Iragarkia

162. ALDIZKARIA - 2022ko abuztuaren 16a

1. NAFARROAKO FORU KOMUNITATEA

1.7. BESTELAKOAK

115/2022 EBAZPENA, uztailaren 18koa, Ingurumeneko zuzendari nagusiak emana, Urbasa eta Andiako jabari publikoko mendietan larreak erabiltzea baimentzen duen ebazpeneko azaleren esleipena doitzen duena (2022ko kanpaina).

Ingurumeneko zuzendari nagusiaren apirilaren 21eko 50/2022 Ebazpenaren bidez, Urbasa eta Andiako jabari publikoko mendietan larreen aprobetxamendua baimendu zen eta larreen azalera behin-behinekoz onetsi zen 2022ko kanpainarako.

2022ko kanpainan eskaera egin duten ustiategiei azalerak esleitzeko, oinarri gisa hartu ziren 2021eko kanpainan mendira igo ziren 2021. urteko laguntzen eskaera bakarraren aitortzaileak; hala ere, irekita utzi zen aldatzeko (handitzeko/murrizteko), lehen aldiz eskatzeko (2021ean azienda igo ez zutenentzat) eta/edo azalerari uko egiteko aukera. Jakinarazpena IV. eranskinaren bidez egin behar zen, Etekinetarako Laguntzen Atalari zuzendurik, argitaratu eta 10 eguneko epean (maiatzaren 17an argitaratu zen Nafarroako Aldizkari Ofizialean 50/2022 Ebazpena, apirilaren 21ekoa).

Epe hori igarota, Etekinetarako Laguntzen Atalak jaso ditu 15 eskaera esleipen berrietarako, 3 uko egiteko, 3 murrizteko, 2 handitzeko eta 6 eskualdatzeko.

Espedienteak aztertu ondoren, Nekazaritza Zerbitzuak eta Basoen eta Ehizaren Zerbitzuak honako aldaketa hauek proposatzen dituzte Urbasa eta Andiako jabari publikoko mendietan, 2022ko kanpainarako, larreen aprobetxamendua baimendu zuen eta larreen azalera behin-behinekoz onetsi zuen Ingurumeneko zuzendari nagusiaren apirilaren 21eko 50/2022 Ebazpenean.

Horrenbestez, Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32.1 artikuluan xedatutakoa aplikatuz dagozkidan ahalmenak erabiliz, eta Landa Garapeneko eta Ingurumeneko Departamentuaren egitura organikoa onesten duen urriaren 23ko 258/2019 Foru Dekretuaren 43. artikuluko d) hizkiarekin loturik,

EBAZTEN DUT:

1. Ingurumeneko zuzendari nagusiaren apirilaren 21eko 50/2022 Ebazpeneko azaleren esleipena doitzea, haren bidez Urbasa eta Andiako jabari publikoko mendietan larreen aprobetxamendua baimendu baitzen eta larreen azalera behin-behinekoz onetsi baitzen 2022ko kanpainarako. Honela doituko da:

2. Ebazpen hau jakinaraztea Baso Plangintzarako eta Ingurumen Hezkuntzarako Atalari, Ingurumena Zaintzeko Atalari, Nekazaritza Zerbitzuari eta Urbasa-Andiako Larre Batzordeari, behar diren ondorioak izan ditzan.

3. Ebazpen hau Nafarroako Aldizkari Ofizialean argitaratzea.

4. Ebazpen honek ez du administrazio bidea amaitzen, eta espedientean interesa dutenek gora jotzeko errekurtsoa jar dezakete, Landa Garapeneko eta Ingurumeneko kontseilariari zuzendua, hilabeteko epean.

Iruñean, 2022ko uztailaren 18an.–Ingurumeneko zuzendari nagusia, Pablo Muñoz Trigo.

Iragarkiaren kodea: F2210089