1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
1002/2021 EBAZPENA, otsailaren 8koa, Pertsonen Autonomiarako eta Garapenerako Nafarroako Agentziako zuzendari kudeatzaileak emana, zeinaren bidez kideak izendatzen baitira Pertsonen Autonomiarako eta Garapenerako Nafarroako Agentziari atxikitako haur eskoletako haurrentzako ikaspostuen 2021-2022 ikasturteko deialdia kudeatuko duen Hautapen Batzordean, eta batzordeari zenbait eginkizun esleitzen baitzaizkio.
Ikusirik Hezkuntzako zuzendari nagusiak abenduaren 17an eman 538/2020 Ebazpena, prozedura arautzen duena haurrak onartzeko, 2021-2022 ikasturtean, funts publikoak jasotzen dituzten Nafarroako Foru Komunitateko Haur Hezkuntzako lehen zikloko ikastetxeetan.
Ikusirik Familiaren eta Adingabeen Zuzendariordetzaren txostena.
Horrenbestez, Pertsonen Autonomiarako eta Garapenerako Nafarroako Agentziaren estatutuak onetsi zituen azaroaren 6ko 301/2019 Foru Dekretuak eman dizkidan ahalmenak erabiliz.
EBAZTEN DUT:
1. Honako hauek izendatzea Pertsonen Autonomiarako eta Garapenerako Nafarroako Agentziari atxikitako haur eskoletako haurrentzako ikaspostuen 2021-2022 ikasturteko deialdia kudeatuko duen Hautapen Batzordeko kide:
–Batzordeko burua: Olga Chueca andrea, Pertsonen Autonomiarako eta Garapenerako Nafarroako Agentziako Familiaren eta Adingabeen zuzendariordea.
–Batzordeko kidea: Marisol Arguiñano Sánchez andrea, Pertsonen Autonomiarako eta Garapenerako Nafarroako Agentziako Familien Ataleko burua.
–Batzordeko kidea: Susana Sarrias Escors andrea, Pertsonen Autonomiarako eta Garapenerako Nafarroako Agentziako Familia Bulegoko burua.
2. Hautapen Batzordeari ebazpen honen eranskinean agertzen diren eginkizunak esleitzea.
3. Ebazpen hau Nafarroako Aldizkari Ofizialean argitaratzea.
4. Ebazpen honen eta dagokion eranskinaren kontra gora jotzeko errekurtsoa jartzen ahal da, Eskubide Sozialetako kontseilariari zuzendua, argitaratu eta biharamunetik hilabeteko epean.
5. Ebazpen hau eta eranskina Familiaren eta Adingabeen Zuzendariordetzari helaraztea, behar diren ondorioak izan ditzaten.
Iruñean, 2021eko otsailaren 8an.–Pertsonen Autonomiarako eta Garapenerako Nafarroako Agentziako zuzendari kudeatzailea, Inés Francés Román.
ERANSKINA
Hautapen batzordearen eginkizunak.
Lehendabizikoa.–Ikaspostuak erreserbatzeko prozedura zehaztu eta aurrera eramatea.
Bigarrena.–Pertsonen Autonomiarako eta Garapenerako Nafarroako Agentziako zuzendari kudeatzaileari proposatzea, hura baita titularra, funts publikoak jasotzen dituzten Haur Hezkuntzako lehen zikloko ikastetxeetan 2021-2022 ikasturtean haurrak onartzeko deialdia ebatz dezala.
Hirugarrena.–Ikaspostu hutsak eta onarpen prozesuan aplikatuko den baremoa proposatzea Pertsonen Autonomiarako eta Garapenerako Nafarroako Agentziako zuzendari kudeatzaileari.
Laugarrena.–Pertsonen Autonomiarako eta Garapenerako Nafarroako Agentziako zuzendari kudeatzaileari proposatzea onartuen eta itxaron zerrendan daudenen behin-behineko zerrendak argitara ditzala.
Bosgarrena.–Onartuen eta itxaron zerrendan daudenen behin-behineko zerrenden aurka egindako erreklamazioak ebaztea.
Seigarrena.–Pertsonen Autonomiarako eta Garapenerako Nafarroako Agentziako zuzendari kudeatzaileari proposatzea onartuen eta itxaron zerrendan daudenen behin betiko zerrendak argitara ditzala.
Zazpigarrena.–Eskatzaileek bi ikastetxe hautatu badituzte, bata Nafarroako Gobernuaren menpekoa, eta bestea Iruñeko Udalaren menpekoa, honela jokatuko da:
a) Eskaerak eta erreklamazioak batera baloratuko dira.
b) Entitate titularrak ematen duen ebazpenaren aurka gora jotzeko errekurtsoa jarriz gero, onartuen eta itxaron zerrendan daudenen behin betiko zerrenda argitaratzen duen entitateko titularrari egokituko zaizkio errekurtsoaren tramitazioa eta ebazpena.
Iragarkiaren kodea: F2102134
