berdinak errepikatzea.

Irizpide orokorra da eraikinek ezberdinak izan beharko dutela eta ez direla eraikin berdinak onartuko.

Ondokoa da eraikinaren definizioa:

-Lurzatiaren barneko bolumen bakartu oro, eraikin nagusia edo osagarria izan.

-Elkarri atxikitako bolumenen elkarte oro, lurzati bateko edo gehiagoko eraikuntza nagusia bere baitan duena, betiere lurzatiek sarbide komun, bakar eta banaezina badute.

Aurrekoari jarraikiz, 2 eraikineko edo gehiagoko edozein etxe multzo egiten denean, espazio publiko bereko fatxadak, elkarren ondokoak nahiz parez parekoak, ez dira elkarren berdinak izanen, uniformizazioa saiheste aldera.

Fatxada ezberdinak direla ulertuko da ondoko alderdietako bat, gutxienez ere, diferente dutenean:

-Fatxadaren itxura orokorra, bolumenaren edo tipologiaren eitea diferentea delako.

-Fatxadak tipologia bereko eitekoak direnean, ondokoak izan beharko dituzte ezberdin:

  • Fatxadaren tamaina, aldeak metro batetik gorakoak izanen direla.
  • Nagusia ez diren fatxadetako baoak antolatzea, horiek elementu berriak izanen dituztela, hala nola balkoia, begiratokia, ataripea, egutera, galeria, etab.
  • Eraikitzeko sistemetan eta materialetan aldaketa nabarmenak ageriko dira.

Konposizio berbera oinarri duten eraikinen antolamendua ez da ezberdintzat hartuko, bolumenen edo elementuen ordena ezker-eskuin edo goitik behera alderantzikatua izanagatik ere.

VI. ATALA

Industria lurzoruko eraikuntzak

101. artikulua. Baldintza orokorrak.

Eraikuntzen konposizioa aukerakoa izanen da.

102. artikulua. Tipologiak.

Eraikuntzak, beren tipologiak ahalbidetzen duen heinean, antolamenduaren bereizgarri den hiri eta natur inguruneari egokitu behar zaizkio.

Eraikinak bakartuak edo atxikiak izanen dira, eremu bakoitza antolatzeko baldintza partikularretan ezarritakoaren arabera.

103. artikulua. Fatxadak.

Eraikin bakoitzaren fatxada guztietan, are eraikuntza osagarrietan ere, kalitate bertsuko materialak erabiliko dira; gutxienez ere, estaldura jarraitua eta pintura.

Eraikuntza guztiek zokaloa izanen dute, gutxienez 70 cm garai, bistako adreiluz, hormigoiz edo harriz egina.

Fatxadako akaberak ondokoak izan daitezke:

-Emokadura leuna, pintatua.

-Zeramikazko materialak kolore naturaletan.

-Bistako hormigoia.

-Bistako adreiluz, harriz edo hormigoi bloke aurrefabrikatuz egindako hormak.

-Xafla pintatu edo lakatuzko estaldurak.

104. artikulua. Estalkiak.

Estalkiak lauak izan daitezke edo bestela makurrak, gehienez %40ko malda duten bi, hiru edo lau isurkirekin.

Zerra itxurako estalkiek eta antzekoek haien profila ezkutatzen dieten karel edo itxiturak izanen dituzte alboetan.

Aurrekoez gain bestelako estalkiak ere baimentzen ahalko dira, eraikinaren ezaugarri funtzionalek edo neurriek hala eskatzen dutenean. Proiektuan halako soluzioen egokitasuna justifikatu beharko da, eta eraikuntza hiri inguruneari eta paisaiari egokitzeko zuzenketa neurriak azalduko dira (landaketak, zuhaitz hesiak, etab.), behar izanez gero.

105. artikulua. Iragarkiak.

Ez da onartuko publizitateko kartelik paratzea lurzatien espazio eraikigarritik kanpoan.

Eraikinei atxikitako errotulu eta bestelako diseinu identifikagarriak paratzen ahalko dira, baldin eta material iraunkorretan eginak badaude, eraikinaren edo itxituraren goialdeko errematea gainditzen ez badute, eta beren gainazal inguratzailea kokatuta dauden fatxada-atalaren azaleraren %25 baino gutxiago bada.

Errotuluen diseinua, konposizioa eta materialak aukerakoak dira.

Eraikuntza proiektuan sartzen ez diren kartel eta errotuluentzat udal lizentzia beharko da, eta horretarako aldez aurretik krokis kotaduna aurkeztuko da, bertan adierazita haien materialen, koloreen eta grafismoaren ezaugarriak. Atezko Udalak kartel eta errotuluak atzera botatzen ahalko ditu, baldin eta erabakitzen badu kalitate txarrekoak edo diseinu kaskarrekoak direla eta apaintasunerako gutxieneko baldintzak ez dituztela betetzen, bereziki kanpoko paramentuen gainean zuzenean pintatutako errotuluak badira.

Argibideetarako seinaleak paratzen ahalko dira, bide-seinaleen neurriei eta diseinuari egokituak, Nafarroako Gobernuko Bide Zerbitzuak horretarako baimena ematen duenean.

106. artikulua. Tximiniak eta beste elementu arkitektoniko adierazgarri batzuk.

Elementu horiek mugarri dira bai paisaian eta bai multzo antolatuan ere. Horregatik, diseinu eta material zainduak izanen dituzte, haien funtzio formal eta funtzionaletarako egokiak.

VII. ATALA

Lurzoru urbanizaezineko eraikuntzak

107. artikulua. Irizpide orokorra.

Lurzoru urbanizaezinean egiten diren eraikinak ahalik ongien egokituko zaizkio inguruko paisaiari.

Eraikitzeko lizentzia eskatzen denean betiere paisaiaren tratamendua justifikatu behar da, bistaren gaineko eragina gutxituko duena.

108. artikulua. Materialak.

Material hauek erabiliko dira: zarpiatua eta pintura fatxadetan, eta zeramikazko teila arabiarra estalki makurrean.

Lurzoru mota honetan bizitegitarako eraikuntzaren bat egiteko baimena ematen bada, kapitulu honetako V. atala aplikatuko da.

Hirigintzako araudi orokorrean baimengarritzat ageri diren abeltzaintza eta nekazaritzako eta industriako instalazioetan, bestelako materialak baimentzen ahalko dira, jardueraren berezitasunak direla-eta. Eskabidean alderdi hori argitu beharko da.

109. artikulua. Itxiturak.

Landa finketako itxiturak usadioaren araberakoak izanen dira, hots, zurezko hesolez eta hariz egindako hesiak, lurretik gehienez ere 1,2 m-ra jarriak, harrizko hormatxoak eta landare hesiak, zuhaixkekin osatuak.

Itxituren atakekin ere berdin jokatuko da, barrotezko sarrailak eta metalezko bastidoreak erabil daitezkeelarik. Ez da xaflarik erabiliko inon, ezta itxitura, guztiz edo puska batean, opaku bihurtuko lukeen materialik ere.

V. KAPITULUA

Etxebizitzen baldintza partikularrak

I. ATALA

Bizigarritasunari buruzko baldintzak

110. artikulua. Ohar orokorrak.

Ordenantza hauetan ezarritako guztiaz gain, beharrezkoa da betetzea, alde batetik, urtarrilaren 16ko 5/2006 Foru Dekretuak ezarritakoa, bertan arautzen baitira Foru Komunitateko esparruan etxebizitzek bete behar dituzten gutxieneko bizigarritasun baldintzak, eta, beste aldetik, dekretu haren ondotik baldintza horiek arautzeko emandako gainerako araudi guztiak.

II. ATALA

Eraikuntzako espazio komunak

111. artikulua. Ataria eta etxebizitzetarako sarbideak.

1. Etxebizitza kolektiboetan, sarrera edo atariak gutxienez bi metro eta hogei zentimetroko (2,20 m) zabalera izanen du, eta gutxienez bi metroko luzera, sarrerako atearekiko perpendikularrean neurtua.

2. Ate horretatik eskailera edo igogailurainoko sarbideak gutxienez metro bat eta hogei zentimetroko (1,20 cm) zabalera izanen du.

3. Eraikinaren barnean baina etxebizitzetatik kanpo dauden korridoreen eta, halakorik bada, etxebizitzetara sartzeko kanpoko galerien zabalera, gutxienez ere, eskaileretarako ezartzen dena izanen da, eta inola ere ez metro bat eta hogei zentimetro (1,20 cm) baino gutxiagokoa.

VI. KAPITULUA

Negozioetarako lokalen baldintza partikularrak

I. ATALA

Merkataritzako lokalen eta bulegoen baldintza partikularrak

112. artikulua. Sailkapena.

Ordenantza hauek aplikatzeko, eta merkataritzako erabileran eragina izan dezaketen bizigarritasun baldintzei dagokienez, kategoria hauek ezarri dira:

1. Gehienez bostehun metro karratuko (500 m²) azalera eraikia duten lokalak.

2. Bostehun metro karratu baino gehiagoko lokalak.

113. artikulua. Baldintza orokorrak.

Merkataritzako lokal guztiek, kasuan kasuko artikuluaren arabera beren kategoriagatik dagozkien baldintza bereziez gainera, honako baldintza orokor hauek bete behar dituzte:

1. Lokalean bezeroentzat irekita dagoen salmenta guneak gutxienez 10 m²-ko azalera izanen du, eta ezin izanen da erabili inongo etxebizitzatarako sarbide edo zuzeneko sarrera gisa, titularraren etxebizitza salbu.

2. Solairuarteetan izan ezik, lokalen gutxieneko garaiera librea 2,40 metrokoa izanen da, baina 2,10 metrora murriztu daiteke biltegietan, komunetan eta langileek edo bezeroek etengabe erabiltzen ez dituzten tokietan.

3. Etxebizitzatarako eraikin berrietan, etxebizitzek beren sarbide, eskailera eta igogailuak izanen dituzte.

4. Eskaileren neurriak etxebizitzetako eskailera komunei buruz ezarritakoari lotuko zaizkio.

5. Lokalek laneko segurtasunari eta higieneari buruzko ordenantza orokorrak ezartzen dituen higiene zerbitzuak izanen dituzte langileentzat, eta 10 langile baino gehiago dituzten enpresek honako hauek izan beharko dituzte, gutxienez:

a) Pertsona bakoitzeko, 2 m² aldagela eta komun, sexuak bereizita.

b) Konketa bat lanaldi berean aritzen diren hamar langileko.

c) Komunontzi bat lanaldi berean aritzen diren hogeita bost gizoneko eta beste bat lanaldi berean aritzen diren hamabost emakumeko.

Hamar langile baino gutxiago dituzten enpresek gutxienez komunontzi bat eta konketa bat eduki behar dituzte, eta komunak gutxienez 1,50 m² izanen ditu. Hainbat lokalek multzo bat osatzen badute, komunak elkartzen ahalko dira.

6. Aireztapen naturala duten lokaletan, aireztapen baoen azalera, guztira, lokal bakoitzak oinplanoan duen azaleraren zortzirena (1/8) izanen da gutxienez ere. Salbuetsiko dira biltegi, trasteleku eta korridore gisa baizik erabiltzen ez diren lokalak. Etxebizitzetarako adierazitako aireztapen sistemak erabiltzen ahalko dira komunetan.

Lokalek aireztapen artifiziala izan dezakete. Hala denean, instalazioaren proiektu zehatza aurkezteko eskatuko da, eta Udalak onetsi beharko du. Gainera, udal agintaritzak aldian behin instalazioa ikuskatuko du, eta instalazioa gaizki dabilela ikusten badu lokala erabat edo neurri batean ixteko agintzen ahalko du.

114. artikulua. Solairuarteak eta biltegi-galeriak.

Beheko solairuan solairuarteak egiten ahalko dira, baldintza hauek betetzen badira:

1. Gutxieneko garaiera librea behean: 2,20 m.

2. Gutxieneko garaiera librea goian: 2,20 m.

3. Gutxieneko tartea fatxaden barneko paramenturaino: 3 m.

4. Ez dute lokaletik aparteko sarbiderik izanen.

5. Solairuartearen azalera eraikia (sarrerako eskailera barne) ez da lokalaren azalera eraiki osoaren %50 baino gehiago izanen inola ere.

Biltegitarako galeria irtenak egiten ahalko dira. Horien hegala gehienez 0,80 m-koa izanen da fatxadako hormatik neurtuta. Gutxienez, hegalaren azpian garaiera librea 2,20 m izanen da eta goian 2,00 m.

115. artikulua. Sotoetako lokalak.

Lokalaren zoladuraren kota sestra baino baxuagoa denean bide publikotik zuzenean sartzeko puntuan, sarrerak bi metroko garaiera librea izanen du, ateburuaren beheko lerrotik kontatzen hasita; koska gainditzeko eskailera bat egonen da, gutxienez hogeita zortzi bider hamazazpi zentimetroko mailak izanen dituena; horrek eskailera-burua utziko du, gutxienez ere 1 m zabal, jogunearen mailan, eta hantxe egiten ahalko da atearen biraketa.

Lehen sotoan bakarrik onartuko dira merkataritzako lokalak, betiere gain-gainean duten solairuko lokalarekin bat eginda, eta seigarren baldintzan adierazitako aireztapen elementuekin, salbu eta sarbidea aparte egin daitekeenean hesien arteko koskaren ondorioz.

Merkataritza jarduera, baldintza horien arabera, sotoan egiten denean, beheko solairuaren eta sotoaren arteko kontaktu-azalera gutxienez %15 izatea bermatzen duten eskailera edo irekigune zabalak aurreikusiko dira. Eskaileraren kontaktu-azalera portzentaje horretan sartu behar da.

Eskailerak gutxienez 1,50 m-ko zabalera izanen du, eta eraikuntzari buruzko araudian suteetarako ezarritako baldintzak beteko ditu.

116. artikulua. Elementu komunak.

Merkataritzako lokaletarako diren eraikinetan, elementu komunak etxebizitza-eraikinetan bezala arautuko dira.

Lehen kategoriako lokalak (gehienez 500 m²-ko azalera eraikia dutenak).

1. Beste erabilera batzuetako eraikinekin komunikatzen duten korridore, atondo edo banabideetan, suak hondatzen ez dituen ateak beharko dituzte, suteen prebentzioari buruzko ordenantzetan erabilera bakoitzerako eskatzen dena ukatu gabe.

2. Aurreko baldintzan baimendutako sarreratik bereizitako beste bat izanen dute.

3. Haien erabilerak hala eskatzen badu, bezeroentzako komunak izanen dituzte (gutxienez bi komun, konketarekin eta komunontziarekin).

Bigarren kategoriako lokalek baldintza hauek beteko dituzte:

1. Bezeroentzako komunak izanen dituzte, gizonezkoenak eta emakumezkoenak bereizita. Gutxienez bi komun izanen dira hirurehun metro karratuko edo zatikiko, konketa eta komunontzi banarekin. Lokal publikotik ate bikoitzaren bidez banatuko dira.

2. Ez dute loturarik izanen bestelako erabilera duten eraikinetako atondo edo banaguneekin.

3. Komunetako batek, gutxienez, laurogeita bost zentimetroko atea izanen du, eta ate horren aurrean metro eta berrogeita hamar zentimetroko diametroa duen zirkulu bat sartzeko adina leku egonen da.

Hirugarren kategoriako lokalek baldintza hauek beteko dituzte:

1. Merkataritzako galeriek aireztapen naturala edo artifiziala izanen dute, irizpide orokorren araberakoa, haietatik sarbide duten lokaletatik aparte.

2. Merkataritzako galeriaren gutxieneko zabalera luzeraren %7 izanen da, eta betiere lau metro. Merkataritzako galeriatik sarbidea egon daiteke etxebizitza edo bulego eraikinetako atarietara. Pasabidea izanez gero, jendearentzako sarrerak izanen ditu bi muturretan.

3. Merkataritzako galeria batetik sarbidea duten lokalek, baldintza orokorrez gain, beren kategoriaren arabera dagozkien baldintzak beteko dituzte, eta, suteei aurrea hartzeko ordenantzaren ondorioetarako, merkataritzako galeria eta hura osatzen duten lokalak batera eta multzo gisa hartuko dira.

II. ATALA

Bulegoak

117. artikulua. Baldintza orokorrak.

Bulegotarako lokal guztiek hurrengo baldintza orokorrak bete beharko dituzte:

1. Gutxienez 10 m²-ko azalera eraikia izanen dute. Langileek etengabe erabiltzen dituzten gelek 6 m² izanen dituzte gutxienez.

2. Eraikinean etxebizitzarik badago, erabilera horretarako ezarritako baldintzak ere bete beharko dira, atal honetan ezarritakoez gain.

3. Lokalen gutxieneko garaiera librea 2,40 m izanen da, eta 2,10 m-ra murrizten ahalko da biltegietan, komunetan eta langileek etengabe erabiltzen ez dituzten geletan.

4. Argiztapen artifizialak xedapen orokorretan erabilera honetarako ezarritako baldintzak beteko ditu.

5. Lehen sotoan bakarrik onartuko dira bulegoak, betiere gain-gainean duten solairuko lokalarekin bat eginda, aireztapen artifizialarekin, isolamendu termiko egokiarekin eta hezetasunaren kontrako babesarekin.

118. artikulua. Beste baldintza batzuk.

Gainera, ondoko baldintzak beteko dira:

1. Eskaileren neurriak etxebizitzetako gune komunei buruz ezarritakoari lotuko zaizkio.

2. Lokalek laneko segurtasunari eta higieneari buruzko ordenantza orokorrak ezartzen dituen higiene zerbitzuak izanen dituzte langileentzat, eta hamar langile baino gehiago dituzten enpresek honako hauek izan beharko dituzte, gutxienez:

-Pertsona bakoitzeko, bi metro karratu aldagela eta komun, sexuak bereizita.

-Konketa bat lanaldi berean aritzen diren hamar langileko.

-Komunontzi bat lanaldi berean aritzen diren hogeita bost gizoneko eta beste bat lanaldi berean aritzen diren hamabost emakumeko.

3. Hamar langile baino gutxiago dituzten enpresek gutxienez komunontzi bat eta konketa bat eduki behar dituzte.

4. Hainbat lokalek multzo bat osatzen badute, komunak elkartzen ahalko dira.

5. Aireztapen naturala duten lokaletan, aireztapen baoen azalera, guztira, lokal bakoitzak oinplanoan duen azaleraren zortzirena (1/8) izanen da gutxienez ere. Biltegi, trasteleku eta korridoretarako soilik diren lokalak salbuetsiko dira. Etxebizitzetarako adierazitako aireztapen sistemak erabiltzen ahalko dira komunetan.

6. Lokalek aireztapen artifiziala izaten ahalko dute. Kasu horretan instalazioaren proiektu zehatza aurkezteko eskatuko da, Udalak onetsi beharko duena. Gainera, udal agintaritzak aldian behin instalazioa ikuskatuko du, eta instalazioa gaizki dabilela ikusten badu lokala erabat edo neurri batean ixteko agintzen ahalko du.

Bulegotarako eraikinetako elementu komunak etxebizitzei buruz xedatutakoaren bidez arautuko dira.

III. ATALA

Hotelak eta beste erabilera batzuk

119. artikulua. Baldintza orokorrak.

Ostalaritza, ikuskizun, kirol, josteta, jolas eta antzeko jardueretarako diren lokalek hertsiki bete behar dute sektorean indarra duen legeria.

Jarduera sailkatuei buruzko ordenantzetan ezarritako arauak bete beharko dituzte.

Estetika, bolumena eta abar arautzen dituzten ordenantzak aplikatzeko, bizitegitarako erabilerarekin parekatuko dira.

120. artikulua. Bizigarritasun baldintzak.

Ostatu-lekuen eta turismoko ostatuen bizigarritasun baldintzak gaiari buruz indarra duten xedapenen bidez arautuko dira.

Bestelako erabileretarako eraikinak -ikastetxeak, kirol instalazioak, ikuskizunetarako aretoak eta ordenantza hauetan zehaztu gabeak- haien eraikuntza arautzen duten xedapen bereziek arautuko dituzte, eta modu osagarrian, etxebizitzen eta beste erabilera antzekoago batzuen bizigarritasun baldintza orokorrek, aurreko artikuluetan zehaztu diren horiek.

IV. ATALA

Industria eraikinak

121. artikulua. Baldintza orokorrak.

Ondoko hauek izanen dira:

1. Industriarako lokal orok gutxienez 10 m²-ko azalera izanen du.

Lanpostu bakoitzeko, gutxienez ere 2 m²-ko azalera izanen du eta 5 m³-ko bolumena.

2. Bulego edo etxebizitzetarako erabilera duten eraikin berrietan baimentzen diren industriek, lehen kategoriakoak salbu, sarbide bereizia izan behar dute eta ez dute komunikaziorik izan behar beste erabilera batzuetako lokalekin.

3. Lokalen gutxieneko garaiera librea 2,40 m izanen da, eta 2,10 m-ra murrizten ahalko da biltegietan eta langileek etengabe erabiltzen ez dituzten geletan.

4. Argiztapen artifizialak xedapen orokorretan erabilera honetarako ezarritako baldintzak beteko ditu.

5. Industriarako lokalak lehen sotoan baino ez dira baimenduko; haiek goiko solairuko lokalarekin unitate bakarra osatu behar dute, eta, nahitaez, aireztapen artifiziala eta isolamendu termikorako baldintza egokiak izanen dituzte, baita hezetasunaren kontrako babesa ere.

6. Eskaileren neurriak etxebizitza-eraikinetako espazio komunetarako ezarritakoak izanen dira.

7. Higiene zerbitzuak bulegoetarako ezarritakoak izanen dira, baina komunek ez dute zuzeneko sarbiderik izanen nabe edo lantokietatik. Baldintza hori betetzeko tartekatu behar den gunea konketak jartzeko erabiltzen ahalko da.

8. Aireztapen naturala eta artifiziala ere bulegoetarako xedatutakoari lotuko zaizkio.

122. artikulua. Hondakinen hustuketa.

Udalaren Zerbitzu Tekniko eskudunen iritziz hondakin urek estolderia nagusira isurtzeko baldintzak betetzen ez badituzte, prozedura egokien bidez araztu beharko dira, arloari buruz indarra duten xedapenak bete daitezen.

Industriaren ezaugarriak direla-eta hondakinak etxez etxeko garbiketa zerbitzuak bildu ezin baditu, hondakindegira eramanen dira zuzenean, jardueraren titularraren kontura.

Gasa, lurruna, kea eta hautsa barnealdera husteko instalazioak egokiak eta eraginkorrak izanen dira, gaiari buruzko erregelamenduan eta udal ordenantzan xedatutakoarekin bat.

123. artikulua. Erabileren mugak.

Industria lurzoruan ezin izanen dira jarduera hauek kokatu:

a) Erauzte jarduerak eta industria eratorriak (meategiak, harrobiak, legar hobiak, harriaren eta marmolaren industriak, etab.).

b) Instalazio nuklear eta erradioaktiboak.

c) Energia ekoizteko instalazioak.

d) Abere hiltegiak, abere ustiategiak (txakurtegiak, etxeko animalien aterpeak, etab.) edo antzekoak.

e) Galdategiak.

f) Industria kimikoak (kolore eta pinturen fabrikazioa, farmaziako produktuen fabrikazioa, lixiba eta xaboien fabrikazioa, laborategi kimikoak, etab.).

g) Ingurumenean organismo patogenoak zabaldu edo trabak sor ditzaketen beste jarduera batzuk.

VII. KAPITULUA

Zerbitzuen araubidea

I. ATALA

Jabetza pribatuko lur eraikiezinak

124. artikulua. Aplikatu beharreko araubidea.

Eraikin baten edo gehiagoren zerbitzurako eremu libreak izateko erabili behar diren lur pribatuak atal honetan xedatutakoaren bidez arautuko dira.

125. artikulua. Titulartasuna.

1. Atal honetan aipatzen diren lurren jabetza etxesaileko edo sektoreko lurzati eraikigarrien parte izanen da, hots, bi jabetzak banaezinak izanen dira.

2. Lur eraikiezin horiek lurzati bat baino gehiago ukitzen badituzte, aurreko lerroaldean adierazitakoaren arabera, nahitaezko erkidegoa ezarriko da haien guztien azaleraren gain.

3. Lur eraikiezinak, nahiz eta jabari pribatukoak izaten jarraitu, erabilera publikorako hartzen ahalko dira osorik edo zati batean, edo zortasunak ezarri (bidea, bistak, aparkalekua eta beste batzuk) haien ezaugarrien eta erabilgarritasunaren arabera.

126. artikulua. Zehapenak eta nahitaezko exekuzioa.

Alkatetzak, hiriko txukuntasuna zaintzeko eginkizunetan, isuna ezartzen ahalko die, legezko zenbatekoarekin, atal honetan xedatutakoa urratzen dutenei, eta jabeei epea ezartzen ahalko die espazio libreetan instalazioak jartzeko edo konpontzeko agindua bete dezaten.

Alkatetzaren agindua betetzen ez bada, Udalak nahitaez eginarazten ahalko ditu behar diren obrak, interesdunen kontura eta arriskura, eta aldez aurretik ordainarazi haien zenbateko osoa, premiamendu bidetik, hala behar denean.

VIII. KAPITULUA

Soinu eskualdeak

126.A artikulua. Arau orokorra.

Udal Plan Orokorrak berariaz sartuko du udalerriko soinu eskualdeen banaketa, Zaratari buruzko azaroaren 17ko 37/2003 Legea garatzen duen urriaren 19ko 1367/2007 Errege Dekretuaren 5. artikuluak ezarri bezala. Eskualdeen banaketa egin ondoren, aplikatu beharreko soinu kalitatearen helburuak 1367/2007 Errege Dekretuaren 14. artikuluan adierazitakoak izanen dira.

126.B artikulua. Soinu eremuak mugatzea.

Atezko herriguneak a) motako soinu eremuen barnean daude: lurraldeko bizitegitarako sektoreak.

Lurzoruaren gainerakoa 1367/2007 Errege Dekretuan zehaztutako soinu eremuetatik kanpo dago.

II. TITULUA

Urbanizazioari buruzko ordenantzak

I. KAPITULUA

Urbanizazio obrak

126. artikulua. Lur-berdinketa eta zoladura ematea.

Erabilera publikoko eremuetan lur-berdinketa eta zoladura emateko lanak egiteko, honako irizpide orokor hauek kontuan hartuko dira: ibilgailuen karga eta klimatologia jasateko zoladurak behar duen sendotasuna, uraren hustuketa saneamendu eta drainatze sarera, eraikiko diren instalazioen aurreikuspena (profilak erregularrak eta hodi-bideak dagokien jarraitutasunarekin), oinezkoen segurtasuna eta denboraren joanean mantentzeko erraztasuna.

Bereziki, funtsezkoa izanen da landare-lurrezko jantzia erabiltzea edo kontserbatzea. Horretarako, urbanizazio edo eraikuntzako obrak hastean, jantzi hori eraman beharko da antzeko ezaugarriak dituen beste lurren baten gainera edo, bestela, bertan zuzenean erabiltzen ahal da, kasuko obran lorezaintzako lanak ere sartuak badaude.

127. artikulua. Zoladurak.

Zoladura emateko materialak kaleetan lehendik daudenak izanen dira, duela gutxi zolatutako kaleak badira, edo bestela Udalak berariaz adierazten dituenak. Lehendik dauden bideak zabaltzeko urbanizatu behar diren tarteetan, arau orokor gisa, kalean lehendik dagoen material bera erabiliko da zoladura emateko eta berdin kokatuko da, Udalak ez baldin badu berariaz beste material bat jartzeko adierazten, oraingo zoladura aldatzeko asmoa duelako. Kale berrietan inguru hurbileko kaleetako material mota bera erabiliko da, eta zalantzarik badago Udalak erabakiko du.

Antolamendu planoetan urbanizazioaren gutxi gorabeherako diseinua jaso da, urbanizazio proiektu eta obretan zehaztu beharko dena.

128. artikulua. Lorategiak.

Zuhaitzen baldintzak hirian:

1. Landatzen diren zuhaitzen arteko tartea.

Landareen arteko tartea, oro har, 3,5 metrokoa izanen da lerroan, piramide formako espezieen kasuan, eta 8 metrokoa tamaina handiko zuhaitzak direnean.

2. Zuhaitzaren eta fatxadaren arteko tartea.

Gutxienez 2,5 m.

3. Zerbitzu sareetarainoko tartea.

Gutxienez 1,5 m.

Berdeguneen landaketan ur kontsumo txikiak dituzten bertako espezieak erabiliko dira. Ureztaketa sistema automatizatua izanen da. Horrela, ureztaketa gauez egiten ahalko da, uraren lurrunketa txiki-txikia den orduetan eta landareak behar bezala mantentzeko behar diren ur kantitate txikienak erabilita.

129. artikulua. Irisgarritasuna.

Kaleek zeharretara %2ko malda izanen dute. Luzetara, berriz, malda ez da %9 baino handiagoa izanen.

Ahal dela, espaloiek gutxienez 1,5 m-ko zabalera izanen dute.

Urbanizazio berrietan, Oztopo Fisiko eta Zentzumenezkoei buruzko uztailaren 11ko 4/1988 Foru Legea garatu eta aplikatzeko Erregelamendua beteko da (154/1989 Foru Dekretua).

130. artikulua. Ur hornidura eta banaketarako baldintza orokorrak.

Iruñerriko Mankomunitateko ordenantza aplikatuko da.

131. artikulua. Ur hustuketa eta saneamendurako baldintza orokorrak.

Iruñerriko Mankomunitateko ordenantza aplikatuko da.

Euri uraren sareen kasuan, uholdeen kalteak eta bestelako eraginak saihestearren, sustatzaileak erakunde eskudunari eskatu beharko dio euri urak ubide publikora isurtzeko baimena, isurketarako tokia eta emaria baimendu daitezen.

132. artikulua. Herriko argien baldintza orokorrak.

Urbanizazio proiektuaren barnean herriko argien proiektua eginen da. Proiektu hori bat etorriko da goi eta behe tentsioko erregelamendu elektroteknikoetan xedatutakoarekin.

Argiteria publikoa elikatzeko sarea eta energiaren hornidurarako sare orokorra erabat bereiz egonen dira. Sare horren kanalizazioa lur azpian eginen da.

Bide sistemak galtzadaren gaineko iluminantzia eta uniformetasun hauek izanen ditu, gutxienez:

a) Banatzaile nagusietan edo oinarrizko sarean: 25 lux gutxieneko zerbitzuan. Uniformetasuna (minimoa/maximoa erlazioa): 0,3tik gorakoa.

b) Sareko gainerako bideetan eta eremu libreetan: 20 lux eta 0,3ko uniformetasuna.

Koloreak behar adina bereizteko moduko argia ematen duten lanparak erabiliko dira. Orobat, elementu guztiak (argi-paldoak, luminariak, eroaleak...) Udalak onesten dituen modelo eta kalitateetakoak izanen dira.

Lehendik dauden luminaria eta euskarrien antzekoak erabiliko dira, horiek duela gutxi jarritako argi-sare publikoetakoak baldin badira. Horrela ez bada, Udalak adierazten dituen material motak erabiliko dira.

Nolanahi ere, argiak kontsumo txikikoak izan beharko dira, argia beherantz zuzenduko dute, eta argia sakabanatzea eragotziko dute. Instalazioak fluxu erreduktoreak izanen ditu.

133. artikulua. Argindar hornidurarako baldintza orokorrak.

Urbanizazio proiektuaren barnean argindar banaketaren proiektua eginen da. Proiektu hori bat etorriko da goi eta behe tentsioko erregelamendu elektroteknikoetan xedatutakoarekin.

Transformazio zentroak eta banaketa sareak sistema orokortzat joko dira. Horiek paratzeko lurzoru erreserbak publikoak izanen dira eta ahal dela saihestuko dira jabetza partikularren gaineko zortasunak.

Hiri lurzoruan kokatutako transformazio zentroak haien hiri ingurunearen estetikari egokitu behar zaizkio.

Hiriguneetan, goi eta behe tentsioko banaketa lurpeko lineen bidez eginen da. Lurzoru urbanizaezinean ere instalazioetarako harguneak lurpean egonen dira.

134. artikulua. Telefono sarearen baldintza orokorrak.

Bide sareari jarraituz diseinatuko da edo, bestela, eremu publiko eraikiezinetan barna.

Sarea lurpean jarriko da.

III. TITULUA

Administrazio prozedurari buruzko ordenantza

I. KAPITULUA

Ohar orokorrak

135. artikulua. Xedea.

Ordenantza honen helburua da ondoko administrazio prozeduren araubide juridikoa zehaztea:

a) -Hirigintzari buruzko informazioa eskuratzea.

b) Hirigintzako planeamenduko figuren tramitazioa.

c) Obra eta jarduera lizentzien tramitazioa.

d) Jarduera sailkatuetarako espedienteen tramitazioa.

136. artikulua. Tramitazioaren arau orokorrak.

1. Ordenantza hauetan araututako gaiei buruzko eskabideek interesdunaren edo haren ordezkariaren sinadura eduki behar dute. Interesdunaren izena, deiturak, helbidea eta NANa jarri behar dira. Alkateari zuzenduko zaizkio eta Udaleko Idazkaritzan aurkeztuko dira.

2. Proiektu teknikoarekin batera aurkeztu behar diren eskabideetan, proiektua egin duen fakultatiboaren izena eta helbidea zehaztuko dira, baita obra-zuzendaritzaren ardura duen fakultatiboarena ere, halakorik bada, lanak hasi aurretik hark emandako onarpenarekin batera. Kasu bakoitzean eskumena duen elkargo ofizialak ikus-onetsi beharko du dokumentazio hori.

3. Eraikuntzan erabiliko diren makineria eta instalazio osagarriek Udalaren lizentzia beharko dute eta ordenantzetan ezarritako baldintzak beteko dituzte.

4. Planeamenduko figurei eta horien aldaketei, hirigintza kudeaketako sistemei eta jarduera sailkatuei dagozkien eskabideak, Udalaren eskumenekoak baitira, Udalean tramitatuko dira, ordenantza honetan ezarritako prozedura eta edukien arabera. Gainerako exekuzio-figurei eta lurzatiketei dagozkien eskabideak Kontzejuari aurkeztuko zaizkio eta hark lizentzia eman aurretik Udalari txosten loteslea eskatuko dio, Toki Administrazioari buruzko 6/90 Foru Legearen 39. artikuluan ezarritako eran.

II. KAPITULUA

Hirigintzari buruzko informazioa

137. artikulua. Aurretiazko dokumentazioa eskuratzea.

Udal bulegoetan interesdunen eskura egonen da Udal Plan Orokorraren dokumentazio osoaren ale bat.

Udal Plan Orokorraren edozein dokumenturen kopia eska daiteke.

138. artikulua. Informazio osagarria.

Interesdunek informazio idatzia eska dezakete Udal Plan Orokorrarekin zerikusia duen edozein gairen gainean, hirigintzako jarduketez edo lurzoruaren erabilerari eta eraikuntzari buruzko ordenantzez.

Eskabidea Udaleko erregistroan aurkeztuko da, galdera ongi ulertzeko beharrezkotzat jotzen diren plano eta agiriekin batera.

Kontsulta hilabeteko epean ebatziko da.

Kontsulta horiengatik sortzen diren gastuak eskatzailearen kontura izanen dira.

III. KAPITULUA

Hirigintzako planeamenduko figuren tramitazioa

139. artikulua. Prozedura.

Planeamenduko figurak onesteko prozedura aplikatu beharreko legezko araudian ezarritakoa izanen da.

140. artikulua. Hasiera.

Ekimen pribatuko planak onesteko prozedurari hasiera emateko, Udaleko Erregistroan idazkia aurkeztuko da, planaren tramitazioa eta onespena eskatzen dituena, eta proiektu teknikoa erantsiko zaio.

141. artikulua. Proiektu teknikoa.

Proiektuaren hiru ale aurkeztuko dira, eta beste erakunderen batek txostena eman behar badu, eskatzaileari ale gehiago eskatzen ahalko zaizkio, eskabidea erregelamenduzko epean tramitatu ahal izan dadin.

IV. KAPITULUA

Obra eta jarduera lizentzien tramitazioa

142. artikulua. Lizentzia behar duten egintzak.

Udal mugapean ezin izanen da inolako obrarik hasi, ezta jarraian adierazten diren erabilerak ezarri ere, aurretik Udalaren lizentzia eskuratu gabe.

Besteak beste, egintza hauek beharko dute aurretiazko lizentzia:

1. Mota guztietako eraikuntza eta instalazio obrak, oin berrikoak badira.

2. Lehendik dauden mota guztietako eraikin edo instalazioak handitzeko obrak.

3. Lehendik dauden eraikinen edo instalazioen egitura ukitzen duten obrak, aldatzekoak edo eraberritzekoak.

4. Lehendik dauden mota guztietako eraikin edo instalazioen kanpoko itxura aldatzeko obrak.

5. Eraikinen barneko banaketa aldatzen duten obrak, edozein erabilera emanda ere.

6. Behin-behinekoz egin beharreko obrak.

7. Zerbitzu publikoak paratzeko obrak.

8. Hirigintzako lurzatiketak.

9. Lur mugimenduak, salbu eta lan horiek jadanik onetsita edo baimenduta dagoen eraikuntza edo urbanizazio proiektu baten barrenean badaude.

10. Eraikinen eta instalazioen lehenbiziko erabilera edo okupazioa.

11. Behin-behineko erabilerak.

12. Eraikin edo instalazioen gainean eraikitzeko eskubidearen erabilera.

13. Eraikin eta instalazioen erabileraren aldaketa.

14. Eraikinak botatzea, aurri zorian deklaratuak izan ezik.

15. Lur azpiko instalazioak (aparkalekuak, industria jarduerak, zerbitzu publikoak).

16. Zuhaitz-masa baten barneko zuhaitzak moztea antolamendu plana onetsia duten lurretan.

17. Bide publikotik ikusten diren propaganda-kartelak jartzea.

18. Lurzatietan elementu aurrefabrikatuak instalatzea (etxe aurrefabrikatuak, obretako etxolak, karabanak).

Obrak lizentziarik gabe edo lizentziaren baldintzak bete gabe egiten badira, Udalak berehala etenaraziko ditu egintzak, Hirigintzako Diziplinari buruzko Erregelamenduaren 29. artikuluan xedaturikoa aplikatuz.

143. artikulua. Tramitazioaren arau orokorrak.

Obra lizentziak alkateari zuzendutako idazkiaren bidez eskatuko dira. Eskabideak interesdunaren edo haren ordezkariaren sinadura eduki behar du. Ordezkariak sinatzen badu, haren izena, deitura eta helbidea jarriko dira.

Eskabidearekin batera, agiri hauen hiruna ale aurkeztuko dira:

1. Proiektu teknikoa, legezko gaitasuna duen profesional batek sinatua eta haren lanbide elkargoak ikus-onetsia, obren garrantziak hala eskatzen duenean.

2. "Obra txikiak" teknika errazeko obrak dira, eraikuntzaren nahiz ekonomiaren aldetik garrantzi gutxikoak. Normalean konponketa, dekorazio edo apainketa lanak dira, aurrekontu apalekoak, eta ez dute ukitzen ez eraikuntzaren egitura ez kanpoaldeko itxura.

-Halako obretarako ez da beharrezkoa teknikari eskudunak sinatutako proiektu teknikoa aurkeztea, baina egin beharreko obrak ongi deskribatzen dituzten agiriak aurkeztu behar dira. Gutxienez ere agiri hauek erantsi behar zaizkio eskabideari:

  • Obra guztiak eta erabili beharreko materialak deskribatzen dituen memoria.
  • Kokapen planoa.
  • Oraingo egoeraren eta obren ondoko egoeraren planoa.
  • Obren aurrekontu zehaztua.

Eraikitzeko lizentzia emanez gero, hartzailearen betebeharra izanen da eremu publikoan, espaloi, harri-zola, zoladura, hodi, argi, sail landatu eta gainerako zerbitzu publikoetan obrek eragin ditzaketen kalte guztiak ordaintzea.

144. artikulua. Lizentzia iraungitzea.

Lizentziak emateko prozedura dela-eta, kontuan hartuko da Lurzoru eta etxebizitza gaietan esku hartzeko neurriei buruzko ekainaren 8ko 7/1989 Foru Legean xedatutakoa.

Obra edo jarduera lizentziak iraungitzat joko dira:

1. Lizentzia eman zenetik 6 hilabete iragaten badira obrak edo jarduera hasi gabe.

2. Obrak edo jarduera hasirik, eten eta berriz ere hasi gabe sei hilabete iragaten direnean, non ez duen interesdunak eskatu luzapen bat, baita lortu ere Udalarengandik, eskabidean alegatu behar dituen arrazoiengatik. Kontzesioan finkatutako epea obrak hasi gabe iragaten bada, lizentzia behin betikoz iraungiko da.

3. Obra amaitzeko ezarri zen epea iragaten bada hura amaitu gabe. Egin gabe gelditu den obra zatirako beste lizentzia bat eskatu beharko da.

145. artikulua. Baldintzak.

Eraikitzeko lizentzia eman ahal izateko ezinbesteko baldintzak izanen dira lurzatiak legezko betekizunak betetzea, proiektaturiko eraikina bat etortzea udalerrian indarra duen planeamenduarekin, bertako hirigintza arauekin eta ordenantzekin, eta lagapen, berdinbanaketa eta urbanizazio betebeharrak beteak izatea.

146. artikulua. Obrak egitea.

Baimendutako proiektuari eta lizentziaren baldintzei hertsiki loturik eginen dira obrak.

Legezko eskumena duten teknikariek zuzendu eta ikuskatu behar dituzte obra guztiak, indarra duten xedapenei jarraituz.

Obra zuzendaritza onartzearekin batera, teknikariak bere gain hartzen du udal ordenantzak betetzeko erantzukizuna.

Obrak egiten ari diren bitartean aldaketaren bat egin behar bada, proiektu berria edo jatorrizkoaren aldaketa tramitatu beharko da.

147. artikulua. Obren ikuskapena.

Udalak ikuskatzen ahalko ditu obrak, egiten ari diren bitartean.

Obra bukatutakoan, jabeak Udalari igorri beharko dio bukaeraren jakinarazpena, zuzendaritza fakultatiboaren ziurtagiriekin batera.

Obrak bukatutakoan, aurkeztutako proiektuarekin eta aldaketekin bat datozela egiaztatuko da.

148. artikulua. Lehen erabilerako lizentziak.

Etxebizitza berriak edo eraberritze obra handiak izan dituzten etxebizitzak erabili eta okupatu baino lehen beharrezkoa izanen da lehen erabilerako udal lizentzia eskuratzea.

Lizentzia hori idatziz eskatuko da eta obra amaierako ziurtagiria erantsiko da, obra zuzendu duen teknikari eskudunak sinatua.

Lizentzia hori eman aurretik Udalak egiaztatu behar du eraikuntza edo eraberritze obra, kanpotik egiaztatzen ahal diren hirigintzako baldintza oinarrizkoetan behintzat, bat datorrela obra lizentzia jaso zuen proiektuarekin, eta bete egin direla ordenantzetako eta, kasua bada, urbanizazioko betebeharrak.

Lehen erabilerako lizentzia eman arte, debekaturik dago eraikuntza okupatzea eta enpresa edo erakunde hornitzaileek ezin dute uraren, argindarraren eta berokuntzarako erregaiaren hornidura hasi, ezta kontratua egin ere. Bestela zehapenak eta bidezkoak diren gainerako neurriak ezarriko dira.

149. artikulua. Betearazpen aginduak.

Lurren, ekimen pribatuko urbanizazioen, eraikuntzen eta kartelen jabeek horien segurtasunerako, osasungarritasunerako eta apaintasun publikorako baldintzak bete beharko dituzte.

Udalak edo kasuan kasuko erakunde eskudunak, bai ofizioz bai edozein interesdunen eskariz, aipatu baldintza horiek mantentzeko behar diren obrak egiteko agindua emanen du eta obra horiek egiteko epea zehaztu.

V. KAPITULUA

Aurri egoerak, apeoak eta eraispenak

150. artikulua. Tramitazioa.

Aurri espedienteak ofizioz edo alderdiren batek eskaturik tramitatuko dira, indarra duen legeriari jarraituz.

151. artikulua. Aurri egoeraren deklarazioa.

Eraikuntza baten aurri egoera deklaratu baino lehen, Lurraldearen Antolamenduari eta Hirigintzari buruzko Foru Legearen 226. artikuluan ezarritakoari jarraituz, alde biko espedientea eginen da ofizioz edo interesdunen batek eskaturik. Espedienteko interesdun guztiei entzunen zaie eta azkenean alkateak ebazpena emanen du deklarazio hauetako bat egiteko:

a) Higiezina aurri egoeran dagoela eta eraitsi egin behar dela; arriskurik bada, bizilagunak irtenarazteari buruz bidezkoa dena erabakiko da.

b) Higiezinaren zati bat, eraikuntza aldetik beste zatiari lotuta ez dagoena, aurri egoeran dagoela eta eraitsi egin behar dela.

c) Aurri egoerarik ez dagoela. Halakoetan alkateak segurtasunerako, osasungarritasunerako eta apaintasun publikorako neurriak hartzeko aginduko du, eta helburu horrekin, jabeari aginduko dio ebazpenean bertan zehaztuko diren obrak egin ditzala.

Egoera berdina sortuko da Lurraldearen Antolamenduko eta Ingurumeneko kontseilariak edo alkateak lurzoru urbanizaezinean behar ez diren elementu edo eraikuntzak kentzea erabakitzen dutenean, Lurraldearen Antolamenduari eta Hirigintzari buruzko Foru Legearen 227. artikuluarekin bat.

152. artikulua. Hur-hurreko aurria.

Aurria hur-hurrekoa bada, Alkatetzak eraikineko bizilagunak berehala irtenarazi eta higiezina eraisteko aginduko du, interesdunei aurretik entzun beharrik izan gabe.

Eraikin, eraikuntza edo instalazio baten arrisku edo aurri egoera partziala denean ere, presako neurri egokiak hartzen ahalko dira.

153. artikulua. Aurri egoeran dauden eraikinak eskoratu beharra.

Eraikin bat, eraikuntza bat, muntadura bat edo haien zati bat aurri egoeran dagoenean, jabeak behar diren apeoak eginen ditu, haren egoera ez dadin izan mehatxu etengabea bizilagunen eta pasatzen direnen segurtasunaren kontra.

Jabeak bere kabuz adierazten ez badu, apeoa egin beharra ofizioz deklara dezake Udalak.

Etxebizitza edo lokal baten jabe, okupatzaile edo arduradun orok utzi beharko du apeoa osatzen duten elementuetatik beharrezkoak direnak bertan paratzera, aitzineko artikuluetan arautzen diren tramiteen ondorioz. Eta obra hauek egitearen kontra egiten duen oro Udalaren erabakiak betetzea berandutzeagatik eragiten diren kalteen erantzule izanen da.

154. artikulua. Obra Udalak egitea.

Jabeek uko egiten badiote goiko xedapenen ondorioz Udalak hartutako erabakiak betetzeari, Udalak berak eginen du, eta ordezko betearazpenaren gastuak ordainaraziko ditu, behar izanez gero premiamendu bidetik, fakultatiboen ordainsari ofizialak edo benetan sorrarazitakoak barne.

155. artikulua. Eskoratzeko lizentzia.

Aitzineko artikuluetatik heldu diren betebeharrak ez dira traba izanen kasu bakoitzean apeorako lizentzia eskatzeko.

156. artikulua. Presakotzat jotzen diren eskoratzeak eta obrak.

Obra bateko fakultatibo zuzendariak edo finka baten egoera aztertzeko ardura duenak uste badu apeoak edo bestelako segurtasun neurriak paratzea atzera ezinezko urgentziaz egin behar dela, berehala egiteko agindua eman dezake. Betiere udal agintariei horren berri emanen die, gero lizentzia eskatuko du eta behar diren eskubideak ordainduko ditu.

Obrak berehala hasten ahalko dira larrialdietan, adibidez saneamendu edo ur hodietako buxadura eta hausturen ondorioz ura irteten denean, argindar edo telefono lineak matxuratzen direnean, erlaitzak erori edo zerbait hautsi eta bide publikoko segurtasuna arriskuan dagoenean. Segituan lizentzia eskatu beharko da eta behar diren eskubideak ordaindu, baina betiere Udala jakitun jarri beharko da edozein motatako obren aurretik, nola egiten diren kontrola dezan.

157. artikulua. Finka mugakideetako eskoratzeak.

Eraikin bat eraisteko baimena eskatzean edo obrak egin bitartean alboetako finketan apeoak jarri beharra sortzen bada, horren berri emanen zaie udal agintariei eta apeoen planoak eta memoria aurkeztuko zaizkie, lanen zuzendariak sinatuta. Apeoak jartzearen ondorioz kalterik sortzen bada, erantzulea lanen zuzendaria izanen da. Apeoek bide publikoa okupatu behar badute, horretarako baimena eskatuko da.

158. artikulua. Eraispenak nola egin.

Eraispen lanak lizentzian ezarritako orduetan eginen dira, eta debeku da hondakinak goitik kalera botatzea.

Debeku da lehergaiak erabiltzea kasu berezietan izan ezik, eta halakoetan berariazko baimena beharko da.

Hondakinak behar bezala estalitako ibilgailuetan garraiatuko dira, bidean erori edo hautsa altxa ez dadin. Udalak adierazitako hondakindegietara edo pribatuetara eramanen dira.

VI. KAPITULUA

Jarduera sailkatuetarako espedienteen tramitazioa

159. artikulua. Definizioa.

Determinazio hauek aplikatuko dira jarduera sailkatuaren proiektua tramitatu behar den kasuetan.

160. artikulua. Intsuldatze eta eskualdatzeak.

Jarduera eta lokala eskualdatzen direnean berriz tramitatu beharko da espedientea, jarduera lizentzia jaso zuen instalazioan aldaketarik egiten bada.

161. artikulua. Lekualdaketak.

Jarduerak lekuz aldatzen direnean, instalazio berrirako eskatzen den tramitazio bera egin beharko da.

162. artikulua. Instalazioak handitzea.

Lehendik baimena duten instalazioak handitzeko, udal lizentzia eskuratu beharko da, baimen berria emateko eskatzen diren baldintza bertsuak betez.

Txosten teknikoak ikusirik, eskatzen ahalko da espediente berria egin dadila handitzearen ondoriozko instalazio osorako, behar diren zuzenketa eta prebentzio neurriak eta mugak jasoz.

163. artikulua. Aldaketak lokal eta instalazioetan.

Aurkeztu eta gauzatutako proiektua da jarduera sailkatuetarako lizentziak emateko oinarria eta baldintza. Beraz, lokalean edo instalazioan edozein aldaketa fisiko egin aurretik hori jakinarazi behar da, tramite guztiak berriz egin behar diren edo lehengo lizentzia baliozkotzat eman daitekeen erabakitzeko.

Egin nahi diren aldaketak funtsezkoak badira, edo lizentziaren baldintzak aldaraziko dituztela uste bada, beste espediente bat tramitatzeko aginduko da, dela aldatutako zatiari buruzkoa soilik, dela instalazio osoari buruzkoa, aldatutako zatia bereizterik ez badago.

IV. TITULUA

Jarduera sailkatuei buruzko ordenantzak

I. KAPITULUA

Kontzeptu orokorrak. Kokapenaren araberako mugak

164. artikulua. Azaleren definizioa.

Ezarritako mugei dagokienez, azaleratzat jo behar da jarduera nagusiari zuzenean lotuta dagoena, kanpoan utzita langileen zerbitzurako lokalak, komunak eta are biltegia edo ofizio osagarrietako gunea ere, gune hori erabat banandurik eta bereiz badago eta jardueraren xede nagusia biltegiratzea ez bada. Biltegi horiek, dena den, jarduera osoak bete behar dituen zuzenketa neurri eta muga berberak izanen dituzte.

165. artikulua. Potentziaren definizioa.

Jarduera batean instalatutako guztirako potentzia, ezarritako mugen ondorioetarako, atal mekaniko mugikorrak dituzten makina finko guztien zaldi-potentzien batura da. Ez dira potentziaren kalkulu horretan sartuko aire xurgagailuak, girogailuak eta antzeko instalazio mekanikoak, ez dutelako zerikusirik jardueraren xedearekin eta langile eta bezeroen erosotasunerako baizik ez direlako. Betiere, instalazio horiek instalazio osoari eskatzen zaizkion zuzenketa neurrien mende jartzen ahalko dira.

166. artikulua. Kokapenaren araberako mugak.

Jarduera sailkatuek kokapen mota hauek izan ditzakete:

1) Abeltzaintzako instalazio isolatuak.

2) Lurzoru urbanizaezinean baimentzen ahal diren industria instalazioak.

3) Egiturazko elementuak etxebizitzetatik aparte dituzten industria pabiloiak.

4) Etxebizitza eraikinetako beheko solairuak.

5) Etxebizitzetako sotoak.

Kokaleku jakin batean baimentzen diren jarduerak onartutzat emanen dira zenbaki txikiagoko kokalekuetan ere, 1 eta 2 zenbakietan izan ezik. Ulertu behar da etxebizitzetarainoko distantzia bai lehendik dauden etxebizitzetaraino bai indarra duten planen arabera eraiki daitezkeen etxebizitzetaraino utzi beharreko distantzia dela.

167. artikulua. Abeltzaintzako instalazioak.

Horien erregelamendua hirigintzako araudian deskribatu da.

168. artikulua. Lurzoru urbanizaezinean baimentzen ahal diren industria instalazioak.

Apirilaren 5eko 84/1990 Foru Dekretuak arautzen ditu.

169. artikulua. Egiturazko elementuak etxebizitzetatik aparte dituzten industria pabiloiak.

Ondoko jarduerak kokatzen ahal dira horrelako lekuetan, potentzia eta azalera mugarik gabe:

-Eraikuntzako lan osagarrietako industriak.

  • Harriaren eta marmolaren industriak.
  • Beiraren industriak.

-Industria elektromekanikoak.

  • Lantegi mekanikoak oro har.
  • Lantegi elektrikoak.
  • Forjak, xafla lantegiak eta antzekoak.
  • Galdategiak multzo horretatik kanpo daude.

-Zuraren industria.

  • Zurgintza mekanikoko lantegiak.

-Industria kimikoak.

  • Argazkigintzako laborategiak.
  • Laborategi kimikoak.
  • Farmaziako eta lurringintzako laborategiak.

-Elikagaien industriak.

  • Gizaki eta abereentzako elikagaiak prestatzea abererik hil gabe eta hiltegiko azpiprodukturik erabili gabe.
  • Edari eta likoreak prestatzea.
  • Okindegiko prestalekuak.
  • Gozotegiko eta izozkitegiko prestalekuak.
  • Hestebetegintzako prestalekuak.
  • Urdaiazpiko eta hestebeteen lehortegiak.
  • Kafe txigortegiak.

-Garraio eta komunikazio industriak.

  • Autobus eta kamioientzako garajeak.
  • Ibilgailuak konpontzeko lantegiak.

-Industriako eta nekazaritzako biltegiak.

170. artikulua. Etxebizitza eraikinetako beheko solairuetan edo etxebizitzei atxikitako eraikinetan kokatutako jarduerak.

Ondoko jarduerak kokatzen ahal dira horrelako lekuetan, gehieneko azalera 300 m² eta gehieneko potentzia mekanikoa 15 ZP direlarik.

-Eskulangintzako industriak.

-Industria kimikoak.

  • Argazkigintzako laborategiak eta analisi kimikoak.

-Elikagaien industriak.

  • Etxeko erabilerako jarduera txikiak baizik ez dira onartzen.

-Aisia eta josteta establezimenduak.

  • Taberna, kafetegi, ostatu, sagardotegi eta antzekoak.
  • Gozotegi, txokolategi, txurrotegi eta antzekoak.
  • Jatetxe, erretegi, elkarte gastronomiko eta antzekoak.

-Gorputz hezkuntzako eta borroka arteetako establezimenduak.

  • Gimnasio, sauna eta antzekoak.

171. artikulua. Etxebizitza eraikinetako sotoetan kokatutako jarduerak.

Ondoko jarduerak kokatzen ahalko dira horrelako lekuetan:

-Etxebizitzetarako berokuntzako galdarak.

  • Berokuntza eta ur beroaren sistemako galdarak.

-Turismoentzako garajeak.

  • Ez dute azalera mugarik, baina debekaturik dago kamioiak eta autobusak sartzea.

172. artikulua. Prebentzio arauak eta mugapenak batera aplikatzea.

Ordenantza honek ezartzen dituen prebentzio arauak eta mugak haien jatorri edo kausen arabera sistematizaturik daudela ulertu behar da. Hala, jarduera bati prebentzio arau guztiak edo haietako batzuk aplikatzen ahal zaizkio, haren ezaugarriak kontuan izanik traba, eragozpen, arrisku eta bestelako kalteak sor ditzakeela uste denean.

173. artikulua. Baimen bereziak.

Alkatetzak egoki iritziz gero, baimen bereziak ematen ahalko dira festak, kontzertuak, kultura eta folklore ekitaldiak eta halakoak egiteko.

II. KAPITULUA

Ke eta gasen prebentzioa

174. artikulua. Muga eta baldintza orokorrak.

Udal mugapean ezin izanen da erre industria hondakinik.

Lurrun toxikoak edo usain txarrak sortzen ahal dituzten lanak lokal egokitu edo itxietan eginen dira, lurrunak kanporatu ez daitezen. Kanporatu aurretik araztu eta tximinia egokiaren bidez ateratzea aurreikusiko da.

Jarduerak hautsa sortzen badu, lokalean hautsa biltzeko sistema egonen da, eta kanporatzen den airea araztu eginen da aldez aurretik, materia esekiaren muga onargarriak gainditu ez ditzan.

III. KAPITULUA

Isurketei buruzko arauak

175. artikulua. Muga eta baldintza orokorrak.

Justifikazio egokirik ezean, euri urak hondakin uretatik bereiz hustuko dira. Halaber, ezaugarri bereziak izateagatik aurretiazko tratamendua behar duten hondakin urak gainerakoetatik bereiziko dira.

a) Hiriko hondakin urek bezalako osaera ez duten industriako hondakin urak udal kolektoreetara isurtzen direnean, indarra duen araudian ezarritako mugak gaindituko ez direla justifikatuko da. Behar denean, aurretiazko tratamenduak eta kontrolak proposatuko dira. Emaria edo karga handia baldin bada, aztertu beharko da ea isurketa bateragarria ote den proiektaturiko udal araztegiarekin.

b) Ubide publikora isurtzen denean, arazketa sistema egokia proposatu beharko da, erabateko eraginkortasuna izanen duena.

c) Isurketak ingurunera. Isurketa ingurunera egiten dela esaten da, isurkinak udal kolektorera edo ubide publikora ez, zuzenean ingurunera botatzen direnean. Grabitatez beherantz joan ahala lurrean iragazten dira erabat edo neurri batean, eta normalean ubide publiko bateraino iristen dira.

Kasu honetan, ubide publikoetara zuzenean isurtzeko finkatutako emisio mailak bete behar dira gutxienez.

IV. KAPITULUA

Sute eta leherketei aurrea hartzea

176. artikulua. Aurreneurri teknikoak.

Derrigorrezkoa da eraikinetako suteen kontrako babesari buruzko Eraikuntzaren Kode Teknikoa eta indarra duten gainerako legeak betetzea.

177. artikulua. Udalaren ur horniduraren baldintzak.

Jarduerak suteei aurrea hartzeko behar dituen ur emaria eta presioa hornidura sare orokorretarako aurreikusitakoak baino handiagoak badira, lizentzien eskatzaileek edo titularrek, beren kargura, presio ekipoak jarri eta sarea handituko dute, jarduerari suteen kontra eskatzen zaizkion neurriak betetzeko.

178. artikulua. Mugak.

Oro har, debekaturik daude arrisku bereziki larriak sor ditzaketen industriak.

AZKEN XEDAPENA

1. Ordenantza hauek Atezko udal mugapean aplikatuko dira haietan zehaztutako kapituluetan, betiere Estatuko Administrazioaren eta Foru Komunitatearen indarreko beste xedapen eta araudi batzuei aurka egiten ez badiete.

Iragarkiaren kodea: L1106629