94. ALDIZKARIA - 2006ko abuztuaren 7a

I. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Plantilla Organikoa, Lan Eskaintza Publikoa, oposizioak eta lehiaketak

794/2006 EBAZPENA, 2006ko ekainaren 13koa, Nafarroako Unibertsitate Publikoaren errektoreak emana, Unibertsitateko Funtzionarioen Irakaskidegoetako bi lanpostu sarbide-lehiaketa publikoaren bidez betetzeko deia egiten duena.

Abenduaren 21eko Unibertsitateei buruzko 6/2001 Lege Organikoaren 63. artikuluan, uztailaren 26ko 774/2002 Errege Dekretuaren 14. artikuluan, dekretu horrek arautzen baititu Unibertsitateko Funtzionarioen Irakaskidegoetan sartzeko gaikuntza nazionalaren sistema eta dagozkien sarbide-lehiaketen erregimena, eta Nafarroako Gobernuaren 110/2003 Foru Dekretuak, maiatzaren 12koak, 80. artikuluan eta hurrengoetan, dekretu horrek onesten baititu Nafarroako Unibertsitate Publikoaren Estatutuak, xedatutakoari jarraiki, eta Nafarroako Unibertsitate Publikoaren jarduneko errektoreak uztailaren 13an onetsitako 998/2004 Ebazpenaren bidez onetsitako Nafarroako Unibertsitate Publikoko Unibertsitateko Funtzionarioen Irakaskidegoetako sarbide-lehiaketen Arautegian ezarritakoaren arabera,

Estatutuen 40. artikuluak ematen dizkidan eskumenak erabiliz,

EBATZI DUT:

Lehena._Unibertsitateko Funtzionarioen Irakaskidegoetarako sarbide-lehiaketa publikorako deia egitea.

Bigarrena._Deialdia arautzen duten oinarriak, Ebazpen honekin batera doazenak, onestea.

Hirugarrena._Sortzen den gastua 2006ko ekitaldiko gastu-aurrekontuaren I. Kapituluaren kontu-sailei egotziko zaie.

Laugarrena._Ebazpen hau eta deialdiaren oinarriak Nafarroako ALDIZKARI OFIZIALean eta "Estatuko Aldizkari Ofizialean" argitara daitezen agintzea.

Bosgarrena._Ebazpen honek administrazio bidea agortzen du, Unibertsitateei buruzko abenduaren 21eko 6/2001 Lege Organikoaren 6.4 artikuluak xedatzen duenaren arabera, eta, aukeran, berraztertzeko errekurtsoa aurkez daiteke errektorearen aurrean, edo, bestela, zuzenean administrazioarekiko auzi-errekurtsoa Nafarroako Administrazioarekiko Auzietako Epaitegietan, hilabeteko epean lehenengo kasuan, eta bi hilabeteko epean bigarrenean, biak ere, ebazpena argitaratu eta biharamunetik kontatzen hasita.

DEIALDIAREN OINARRIAK

Lehena._Unibertsitateei buruzko abenduaren 21eko 6/2001 Lege Organikoak, uztailaren 26ko 774/2002 Errege Dekretuak, Nafarroako Unibertsitate Publikoaren Estatutuek eta sarbide-lehiaketetako Arautegiak arautuko dute lehiaketa, eta horiek aurreikusi ez dutena, berriz, Estatuko funtzionario zibilen legeria orokorrak eta 30/1992 Legeak.

Bigarrena._Lehiaketa honetan parte hartzeko, betekizun orokor hauek bete behar dira:

a) Espainiarra izatea. Nolanahi ere, Europar Batasuneko gainerako estaturen bateko herritarrek edo Europar Batasunak izenpetu eta Espainiako estatuak berretsitako nazioarteko itunen arabera, langileen joan-etorri askea aplikatzekoa zaion estaturen bateko herritarrek baldintza berberetan parte hartu ahalko dute.

Halaber, Espainiako eta Europar Batasuneko estatuetako edo Europar Batasunak izenpetu eta Espainiako estatuak berretsitako nazioarteko itunen arabera, langileen joan-etorri askea aplikatzekoa zaion estaturen bateko herritarren ezkontideek parte hartu ahal izango dute, betiere zuzenbidearen arabera bananduta ez badaude, nazionalitatea duenaren ondorengoek eta haren ezkontidearen ondorengoek ere parte hartu ahal izango dute, baldin eta 21 urtetik beherakoak badira edo, adin horretatik gorakoak izanda ere, gurasoen kontura bizi badira.

Europar Batasuneko nazionalitaterik izan ez eta gaikuntza duten atzerritarrek ere parte hartu ahalko dute sarbide-lehiaketan, uztailaren 26ko 774/2002 Errege Dekretuaren 15. artikuluaren 4. atalak aurreikusitako betekizunak betetzen badira.

Hautaprobetan parte hartzeko eskaera aurkeztean, nazionalitatea egiaztatu behar da, bai eta, bidezkoa bada, ahaidetasun-harremana eta gurasoen kontura bizitzea ere, maiatzaren 18ko 543/2001 Errege Dekretuak, langileen joan-etorri askea aplikatzekoa zaion Estaturen bateko herritarrak Estatuko Administrazio Orokorreko eta bere organismo publikoetako enplegu publikora sartzeari buruzkoak, 8. artikuluan aurreikusitakoarekin bat etorriz.

Nazionalitatea eta deialdian eskatutako gainerako betekizunak dagozkien dokumentuen bidez egiaztatuko dira, beren jatorrizko herrialdeko agintari eskumendunek egiaztaturik eta gaztelaniara itzulita.

b) Adina: hamazortzi urte beteak izatea, eta erretiro adina gainditua ez izatea.

c) Diziplinako espedientearen bidez edozein Administrazio Publikotako zerbitzutik bazterturik ez egotea, eta funtzio publikoak garatu ahal izateko ezgaitua ez egotea. Espainiako nazionalitatea ez dutenek egiaztatu egin beharko dute, baita ere, beren Estatuan funtzio publikoan sartzea galarazten dien diziplinako zigorrik edo zigor kondenarik ez dutela.

d) Deialdiaren xede diren lanpostuak betetzea galarazten duen gaixotasunik, muga fisikorik edo psikikorik ez edukitzea.

e) Betekizun orokorrez gain, izangaiek egiaztatu behar dute gaituak daudela dagokion Unibertsitateko Irakaskidegorako eta jakintza arlorako, uztailaren 26ko 774/2002 Errege Dekretuaren 15. artikuluan, eta sarbide-lehiaketetarako Arautegiaren 8.1.d) artikuluan ezarritako aurreikuspenekin bat etorriz

Nafarroako Unibertsitate Publikoan edo beste Unibertsitate batean maila bereko edo handiagoko lanpostuan eta jakintza arlo berean irakasle lanpostua dutenek ez dute sarbide-lehiaketan parte hartzen ahalko, lanpostu horretan gutxienez bi urtez aritu ez badira, uztailaren 26ko 774/2002 Errege Dekretuaren 17.7 artikuluan, eta sarbide-lehiaketetarako Arautegiaren 8.1.e) artikuluan ezarritakoarekin bat etorriz.

Bigarren oinarrian banan-banan aipaturiko betekizunak beteta eduki behar dira eskaerak aurkezteko epea bukatzen denean, eta karrerako funtzionarioaren lanpostuaz jabetu artean eutsi beharko zaie.

Eskaerak

Hirugarrena._Sarbide-lehiaketa honetan parte hartu nahi dutenek 30/1992 Legeak, azaroaren 26koak, Herri Administrazioen Araubideari eta Administrazio Prozedura Erkideari buruzkoak, 38.4 artikuluan ezarritako edozein prozeduraren bidez, 15 egun balioduneko epean, deialdi hau "Estatuko Aldizkari Ofizialean" argitaratzen den egunaren biharamunetik kontatzen hasita, ondoko dokumentu hauek igorriko dizkiote Nafarroako Unibertsitate Publikoaren errektoreari:

a) Behar bezala betetako instantzia, II. Eranskineko ereduaren arabera.

b) Nortasun Agiri Nazionalaren, pasaportearen edo nortasun txartelaren fotokopia.

c) Bigarren eta hirugarren oinarrietan lehiaketa honetan parte hartzeko ezarritako baldintzak betetzen direla egiaztatzen duten egiaztagiriak.

d) Ordaindu beharreko tasa ordaindu dela egiaztatzen duen agiria.

Izangaiek 24 euro ordainduko dizkiote Nafarroako Unibertsitate Publikoari azterketarako eskubide gisa, Nafarroako Foru Erkidegoko Administrazioaren tasei eta prezio publikoei buruzko martxoaren 27ko 07/2001 Foru Legeak ezarritakoarekin bat etorriz. Diru-sarrera edo banku-transferentzia Nafarroako Rural Kutxan egingo da 3008-0001- 18-0700190523 zenbakidun kontu korrontean honako hau adierazirik: "Nafarroako Unibertsitate Publikoa. Irakasle funtzionarioak izateko lehiaketa". Eskubide hauek ez badira ordaintzen eskaerak aurkezteko epean, ez da zuzentzen ahal, eta, beraz, izangaia baztertua izango da.

Lanpostu batera baino gehiagora aurkezten diren izangaiek eskaera bana aurkeztu behar dute lanpostu bakoitzeko, profil, maila, jakintza arlo berekoak diren eta lehiaketa berean sartuta dauden lanpostuk ez badira.

Izangaiak onartzea

Laugarrena._Eskaerak aurkezteko epea bukatu eta gero, errektoreak ebazpena emango du, gehienez 20 egun balioduneko epean, zeinak onartu eta baztertuen zerrenda onetsitzat emango baitu. Ebazpen hori, onartu eta baztertuen zerrenda osoekin batera, eta baztertu izanaren zergatikoekin batera, Administrazio Eraikineko (Arrosadiko campusa s/n) iragarki oholean jarriko da, eta interneteko helbide honetan argitaratuko: http://www.unavarra.es, eta, gainera, izangaiei jakinaraziko zaie eskaeran agertzen den helbidera bidaliz.

Ebazpen horren aurka, interesdunek erreklamazioa aurkeztu ahal izango dute, errektorearen aurrean, hamar eguneko epean, jakinarazpena egin, eta biharamunetik kontatzen hasita, edo, bestela, epe berean, baztertzearen arrazoia zuzentzeko aukera izango dute. Epea amaitu eta gero, baztertzeko arrazoia zuzendu ez duten izangaiak behin betiko baztertuko dituzte lehiaketatik.

Epe hori igaro eta gero, erreklamaziorik aurkeztu gabe, edo aurkeztu direnak ebatzirik, errektoreak ebazpena emango du izangaien zerrendak behin betiko bihurtzen dituena. Zerrenda horiek oinarri honetako 1. paragrafoan ezarritako moduan argitaratu eta jakinaraziko dira.

Batzordeak

Bosgarrena._Sarbide Batzordearen osaera deialdi honetako III. Eranskinean agertzen dena da, zeinaren izendapena errektoreak uztailaren 26ko 774/2002 Errege Dekretuaren 16. artikuluarekin eta Nafarroako Unibertsitate Publikoaren Estatutuen 80. artikuluarekin bat etorriz egin baitu.

Batzordearen eraketari, ordezkapenari eta funtzionamenduari dagokionez, uztailaren 26ko 774/2002 Errege Dekretuaren 6. artikuluan eta sarbide-lehiaketetarako Arautegiaren IV. Kapituluan ezarritakoari jarraituko zaio.

Batzordea gehienez bi hilabeteko epean eratu beharko da deialdia "Estatuko Aldizkari Ofizialean" argitaratzen denetik kontatzen hasita. Horretarako, batzordeburu titularrak, Batzordeko gainerako kideei aurretik kontsultatu eta gero, ebazpen bat emango du, interesdun guztiei jakinaraziko zaiena deia egin zaien egintzaren eguna baino hamabost egun natural lehenago gutxienez, eta deia egingo zaien pertsonak honako hauek izango dira:

a) Batzordeko kide titular guztiak eta, bidezkoa bada, beharrezkoak diren ordezkoak, batzordearen eraketa-egintza burutu ahal izateko. Eraketa-egintzaren eguna, ordua eta tokia jasoko dira jakinarazpenean. Egintza horretan, Batzordeak finkatu eta jendaurrean jarriko ditu lehiaketa balioesteko irizpideak, izangaien aurkezpen ekitaldia baino lehen, eta sarbide-lehiaketetako Arautegiaren VI. Kapituluan ezarritakora egokitu beharko dira.

b) Lehiaketan parte hartzeko onartuta izan diren izangai guztiak, lehiatzaileen aurkezpen-ekitaldia egiteko, berau zer egun, ordu eta tokitan egingo den adieraziko delarik; ondorio hauetarako, batzordearen eraketa-egintza egunetik aurkezpen ekitaldia egiteko ezartzen den egunera arteko epea ez da izango bi egun baliodun baino luzeagoa.

Probak

Seigarrena._Aurkezpen ekitaldian, jendaurrekoa izango baita, lehiatzaileek ondoko dokumentazioa aurkeztuko diote Batzordeko buruari:

a) Izangaiaren curriculum vitae delakoa, hiru aletan, eta curriculumean adierazitako argitalpenen ale bat eta datuen egiaztagiriak.

b) Lehiatzen den lanpostua esleituz gero, izangaiak garatuko lukeen irakaskuntza eta ikerketa-proiektua, hiru aletan. Unibertsitate Eskolako irakasle titular lanpostuen lehiaketetan ez dago ikerketa-proiekturik aurkeztu beharrik, eta Unibertsitateko katedradun lanpostuetan ez dago irakaskuntza-proiekturik aurkeztu beharrik.

Aurkezpen ekitaldian finkatuko da, zozketaren bidez, izangaiak zein hurrenkeratan arituko diren, bai eta proba hasteko tokia, eguna eta ordua ezarri ere, eta Batzordeak inguruabar horren berri emango du. Era berean, izangaiek gainontzeko izangaiek aurkezturiko dokumentazioa aztertzeko izango duten epea ezarriko da. Proba hamar eguneko epean hasiko da, aurkezpen ekitaldia egiten den egunaren biharamunetik kontatzen hasita.

Zazpigarrena._Proba bakarrak osatuko du sarbide-lehiaketa eta jendaurrekoa izango da. Proban, Batzordeak eta izangai bakoitzak eztabaida egingo dute bere lanbide, ikasketa, irakaskuntza eta ikerketa historian alegatutako merezimenduei buruz, bai eta lehiaketaren xede den lanpostuan eskatzen diren irakaskuntza eta ikerketa proiektuei buruz ere, gehienez ere bi orduz. Batzordeak aurkezpen-ekitaldian zehaztuko du proba hori.

Proba amaitu eta gero, Batzordeak eztabaida hasiko du. Batzordeko kide bakoitzak banan-banan balioetsiko du izangai bakoitza. Balioespen hori arrazoitua izango da eta puntu-esleipenarekin, Batzordeak aurretik ezarritako irizpideetara egokitua, eta oinarri honetako lehen atalean aipaturiko merezimenduak ere balioetsiko dira.

Zortzigarrena._Batzordeak zazpi egun balioduneko epean, proba amaitzen denetik kontatzen hasita, errektoreari proposatuko dio, arrazoiak emanez eta izaera loteslearekin, gutxieneko puntuazioa erdietsi duten izangaien zerrenda, lehentasun ordenaren arabera sailkatuta. Proposamena Administrazio Eraikineko iragarki oholean argitaratuko da.

Proposamenarekin batera, Batzordeko idazkariak, Batzordearen jarduera amaitu eta hurrengo zazpi egun baliodunetan, aurkeztu behar du Unibertsitateko Idazkaritza Nagusian lehiaketaren administrazio-espedientea, Batzordearen jarduerari buruzko dokumentazio guztia agertuko duena, bai eta izangai bakoitzak aurkezturiko dokumentazioaren ale bat ere, sarbide-lehiaketei buruzko Arautegiaren 14.1 artikuluan ezarritako moduan, zeina lehiaketaren prozesua amaitu eta irmo bihurtzen denean itzuli egingo baitzaie hala eskatzen badute. Beste sei hilabete igaro eta gero, interesdunak dokumentazio hori jaso gabe jarraitzen badu, Unibertsitateak dokumentazioa suntsitzeko agindu ahalko du.

Erreklamazio Batzordeak

Bederatzigarrena._Izangaiek erreklamazioa aurkezten ahal dute Batzordearen proposamenaren aurka errektorearen aurrean gehienez ere hamar eguneko epean. Erreklamazioa tramitatzeko onartuz gero, izendapen guztiak etengo dira behin betiko ebazpena eman arte.

Uztailaren 26ko 774/2002 Errege Dekretuaren 18. artikuluak eta sarbide-lehiaketetako Arautegiaren VII. Kapituluak aurreikusitako Erreklamazio Batzordeak balioetsiko du erreklamazioa. Erreklamazio Batzordeak berretsiko du, edo ez, erreklamaturiko proposamena, jaso eta hiru hilabeteko epean, gehienez ere.

Erreklamazio Batzordeak ez badu erreklamaturiko proposamena berresten, akatsa egin zen uneraino itzuliko da atzera espedientea, eta lehiaketako Batzordeak beste proposamen bat egin beharko du.

Erreklamazio Batzordearen ebazpenak onesteko, gutxienez aldeko lau boto behar dira, eta Batzordearen kideek ez dute kalitatezko botorik izango edozein kasutan. Erreklamazio Batzordearen erabakia arrazoitua izango da, eta aurkako botoak jasoko dira, bidezkoa bada.

Hiru hilabeteko epean ez bada berariazko ebazpenik ematen, erreklamazioa ezetsi egin dela ulertuko da.

Erreklamazio Batzordearen ebazpenak lotesleak dira errektorearentzat. Errektorearen ebazpenek administrazio-bidea agortzen dute.

Proposamena eta izendapena

Hamargarrena._Unibertsitatearen Erregistro Orokorrean, Batzordeak jarduera amaitu eta hurrengo hogei egun balioduneko epean, eta Herri Administrazioen Araubide Juridikoari eta Administrazio Prozedura Erkideari buruzko 30/92 Legearen 38.4 artikuluan ezarritako edozein bitarteko erabiliz, lanpostua betetzeko proposatutako izangaiak honako dokumentu hauek aurkeztuko ditu:

a) Nortasun Agiri Nazionalaren edo agiri baliokidearen fotokopia konpultsatua, Espainiako nazionalitatea ez badu.

b) Mediku ziurtagiri ofiziala Unibertsitateko irakaslearen lanpostuko eginkizunetan aritzea galarazten dion eritasun nahiz akats fisiko edo psikikorik ez duela adierazten duena.

c) Zinpeko aitorpena edo hitzematea, adierazteko lehiakidea ez dagoela bereizita diziplina espedientearen bidez inongo administrazio publikotatik eta ez dagoela ezgaitua eginkizun publikoak betetzeko. Nolanahi ere, Europar Batasuneko gainerako estaturen bateko herritarrek edo Europar Batasunak izenpetu eta Espainiako estatuak berretsitako nazioarteko itunen arabera, langileen joan-etorri askea aplikatzekoa zaion estaturen bateko herritarrek egiaztatu egin beharko dute, maiatzaren 18ko 543/2001 Errege Dekretuaren 7.2 artikuluak ezarritakoarekin bat etorriz, ez dutela bere Estatuan funtzio publikora sartzea galarazten dien diziplina-zigorrik edo kondena penalik.

d) Bateraezintasunik ez daukala adierazten duen aitorpena jarduera publikoren bat betetzen edo pentsioren bat jasotzen ari bada.

e) Uztailaren 26ko 774/2002 Errege Dekretuaren 5. artikuluak aipatzen dituen baldintzak betetzen dituela egiaztatzen duen dokumentua.

Karrerako funtzionarioak diren espainiarrek ez dituzte a), b) eta c) ataletako dokumentuak eta baldintzak justifikatu behar, eta funtzionarioak direla eta beren Zerbitzu orrian agertzen diren inguruabarrak egiaztatzen dituen Ministerioaren edo Organismoaren egiaztagiria aurkeztu behar dute.

Hamaikagarrena._Nafarroako Unibertsitate Publikoaren errektoreak izendatuko du izangaia karrerako irakasle funtzionario, izangaiak aurreko oinarrian ezarritako baldintzak eta epeak bete eta gero.

Proposaturiko izangaiak eskatutako dokumentazioa aurkezten ez badu, Unibertsitatearen errektoreak funtzionario izendatuko du Batzordearen proposamenean ezarritako lehentasun-ordenan hurrengo postuan agertzen den lehiatzailea.

Izendapenak zehaztuko du lanpostuaren izena: Kidegoa, Jakintza Arloa eta Saila, bai eta lanpostuaren kodea Langileen Lanpostu Zerrendan. Izendapena Langileen Erregistro Nagusiari jakinaraziko zaio, Langileen Erregistro zenbakia emateko eta dagokien kidegoan inskripzioa egiteko, eta Unibertsitate Koordinaziorako Kontseiluaren Idazkaritza Nagusiari ere bai. Izendapena "Estatuko Aldizkari Ofizialean" eta Nafarroako ALDIZKARI OFIZIALean argitaratuko da.

Gehienez ere 20 eguneko epean, izendapena "Estatuko Aldizkari Ofizialean" argitaratzen den egunaren biharamunetik kontatzen hasita, proposaturiko izangaiak destinoaren jabetza hartu behar du, une horretan eskuratuko duelarik dagokion unibertsitateko irakaskidegoko funtzionarioaren izaera, dagozkion eskubide eta betebeharrekin.

Azken araua

Hamabigarrena._Lehiaketa burutu artean, arauak aplikatzean sortzen diren zalantzak Batzordeak erabakiko ditu, bai eta arau horietan aurreikusi gabeko kasuetan jarraitu behar den bidea zein den ere. Batzordearen jarduera Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legera egokituko da beti.

Ebazpen honek administrazio-bidea agortzen du, eta bere aurka administrazioarekiko auzi-errekurtsoa jar daiteke Nafarroako administrazioarekiko auzien epaitegian, bi hilabeteko epean, argitaratzen den egunaren biharamunetik kontatzen hasita.

Nahi izanez gero, berraztertzeko errekurtsoa aurkeztu ahalko da Nafarroako Unibertsitate Publikoaren Errektoretzaren aurrean, hilabeteko epean argitaratzen den egunaren biharamunetik kontatzen hasita. Kasu honetan, ez da aurkezten ahalko lehen aipaturiko administrazioarekiko auzi-errekurtsoa, berariaz erabaki artean edo berraztertzeko errekurtsoa presuntzioz ezetsi artean.

Era berean, deialdi honetatik eta Batzordearen jardueratik eratorritako egintzen aurkako errekurtsoak aurkeztu ahalko dira azaroaren 26ko Herri Administrazioen Araubide Juridikoari eta Administrazio Prozedura Erkideari buruzko 30/1992 Legeak aurreikusitako kasu eta forman.

Iruñean, 2006ko ekainaren 13an._Errektorea, Pedro Burillo López.

I. ERANSKINA

Unibertsitateko katedradunak

Lanpostu-zenbakia.: 3346. Lanpostu-kopurua: bat. Jakintza arloa: Teknologia Elektronikoa. Saila: Ingeniaritza Elektriko eta Elektronikoa. Irakaskuntza jarduera: Elektronika Digitala eta Komunikazio Optikoak. Ikerketa jarduera: Nafarroako Unibertsitate Publikoan Teknologia Elektronikoa arloko ikerketari dagokiona.

Unibertsitateko Irakasle Titularrak

Lanpostu-zenbakia.: 3236. Lanpostu-kopurua: Bat. Jakintza arloa: Ingeniaritza Telematikoa. Saila: Automatika eta Konputazioa. Irakaskuntza jarduera: Nafarroako Unibertsitate Publikoan jakintza arloari atxikitako irakaskuntzatik eratorritakoa. Ikerketa jarduera: Arloaren ikerketa-profiletara edo Unibertsitatearen ildo estrategikoetara egokitzea.

II. ERANSKINA

Jaun agurgarri hori:

Unibertsitate horren Unibertsitateko Irakaskidegoetako lanpostuak sarbide-lehiaketaren bidez betetzeko deia egin denez, lanpostu horiek betetzeko izangai onartzea eskatzen dut.

I._Sarbide lehiaketaren bidez betetzeko deitutako lanpostuaren datuak.

Lehiaketa-zenbakia:

Irakaskidegoa:

Jakintza arloa:

Saila:

Egingo den irakaskuntza eta ikerketa-jarduera

Deialdiaren eguna: E.A.O.

II._Datu pertsonalak.

Lehen deitura Bigarren deitura Izena

Jaioteguna Jaioterria Jaiotzako probintzia IFZ

Helbidea/Jakinarazpenak egiteko tokia Telefonoa

Herria Posta kodea Probintzia

Karrerako funtzionarioa izatekotan:

Jardunean f

Egoera

Eszedentzian f Zerbitzu Berezietan f Beste egoera batzuk f

Datu akademikoak (betekizun akademikoak egiaztatzen dituen dokumentazioa erantsi behar zaio eskaera honi).

Unibertsitateko Katedra baterako sarbide-lehiaketa.

f Unibertsitateko Katedraduna f Unibertsitateko titularra edo Unibertsitate

Eskolako katedraduna (hiru urteko antzinatasuna

deialdiko ebazpen honen aurretik)

Lanpostuaz jabetu zen eguna Unibertsitatea

Abenduaren 21eko 6/2001 Lege Organikoaren 60. artikuluaren bigarren paragrafoari heltzen dio: Doktorea izatea Unibertsitate Koordinaziorako Kontseiluaren berariazko salbuespenarekin ............................... ko E.A.O.n argitaratua Ebazpenaren eguna

f Gaikuntza

Kidegoa Koordinaziorako Kontseiluaren ebazpenaren eguna E.A.O

Unibertsitateko Katedra baterako sarbide-lehiaketa

f doktore titulua. Luzatze-eguna

f lizentziadun titulua. Unibertsitatea

f Gaikuntza

Kidegoa Koordinaziorako Kontseiluaren ebazpenaren eguna E.A.O

Unibertsitate Eskolako Katedra baterako sarbide-lehiaketa

f doktore titulua. Luzatze-eguna

f lizentziadun titulua. Unibertsitatea

f Gaikuntza

Kidegoa Koordinaziorako Kontseiluaren ebazpenaren eguna E.A.O

Unibertsitate Eskolako Katedra baterako sarbide-lehiaketa.

f lizentziadun titulua. Luzatze-eguna

f Arkitekto titulua, luzatze-eguna

f Goi Mailako ingeniari titulua, luzatze-eguna

Unibertsitate Koordinaziorako Kontseiluak erabaki badu jakintza arlo horretarako nahikoa dela titulazio txikiagoa:

f diplomadun titulua. Luzatze-eguna

f Arkitekto tekniko titulua, luzatze-eguna

f Ingeniari tekniko titulua, luzatze-eguna

f Gaikuntza

Kidegoa Koordinaziorako Kontseiluaren ebazpenaren eguna E.A.O

Eskubideak eta tasak ordaindu diren eguna:

Ordainketa Nafarroako Rural Kutxan

Eskaera honek aipatzen duen deialdian onartua izatea eskatzen dut eta bertan agertzen diren datu guztiak egiazkoak direla adierazten dut, baita deialdian eskatzen diren betekizun guztiak eta funtzio publikoan sartzeko beharrezkoak diren guztiak betetzen ditudala ere, eta hori guztia egiaztatuko dut eskatzen zaidanean.

Norberaren Datuak Babesteko abenduaren 13ko Lege Organikoaren 5. artikuluak ezarritakoarekin bat etorriz, formulario honetan idazten dituzun datu pertsonalak "Giza Baliabideetako Informazio Sistema" izeneko fitxategian jasoko dira, zeina ekainaren 29ko 731/2005 Ebazpenaren bidez sortu baitzen (100 zenbakidun N.A.O., 2005eko abuztuaren 22koa). Fitxategi horren helburua da bai Langileen Kudeaketa, bai berorien hautaketa-prozesuak kudeatzea ere aipaturiko ebazpenak ezarritako moduan.

Sarbide, zuzenketa eta deuseztatze-eskubideak erabili ahal izango dituzu Nafarroako Unibertsitate Publikoaren Erregistro Orokorrean aurkezturiko eskaeraren bidez, Unibertsitatearen kudeatzaile jaunari idazkia bidalita.

....................................., ........... (n), (e)ko aren (e)(a)n

(Sinadura)

NAFARROAKO UNIBERTSITATE PUBLIKOKO ERREKTORE JAUN TXIT PRESTUA.

III. ERANSKINA

BATZORDEAREN OSAERA

Unibertsitateko katedradunak

Lanpostu-zenbakia: 3346. Lanpostu-kopurua: Bat. Jakintza arloa: Teknologia Elektronikoa. Saila: Ingeniaritza Elektriko eta Elektronikoa. Irakaskuntza jarduera: Elektronika Digitala eta Komunikazio Optikoak. Ikerketa jarduera: Nafarroako Unibertsitate Publikoan Teknologia Elektronikoa arloko ikerketari dagokiona.

Batzorde titularra:

Epaimahaiburua: Manuel López-Amo Sáinz dk. jn. Nafarroako Unibertsitate Publikoko Unibertsitateko katedraduna.

Batzordekide idazkaria: José Miguel López Higuera dk. jn. Unibertsitateko katedraduna Kantabriako Unibertsitatean.

Batzordekidea: Manuel Rico Secades dk. jn. Unibertsitateko katedraduna Oviedoko Unibertsitatean.

Ordezko batzordea:

Batzordeburua: Salvador Martínez García dk. jn. Unibertsitateko katedraduna, Urrutiko Hezkuntzarako Unibertsitate Nazionaleko Unibertsitatean.

Batzordekide idazkaria: Francisco Labrador Encinas dk. jn. Unibertsitateko katedraduna, Madrilgo Unibertsitate Politeknikoan.

Batzordekidea: José Antonio Martín Pereda dk. jn. Unibertsitateko katedraduna, Madrilgo Unibertsitate Politeknikoan.

Unibertsitateko Irakasle Titularrak

Lanpostu-zenbakia.: 3236. Lanpostu-kopurua: Bat. Jakintza arloa: Ingeniaritza Telematikoa. Saila: Automatika eta Konputazioa. Irakaskuntza jarduera: Nafarroako Unibertsitate Publikoan jakintza arloari atxikitako irakaskuntzatik eratorritakoa. Ikerketa jarduera: Arloaren ikerketa-profiletara edo Unibertsitatearen ildo estrategikoetara egokitzea.

Batzorde titularra:

Epaimahaiburua: Carlos Sáenz Gamasa dk. jn., unibertsitateko katedraduna Madrilgo Unibertsitate Politeknikoan.

Batzordekide idazkaria: Javier Aracil Rico dk. jn., unibertsitateko katedraduna Madrilgo Unibertsitate Autonomoan.

Batzordekidea Luis Alejandro Guijarro Coloma dk. jn., unibertsitateko katedraduna, Valentziako Unibertsitate Politeknikoan.

Ordezko batzordea:

Batzordeburua: Sebastián Sallent Ribes dk. jn., unibertsitateko katedraduna, Kataluniako Unibertsitate Politeknikoan.

Batzordekide idazkaria Vicente Casares Giner dk. jn., unibertsitateko katedraduna, Valentziako Unibertsitate Politeknikoan.

Batzordekidea Jorge Martínez Bausset dk. jn., unibertsitateko katedraduna, Valentziako Unibertsitate Politeknikoan.

Iragarkiaren kodea: F0611583