1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
66/2022 FORU AGINDUA, maiatzaren 17koa, Landa Garapeneko eta Ingurumeneko kontseilariak emana, zeinaren bidez aldatzen baita Landa Garapeneko eta Ingurumeneko kontseilariaren martxoaren 11ko 32/2022 Foru Agindua. Foru agindu horren bidez honako hauen deialdia egiten da 2022ko kanpainarako: Eskaera bakarra, xede dituena nekazaritzarako eta abeltzaintzarako ordainketa zuzenak, Nekazaritza Bermatzeko Europako Funtsak finantzatuak, eta, orobat, xede dituena Landa Garapenerako Programaren eta Estatuaren laguntza batzuk, erreserba nazionalerako eskubide eskaerak, SIGPACen aldaketa egiteko eskaeren aurkezpena eta urteko jakinarazpena, Nekazaritzako Ekoizpenaren Erregistro Orokorrean inskriba dadin.
Landa Garapeneko eta Ingurumeneko kontseilariaren martxoaren 11ko 32/2022 Foru Aginduaren bidez, honako hauen deialdia egiten da 2022ko kanpainarako: Eskaera bakarra, xede dituena nekazaritzarako eta abeltzaintzarako ordainketa zuzenak, Nekazaritza Bermatzeko Europako Funtsak finantzatuak, eta, orobat, xede dituena Landa Garapenerako Programaren eta Estatuaren laguntza batzuk, erreserba nazionalerako eskubide eskaerak, SIGPACen aldaketa egiteko eskaeren aurkezpena eta urteko jakinarazpena, Nekazaritzako Ekoizpenaren Erregistro Orokorrean inskriba dadin.
Foru-agindu horren 26. oinarriaren 8. puntuak honako hau ezartzen du:
“Industriarako tomateari loturiko laguntza eskatzen ahalko da, 1075/2014 Errege Dekretuaren IV. tituluko I. kapituluko 7. atalari jarraikiz.
Nekazariaren eta ekoizleen erakunde baten eta industria eraldatzailearen arteko kontratua 2022ko urtarrilaren 31 baino lehenago sinatu beharko da, eta haren erregistrorako aurkeztu agintaritza eskudunaren aitzinean, hura formalizatu ondoko 10 egun baliodunean.”
Hala ere, abenduaren 19ko 1075/2014 Errege Dekretuaren 50. artikuluaren 4. apartatuak honako hau ezartzen du, industriarako tomateari loturiko laguntzaz bezainbatean: “Kontratuak urte bakoitzeko urtarrilaren 31n eginen dira beranduenez”. Errege dekretu horrek ezarri zuen nekazaritzari eta abeltzaintzari 2015etik aurrera egiten zaizkien ordainketa zuzenen eta bestelako laguntza araubide batzuen aplikazioa, baita ordainketa zuzenen eta landa garapenerako ordainketen kudeaketa eta kontrola ere.
Nekazaritza Zerbitzuak jakinarazi duen bezala, Foru Aginduak jasotzen duen “baino lehenago” esamoldea ez dator bat abenduaren 19ko 1075/2014 Errege Dekretuak jasotzen duen “beranduenez” esamoldearekin, eta horrek nahasmena eragin dezake aurreikuspen horren aplikazioan, bai eta Estatuko araudia kontuan harturik nahi gabeko ondorioak ekartzen ahal dituzten interpretazioak eragin ere. Horrenbestez, bidezkotzat jotzen da Foru Aginduaren idazketa aldatzea puntu horretan, zehaztasun falta hori zuzentzeko eta hark aplikatzen duen Errege Dekretuaren erregulaziora egokitzeko, Administrazio Publikoen jarduna zuzendu behar duen segurtasun juridikoaren mesedetan.
Bestalde, Landa Garapenerako Programaren jarraipen batzordeak, 2022ko otsailaren 17an, onetsi zuen honako hau eranstea nekazaritzako sistema mediterraneo jasangarriak zaintzeko laguntzari dagokionez, lehorreko lurrak hautatzeko irizpideen barruan: ureztatzeko esparruak lehorreko lurtzat ere joko dira, baldin eta agintaritza hidrauliko eskudunak egiaztatzen badu ureztaketa aldizkakoa dela.
Aurreikuspen hori Landa Garapeneko eta Ingurumeneko kontseilariaren martxoaren 11ko 31/2022 Foru Aginduaren 40.a) artikuluan islatu da. Foru agindu horren bidez, araubide orokorra ezartzen da nekazaritza, ingurumen eta klimaren laguntzak (10. neurria) eta nekazaritza ekologikoarenak (11. neurria) eman, kudeatu eta kontrolatzeko Nafarroako Foru Komunitatean. Laguntza horiek Nafarroako Foru Komunitateko Landa Garapenerako 2014-2020 Programaren barnean daude.
Hala ere, Landa Garapeneko eta Ingurumeneko kontseilariaren martxoaren 11ko 32/2022 Foru Aginduan ez da zehaztu laguntza horien onuradunek alderdi hori egiaztatzeko beharra. Horrenbestez, aurreikuspen hori sartu behar da, agintaritza hidraulikoaren egiaztagiria aurkeztu behar den dokumentazio gehigarrian sar dadin, aldizkako ureztaketako lurzatietan nekazaritzako sistema mediterraneo jasangarriak zaintzeko laguntza eskatzen den kasuetan.
Azkenik, Nekazaritza Zerbitzuak jakinarazi du gaur egun ez dela beharrezkoa 17. oinarriaren 1.d) puntuan ezarritako eskakizuna, uzta hondarrak mantentzeko datei buruzkoa, nekazaritza-jarduera kontrolatzeko monitorizazioa ezarri baita horretarako diseinatutako aplikazio mugikorrak prebentziozko argazkiak egiteko duen sistema berriaren bidez. Kontuan harturik eskakizun horren helburua deklaratutako laboreen ebidentziak lekuan bertan mantentzea zela, halako batean espedientea bertan kontrolatu ahal izateko, eta horretarako diseinatutako teknologia berriaren bidez eginen den kontrolak horrelakorik eskatzen ez duela, bidezkoa da hura kentzea.
Azaldutakoarekin bat, eta Nafarroako Gobernuari eta Lehendakariari buruzko abenduaren 3ko 14/2004 Foru Legearen 41.1 g) artikuluak ematen dizkidan eskudantziak erabiliz,
AGINTZEN DUT:
1. Aldatzea Landa Garapeneko eta Ingurumeneko kontseilariaren martxoaren 11ko 32/2022 Foru Agindua, ondotik zehazten denari jarraikiz. Foru agindu horren bidez honako hauen deialdia egiten da 2022ko kanpainarako: Eskaera bakarra, xede dituena nekazaritzarako eta abeltzaintzarako ordainketa zuzenak, Nekazaritza Bermatzeko Europako Funtsak finantzatuak, eta, orobat, xede dituena Landa Garapenerako Programaren eta Estatuaren laguntza batzuk, erreserba nazionalerako eskubide eskaerak, SIGPACen aldaketa egiteko eskaeren aurkezpena eta urteko jakinarazpena, Nekazaritzako Ekoizpenaren Erregistro Orokorrean inskriba dadin.
Lehenengoa.–Egokitzen da 26. oinarriko 8. apartatuaren idazketa abenduaren 19ko 1075/2014 Errege Dekretuan jasotako araudira (errege dekretu horrek ezarri zuen nekazaritzari eta abeltzaintzari 2015etik aurrera egiten zaizkien ordainketa zuzenen eta bestelako laguntza araubide batzuen aplikazioa, baita ordainketa zuzenen eta landa garapenerako ordainketen kudeaketa eta kontrola ere), eta honela gelditzen da:
“8. Industriarako tomateari loturiko laguntza eskatzen ahalko da, 1075/2014 Errege Dekretuaren IV. tituluko I. kapituluko 7. atalari jarraikiz.
Nekazariaren eta ekoizleen erakunde baten eta industria eraldatzailearen arteko kontratua 2022ko urtarrilaren 31n sinatu beharko da beranduenez, eta haren erregistrorako aurkeztu Nekazaritza Zerbitzuan, hura formalizatu ondoko 10 egun baliodunean”.
Bigarrena.–Aldatzea I. eranskinaren 2. puntua, l) letra erantsi baitzaio, testu honekin:
“l) Aldizkako ureztaketako lurzatiak lehorreko lurtzat jotzeko “nekazaritzako sistema mediterraneo jasangarriak zaintzea” izeneko laguntza eskatzen bada, agintaritza hidrauliko eskudunaren egiaztagiria aurkeztu beharko da. Unitate kudeatzaileak egiaztagiri hori eskatuko die eskaera bakarrarekin batera aurkeztu ez duten eskatzaileei.”
Hirugarrena.–Kentzen da 17. oinarriko 1.d) puntua.
2. Foru agindu hau Nafarroako Aldizkari Ofizialean argitaratzea.
3. Foru agindu honen aurka gora jotzeko errekurtsoa jartzen ahal da, Nafarroako Gobernuari zuzendua, Nafarroako Aldizkari Ofizialean argitaratu eta hurrengo egun baliodunetik hasita hilabeteko epean.
Iruñean, 2022ko maiatzaren 17an.–Landa Garapeneko eta Ingurumeneko kontseilaria, Itziar Gómez López.
Iragarkiaren kodea: F2207338
