1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
2107/2021 EBAZPENA, uztailaren 26koa, Funtzio Publikoko zuzendari nagusiak emana, Nafarroako Foru Komunitateko Administrazioaren eta haren erakunde autonomoen zerbitzuko zenbait funtzionario izendatzen dituena, liburutegiko arduradunaren lanpostuetan aritzeko, eta lanpostua esleitzen diena.
Funtzio Publikoko zuzendari nagusiaren ekainaren 22ko 1484/2015 Ebazpenaren bidez, Nafarroako Foru Komunitateko Administrazioaren eta haren erakunde autonomoen zerbitzuko liburutegiko arduradun izateko bi lanpostu oposizio-lehiaketa bidez betetzeko deialdia onetsi zen. Ebazpena 2015eko 139. Nafarroako Aldizkari Ofizialean argitaratu zen, uztailaren 20koan.
Funtzio Publikoko zuzendari nagusiaren martxoaren 7ko 575/2016 Ebazpenaren bidez, bertan behera gelditu zen hautapen prozesuaren tramitazioa, ofizioz aurkeztutako berrikusteko prozedura ebatzi bitartean. Lehendakaritzako, Funtzio Publikoko, Barneko eta Justiziako kontseilariaren uztailaren 31ko 106/2019 Foru Aginduaren bidez, ezetsi zen Funtzio Publikoko zuzendari nagusiaren ekainaren 22ko 1484/2015 Ebazpena ofizioz berrikusteko eta deuseza deklaratzeko eskaera (ebazpen horren bidez, Nafarroako Foru Komunitateko Administrazioaren eta haren erakunde autonomoen zerbitzuko liburutegiko arduradun izateko 2 lanpostu oposizio-lehiaketa bidez betetzeko deialdia onetsi zen).
Funtzio Publikoko zuzendari nagusiaren azaroaren 25eko 3361/2019 Ebazpenaren bidez, deialdian onartu eta baztertutako izangaien behin-behineko zerrenda onetsi zen. Ebazpen hori 2020ko 7. Nafarroako Aldizkari Ofizialean argitaratu zen, urtarrilaren 13koan.
Funtzio Publikoko zuzendari nagusiaren uztailaren 27ko 1781/2020 Ebazpenaren bidez, izangai onartuen behin betiko zerrenda onetsi eta oposizioaldiko lehenbiziko ariketa egiteko eguna, tokia eta ordua finkatu ziren. Ebazpen hori 2020ko 182. Nafarroako Aldizkari Ofizialean argitaratu zen, abuztuaren 17koan.
Hautaprobak amaiturik, probak gainditu eta deialdiko lanpostuetan sartzen ahal diren izangaiak izendatzeko proposamena egin zuen epaimahai kalifikatzaileak. Proposamen hori 2021eko 101. Nafarroako Aldizkari Ofizialean argitaratu zen, maiatzaren 3koan.
Eskatutako dokumentazioa behar zen epean aurkezturik eta proposatutako izangaiek betebeharrak betetzen dituztela egiaztaturik, bidezkoa da izendapena egitea eta lanpostu hutsak esleitzea.
Horrenbestez, eta otsailaren 21eko 30/2005 Foru Dekretuaren bidez esleiturik ditudan eskudantziak erabiliz,
EBAZTEN DUT:
1. Roberto Cormenzana López jauna, igoera txandako izangaia, eta Marcos Tantos Arriaga jauna, txanda irekikoa, Nafarroako Foru Komunitateko Administrazioaren eta haren erakunde autonomoen zerbitzuko funtzionario izendatzea, liburutegiko arduradun lanpostuan aritzeko.
2. Lanpostu hutsak honela esleitzea:
Roberto Cormenzana López jaunari 30719 lanpostu hutsa, funtzionarioen araubidekoa, Kultura eta Kirol Departamentuko Berako liburutegiari atxikia, Beran aritzeko.
Marcos Tantos Arriaga jaunari 36084 lanpostu hutsa, funtzionarioen araubidekoa, Kultura eta Kirol Departamentuko Lesakako liburutegiari atxikia, Lesakan aritzeko.
3. Xedatzea ezen proposatu diren izangaiek atxiki zaien zentroko langileria unitatean hartu beharko dutela lanpostuaren jabetza, hilabeteko epean, izendapena Nafarroako Aldizkari Ofizialean argitaratu eta biharamunetik hasita, kontuan izanik argitaratze horrek jakinaraztearen ondorio berberak izanen dituela, Administrazio Publikoen Administrazio Prozedura Erkideari buruzko urriaren 1eko 39/2015 Legearen 45. artikuluan ezarritakoari jarraikiz.
Aipatutako epean ez baldin badute lanpostuaren jabetza hartzen, behar bezala arrazoitutako ezinbesteko kasuetan izan ezik, Foru Komunitateko Administrazioko eta haren erakunde autonomoetako funtzionario izateko eskubide guztiak galduko dituzte.
4. Ebazpen hau igortzea Kultura eta Kirol Departamentuko Idazkaritza Tekniko Nagusira, Funtzio Publikoko Zuzendaritza Nagusiko Langileriaren Kudeaketako Zerbitzura, Langileriaren Gastuaren Kontrolaren eta Nominen Zerbitzura, Egituraren, Lanpostuen Antolaketaren eta Langileen Plantillaren Zerbitzura eta Gizarte Prestazioen Zerbitzura, eta interesdunei jakinaraztea. Interesdunei aditzera ematen zaie ezen ebazpenaren aurka gora jotzeko errekurtsoa jartzen ahal dutela, Lehendakaritzako, Berdintasuneko, Funtzio Publikoko eta Barneko kontseilariari zuzendua, jakinarazi eta biharamunetik hilabeteko epean, Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluetan xedatutakoarekin bat.
5. Nafarroako Aldizkari Ofizialean argitara dadila agintzea.
Iruñean, 2021eko uztailaren 26an.–Funtzio Publikoko zuzendari nagusia, Amaia Goñi Lacabe.
Iragarkiaren kodea: F2112599
