26. ALDIZKARIA - 2010eko otsailaren 26a

4. PROZEDURA JUDIZIALAK

IRUÑEKO LAN ARLOKO 2. EPAITEGIA

Ediktua. 0000105/2009 betearazpena

Aránzazu Ballesteros Pérez de Albéniz andreak, Iruñeko Lan arloko 2. Epaitegiko idazkariak,

Aditzera ematen dut: Jesús Aramburu Nuinek (eta 25 gehiagok) eskaturik, kontratuaren amaiera dela-eta, Ucar Hermanos, S.A. enpresaren aurka lan arloko epaitegi honetan bideratu den 0000105/2009 prozeduran, xedapen zatian hauxe dioen ebazpena eman da gaurko egunean:

Xedapen zatia.

Lehenbizikoa.-Jesús Aramburu Nuinek, Alfredo Armendáriz Jiménezek, Diego Arrechea Arreguik, Ignacio Burguete Plazak, Miguel Burusco Juandeaburrek, Ángel Bustingorri Urtasunek, Julio P Camino Villanuevak, Vicente Jesús Casanova Díazek, Roberto Escalada Gardek, Aritz Gallego Gutiérrezek, Jesús Javier García Arbek, José Francisco González Cristóbalek, Oscar Gracia Somovillak, Fco. Javier Ibáñez Rubiok, Pedro María Lamela Larretak, Jesús María Leyun Goñik, Jose Luis Luri Serranok, Guillermo Martínez de San Vicente Serranok, Pablo Mikelez Echegarayk, Fernando Núñez Otxandorenak, Juan Pastrana Morillasek, Jesús Recalde Armañanzasek, Jorge Ros Arbizuk, Luis Salinas Portillok, José María Samanes Rapunek eta María Paz Ucar Goizuetak eskaturik, Ucar Hermanos, S.A.ren aurkako betearazpena abiarazten da, 1.697.935,13 euroko printzipala ordain dezan, gehi 101.876,10 euro behin-behineko interes gisa eta 169.793,51 euro behin-behineko kostuen ordainean.

Bigarrena.-2009ko ekainaren 4ko autoaren bidez erabakitako aurreneurrizko enbargoa behin betikoa bilakatuko da. Enbargo horren ondorioz guztira 5.229,83 euro ordaindu direnez (2009ko uztailaren 2an 1.719,12 euro; 2009ko uztailaren 9an 383,40 euro; 2009ko uztailaren 9an 70,94 euro eta 2009ko uztailaren 27an 3.056,37 euro Emcon Technologicsen eskutik), erabaki da epaitegiko idazkaritzak 5.229,83 euroko itzulketa-agindua igorriko duela printzipalaren ordainketa partzial gisa. Diru kopuru hori alderdi betearazlearen legelariari emanen zaio ordezkatuen artean bana dezan, bakoitzak duen kredituaren araberako proportzioan; eta 1.692.705,3 euro gelditzen dira ordaintzeko kontzeptu horrengatik.

Hirugarrena.-Betearazpenpeko alderdiari enbargatu eginen zaizkio pertsona fisikoen errentaren gaineko zergaren, balio erantsiaren gaineko zergaren edo beste edozein zergaren itzulketa gisara jasotzekoak dituen diru kopuruak. Erabaki hori eraginkorra izan dadin ofizioa igorriko zaio Nafarroako Gobernuko Zerga Agentziari (Diru-bilketa Zerbitzua, Diru-bilketaren Aplikazioa eta Kontrola).

Laugarrena.-Betearazpenpeko alderdiari errekerimendua egitea ebazpen honen laugarren eta bosgarren arrazoibide juridikoetan agertzen diren betebeharrak eta errekerimenduak bete ditzan, eta ohartaraztea, horiek bete ezean, seigarren arrazoibidean agertzen diren ondorioak izanen direla eta horrek diru bidezko premiamenduak ezartzea ekar dezakeela, 300 eurokoak gehienez, atzeratzen den egun bakoitzeko.

Bosgarrena.-Ebazpen hau eta betearazpena eskatzen duen idazkia Soldatak Bermatzeko Funtsari bidali behar zaizkio.

Jakinaraz bekie ebazpen hau alderdiei.

Aurka egiteko bideak: epaitegi honetan berraztertzeko errekurtsoa aurkeztea, jakinarazpena jaso eta ondoko bost egun balioduneko epean. Errekurtsoa jartze hutsak ez du etenen erabakitakoa bete beharra (Lan Prozedurari buruzko Legearen 184.1 artikulua).

Eta hori proposatzen diot epaileari.

Eta Ucar Hermanos, S.A.ri legezko jakinarazpena egiteko balio izan dezan, non den jakiterik ez baitago, honako hau egiten dut Nafarroako Aldizkari Ofizialean argitara dadin.

Hartzaileari ohartarazten zaio ez dela beste jakinarazpenik eginen, autoenak, epaienak edo epatzeenak izan ezik.

Iruñean, 2010eko otsailaren 3an.-Idazkari judiziala, Aránzazu Ballesteros Pérez de Albéniz.

Iragarkiaren kodea: J1002200