148. ALDIZKARIA - 2021eko ekainaren 25a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.1. Kargu-uzteak, izendapenak eta bestelako egoerak

18/2021 FORU AGINDUA, ekainaren 11koa, Migrazio Politiketako eta Justiziako kontseilariak emana, zeinaren bidez kargutik kentzen baita, berak eskatuta, Esther Martínez Silguero andrea, Epaitegien arteko Bitartekaritza Bulegoko burua. Bulego hori Justizia Zuzendaritza Nagusiko Justiziako Gizarte Zerbitzuari atxikita dago, Migrazio Politiketako eta Justiziako Departamentuan.

Nafarroako Administrazio Publikoen zerbitzuko Langileen Estatutuaren testu bategina onesten duen abuztuaren 30eko 251/1993 Legegintzako Foru Dekretuaren hirugarren xedapen gehigarriko 2. apartatuak xedatzen duenez, atalburuen eta bulegoburuen bitarte baterako izendapena libreki errebokatzen ahal du erabaki hori hartu zuen organoak berak.

Hortaz, otsailaren 21eko 30/2005 Foru Dekretuak ematen dizkidan ahalmenak erabiliz, haren bidez zehazten baitira Nafarroako Foru Komunitateko Administrazioaren eta haren erakunde autonomoen organoetako langileen arloko eskudantziak,

AGINTZEN DUT:

1. Esther Martínez Silguero andrea, Epaitegien arteko Bitartekaritza Bulegoko burua, kargutik kentzea, berak eskatu baitu, eta emandako zerbitzuak eskertzea. Bulego hori Justizia Zuzendaritza Nagusiko Justiziako Gizarte Zerbitzuari atxikita dago, Migrazio Politiketako eta Justiziako Departamentuan. Burutza horretan aritzeko azken eguna 2021eko ekainaren 16a izanen da.

2. Foru agindu hau interesdunari jakinaraztea, eta igortzea Migrazio Politiketako eta Justiziako Departamentuko Justiziako Gizarte Zerbitzuari eta Giza Baliabideen eta Bulego Judizial eta Fiskal Berriaren Zerbitzuari eta Funtzio Publikoko Zuzendaritza Nagusiari, behar diren ondorioak izan ditzan.

3. Foru agindu hau Nafarroako Aldizkari Ofizialean argitaratzea, orok jakin dezan.

Iruñean, 2021eko ekainaren 11n.–Migrazio Politiketako eta Justiziako kontseilaria, Eduardo Santos Itoiz.

Iragarkiaren kodea: F2109618