1. NAFARROAKO FORU KOMUNITATEA
1.7. BESTELAKOAK
201/2021 EBAZPENA, urriaren 1ekoa, Industria Antolamenduaren, Azpiegitura Energetikoen eta Meatzeen Zerbitzuko zuzendariak emana, zeinaren bidez Alesbesen goi tentsioko instalazio elektriko bat jartzeko aurretiazko administrazio baimena eta eraikitzeko administrazio baimena ematen baitira, eta instalazio horrek onura publikoa duela zehazki deklaratzen baita.
2021eko martxoaren 24an, Eduardo Ryan Murua jaunak, I-DE Redes Eléctricas Inteligentes SAU ordezkatuz, honako instalazio elektriko hau egiteko administrazio baimena eskatu du, bai eta proiektuaren onespena eta onura publikoa duela zehazki deklaratzea ere:
–Eskatzailea: I-DE Redes Electricas Inteligentes SAU.
–Espedientea: SAT11177 (Erref.: 2021-019 Obra 100943711).
–Instalazioaren kokalekua: Alesbesko udal-mugartea.
–Xedea: inguru horretako zerbitzuaren kalitatea hobetzea.
–Ezaugarri teknikoak: “Alesbes-Alesbes” izeneko 13,2 Kv-eko zirkuitu bakuneko aireko linearen saihesbidea eta “Alesbes-Martzilla” izeneko 13,2 Kv-eko zirkuitu bakuneko aireko linea (100-AL1/17-ST1A eroalearen [lehengo 100 A1/S1A eroalea] 1.102 metro) Alesbesko udal-mugartean.
–Aurrekontua: 91.966,79 euro.
Betetzeko abenduaren 1eko 1955/2000 Errege Dekretuaren 125. eta 144. artikuluetan xedatutakoa, jendaurrean jarri ziren I-DE Redes Eléctricas Inteligentes SAUren eskaera eta instalazioak ukituriko ondasun eta eskubideen zerrenda zehatza (2021eko 114. Nafarroako Aldizkari Ofizialean, maiatzaren 17koan, eta 2021eko maiatzaren 18ko Diario de Navarran), eta Alesbesko Udalari ere bidali zitzaizkion, ikusgai jar zitzan.
Ez da alegaziorik jaso.
Separata bidali zitzaion Alesbesko Udalari, txostena eman zezala eskatuz eta ez du erantzunik eman.
Ebroko Konfederazio Hidrografikoak, 2021eko martxoaren 30eko 2021-L-30 Ebazpenaren bidez, baimena eman du Salado erreka-zuloaren gainean erdi tentsioko aireko linearekin gurutzaketa egiteko, Alesbesko udal-mugartean.
Trenbide Azpiegituren Administratzaileak 2021eko ekainaren 11ko txostenean adierazi du “ez diela inongo eragozpenik jarriko instalazioaren eskatzaileak proposaturiko zehaztapen teknikoei, baldin eta betetzen bada indarrean dagoen araudia”. Horrez gain dio titularrak dagokion baimena eskatu behar diola ADIFi.
Alesbesko Ureztatzaileen Sindikatuak 2021eko apirilaren 30eko idazkian, baimena ematen du egin asmo diren obrak egiteko, eta baimena emateko baldintzak zehazten ditu.
Espedientean Nedgia Navarra SAk 2019ko apirilaren 5ean emandako txostena dago (2021-019 Obra 100943711), eta bertan adierazi zuen bat zetorrela aurkeztutako proiektuarekin.
Adierazitakoarekin bat, eta erabiliz Industriaren, Energiaren eta S3 Proiektu Estrategikoen zuzendari nagusiak azaroaren 18an emandako 52/2019 Ebazpenaren bidez eskuordetu dizkidan eskumenak (2019ko 234. Nafarroako Aldizkari Ofiziala, azaroaren 27koa), eta betez Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. eta 11. artikuluetan ezarritakoa,
EBAZTEN DUT:
1. Administrazio baimena ematea I-DE Redes Eléctricas Inteligentes SAUri aipatutako instalaziorako.
2. Zehazki deklaratzea instalazioak onura publikoa duela, abenduaren 26ko 24/2013 Legearen 54. artikuluan eta abenduaren 1eko 1955/2000 Errege Dekretuaren 149. artikuluan ezarritako ondorioetarako. Enpresa eskatzailea onuradun gisa agertuko da desjabetze espedientean.
3. I-DE Redes Eléctricas Inteligentes SAU enpresari onuradun izaera aitortzea desjabetze espedientean.
4. Instalazio hori egiteko aurkeztutako proiektua, Marcos Hernando Tuesta industria ingeniari teknikoak sinatua, onestea. Hogeita lau hilabete eman zaizkio obrak burutzeko.
5. Instalazioak gauzatu beharko dira aurkeztutako proiektuari jarraikiz, eta bat etorri beharko dute Goi tentsioko instalazio elektrikoen baldintza teknikoei eta segurtasun bermeei buruzko erregelamendua onesten duen maiatzaren 9ko 337/2014 Errege Dekretuan xedatutakoarekin eta Goi tentsioko linea elektrikoen baldintza teknikoei eta segurtasun bermeei buruzko erregelamendua onesten duen otsailaren 15eko 223/2008 Errege Dekretuan xedatutakoarekin.
6. Behin proiektua gauzaturik, eskatzaileak zerbitzuan jartzearen akta eskatu beharko du. Eskaera horri erantsiko zaizkio aipatutako araudian ezarritako agiriak eta obra bukaeraren ziurtagiria, teknikari eskudun batek sinatua.
7. Aurretiazko administrazio baimena eta eraikitzeko administrazio baimena emanda ere, instalazioaren eskatzaileak lortu beharko ditu instalazioa gauzatzeko beharrezkoak diren emakida, lizentzia eta baimen guztiak, publikoak nahiz pribatuak, aplikatzekoak diren beste xedapen batzuekin bat.
8. Ebazpen hau Industria Antolamenduaren, Azpiegitura Energetikoen eta Meatzeen Zerbitzura igortzea, behar diren ondorioak izan ditzan.
9. Ebazpen hau Nafarroako Aldizkari Ofizialean argitaratzea, orok jakin dezan.
10. Ebazpen hau jakinaraztea I-DE Redes Eléctricas Inteligentes SAUri, Trenbide Azpiegituren Administratzaileari (ADIF), Alesbesko Ureztatzaileen Batasunari eta ukitutako ondasun eta eskubideen titularrei, eta ohartaraztea ezen ebazpen honek ez duela administrazio bidea amaitzen eta honen aurka gora jotzeko errekurtsoa jartzen ahal dela, Garapen Ekonomiko eta Enpresarialeko kontseilariari zuzendua, hilabeteko epean, ebazpen hau jakinarazi eta biharamunetik hasita. Errekurtsoan espediente zenbakia adierazi beharko da.
11. Ebazpen hau jakinaraztea Alesbesko Udalari eta Ebroko Konfederazio Hidrografikoari, eta ohartaraztea honen kontra administrazioarekiko auzi-errekurtsoa jartzen ahal dela, eskumena duen ordena jurisdikzionalari zuzendua, argitaratu eta biharamunetik hasita bi hilabeteko epean, galarazi gabe Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.
Iruñean, 2021eko urriaren 1ean.–Industria Antolamenduaren, Azpiegitura Energetikoen eta Meatzeen Zerbitzuko zuzendaria, Laura Larraya Irigoyen.
Iragarkiaren kodea: F2114765
