1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
1051/2021 EBAZPENA, apirilaren 12koa, Funtzio Publikoko zuzendari nagusiak emana, zeinaren bidez igortzen baita Nafarroako Justizia Auzitegi Nagusiko Administrazioarekiko Auzien Salara Itziar Labiano Santacilia andreak jarritako administrazioarekiko auzi-errekurtsoari buruzko administrazio espedientea (89/2021 prozedura arrunta).
Itziar Labano Santacilia andreak administrazioarekiko auzi-errekurtsoa aurkeztu du Nafarroako Justizia Auzitegi Nagusiko Administrazioarekiko Auzien Salan Funtzio Publikoko zuzendari nagusiaren 1E/2021 Ebazpenaren auka, zeinaren bidez ezetsi baitzen demandatzaileak berak jarritako gora jotzeko errekurtso bat, hain zuzen, Nafarroako Foru Komunitateko Administrazioaren zerbitzuko administrari laguntzaileen 136 lanpostu oposizio bidez betetzeko deialdiaren bigarren probako behin betiko emaitzak onesten dituen kalifikazio epaimahaiaren erabakiaren aurka jarritakoa.
Administrazioarekiko Auzien Jurisdikzioa arautzen duen uztailaren 13ko 29/1998 Legearen 48. artikuluarekin bat, Salak eskatu du igor diezaiotela administrazio espedientea, eta epatzeko deiak egin daitezela lege horren 49. artikuluan ezarritako moduan.
Horrenbestez, eta otsailaren 21eko 30/2005 Foru Dekretuaren bidez esleiturik ditudan eskudantziak erabiliz,
EBAZTEN DUT:
1. Nafarroako Auzitegi Nagusiko Administrazioarekiko Auzien Salara igortzea Itziar Labiano Santacilia andreak aurkeztu duen 89/2021 prozedura arruntean gauzatutako administrazioarekiko auzi-errekurtsoari buruzko espediente administratiboa.
2. Ebazpen hau interesdunei jakinaraztea, Nafarroako Aldizkari Ofizialean argitaratuz, eta haiek epatzea, autoetan demandatu gisa agertu ahal izan daitezen Nafarroako Justizia Auzitegi Nagusiko Administrazioarekiko Auzien Salan, ebazpen hau argitaratu ondoko bederatzi eguneko epean.
3. Ebazpen hau igortzea Nafarroako Justizia Auzitegi Nagusiko Administrazioarekiko Auzien Salari eta Lehendakaritzako, Berdintasuneko, Funtzio Publikoko eta Barneko Departamentuko Aholkularitza Juridikoaren Zerbitzuari, eta Itziar Labino Santacilia andreari jakinaraztea, behar diren ondorioak izan ditzan.
Iruñean, 2021eko apirilaren 12an.–Funtzio Publikoko zuzendari nagusia, Amaia Goñi Lacabe.
Iragarkiaren kodea: F2105865
