2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ERRIBERRI
Deialdia, COVID-19ari lotutako laguntza ekonomiko bereziak emateko. Laburpena
DDBN kodea: 576261
Dirulaguntzei buruzko azaroaren 17ko 38/2003 Lege Orokorraren 17.3.b eta 20.8.a artikuluetan ezarritakoari jarraikiz, argitara ematen da goian adierazitako deialdiaren laburpena; haren testu osoa –2021eko ekainaren 28ko osoko bilkuran onetsia– Dirulaguntzen Datu Base Nazionalean kontsulta daiteke.
–Helburua eta xedea.
Oinarrien xedea da araubidea ezartzea Erriberriko Udalak emanen dituen laguntza ekonomikoak arautzeko, koronabirusaren pandemiak (COVID-19) kalte eginiko jarduerendako.
–Modalitateak.
1 Jardueraren titularrak eta haien konturako enplegatuak koronabirusa kutsatzetik babesteko diren pantailak, panelak, gel hidroalkoholikoak eta beste elementu batzuk eskuratzeko laguntzak.
2 Gizarte Segurantzako langile autonomoen araubide bereziko kuotak ordaintzeko laguntzak.
3 Ekonomia-jarduera baten gastu orokorrak ordaintzeko laguntzak, hala nola ura, argindarra, gasa, telefonoa eta alokairua, gastu horiek jarduera horri bakar-bakarrik eslei dakizkionean, jarduera itxita egon den denboran, koronabirusak (COVID-19) sortutako osasun-krisiaren ondorioz.
–Eskaerak aurkezteko epea.
Iragarki hau Nafarroako Aldizkari Ofizialean argitaratu eta hilabeteko epean aurkezten ahalko dira eskabideak.
Erriberrin, 2021eko uztailaren 26an.–Alkatea, Maite Garbayo Valencia.
Iragarkiaren kodea: L2111731
