1. NAFARROAKO FORU KOMUNITATEA
1.1. XEDAPEN OROKORRAK
1.1.2. Foru Dekretuak
106/2021 FORU DEKRETUA, abenduaren 1ekoa, Kontratu Publikoei buruzko apirilaren 13ko 2/2018 Foru Legearen Europako atalaseak eguneratzen dituena.
ZIOEN AZALPENA
Batzordeak 2021eko azaroaren 10ean onetsitako 1951 eta 1952 (EB) Erregelamendu Delegatuek, Europako Parlamentuaren eta Kontseiluaren 2014/23/EB eta 2014/24/EB zuzentarauak aldatu dituztenek, kontratuak esleitzeko prozeduretan aplikatu beharreko atalase berriak ezarri dituzte zuzentarau horien aplikazio eremuko kontratuetarako, 2022-2023 biurtekorako.
Kontratu Publikoei buruzko apirilaren 13ko 2/2018 Foru Legearen lehen xedapen gehigarriko 2.a) apartatuan Nafarroako Gobernuari ahalmena ematen zaio foru lege horren artikuluetako zenbatekoak eta epeak egokitzeko, Europar Batasunak zenbatekoari eta iraupenari buruz ezartzen duenari jarraikiz.
Horrenbestez, Ekonomia eta Ogasuneko kontseilariak proposaturik, eta Nafarroako Gobernuak bi mila eta hogeita bateko abenduaren batean egindako bilkuran hartutako erabakiarekin bat,
DEKRETATZEN DUT:
Artikulu bakarra.–Europako atalaseak.
1. Kontratu Publikoei buruzko apirilaren 13ko 2/2018 Foru Legearen 79.2 artikuluan eta 89. artikuluko 1.a) apartatuan ageri den 214.000 euroko zenbatekoaren ordez 215.000 eurokoa ezartzea.
2. Kontratu Publikoei buruzko apirilaren 13ko 2/2018 Foru Legearen 89. artikuluko 1.b) apartatuan ageri den 5.350.000 euroko zenbatekoaren ordez 5.382.000 eurokoa ezartzea.
Azken xedapen bakarra.–Indarra hartzea.
Foru dekretu honek 2022ko urtarrilaren 1ean hartuko du indarra, edo argitaratu eta biharamunean, egun hori baino geroago argitaratzen bada.
Iruñean, 2021eko abenduaren 1ean.–Nafarroako Gobernuko lehendakaria, María Chivite Navascués.–Ekonomia eta Ogasuneko kontseilaria, Elma Saiz Delgado.
Iragarkiaren kodea: F2117048
