1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
151/2021 FORU AGINDUA, abenduaren 2koa, Lehendakaritzako, Berdintasuneko, Funtzio Publikoko eta Barneko kontseilariak emana, Nafarroako Boluntariotzaren Kontseiluko kideak izendatzen dituena.
Bolondres lanari buruzko martxoaren 27ko 2/1998 Foru Legearen 21. artikuluak Nafarroako Boluntariotzaren Kontseiluaren osaera arautzen du.
Artikulu horretan ezartzen da hauek osatuko dutela Nafarroako Boluntariotzaren Kontseilua:
a) Kontseiluko burua. Kontseilua atxikita dagoen sailaren titularrak beteko du.
b) Buruordea. Kargu horretarako izendatuko da boluntarioen erakundeetako ordezkariei, boluntarioei eta zentral sindikaletako ordezkariei dagozkien kontseilukideen artean aukeratutako pertsona, beraiek aukeratuta.
c) Zazpi kontselukide, boluntariotzarekin zerikusia duten Nafarroako Gobernuko zuzendari nagusienak.
d) Nafarroako Foru Komunitateko Administrazioaren hiru teknikari, boluntariotzaren gaian adituak.
e) Toki entitateen hiru ordezkari, Nafarroako Udal eta Kontzejuen Federazioak izendaturik.
f) Boluntariotzako erakundeen zazpi ordezkari, boluntariotzako erakundeen erregistroan inskribatuta daudenen artetik hautatuak.
g) Hiru boluntario, kolektiboa ordezkatzen dutenak.
h) Foru Komunitatean ordezkaritza handiena duten sindikatuen hiru ordezkari.
Bestalde, 2/1998 Foru Legearen 19.2 artikuluak ezartzen duenez, Kontseilua boluntariotzako erakundeen erregistroaren kudeaketa eta Boluntariotzaren Departamentuarteko Batzordeko idazkaritza esleitu zaizkion Nafarroako Gobernuko Departamentuari atxikita egonen da.
Uztailaren 14ko 66/2021 Foru Dekretuaren bidez, Nafarroako Foru Komunitateko Administrazioko Boluntariotzaren Departamentuarteko Batzordea arautzen duen uztailaren 30eko 61/2014 Foru Dekretua aldatu zen, batzorde hori herritarren parte-hartzearen arloan eskumena duen zuzendaritza nagusiari atxikitzeko.
Bere aldetik, aldaketa horrek urriaren 30eko 259/2019 Foru Dekretua aldatzea ekarri zuen (dekretu hori Lehendakaritzako, Berdintasuneko, Funtzio Publikoko eta Barneko Departamentuaren egitura organikoa ezarri zuen). Aldaketa hori uztailaren 14ko 67/2021 Foru Dekretuaren bidez egin zen, eta haren ondorioz Lehendakaritzaren eta Gobernu Irekiko Zuzendaritza Nagusiari esleitu zaizkio boluntario-lana egiten duten erakundeen errolda kudeatzeko eta boluntariotza bultzatzen eta koordinatzen laguntzeko eginkizunak. Gainera, Herritarren Partaidetzarako eta Boluntariotzarako Atalak bere gain hartu du Boluntariotzaren Departamentuarteko Batzordearen idazkaritza.
Eskubide Sozialetako kontseilariaren maiatzaren 23ko 175/2018 Foru Aginduaren bidez, Nafarroako Boluntariotzaren Kontseiluko kideak izendatzen dituen Gizarte Politiketako kontseilariaren martxoaren 17ko 207/2015 Foru Agindua aldatu zen.
Boluntariotzako erakundeetako, boluntarioetako eta erakunde sindikaletako kideen agintaldia lau urtekoa da. Hala ere, arestian azaldutako aldaketa garrantzitsuak kontuan hartuta, bidezkoa da Kontseilua erabat berritzea, haren osaera aipatutako aldaketekin bat etor dadin.
Nafarroako Foru Komunitateko Administrazioaren ordezkaritza Boluntariotzaren Departamentuarteko Batzordean adostu zen.
Boluntariotzako erakundeen, boluntarioen eta erakunde sindikalen parteari dagokionez, hautagaitzak aurkezteko prozesu garden bat eta zozketa bat egin zen, hautagai gehiago bazegoen kontseilukide-posturik baino. Prozesu hori amaitu eta gero, bidezkoa da izendapen berria egitea.
Horrenbestez, Bolondres lanari buruzko martxoaren 27ko 2/1998 Foru Legearen bidez eman dizkidaten eskudantziak erabiliz,
AGINTZEN DUT:
1. Ondoko hauek Nafarroako Boluntariotzaren Kontseiluko kide izendatzea:
a) Nafarroako Gobernuko zuzendari nagusiak, boluntariotzarekin zerikusia dutenak:
–Andrés Joaquín Carbonero Martínez jauna, Babes Sozialaren eta Garapenerako Lankidetzaren zuzendari nagusia.
–Miguel Ángel Pozueta Uribe Echeverría jauna, Nafarroako Kirolaren Institutuko zuzendari kudeatzailea.
–Carlos Cirilo Amatriain Busto jauna, Nafarroako Gazteriaren Institutuko zuzendari kudeatzailea.
–Pablo Muñoz Trigo jauna, Ingurumeneko zuzendari nagusia.
–Gil Sevillano González jauna, Hezkuntzako zuzendari nagusia.
–Eva Istúriz García andrea, Nafarroako Berdintasunerako Institutuko zuzendari kudeatzailea.
–Joseba Asiain Albisu jauna, Lehendakaritzako eta Gobernu Irekiko zuzendari nagusia.
b) Boluntariotzan adituak diren administrazioko teknikariak:
–Salomé Hernando Chicote andrea, Baso Plangintzarako eta Ingurumen Hezkuntzarako Ataleko burua.
–Pilar Ferrero Peso andrea, Programen eta Dirulaguntzen Kudeaketaren Ataleko burua.
–Ana Isabel Etxaleku Castaño andrea, Herritarren Partaidetzarako eta Boluntariotzarako Ataleko burua.
c) Toki entitateak ordezkatzeko, Nafarroako Udal eta Kontzejuen Federazioak izendaturik:
–Juan Carlos Castillo Ezpeleta jauna, Azkoiengo alkatea eta Nafarroako Udalerrien eta Kontzejuen Federazioko lehendakaria.
–Alejandro Toquero Gil jauna, Tuterako alkatea.
–Fernando Sesma Urzáiz jauna, Iruñeko Udaleko Hezkuntza, Herritarren Parte Hartze eta Gazteria Arloko zinegotzi ordezkaria.
d) Boluntariotzaren erregistroan inskribatuta dauden boluntariotzako erakundeen ordezkariak:
–Natalia Herce Azanza andrea, Medicus Mundi Nafarroa, Aragoi, Madril - MM NAM elkartea ordezkatuz.
–Elena Acaz Carro andrea, Nafarroako Boluntarioak-ASVONA gazte elkartea ordezkatuz.
–Alejandra Martínez Torre andrea, DYA Errepideko Laguntza Elkartea ordezkatuz.
–Cristina Jiménez Bajo andrea, Profesional Solidarioen Fundazioa ordezkatuz.
–Usua Purroy Bermejo andrea, ADACEN-Kalte Zerebralaren Nafarroako Elkartea ordezkatuz.
–Marisa Aristu Areopagita andrea, Nafarroako Gizakia Helburu Fundazioa ordezkatuz.
–Maite Quintana Saldise andrea, Iruñeko Elizbarrutiko Caritas ordezkatuz.
e) Boluntarioen multzoa ordezkatzen duten pertsonak:
–Oana Damaris Radu andrea.
–Roberto Rubio Manzanedo jauna.
–Pilar Mejías Jiménez andrea.
f) Foru Komunitatean ordezkaritza handiena duten sindikatuak ordezkatzeko:
–Aroa Celorrio García andrea, UGT ordezkatuz.
–María Soledad Vicente Yoldi andrea, UGT ordezkatuz.
–Argia Aldaya Salaverri andrea, CCOO ordezkatuz.
2. Foru agindu hau Nafarroako Aldizkari Ofizialean argitaratzea, orok ezagutu dezan.
3. Foru agindu hau izendatutako pertsonei jakinaraztea.
Iruñean, 2021eko abenduaren 2an.–Lehendakaritzako, Berdintasuneko, Funtzio Publikoko eta Barneko kontseilaria, Javier Remírez Apesteguía.
Iragarkiaren kodea: F2117066
