1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
3507E/2022 EBAZPENA, apirilaren 26koa, Nafar Lansare-Nafarroako Enplegu Zerbitzuko zuzendari kudeatzaileak emana, zeinaren bidez baimentzen baita honako dirulaguntza hauetan aplikatu beharreko modulu ekonomikoa handitzea: 2022an, langabeak kontratatzeko konpromisoa atxikia duten prestakuntza ekintzak gauzatzeko dirulaguntzak. DDBN identifikazioa: 609044.
Nafar Lansare-Nafarroako Enplegu Zerbitzuko zuzendari kudeatzaileak abenduaren 21ean emandako 4513E/2020 Ebazpenaren bidez, dirulaguntza publikoen deialdi hauen oinarri arautzaileak onetsi ziren: Nafarroako Foru Komunitatean lehentasunez langabeak kontratatzeko konpromisoa atxikia duten prestakuntza ekintzak finantzatzeko dirulaguntza publikoen deialdiak.
Ebazpen horrek 8 euroko gehieneko modulu ekonomikoa aurreikusten du parte-hartzaileko eta prestakuntza orduko, modalitate presentzialean, eta gehienez 6 eurokoa parte-hartzaileko eta prestakuntza orduko, teleprestakuntzaren modalitatean.
Nafar Lansare-Nafarroako Enplegu Zerbitzuko zuzendari kudeatzaileak otsailaren 2an emandako 60E/2022 Ebazpenaren bidez, deialdi honen gastua baimendu zen: 2022an, langabeak kontratatzeko konpromisoa atxikia duten prestakuntza ekintzak egiteko dirulaguntzen deialdia.
2022ko martxoaren 29an Kontu-hartze Zerbitzuak baimena eman du Nafar Lansare-Nafarroako Enplegu Zerbitzuak kudeatzen dituen enplegurako prestakuntzaren deialdietan dirulaguntzak emateko erabiltzen diren modulu ekonomikoak handitzeko.
Horregatik, eta deialdi honetan dirulaguntzak emateko prozedura banakako ebaluazioa denez, bidezkoa da hemendik aurrera modulu eguneratua aplikatzea dirulaguntzetan.
Horrenbestez, Nafar Lansare-Nafarroako Enplegu Zerbitzua erakunde autonomoaren estatutuak onesten dituen azaroaren 6ko 302/2019 Foru Dekretuaren 12. artikuluaren bidez emandako ahalmenak erabiliz,
EBAZTEN DUT:
1. Nafar Lansare-Nafarroako Enplegu Zerbitzuko zuzendari kudeatzaileak abenduaren 21ean emandako 4513E/2021 Ebazpeneko 5.2 eta 5.3 oinarrietan ezarritako modulu ekonomikoak eguneratzea. Ebazpen horren bidez, deialdi publiko hauen oinarri arautzaileak onetsi ziren: lehentasunez langabeak kontratatzeko konpromisoa atxikia duten prestakuntza ekintzak finantzatzeko dirulaguntza publikoen deialdiak. Honela eguneratuko dira moduluak:
–Gehienez 8,59 euro parte-hartzaileko eta orduko, modalitate presentzialean ematen diren prestakuntza ekintzetarako.
–Gehienez 6,44 euro parte-hartzaileko eta orduko, teleprestakuntzaren modalitatean ematen diren prestakuntza ekintzetarako.
2. Modulu horiek aplikatzekoak izanen dira ebazpen hau onesten den egunetik aurrera dirulaguntza ematen zaien prestakuntza ekintzetan.
3. Ebazpen hau Nafarroako Aldizkari Ofizialean argitaratzea.
4. Ebazpen honek ez du administrazio bidea amaitzen eta beraren aurka gora jotzeko errekurtsoa jar daiteke, Eskubide Sozialetako kontseilariari zuzendua, hilabeteko epean, argitaratu eta biharamunetik hasita.
Iruñean, 2022ko apirilaren 26an.–Nafar Lansare-Nafarroako Enplegu Zerbitzuko zuzendari kudeatzailea, Mirian Martón Pérez.
Iragarkiaren kodea: F2206189
