4. PROZEDURA JUDIZIALAK
NAFARROAKO JUSTIZIA AUZITEGI NAGUSIA
ADMINISTRAZIOAREKIKO AUZIEN SALA
Oinarrizko Eskubideen gaineko 301/2021 Prozedura
Aditzera ematen dut: sala honetan bideratu den oinarrizko eskubideen gaineko 301/2021 prozeduran, 97/2021 Autoa eman da 2021eko uztailaren 6an, eta irmo geratu da. Hona hemen haren aurrekariak eta xedapen zatia, hitzez hitz:
97/2021 Autoa.
Lehendakaria: Francisco Javier Pueyo Calleja jauna.–Magistratuak: Raquel H. Reyes Martínez andrea.–Antonio Sánchez Ibáñez jauna.
Iruñean, 2021eko uztailaren 6an.
AURREKARIAK
Lehena.–Nafarroako Foru Komunitateko aholkulari juridiko eta letraduak eskatu du, 2021eko uztailaren 5ean datatutako idazki baten bidez, judizialki berrestea Osasuneko kontseilariaren uztailaren 5eko 23/2021 Foru Agindua. Foru agindu horren bidez berariazko prebentzio neurri apartekoak hartu ziren Nafarroako Foru Komunitaterako, COVID-19ak eragindako egoera epidemiologikoak izandako bilakaeraren ondorioz.
Bigarrena.–Fiskaltzari igorri zitzaion, txostena egin zezan berehala; 2021eko uztailaren 5ean berean egin zuen, prozeduran ageri den emaitzarekin, eta ebazteko zain gelditu zen.
Txostengilea Raquel H. Reyes Martínez magistratu andrea da, sala honen iritzia azalduko duena.
XEDAPEN ZATIA
Salak erabakitzen du:
1. Baimentzea Osasuneko kontseilariaren uztailaren 5eko 23/2021 Foru Aginduan jasotako osasun neurriak. Foru agindu horren bidez berariazko prebentzio neurri apartekoak hartu ziren Nafarroako Foru Komunitaterako, COVID-19ak eragindako egoera epidemiologikoak izan duen bilakaeraren ondorioz.
2. Administrazioak Administrazioarekiko Auzien Sala honi jakinarazi beharko dio berretsitako neurrien betearazpenean eragina duen edozein gorabehera, edo, kasua bada, neurri horiek kentzea eragiten duen beste edozein. Halaber, neurrien luzapena berresteko eskaera egin beharko du, osasun arloko administrazioak halakorik erabakitzen badu.
3. Administrazioak txosten bat igorri beharko dio auzitegi honi, zazpi egun naturaleko epean, bilakaera epidemiologikoari eta hartutako neurrien eraginkortasunari buruzkoa.
4. Eragindako prozesuko kostuak ez zaizkio inori ezartzen berariaz.
Jakinaraz bekie ebazpen hau alderdiei, aditzera emanez ez dela irmoa eta haren aurka kasazio errekurtsoa aurkezten ahal dela, Auzitegi Gorenari zuzendua, hiru egun balioduneko epean, bat etorriz Administrazioarekiko Auzien Jurisdikzioaren Legearen 87. eta 87 ter artikuluarekin (8/2021 Errege Lege Dekretuaren bidez ezarria; 2021eko maiatzaren 5eko Estatuko Aldizkari Ofiziala) eta bertan berariaz aurreikusten diren izapideekin. Horretarako, ez da nahitaezko baldintza aurretik berraztertzeko errekurtsoa aurkeztea.
Hori erabaki, agindu eta sinatzen dute idazpuruan adierazitako magistratuek.
Eta Nafarroako Aldizkari Ofizialean argitara dadin, honako hau egin eta sinatzen dut.
Iruñean, 2021eko uztailaren 19an.–Salako Justizia Administrazioaren letradua, Fabiola Llorente Llorente.
Iragarkiaren kodea: J2111273
