2. NAFARROAKO TOKI ADMINISTRAZIOA
2.1. OPOSIZIOAK ETA LEHIAKETAK. LAN PUBLIKOAREN ESKAINTZA
BERBINTZANA
2022rako lan publikoaren eskaintza
Alkatetzaren 2022ko maiatzaren 9ko ebazpen baten bidez, lan publikoaren eskaintza gehigarria onetsi da, bete beharrez abenduaren 28ko 20/2021 Legeak xedatutakoa (Enplegu publikoan behin-behinekotasuna murrizteko premiazko neurriei buruzko Legea). Hona hemen edukia:
Lehena.–Onestea Berbintzanako Udalaren 2022rako lan publikoaren eskaintza, bertan jasota honako lanpostu hauek betetzea, eta kontuan hartuz abenduaren 28ko 20/2021 Legeak xedatutakoa (Enplegu publikoan behin-behinekotasuna murrizteko premiazko neurriei buruzko legea):
–Lanpostua: zerbitzu anitzetako peoia. Izaera: aldizkako lan-kontratudun finkoa. Zerbitzuaren beharren arabera Lanaldia: osoa. Maila: E. Lanpostuko osagarria. %12. Egonkortasuna, oinarri hartuta abenduaren 28ko 20/21 Legearen seigarren eta zortzigarren xedapen gehigarria (abenduaren 29ko 312. Estatuko Aldizkari Ofiziala). Sarbidea: merezimendu-lehiaketa, behin bakarrik eta salbuespenez.
Bigarrena.–Lan publikoaren eskaintza argitaratzea Udalaren iragarki-taulan eta Nafarroako Aldizkari Ofizialean, orok jakin dezan eta interesdunek egokitzat jotzen dituzten errekurtsoak jar ditzaten, kasua bada.
Hirugarrena.–Erabaki honen berri ematea lan publikoaren eskaintzako lanpostuetan egun diharduten lan-kontratudunei, behar diren ondorioetarako.
Laugarrena.–Erabaki honen aurka, errekurtso hauetako bat aurkez daiteke, hautara:
a) Berraztertzeko errekurtsoa, egintzaren organo egileari zuzendua, hilabeteko epean, erabaki hau Nafarroako Aldizkari Ofizialean argitaratu eta biharamunetik hasita;
b) Administrazioarekiko auzi-errekurtsoa, zuzendua Iruñeko Administrazioarekiko Auzien Epaitegiari, bi hilabeteko epean, iragarki hau Nafarroako Aldizkari Ofizialean argitaratu eta biharamunetik hasita, edo
c) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, iragarki hau Nafarroako Aldizkari Ofizialean argitaratu eta biharamunetik hasita.
Berbintzanan, 2022ko maiatzaren 9an.–Alkatea, Ángel Díez Asenjo.
Iragarkiaren kodea: L2207455
