2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
IRUÑA
Deialdia, dirulaguntzak emateko norgehiagokako araubidean, kirol eskoletarako (2021-2022 denboraldia). Laburpena
DDBN (identifikazioa): 628536.
Argitara ematen da deialdiaren laburpena, bat etorriz azaroaren 17ko 38/2003 Legearen 17.3.b eta 20.8.a artikuluekin (Dirulaguntzei buruzko Lege Orokorra); haren testu osoa kontsulta daiteke Dirulaguntzen Datu Base Nazionalean (https://www.infosubvenciones.es/bdnstrans/GE/eu/convocatoria/628536).
–Administrazio deitzailea:
Iruñeko Udala.
–Organo emailea:
Gizarte Zerbitzuetako, Komunitate Ekintzako eta Kiroleko zinegotzi ordezkaria.
–Alor kudeatzailea:
Komunitate Ekintza, Garapenaren aldeko Lankidetza eta Kirola.
–Instrukzio organoa:
Dirulaguntza kudeatzen duen alorreko Idazkaritza Teknikoa.
–Deialdiaren xedea:
Dirulaguntzak ematea “Oinarriko Kirol Eskolak” antolatzeko, 2021-2022 denboraldian, 6 urtetik 14 urtera bitarteko kirolariak dituzten taldeei, hots, denboraldia hastean 2015. eta 2007. urteen artean (biak barne) jaiotako kirolariak dituztenei. Kirol minoritarioetarako adin tartea 15 urtera bitarte luzatuko da kasu jakin batzuetan (2006. urtea). “Oinarriko Kirol Eskolak” antolatuta, erraztuko da, Lehen Hezkuntzako eta DBHko hezkuntza-etapetan, sostengatzea kirol sustapenaren egitura tradizionalak eskolaz kanpoko ordutegian, abiapuntu nahiz helburu hartuta Iruñeko kirol federatua.
Iruñean, 2022eko maiatzaren 23an.–Gizarte Zerbitzuetako, Komunitate Ekintzako eta Kiroleko zinegotzi ordezkaria, María Caballero Martínez.
Iragarkiaren kodea: L2207649
