I. NAFARROAKO FORU KOMUNITATEA
1.3. BESTELAKO XEDAPENAK
1.3.4. Dirulaguntzak eta bekak
2925/2006 EBAZPENA, urriaren 18koa, Nafarroako Enplegu Zerbitzuko zuzendari kudeatzaileak emana, "Lantegi-eskolak eta lanbide-etxeak, sustapen eta garapen unitateak eta enplegu-lantegiak" programetako laguntzak emateko deialdia onesten duena. Laguntza horiek aurreikusirik daude lantegi-eskolen, lanbide-etxeen eta Sustapen eta Garapen unitateen programa arautu eta programa horiei dirulaguntza publikoak emateko arauak ezartzen dituen Lan eta Gizarte Gaietako Ministerioaren 2001eko azaroaren 14ko Aginduan, eta Enplegu-lantegien programari dirulaguntza publikoak emateko arauak ezartzen dituen otsailaren 22ko 282/1999 Errege Dekretua garatzen duen Lan eta Gizarte Gaietako Ministerioaren 2001eko azaroaren 14ko Aginduan.
Martxoaren 21eko TAS/816/2005 Aginduak Dirulaguntzei buruzko azaroaren 17ko 38/2003 Lege Orokorrean ezarritako araubide juridikoa egokitzen du Estatuko Enplegu Zerbitzu Publikoak enpleguaren eta lanbide prestakuntzaren arloetan ematen dituen dirulaguntzen gaineko arauetara; horien artean daude lantegi-eskolen eta lanbide-etxeen, sustapen eta garapen unitateen eta enplegu-lantegien programetarako laguntzak, aurreikusirik daudenak lantegi-eskolen, lanbide-etxeen eta sustapen eta garapen unitateen programa arautu eta programa horiei dirulaguntza publikoak emateko arauak ezartzen dituen Lan eta Gizarte Gaietako Ministerioaren 2001eko azaroaren 14ko Aginduan eta Enplegu-lantegien programari dirulaguntza publikoak emateko arauak ezartzen dituen otsailaren 22ko 282/1999 Errege Dekretua garatzen duen Lan eta Gizarte Gaietako Ministerioaren 2001eko azaroaren 14ko Aginduan. Egokitzapen horren funtsa da dirulaguntzak emateko prozedura lehia izanen dela ezartzea eta haren irizpideak finkatzea.
Martxoaren 21eko TAS/816/2005 Aginduko bigarren xedapen gehigarriak xedatzen du Estatuko Enplegurako Zerbitzu Publikoak lanaren, enpleguaren eta prestakuntzaren arloetan dituen eginkizunen kudeaketa beren gain hartu duten autonomia erkidegoek agindu hartan xedatua beren antolamenduaren berezitasunetara eta beren lurraldean aplikatzekoa den arautegira egokituko dutela.
2001eko azaroaren 14ko aginduetan araututako laguntzen kudeaketa Nafarroako Foru Komunitateari eskualdatu zitzaion maiatzaren 14ko 811/1999 Errege Dekretuaren bidez, eta Nafarroako Enplegu Zerbitzuari atxiki urriaren 4ko 501/1999 Foru Dekretuaren bidez. Laguntza horien 100eko 40 Europako Gizarte Funtsak finantzatzen du.
Dirulaguntzei buruzko azaroaren 9ko 11/2005 Foru Legeak dirulaguntzak emateko ohiko prozedura lehia irekiaren bidez tramitatuko dela xedatzen du eta 14. artikuluan dirulaguntzak emateko arauen gutxieneko edukia zehazten du.
Aurreko guztia ikusirik, Nafarroako Enplegu Zerbitzuak beharrezkotzat jotzen du onestea, Lan eta Gizarte Gaietako Ministerioaren 2001eko azaroaren 14ko foru agindu horietan aurreikusitako laguntzen deialdia Nafarroako Foru Komunitatearen esparruan eta, halatan, lehen aipatutako martxoaren 21eko TAS/816/2005 Aginduan eta 11/2005 Foru Legean oro har ezarritako lehia irizpideak garatuko dira eta arauok egokituko dira Nafarroako Foru Komunitateko antolaketa esparrura.
Azaldutakoarekin bat, Zuzendaritza Kontseiluak aldeko txostena eman ondoren eta Nafarroako Enplegu Zerbitzuaren estatutuek, apirilaren 29ko 148/1998 Foru Dekretuaren bidez onetsitakoek emandako eskumenez baliatuz,
EBATZI DUT:
1. Onestea "Lantegi-eskolak eta lanbide-etxeak, sustapen eta garapen unitateak eta enplegu-lantegiak" programetako laguntzak emateko deialdia. Programa horiek aurreikusirik daude lantegi-eskolen, lanbide-etxeen eta sustapen eta garapen unitateen programa arautu eta programa horiei dirulaguntza publikoak emateko arauak ezartzen dituen Lan eta Gizarte Gaietako Ministerioaren 2001eko azaroaren 14ko Aginduan, eta Enplegu-lantegien programari dirulaguntza publikoak emateko arauak ezartzen dituen otsailaren 22ko 282/1999 Errege Dekretua garatzen duen Lan eta Gizarte Gaietako Ministerioaren 2001eko azaroaren 14ko Aginduan.
2. Deialdiko arauak onestea. Arau horiek ebazpen honen eranskinean ageri dira.
3. Urte bakoitzerako gastua baimentzea, aurrekontuetako "Lantegi-eskola, lanbide-etxe eta enplegu-lantegietarako programa. Europako Gizarte Funtsa" izeneko kontusailetik edo antzekotik, aurrekontuetan behar adina diru badago.
4. Ebazpen hau eta bere eranskina Nafarroako ALDIZKARI OFIZIALean argitaratzea.
Iruñean, 2006ko urriaren 18an._Nafarroako Enplegu Zerbitzuko zuzendari kudeatzailea, Susana Labiano Bastero.
ERANSKINA
Deialdiaren arauak
1._Xedea eta eremua.
Deialdi honen xedea da Nafarroako Foru Komunitatean ezartzea "Lantegi-eskolak eta lanbide-etxeak, Sustapen eta Garapen unitateak eta enplegu-lantegiak" programetako laguntzak emateko araubidea. Programa horiek aurreikusirik daude lantegi-eskolen, lanbide-etxeen eta sustapen eta garapen unitateen programa arautu eta programa horiei dirulaguntza publikoak emateko arauak ezartzen dituen Lan eta Gizarte Gaietako Ministerioaren 2001eko azaroaren 14ko Aginduan, eta Enplegu-lantegien programari dirulaguntza publikoak emateko arauak ezartzen dituen otsailaren 22ko 282/1999 Errege Dekretua garatzen duen Lan eta Gizarte Gaietako Ministerioaren 2001eko azaroaren 14ko Aginduan.
Dirulaguntzaren xede diren programak Nafarroako lurraldean gauzatu beharko dira.
2._Eskabideak aurkezteko epea eta aurrekontua.
Deialdi honen xede diren laguntzen eskabideak proiektuak hasi baino lehenagoko azaroan aurkeztu beharko dira.
Proiektu horiek garatzeko gehieneko aurrekontu bat izanen da, Nafarroako Gobernuaren aurrekontuetan urte bakoitzean "Lantegi-eskola, lanbide-etxe eta enplegu-lantegietarako programa" kudeatzeko erabiltzen den kontusailekoa izanen dena.
Salbuespen gisa, beste epe bat irekitzen ahalko da eskabideak aurkezteko, azaroko deialdian aurkezturiko eskabideen gainean ebatzi ondoren aurrekontuetako kontusail hartako dirua agortu ezik. Aparteko deialdi horiek, gertatzen diren urteetan, Nafarroako ALDIZKARI OFIZIALean argitaratuko dira.
3._Prozedura antolatu eta instruitzeko eskumena duen organoa.
Deialdi honen xede diren dirulaguntzak emateko organo instruktorea Nafarroako Enplegu Zerbitzuko Enplegua Sustatzeko Zerbitzuko Lan-mundura Sartzeko Atala izanen da.
4._Balorazio Batzordea:
Organo kolegiatu bat osatzen da, eskabideak ebaluatuko dituena. Haren irizpena lotzailea izanen da. Organo instruktoreak, ebaluazioa ikusirik, ebazpen proposamena aurkeztuko du.
Deialdi honetan aurkeztutako eskabideen Balorazio Batzordeko kideak hauexek izanen dira:
Mahaiburua:
Enplegua Sustatzeko Zerbitzuko zuzendaria.
Mahaikidea:
Lan-mundura Sartzeko Ataleko burua.
Idazkaria:
Eskola eta Lantegien Bulegoko burua.
5._Dirulaguntzak emateko prozedura.
Dirulaguntzak emateko prozedura lehia bidez tramitatuko da.
Aurkeztutako proiektuek arau horietan zehaztutako baldintzak betetzen dituztela egiaztatu ondoren, Balorazio Batzordeak aztertuko ditu aurkeztutako proiektuak, balorazio irizpide hauek kontuan harturik:
a) Lantegi-eskola, lanbide-etxe eta enplegu-lantegien proiektuetarako:
1. Garatu beharreko proiektuaren lurralde esparruan dauden hogeita bost urtez beherako langabeen kopurua, lantegi-eskola eta lanbide-etxeen kasuan, edo hogeita bost urtekoena nahiz gorakoena, enplegu-lantegien kasuan. 10 puntu bitarte, eskabide honekin bat:
_3 langabe postuko: puntu bat.
_4 langabe postuko: 2 puntu.
_5 langabe postuko: 3 puntu.
_6 langabe postuko: 4 puntu.
_7 langabe postuko: 5 puntu.
_8 langabe postuko: 6 puntu.
_9 langabe postuko: 7 puntu.
_10 langabe postuko: 8 puntu.
_11 langabe postuko: 9 puntu.
_12 langabe postuko edo gehiago: 10 puntu.
2. Parte-hartzaileen enplegu aukerak, garatu beharrekoa. gehienez 20 puntu.
_%10eko enplegu aukerak: 2 puntu.
_%20: 4 puntu.
_%30: 6 puntu.
_%40: 8 puntu.
_%50: 10 puntu.
_%60: 12 puntu.
_%70: 14 puntu.
_%80: 16 puntu.
_%90: 18 puntu.
_%100: 20 puntu.
3. Proiektuaren egokitasuna Enplegurako Ekintza planetan eta zehazki 2005-2007 urteetarako Nafarroako Enplegu Planean, Europako Enpleguaren arloko jarraibideekin eta Europako Enplegu Estrategiaren barruan, lehentasunezkotzat hartutako taldeen partaidetzari begira: gehienez 10 puntu.
Lantegi-eskolak
Partaidetza:
_Emakumezkoak: 2,5 puntu.
_Etorkinak: 2,5 puntu.
_Gazteak: 2,5 puntu.
_Ezinduak: 2,5 puntu.
Enplegu-lantegiak
Partaidetza:
_Emakumezkoak: 3,33 puntu.
_Etorkinak: 3,33 puntu.
_Ezinduak: 3,33 puntu.
4. Proiektuaren izaera berritzailea, aintzat harturik enplegu-sorgune berriak sortzen izan dezakeen eragina: gehienez 10 puntu. Kontuan hartuko da bereziki honakoetan den eragina:
_Erabilera kolektiboko zerbitzuak (ondare artistiko, historiko, kultural nahiz naturala birgaitzea, gune publikoen eta hiri espazioen errebalorizazioa, hondakinen kudeaketa, uren kudeaketa, eremu naturalen babesa eta mantentzea eta energiaren kontrolari zuzen nahiz zeharka eragiten diotenak).
_Aisia eta kultur zerbitzuak (turismoaren sustapena, tokiko garapen kulturala).
_Egunerako banakako zerbitzuak (haurtzaintza, ezgaitu eta zaharrendako etxez etxeko zerbitzuak, zailtasunak dituzten eta gizarteak bazterturik dauzkan gazteendako laguntza).
_Nafarroako lan esparruan asko eskatzen diren garai bateko lanbideak berreskuratzea.
Balorazioa honelaxe eginen da:
_Erabilera kolektiboko zerbitzuak: 2,5 puntu.
_Aisialdi eta kultura zerbitzuak: 2,5 puntu.
_Banakako zerbitzuak: 2,5 puntu.
_Lanbide zaharrak berreskuratzea: 2,5 puntu.
5. Prestakuntza planaren kalitatea eta proposatutako espezialitateen eta lan merkatuan gehien eskaintzen diren zereginen arteko bat etortzea: gehienez 10 puntu. Puntuazioa kontu hauek baloratuz lortuko da:
_Prestakuntza planaren kalitatea: 5 puntu.
_Espezialitatearen eta gehien eskaintzen diren lanbideen arteko erlazioa: 5 puntu.
Kalitatea espezialitate bakoitzeko prestakuntza planaren eta obra edo zerbitzuetako unitateen arteko egokitasuna kontuan hartuz baloratuko da. Prestakuntza ibilbideak errege dekretuetan, kasuan kasuko profesionaltasun agirian, ezarririkoarekin bat etorriko dira, ahal den ber, eta gehienez ere 5 puntu emanen zaizkie.
Egokitasuna baldin bada
_Txikia: puntu bat.
_Batez bestekoa: 3 puntu.
_Neurri handikoa: 5 puntu.
Espezialitatearen eta gehien eskaintzen diren lanbideen arteko erlazioa: 5 puntu.
Lantegi-eskolak
Egokitasuna bada
_Espezialitate batekoa: puntu bat.
_2 espezialitatekoa: 3 puntu.
_3 espezialitatekoa edo gehiagokoa: 5 puntu.
Enplegu-lantegiak
Lantegiek espezialitate bat dutenez, garaturiko espezialitatea gehien eskaintzen diren lanbideen zerrendan badago 5 puntu emanen dira eta ez badago ez da puntu bat ere emanen.
6. Entitate sustatzailearen edo beste entitate laguntzaile batzuen ekarpenak, batez ere ekarpen horiei esker Enplegu Zerbitzu Publikoak eman beharreko dirulaguntzen zenbatekoa murrizten denean. Horretarako, kasu bakoitzean inbertsio-ahalegina hartuko da kontuan. gehienez 10 puntu.
Ekarpena proiektuaren kostu osoaren
_%35 edo gehiagokoa: 10 puntu.
_%30: 9 puntu.
_%25: 8 puntu.
_%20: 7 puntu.
_%15: 6 puntu.
_%10: 5 puntu.
_%8: 4 puntu.
_%6: 3 puntu.
_%4: 2 puntu.
_%2 edo gehiagokoa: puntu bat.
7. Entitate sustatzaileak lehen egindako proiektuen emaitza kualitatiboak eta kuantitatiboak: gehienez 10 puntu. Zehazki, honakoak hartuko dira kontuan:
_Parte-hartzaileak lan merkatuan sartzea.
_Lortutako lanbide prestakuntza eta esperientzia.
_Programei atxikitako onura publiko eta sozialeko proiektuek ekarri duten emaitza sozioekonomikoa.
Emaitzak:
_Lan munduan sartzea: 3,33 puntu.
_Prestakuntza eta esperientzia: 3,33 puntu.
_Emaitza sozioekonomikoa: 3,33 puntu.
8. Proiektuaren kalitate integrala, kontuan harturik zer jarduketa gauzatu behar diren eta egokiak ote diren ikasle langileak kualifikatzeko, lanbidean trebatzeko eta laneratzeko eta sortu nahi diren onura sozialak: gehienez 20 puntu. Honelaxe baloratuko da:
_Kalitate gutxikoa: 5 puntu.
_Batez besteko kalitatekoa: 10 puntu.
_Kalitate nabarmenekoa: 15 puntu.
_Kalitate bikainekoa: 20 puntu.
100 puntu horietarik gutxienez 40 puntu lortzen dituzten lantegi-eskola eta enplegu-eskolak bakarrik aukeratuko dira.
b) Sustapen eta garapen unitateen programetarako.
1. Sustapen eta garapen unitatearen jardun esparru geografikoa: Sustapen eta garapen unitateak Nafarroako Foru Komunitatearen barruan duen jardun esparrua baloratuko da, eta lehentasuna emanen zaie Foru Komunitateko herri guztietan jarduteko asmoa duten proiektuei, eskualdekoak direnen aurretik: gehienez 20 puntu.
_Nafarroa osorako: 20 puntu.
_Iruñerria: 6 puntu.
_Lizarra: 2 puntu.
_Tutera: 2 puntu.
_Tafalla: 2 puntu.
_Agoitz: 2 puntu.
_Altsasu: 2 puntu.
_Doneztebe: 2 puntu.
_Lodosa: 2 puntu.
2. Aurkeztutako proiektuaren kalitatea, ikuspuntu hauetatik: jarduera arloak, proposatutako jarduketak, erabilitako metodologia eta bilatutako helburuak; azken horiek bat etorri beharko dira 2001eko azaroaren 14ko Ministerioaren Aginduan aurreikusitakoarekin. Gehienez ere 60 puntu.
2.1. Sustapen eta garapen unitatearen jarduera arloak: 30 puntu gehienez:
Sustapen eta garapen unitatea ariko den jarduera arloak baloratuko dira, eta lehentasunezko proiektuak izanen dira lantegi-eskolen, lanbide-etxeen eta lanbide-lantegien programen esparruan lanpostuak eman eta laneratzeko proiektuak gauzatzeko arloetan aritzen direnak zein bere esparruko garapen eta enplegu aukerak agerian utziz eta programa horietan esku-hartzeko plan integralak eginez. Lehentasun txikiagoa emanen zaie, berriz, arlo horietako batean baizik ariko ez direnei.
_%100: 30 puntu.
_%90: 25 puntu.
_%80: 20 puntu.
_%70: 15 puntu.
_%60: 10 puntu.
_%50: 5 puntu.
_%40: 4 puntu.
_%30: 3 puntu.
_%20: 2 puntu.
_%10: puntu bat.
2.2. Proposatutako jarduketak, erabilitako metodologia, bilatzen diren helburuak eta Nafarroako lan merkatuan espero diren emaitzak: gehienez 30 puntu.
Proposatutako jarduketa guztiak, horiek garatzeko metodologia eta lortu nahi diren helburuak baloratuko dira.
_Balorazio txikia: 5 puntu.
_Batez besteko balorazioa: 10 puntu.
_Balorazio ona: 20 puntu.
_Balorazio nabarmena: 25 puntu.
_Balorazio bikaina: 30 puntu.
80 puntu horietarik gutxienez 30 puntu lortzen dituzten sustapen eta garapen unitateak bakarrik aukeratuko dira.
6._Espedienteen ebazpena
Aurkeztutako eskabideak Nafarroako Enplegu Zerbitzuko zuzendari kudeatzaileak ebatziko ditu.
Dirulaguntzak emateko, 3. arauan ezarritako balorazio irizpideak aplikatzeak dakarren lehentasun hurrenkerari jarraituko zaio, eta aurrekontuan dagoen diruaren arabera, 2. arauan ezarri bezala.
Aurreko lerroaldean ezarririko lehentasun hurrenkeraren arabera hasiera batean dirulaguntzarik hartzen ez duten proiektuak, gutxieneko puntuazioa lortuz gero, gero finantzatzen ahalko dira, aurrekontuetan diru gehiego baldin badago, hasiera batean finantzaturiko entitateren batek uko egiteagatik edo aurreikusiriko kostua gutxitzeagatik.
Ebazpena eman eta jakinarazteko gehieneko epea hiru hilabetekoa izanen da gehienez, eskaerak aurkezteko epea bukatu eta hurrengo egunetik aitzina. Ezarritako epea espresuki emaniko ebazpenik jakinarazi gabe iraganik, entitate eskatzaileak aurkeztutako eskabideak ezetsitzat jo dela ulertu ahalko du.
7._Hornitzaileen kontratazioa.
Dirulaguntzaren xede den gastuak obra burutzeko kostuaren kasuan 30.000 euroko zenbatekoa gainditzen badu edo aholkularitza edo laguntza enpresek ekipo ondasunak hornitzeko edo zerbitzuak emateko kasuetan 12.000 eurokoa gainditzen badu, onuradunak frogatu beharko du hornitzailea eraginkortasun eta ekonomia irizpideei jarraituz hautatu duela, gutxienez ere hiru eskaintza aurkeztuz, hornitzailea hautatu baino lehen aztertu beharko direnak.
Aurreko idatz-zatian xedaturik dagoena ez da aplikatzekoa izanen, dirulaguntzaren xede diren gastuen ezaugarri bereziengatik merkatuan behar adina entitate hornitzaile edo emaile ez daudenean edo gastua dirulaguntza eskatu baino lehen egin denean.
8._Onetsiriko proiektuen aldaketak.
Proiektuak aldatuz gero edo dirulaguntzak emateko kontuan harturiko baldintzak aldatuz gero, halaxe jakin beharko zaio Nafarroako Enplegu Zerbitzuari, onets dezan. Aldaketa horiek funtsezkoak badira, Nafarroako Enplegu Zerbitzuak ebazpen bat emanen du dirulaguntza emateko hasiera bateko ebazpena aldatzeko. Onarturiko dirulaguntzaren zenbatekoa gutxitu edo ezabatzen ahalko da, sarturiko aldaketen garrantziaren arabera.
9._Aplikatzekoak diren arauak
Deialdi honetan aurreikusirik ez dagoen guztia lantegi-eskolen, lanbide-etxeen eta sustapen eta garapen unitateen programa arautu eta programa horiei dirulaguntza publikoak emateko arauak ezartzen dituen Lan eta Gizarte Gaietako Ministerioaren 2001eko azaroaren 14ko Aginduan eta Enplegu-lantegien programari dirulaguntza publikoak emateko arauak ezartzen dituen otsailaren 22ko 282/1999 Errege Dekretua garatzen duen Lan eta Gizarte Gaietako Ministerioaren 2001eko azaroaren 14ko Aginduan xedatutakoari lotuko zaio.
Era berean, aurreko lerrokadan aipatzen diren Ministerioaren agindu horietan aurreikusi gabekoa martxoaren 21eko TAS/816/2005 Aginduan eta Dirulaguntzei buruzko azaroaren 9ko 11/2005 Foru Legean aurreikusitakori lotuko zaio.
10._Errekurtsoak.
Ebazpen honen aurka gora jotzeko errekurtsoa jar daiteke, Industria eta Teknologia, Merkataritza eta Lan kontseilariari igorria, Nafarroako ALDIZKARI OFIZIALean argitaratu eta biharamunetik hilabeteko epean.
Administrazio publikoek administrazioarekiko auzi-errekurtsoa paratu ahal dute eskumena duen ordena jurisdikzionalari zuzendua, honako hau argitaratu eta biharamunetik hasita bi hilabeteko epean, alde batera utzi gabe Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan aurreikusitako moduan eta epeetan.
Deialdi hau aurrera eramateko egintzen aurka gora jotzeko errekurtsoa jar daiteke, Industria eta Teknologia, Merkataritza eta Lan kontseilariari igorria, ebazpena eman jakinarazi eta biharamunetik hilabeteko epean.
11._Emandako dirulaguntzen publizitatea.
Dirulaguntzei buruzko Foru Legearen 15. artikuluan xedatutakoarekin bat, Nafarroako Enplegu Zerbitzuak Industria eta Teknologia, Merkataritza eta Lan Departamentuaren webgunean jendaurrean jarriko ditu emandako dirulaguntzak, ondokoak zehaztuta: deialdia, laguntza zein programa eta aurrekontu-kredituri egotziko zaion, onuradunak, emandako diru kopurua eta dirulaguntzaren helburua.
Iragarkiaren kodea: F0616670
