4. PROZEDURA JUDIZIALAK
TUTERAKO LEHEN AUZIALDIKO ETA INSTRUKZIOKO
2. EPAITEGIA
Ezkontza-deuseztasunaren gaineko 572/2009 prozedura
Tuterako Lehen Auzialdiko eta Instrukzioko 2. Epaitegian, 2010eko urtarrilaren 27an.
Aditzera ematen da epaitegi honetan adostasun gabeko ezkontza-deuseztasuneko prozedura bideratzen ari dela eta horren gaineko epaia eman dela. Hona hemen idazpurua eta epaitza, hitzez hitz:
Epaitegia: Tuterako (Nafarroa) Lehen Auzialdiko 2. Epaitegia.
Gaia: Ezkontza-deuseztasunaren gaineko 572/2009 prozedura.
Epaia. Tuteran, 2010eko urtarrilaren 27an.
Nik, Emma Vitoria Marín andreak, Tuterako Lehen Auzialdiko 2. Epaitegiko epaileak, epaitegi honetan bideratzen ari diren ezkontza-deuseztasunaren gaineko 572/2009 autoak aztertu ditut eta ondoren azaltzen den epaia eman dut. Fiskaltzak sustatu du auzia, Efosa Precious Uhunamureren eta Soledad Mendoza Carmonaren aurka (biak auzi-ihesean daude).
Epaitza:
Osorik baiesten dut Fiskaltzak, ezkontza-deuseztasunaren deklarazioa dela-eta, Efosa Precious Uhunamureren eta Soledad Mendoza Carmonaren aurka jarri duen demanda, eta deklaratzen dut 2008ko irailaren 5ean horiek biok Tuteran egin zuten ezkontza deuseza dela. Tuterako Erregistro Zibilean (2. atala, 69. liburukia, 165. orrialdea) egindako ezkontza-inskripzioa zuzendu eta ondoriorik gabe utzi behar da. Kostuei buruz ez dut ezer berezirik erabakitzen.
Jakinaraz bekie ebazpen hau alderdiei eta ohartaraz bekie ez dela irmoa eta bost eguneko epean haren aurkako apelazio-errekurtsoa jartzen ahal dutela epaitegi honi zuzendua. Errekurtsoa Nafarroako Probintzia Auzitegiak ebatziko du.
Beraz, epai honen bidez, hori aldarrikatu eta agintzen dut. Emma Vitoria Marín andrea, Tuterako Lehen Auzialdiko 2. Epaitegiko epailea.
Eta Efosa Precious Uhunamureri jakinarazteko balio izan dezan, gaur egun non den jakiterik ez baitago, honako hau egin eta sinatzen dut.
Tuteran, 2010eko urtarrilaren 27an.-Idazkaria, sinadura ulertezina.
Iragarkiaren kodea: J1002190
