Iragarkia

261. ALDIZKARIA - 2022ko abenduaren 29a

1. NAFARROAKO FORU KOMUNITATEA

1.7. BESTELAKOAK

ERABAKIA, Nafarroako Gobernuak 2022ko abenduaren 21ean hartua, Nafarroako Autobideko oinarrizko tarifak, oinarrizko bidesariak eta berariazko deskontuak dituzten bidesariak onesten dituena 2023ko urtarrilaren 1etik abenduaren 31ra bitarterako, bi egun horiek barne.

Nafarroako Gobernuaren 1997ko abenduaren 15eko, 2007ko ekainaren 18ko eta 2015eko abenduaren 23ko erabakietan ezarritako prozedurari jarraikiz, Nafarroako AP-15 autobidearen enpresa kontzesiodunak 2022ko abenduaren 16ko eskabidearen bitartez eskatu du onetsi daitezela tarifak berrikusteko koefiziente berria eta 2023ko tarifa eguneratuen taula.

Aipatu erabakietan ezarritakoaren arabera, Nafarroako Gobernuak "Autopistas de Navarra SA" sozietate kontzesiodunean daukan ordezkariak aldeko txostena emanik, honako hauek onestea proposatzen da:

a) Nafarroako Autobidearen oinarrizko tarifak eta oinarrizko bidesariak berrikustea, 2023ko urtarrilaren 1etik abenduaren 31ra bitarterako, indarrean dauden tarifei %6,935eko eguneratze koefizientea aplikatuz, hain zuzen, 2021eko azaroaren 1etik 2022ko urriaren 31ra arteko KPI nazionalaren (%7,3) %95. Oinarrizko tarifak euroko sei dezimalekin adierazi dira, euroa ezartzeko aplikatu beharreko araudian ezarritakoari jarraikiz, horiek zehazkiago kalkulatzeko zortzi dezimal erabiltzen badira ere. Oinarrizko bidesariak kalkulatzean, emaitzak euroko bost zentimotara biribildu dira, zentimoen zenbatekoa bosten multiploan buka dadin beti.

Halaber, onetsi dira 2023. urtean aplikatu beharreko koefizienteak "garraio bereziak" kategorian sartzen diren ibilgailuen oinarrizko bidesariak kalkulatzeko, Nafarroako Gobernuaren 2019ko abenduaren 26ko Erabakiaren 1. puntuan ezarritako formularen arabera.

b) Berariazko deskontuak aplikatzetik ateratzen diren bidesariak eguneratzea. Berariazko deskontuak dituzten bidesariei, 2022rako onetsitakoei, BEZa kanpo, urriaren 31n pilatutako KPIa adinako igoera aplikatu zaie, hots, %7,3koa. Erabiltzaileei jasanarazi beharreko BEZari dagokionez, Nafarroako Gobernuak 2015eko abenduaren 23an hartutako Erabakiaren 3. apartatuaren arabera (haren bidez onetsi ziren Nafarroako Autobideko oinarrizko tarifak, oinarrizko bidesariak eta berariazko deskontuak dituzten bidesariak 2016ko urtarrilaren 1etik abenduaren 31ra bitarterako), berariazko deskontuen prezioari loturiko dirulaguntzaren ehunekoak ezartzen dira 2023. urteko bidesarietarako.

c) Gainera, Nafarroako Gobernuaren 2019ko urtarrilaren 23ko Erabakiaren bidez onetsi zen aldi baterako deskontu gehigarri bat aplikatzea joan-etorriko bidaiak egiten dituzten ibilgailu arinei, itzulera jatorrizko joan-etorriaren ondoko 24 orduetan egiten bada. Deskontu hori 2019ko urtarrilaren 1etik aurrera egonen da indarrean, eta iraunen du deskontu horiek aplikatzeagatik sozietate kontzesiodunari egindako konpentsazioa gehienez ere 12.000.000 euroko kopurura iritsi dela egiaztatzen den egunera arte. Hori horrela, egindako aurreikuspenekin bat, bidezkoa da neurri hori luzatzea 2023ko urtarrilaren 1etik aurrera.

Adierazitakoarekin bat, Nafarroako Gobernuak, Ekonomia eta Ogasuneko kontseilariak proposatuta,

ERABAKITZEN DU:

1. 2023ko urtarrilaren 1etik abenduaren 31ra arte, biak barne, honako oinarrizko tarifa hauek aplikatuko ditu kontzesiodunak Nafarroako AP-15 autobideko tarteetan, ibilgailuen kategoriaren eta egindako tarteen arabera:

2. Aipatu aldirako bidesarien oinarrizko prezioak kategoria eta ordainlekuen arabera kalkulatzeko, kasuan kasuko tarifa egindako tartearen luzerarekin biderkatu behar da, eta gero, BEZa gehitu. Emaitza euroko bost zentimotara biribilduko da. Hona hemen, bada, oinarrizko prezioak:

(Zenbatekoa eurotan, BEZa barne).

3. Garraio bereziko ibilgailuei dagokien oinarrizko bidesaria honako hau izanen da: ibilgailu bakoitzari Nafarroako Gobernuaren 2018ko abenduaren 26ko Erabakiaren (akats zuzenketa 2019ko urtarrilaren 10eko Erabakian) 1.2 apartatuan ezarritako formula eta 2023rako koefiziente hauek:

4. Nafarroako Gobernuaren 1997ko abenduaren 15eko, 2000ko otsailaren 28ko, 2001eko martxoaren 19ko, 2007ko ekainaren 18ko eta 2015eko abenduaren 23ko erabakietan ezarritakoa aplikatuz, aldi horretarako eguneratu egiten dira, baita ere, ezarritako deskontu berariazkoak aplikatzetik ateratzen diren bidesariak.

Kontuan izanik zer aurreikuspen bidali dituen AUDENASAk 2022. urtean Nafarroako Gobernuak egin beharreko ekarpenerako eta kasuan-kasuan aplikatzen diren deskontuetarako, dirulaguntza zenbateko hauek ateratzen dira berariazko deskontuen prezioari loturik:

–Berariazko deskontuak ibilgailu arinentzat (72 ordu baino lehenagoko itzulera kontuan hartu gabe): %37,68.

–Berariazko deskontuak ibilgailu astunentzat (1 eta 2): %96,28.

Horrenbestez, bidesariak honako hauek izanen dira, kategoria, mota eta ordainlekuen arabera:

4.1. Ibilgailu arinak:

Berariazko deskontuak aplikatuko zaizkie bidesaria AP-15 txartelarekin ordaintzen duten ibilgailu arinen erabiltzaileei, edo deskontuei loturiko antzeko gailu batekin ordaintzen dutenei (Teleordainketari buruzko 2008ko martxoaren 14ko hitzarmena).

Itzulerako bidaia 72 ordu baino lehen egiten badute, itzulerako bidaia hori doan izanen da:

Ibilgailu arinen gainerako erabiltzaileei indarra duten oinarrizko tarifa eta bidesariak aplikatuko zaizkie.

4.2. Ibilgailu astunak 1:

4.3. Ibilgailu astunak 2:

1. taldeko ibilgailu astunei (II. mota) eta 2. taldeko ibilgailu astunei (III. mota), berariazko deskontuak egin ondoko bidesariak aplikatuko zaizkie (aurreko taulan adierazi direnak), zein den ere ordaintzeko erabiltzen den modua.

5. Ibilgailu arinentzako (I. mota) deskontu gehigarria 2023ko urtarrilaren 1etik aurrera luzatuko da, joan-etorriko bidaiak egiten dituzten eta itzulera jatorrizko joan-etorria egin ondoko 24 orduetan egiten dutenentzat, Nafarroako Gobernuaren 2019ko urtarrilaren 23ko Erabakian ezarritako baldintzen arabera.

6. Erabaki hau igortzea Ekonomia eta Ogasun Departamentuari (Idazkaritza Tekniko Nagusia), Herri-lanen eta Azpiegituren Zuzendaritza Nagusiari eta Nafarroako Gobernuak enpresa kontzesiodunean duen ordezkariari, behar diren ondorioak izan ditzan.

7. Erabaki hau jakinaraztea Autopistas de Navarra SA kontzesiodunari.

8. Erabaki hau Nafarroako Aldizkari Ofizialean argitaratzea 2022ko abenduaren 31 baino lehen, orok jakin dezan.

Iruñean, 2022ko abenduaren 21ean.–Nafarroako Gobernuko kontseilari-idazkaria, Javier Remírez Apesteguía.

Iragarkiaren kodea: F2217357