II. NAFARROAKO TOKI ADMINISTRAZIOA
2.2. AGINTARIAK ETA LANGILEAK
2.2.1. Kargu-uzteak, izendapenak eta bestelako egoerak
DONAMARIAKO, OIZKO, URROZKO ETA BEINTZA-LABAIENGO UDALEN BATASUNA
Donamariako, Oizko, Urrozko eta Beintza-Labaiengo Udalen Batasuneko lan-kontratudun finkoak Nafarroako Administrazio Publikoen zerbitzuko Langileriaren Estatutuan sartzeko prozesua
Donamariako, Oizko, Urrozko eta Beintza-Labaiengo Udalen Batasuneko buruak, azaroaren 25ean, ebazpen hau eman zuen:
Lehenengoa._Donamariako, Oizko, Urrozko eta Beintza-Labaiengo Udalen Batasuneko lan-kontrudun finkoak, ebazpen honen eranskineko zerrendakoak, Nafarroako Administrazio Publikoen zerbitzuko Langileriaren Estatutuan sartzea, uztailaren 5eko 258/2004 Foru Dekretuaren 5. artikuluan aurreikusitakoaren arabera.
Bigarrena._Funtzionario bilakatzen diren langileek ordura arte aplikatu zaien gizarte segurtasun eta aurreikuspen sozialen sistema bera izanen dute eta lanpostu berari atxikita segituko dute.
Hirugarrena._Langile horiei aplikatuko zaizkien lansariak Nafarroako Administrazio Publikoen zerbitzuko Langileriaren Estatutuan eta hori garatzeko xedapenetan funtzionarioentzat ezarrita daudenak izanen dira.
Laugarrena._Langile guztiak egun berean sartuko dira egiazki Estatutuan, hau da, 2004ko abenduaren 31n (2005eko urtarrilaren 1a baino lehen).
Bosgarrena._Ebazpen hau interesatuei helaraziko zaie eta Nafarroako ALDIZKARI OFIZIALean emanen da argitara, zerrenda batean zehaztuz lanpostuak eta bakoitzari dagozkion maila, antzinatasuna eta funtzionario gradua, ondoko eranskinean agertu bezala.
E R A N S K I N A
María Victoria Eulate Etxegia. Administrari-ofiziala. Maila: C. Antzinatasuna, 2004ko abenduaren 31n: 12 urte, 11 hilabete eta 20 egun. Gradua: 2.
Aditzera ematen da, orok jakin dezan eta ondorioak izan ditzan. Halaber ohartarazten da ezen ebazpen horren aurka errekurtso hauetako bat jar daitekeela:
Gora jotzeko errekurtsoa, Nafarroako Administrazio Auzitegiari zuzendua, hilabeteko epean, jakinarazten denetik hasita.
Administrazioarekiko auzi-errekurtsoa, Nafarroako Auzitegi Nagusiko arlo bereko Salari zuzendua, bi hilabeteko epean, jakinarazi eta biharamunetik; aldez aurretik, kasua bada, eta aukeran, berraztertzeko errekurtsoa, Udalaren osoko bilkurari zuzendua, hilabeteko epean.
Oitzen, 2004ko azaroaren 25ean._Batasuneko burua, Alberto San Miguel Mindegia.
Iragarkiaren kodea: L0418421