143. ALDIZKARIA - 2021eko ekainaren 21a

1. NAFARROAKO FORU KOMUNITATEA

1.4. DIRU-LAGUNTZAK, LAGUNTZAK ETA BEKAK

1657E/2021 EBAZPENA, maiatzaren 14koa, Nafar Lansare-Nafarroako Enplegu Zerbitzuko zuzendari kudeatzaileak emana, zeinaren bidez enplegu inklusiboko programak egiteko oinarri arautzaileak eta dirulaguntza deialdiak onartzen baitira. DDBN identifikazioa: 566588.

Enpleguari buruzko Legearen Testu Bategina onesten duen urriaren 23ko 3/2015 Legegintzako Errege Dekretuaren 2. artikuluaren arabera, enplegu politikaren helburuetako bat da langabeziaren aurrean prebentziozko ikuspuntua hartzea, bereziki luzaroko langabeziaren aurrean, langabeei banakako arreta emanez, lana eskuratzeko aukerak hobetzen dituzten politika aktiboetako ekintza integratuen bidez. Artikulu horretan helburutzat proposatzen da laneratzeko politika egokiak bermatzea laneratzeko eragozpen handiak dituzten taldeei, bereziki gazteei, emakumeei, desgaitasuna dutenei eta 45 urtetik gorako luzaroko langabeei.

3/2015 Legegintzako Errege Dekretuaren II. tituluko II. kapituluan, langabeek enplegu zerbitzu publikoek ematen dituzten zerbitzuak nola jaso arautzen da.

1032/2017 Errege Dekretua, abenduaren 15ekoa, 2017-2020 aldirako Enplegua Aktibatzeko Espainiaren Estrategia onartzen duena. Estrategia horrek sei ardatz ezartzen ditu urriaren 23ko 3/2015 Legegintzako Errege Dekretuan enplegua suspertzeko jasotzen diren politiketarako. 1. ardatzean (Orientazioa) honako jarduketa hauek daude: informazioa, lanbide orientazioa, motibazioa, aholkularitza, lanbide profilaren eta gaitasunen diagnostiko eta zehaztapena, ikaskuntzako banakako ibilbidearen diseinu eta kudeaketa, enplegu bilaketa, lan bitartekotza eta, laburbilduz, onuradunei laneratzen laguntzeko jarduketak.

Bestetik, lortu beharreko helburuak finkatzen dira enplegu politikako urteko planean, bai eta helburu horien eskuratze maila baloratzeko adierazleak ere.

Nafar Lansare-Nafarroako Enplegu Zerbitzuaren estatutuetan ageri da zerbitzu horren eginkizun nagusietako bat laneratzeko eta enplegagarritasuna hobetzeko orientazioa eta prestakuntza bultzatzea dela.

Ezinbestekoa da dirulaguntzen oinarri arautzaileak onestea, osorik garatuta, zaurgarrien diren pertsonen enplegagarritasuna hobetzeko lagungarri diren programak egiteko, hainbat ekintza burutuz, besteak beste, informazioa, lanbide orientazioa, motibazioa, aholkularitza, lanbide profilaren diagnosi eta zehaztapena, prestakuntza gaitasun pertsonal, digital eta profesionaletan eta, laburbilduz, onuradunen laneratzea laguntzeko jardunak eginez.

Dirulaguntzei buruzko azaroaren 9ko 11/2005 Foru Legeak dirulaguntzak emateko prozedura arrunta ezartzen du, non, besteak beste, deialdia eta deialdiaren oinarri arautzaileak ezartzea eskatzen baita.

Foru lege horrek xedatzen duenez, dirulaguntzak emateko prozedura arrunta norgehiagokakoa izanen da, salbu eta Nafarroako Gobernuak, behar adinako arrazoiak tarteko, banakako ebaluazioaren araubidea baimentzen duenean.

Nafarroako Gobernuak, 2021eko martxoaren 31ko saioan, laneratzeko zailtasun bereziak dituzten kolektiboen enplegagarritasuna hobetzeko osoko programak egiteko dirulaguntzen ebaluazio indibidualizatuaren araubidea onartzea erabaki zuen.

Horrenbestez, azaldutakoarekin bat eta azaroaren 6ko 302/2019 Foru Dekretuaren bidez onetsitako Nafar Lansare-Nafarroako Enplegu Zerbitzuaren Estatutuen 12. artikuluaren bidez emandako ahalmenak erabiliz

Honako hau EBAZTEN DUT:

1. Enplegu inklusiboko programak egiteko dirulaguntzen deialdia eta horiek arautzeko oinarrien oinarri arautzaileak onestea.

2. 600.000 euroko zenbatekoa duen gastu bat onestea 2021eko gastuen aurrekontuko “Enplegu inklusiboko programak. Arloko Konferentzia” 950001 96100 4819 241110 partidaren kargura.

3. Ebazpen hau eta eranskinak Nafarroako Aldizkari Ofizialean argitaratzea.

4. Ebazpen honek ez du administrazio bidea amaitzen, eta haren aurka gora jotzeko errekurtsoa jartzen ahalko da, Eskubide Sozialetako kontseilariari zuzendua, hilabeteko epean, argitaratu eta biharamunetik hasita, Administrazio Publikoen Administrazio Prozedura Erkideari buruzko urriaren 1eko 39/2015 Legearen 122.1 artikuluari eta Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 57.1 artikuluari jarraikiz.

Iruñean, 2021eko maiatzaren 14an.–Nafar Lansare-Nafarroako Enplegu Zerbitzuko zuzendari kudeatzailea, Mirian Martón Pérez.

ENPLEGU INKLUSIBOKO PROGRAMAK EGITEKO DIRULAGUNTZEN OINARRI ARAUTZAILEAK

1.–Xedea.

Deialdi honen helburua da, Nafarroako Foru Komunitatearen eremuan, laneratzeko zailtasun bereziak dituzten pertsonekin enplegu inklusiboko programak egiteko dirulaguntzak onestea, horien enplegagarritasun-baldintzak hobetu eta laneratzeari dagokionez emaitza kuantifikatu bat lortze aldera.

2.–Diru-laguntzen entitate onuradunak.

2.1. Deialdi honen onuradun izan eta laguntzak eskatzen ahal dituzte hurrengo erakundeek:

a) Tokiko erakundeek, horien tokiko korporazioek barne, eskualdeko kontseiluek, eskualdez haragoko kontseiluek edo lurralde erakundeek, eta baita horien mende edo baitan egonik, enplegurako politika aktiboetan, tokiko garapenean eta okupazioaren sustapenean eskumenak dituzten horietako organismo autonomoek, betiere, beren titulartasuna aipatu tokiko erakundeenak edo horietako korporazioenak baldin badira zeharo.

b) Berezko izaera juridikoa duten irabazi asmorik gabeko erakunde publiko edo pribatuek.

2.2. Entitate onuradunek baldintza hauek bete beharko dituzte:

a) Helbidea Nafarroako Foru Komunitatean izatea.

b) Sozietatearen xedea gizarte bazterkeria egoeran dauden edo laneratzeko zailtasun bereziak dituzten pertsonen laneratzea izatea.

c) Gutxienez 3 urteko esperientzia izatea enplegagarritasuna hobetzera bideratutako orientazioko ekintzetan eta, hala badagokio, norberaren kontura edo besteren kontura laneratzeko prozesuak garatzea, eskaera aurkezteko unean erakutsi beharko dena erantzukizunpeko adierazpenarekin.

d) 10. oinarrian deialdi honetan aurreikusitako jardunak garatzeko eta enpresen prospekzioa egin, balizko lan-eskaintzak jaso eta enpresetan langileei dagokienez dauden premiak hautemateko ekintzak burutzeko aurreikusitako gutxieneko baliabideak izatea.

3.–Programaren hartzaileak.

3.1. Programan parte hartzen ahal dute, programan sartu aurreko egunean langabezian eta Nafar Lansare-Nafarroako Enplegu Zerbitzuko (aurrerantzean NL-NEZ) bulegoetan enplegu-eskatzaile modura izen emanda dauden pertsonak, enplegagarritasunerako eta lan-merkatuan sartzeko zailtasun bereziak dituztenak.

3.2. Deialdi honen ondorioetarako enplegagarritasunerako zailtasun bereziak dituzten pertsonak izanen dira hurrengoak:

–Lanbide kualifikaziorik ez duten 30 urtetik beherako pertsona gazteak, gehienez oinarrizko heziketa orokorra edo batxilergoko prestakuntzarekin.

–Lanbide kualifikaziorik ez duten atzerritarrak, gehienez oinarrizko heziketa orokorra edo batxilergoko prestakuntzarekin.

–Desgaitasunen bat duten pertsonak.

–Iraupen luzeko langabeak.

–Gizartean bazterturik edo horrela gertatzeko arriskuan dauden eta BGE edo EB prestazioen hartzaile diren pertsonak.

–Lanbide kualifikaziorik ez duten emakumeak, gehienez oinarrizko heziketa orokorra edo batxilergoko prestakuntzarekin.

Deialdi honen ondorioetarako, iraupen luzeko langabeak izanen dira programan parte hartu aurreko 540 egunetatik gutxienez 360 egunetan lanik gabe eta enplegu zerbitzu publikoetan enplegu-eskatzaile gisa inskribaturik egon direnak.

3.3. Erakunde onuradunek beren proiektua zein taldera bideratzea lehenesten duten adierazi beharko dute. Horrek esanahi du hartako parte-hartzaileen %50 gutxienez talde nagusikoak izanen direla eta gainerako pertsonak aurreko puntuarekin lotutako beste taldeetakoak.

Edozein kasutan, programan parte hartzen duten pertsonen gutxienez %40 langabezia, errenta bermatu, laneratzeko errenta aktibo, bizitzeko gutxieneko errenta edo antzeko beste laguntza batzuen ondoriozko prestazio edo subsidioen hartzaile izan beharko dira.

Artatzeko pertsonak Nafarroako Orientazio Sarea osatzen duten erakundeek (NZ-NEZ zerbitzuko teknikariak, lanbide orientazioko zerbitzuak ematen dituzten erakundeak, Auzo Oinarri/Unitateko Gizarte Zerbitzuak, Laneratu eta Gizarteratzeko Taldeak) bideratuko dituzte. Edozein kasutan, erakunde onuradunek ezarritako betekizunak betetzen dituzten pertsonei zuzendutako arretak justifikatzen ahal dituzte. Nolanahi ere, arreta jasotzeko erabateko lehentasuna izanen dute NL-NEZ zerbitzuak bideratutako pertsonek.

3.4. Pertsonak ordezteko aukera izanen da proiektuaren 25 igaro ez den bitartean.

4.–Programaren edukia.

1. Aurkezteko proiektuen esku-hartze ardatz nagusia prestakuntza eta enpleguko ibilbide pertsonalizatuen akonpainamendua izanen da eta, gutxienez, ekintza eta betekizun hauek izanen ditu:

–12-15 pertsonako taldeei zuzenduak izanen dira.

–Diagnosia, ibilbidea eta akonpainamendua egin edo berrikustea: 10 ordu parte-hartzaile bakoitzeko.

–Enplegua modu aktiboan bilatzeko oinarrizko gaitasun digitalak baitaratzea eta oinarrizko administrazio-izapideak: 40 ordu.

–Enplegurako gaitasun pertsonalak garatzea: 20 ordu.

–Parte-hartzen duten pertsonak berriro kualifikatzeko laneko gaitasun espezifikoak baitaratzea: Gutxienez 100 ordu. Prestakuntza hori ez da, inolaz ere, Profesionaltasun ziurtagiriak eskuratzearekin lotuta egonen.

–Laneratzera bideratutako ekintzak garatzea: 20 ordu.

2. Diruz lagundutako proiektuek gutxienez 35 puntu izanen dituzte, balioespenerako hurrengo irizpideak aplikatuz eskuratzen ahal direnak:

2.1. Aurkeztutako proiektua I. eranskinean aipatzen diren enplegua sortzeko sektoreetako bati zuzendua da: 10 puntu. Beste sektore batzuk 5. puntu.

2.2. Aurkeztutako proiektua II. eranskinean aipatzen diren enplegu eskaria duten lanbide profil bati zuzendua da: 10 puntu. Beste profil batzuk 5 puntu.

2.3. Aurkeztutako proiektua eremu hauetan garatzen da: gehienez 15 puntu.

Iruñeko Metropoli Eremua (IV. Eranskina) eta Tuterako herria: 10 puntu.

Lurraldeko gainerako eremuak: 15 puntu.

2.4. Prestakuntza orduak berariazko lan-gaitasunetan:

–100 ordu: 5 puntu.

–1 puntu orduen %10 bakoitzeko, 10 puntu gehienez.

2.5. Gizarteratzearen ehunekoa:

%-25: 5 puntu.

–1 puntu laneratuen %10 bakoitzeko, 10 puntu gehienez

2.6. Entitate onuradunak badu ezarrita berdintasun plan bat. 5 puntu.

2.7. Prestakuntza orduak gaitasun pertsonaletan:

–20 ordu: 5 puntu.

–1 puntu orduen %10 bakoitzeko, 10 puntu gehienez.

3. Proiektu guztiek genero ikuspegia jaso beharko dute, hala prestatzean nola gauzatzean.

4. Proiektuek gutxienez 3 hilabete iraunen dute, eta gehienez, 4 hilabete.

5.–“Eskatzaile artatu” kontzeptuarekin adierazitako programako hartzaileak.

1. “Eskatzaile artatu” izanen da proiekturako aurreikusitako iraunaldiaren %75ean gutxienez irauten duen parte-hartzaile guztia.

2. Aurreko atalean aipatutako zerbitzuak programak irauten duen bitartean eginen dira, parte-hartzaile bakoitzaren prestutasun eta premietara egokituz, eta egikaritze aldian zehar garatuko dira.

3. Pertsona bat ez da, inolaz ere, bi erakunde onuradunek artatua izanen aldi berean.

6.–“Eskatzaile laneratu” kontzeptuarekin adierazitako programako hartzaileak.

1. “Eskatzaile laneratu” izanen da bere egoera modu hauetakoren batean hobetu duen programako parte-hartzaile guztia.

Parte-hartzailearekin sinatutako lan-kontratua, gutxienez lanaldi osoan 3 hilabeteko denboran edo lanaldi partzialean haren baliokide den denboran, betiere, lanaldi erditik beherakoa ez bada. Laneratze konpromisoak justifikatzeko gehieneko epea 12 hilabetekoa izanen da proiektuaren amaiera-epetik zenbatzen hasita.

Laneratze modura zenbatuko dira, gehienez 12 hilabetean, proiektuaren amaiera-epetik zenbatzen hasita, hezkuntza sistemara itzultzen diren parte-hartzaile guztiak.

Altak langile autonomoen araubide berezian eta kuoten ordainketak, gutxienez hiru hilabetez. Laneratze hori justifikatzeko gehieneko epea 12 hilabetekoa izanen da, proiektuaren amaiera-epetik zenbatzen hasita.

2. Laneratze ondorioetarako, bazter utzi beharko da Administrazio Publikoan funtzionario, estatutupeko langile edo lan-legepeko kontratatu edo administrazio-kontratatu moduan sartzeko edozein modu. Pertsonak aurreko sei hilabetetan talde bereko enpresetan lan egin ondoren, talde bereko enpresekin zerikusia dutenak ezin dira laneratze modura hartzen ahal.

7.–Dirulaguntzaren zenbatekoa.

1. Hauek izanen dira erakunde onuradunak jasotzeko zenbatekoak:

a) 1560 euro artatutako eskatzaile bakoitzeko, deialdiko 5. oinarrian aurreikusitako baldintzetan.

b) 1250 euro eskatzaile laneratu bakoitzeko, deialdiko 6. oinarrian aurreikusitako baldintzetan, betiere, 9. oinarrian laneratzeko aurreikusitako gutxieneko helburua bete baldin bada.

Eskatzaile laneratu izateko betekizunak betetzen baldin badira, erakunde onuradunaren aldetik horretarako aurreikusitako kopuruak jasoko dira eta, gainera, eskatzaile laneratu izateagatik aurreikusitako kopuruak.

Eskatzaile laneratu izateko betekizunak betetzen ez badira, erakunde onuradunaren aldetik eskatzaile artatu izatearen ondorioz aurreikusitako kopuruak jasoko dira, betiere, proiekturako aurreikusitako iraunaldiaren %75ean parte hartu baldin badu.

2. Dirulaguntzaren zenbatekoa artatzeko parte-hartzaile kopuruaren eta erakunde onuradunak bere proiektuan proposatutako pertsona laneratuen portzentajearen arabera zehaztuko da.

3. Dirulaguntzaren zenbatekoa erakunde eskatzaileak eskuratutako puntuazioarekin lotuta egonen da, jarraian adierazten den eran:

–35 eta 50 puntu bitarteko puntuazioa: 1.a) puntuan eskatzaile artatu bakoitzeko ezarritako zenbatekoa %10 murriztuko da, eta 1.404,00 eurotan geldituko da.

–51 eta 60 puntu bitarteko puntuazioa: 1.a) puntuan eskatzaile artatu bakoitzeko ezarritako zenbatekoa %5 murriztuko da, eta 1.482,00 eurotan geldituko da

–60 eurotik gorako puntuazioa: oinarri honetako 1. puntuan hitzartutako kopurua.

4. Erakunde bat, gehienez, 3 proiekturen onuradunen izanen da deialdi bakoitzean.

8.–Eskaerak egiteko modua eta aurkezteko epea.

1. Eskaerak elektronikoki tramitatuko dira Nafarroako Atarian (www.navarra.es/eu/), “Tramiteak” atalean dagoen deialdiaren fitxan, “Tramitatu” aukeratuz.

2. Eskaerak deialdia “Nafarroako Aldizkari Ofizialean” argitaratu eta biharamunetik hasita aurkezten ahalko dira.

Proiektuak dirulaguntzaren onespena jakinarazi eta hilabete bateko epean egikaritzen hasiko dira.

3. Eskaera aurkeztearekin batera baimena ematen zaio Nafar Lansare-Nafarroako Enplegu Zerbitzuari eskaera ebazteko behar den informazioa kontsultatzeko eta administrazio publikoek egiten edo gordetzen duten dokumentazioa eskuratzeko. Berariaz aurka eginez gero, dokumentazio egokia aurkeztu beharko da.

4. Interesdunak edozein administraziori lehendik aurkeztu dizkion agiriak, baita administrazioak berak eginak direnak ere, ez dira berriz aurkeztu beharko. Ondorio horietarako, interesdunak azaldu beharko du Administrazioaren zein organoren aurrean eta noiz aurkeztu zituen aipatutako agiriak, Nafar Lansare-Nafarroako Enplegu Zerbitzuak bide elektronikotik jaso ditzan, salbu eta interesdunak berariaz aukera hori eragozten badu. Kasu horretan, berak aurkeztu behar ditu agiriak, Administrazio Publikoen Administrazio Prozedura Erkideari buruzko urriaren 1eko 39/2015 Legearen 28.3 artikuluan aurreikusitakoarekin bat. Salbuespen gisa, aipatu erakundeak ezin baditu agiri horiek eskuratu, berriz aurkez ditzan eskatzen ahalko dio interesdunari.

9.–Laneratzearen helburua.

Programan parte hartzen duten pertsona artatu guztiak kontuan hartuta, gutxienez %25 laneratuko direla bermatu beharko dute proiektuek. Portzentaje hori aplikatu ondoren dezimalak geratuko balira, gertuen dagoen zenbaki osoaren arabera borobilduko da, gorantz edo beherantz eta, digitua 5 baldin bada, hurrengo zenbaki osoaren arabera borobilduko da.

10.–Programa garatzeko betekizun teknikoak.

1. Dirulaguntzaren onuradun den erakundeak deialdi honetan aipatutako jardunak garatzeko eta enpresen prospekzioa egin, balizko lan-eskaintzak jaso eta enpresetan langileei dagokienez dauden premiak hautemateko beharrekoak giza baliabideak izan beharko ditu.

2. Erakunde onuradunak gutxienez lanaldi oso tekniko bat eskainiko dio proiektuaren garapen eta arretari.

3. Deialdiko 4. oinarrian adierazten diren programako hartzaileak artatzeko, ekintzak burutzeaz arduratuko diren teknikariek betekizun hauek bete beharko dituzte titulazio akademikoari eta laneko esperientziari dagokienez aldi berean:

a) Europako Goi Mailako Hezkuntza Esparruko lizentziatura, diplomatura, gradu edo masterreko titulazio akademikoren bat izatea, hauek lehenetsiz:

–Lizentziaduna, honetan: Soziologia, edo Psikologia, edo Pedagogia, edo Psikopedagogia, edo Hezkuntza Zientziak, edo Lan Zientziak, edo Ekonomia, edo Enpresen Administrazio eta Zuzendaritza (EAZ), edo Zuzenbidea, edo Zuzenbidea eta Enpresen Administrazio eta Zuzendaritza (ZEAZ).

–Diplomatua, honetan: Gizarte Lana, edo Lan Harremanak, edo Maisutza, edo Gizarte Hezkuntza, edo Enpresa Zientziak edo Zuzenbide Lizentziaturako Lehen Zikloa.

–Aurrez aipatutako titulazioen baliokide diren graduak.

b) Laneratzeko zailtasun bereziekin edo pertsona desgaituekin loturako kolektiboetako pertsonen arretan gutxienez sei hilabeteko lan-esperientzia frogagarria izatea, zeregin hauetako edozeinetan:

–Lanbide orientazioko edota enpleguaren kudeaketako teknikaria.

–Giza baliabideen teknikaria.

–Enplegu prospekziogilea

–Teknikaria prestakuntza-programetan (Tailer Eskola, Enplegu Tailerra) edota enplegua sustatzeko programetan (Enplegu eta Tokiko Garapenerako Eragileak, Enplegu Zentro Bereziak, Laneratzeko Enpresak).

Programan parte hartzen duten erakunde onuraduneko teknikarien laneko historia programaren hasieran egiaztatu beharko da, hura egiaztatzeko jatorrizko agiria edo titulazio akademikoaren kopia egiaztatua helaraziz. Halaber, “curriculum vitaea” aurkeztu beharko du lan-esperientzia egiaztatzeko, NZ-NEZ zerbitzuak egiaztatu eta onetsi beharko duena.

Langileen aldaketak onartuko dira soilik aldi baterako ezintasunagatik, amatasunagatik edo erakundearekin lan-harremana bukatzearen ondoriozko baja bat ematen denean. Kasu horietan, erakunde onuradunak NZ-NEZ zerbitzuari jakinaraziko dio Erregistro Telematikoan aurkeztutako idatzi bidez, egoera hori gertatu eta hurrengo 15 egunen barruan, teknikariaren titulazio akademikoa eta lan-esperientzia egiaztatzeko dokumentazioa aurkeztuz, ordeztu den pertsonaren antzeko profil batekin. NZ-NEZ zerbitzuak aurkeztutako dokumentazioa egiaztatu eta baliozkotu eginen du.

4. Dirulaguntzaren onuradun den erakundeak programa garatzeko beharrezkoak diren azpiegitura eta baliabide teknikoak izanen ditu erabilgarri. Hori guztiori, deialdi honetako dirulaguntza eskatzeko “Proiektuaren Memoria Txostena. II. Eranskina” izeneko agiriko dagokion atalean zehaztuko da.

5. Erakundeak hura amaitu ondoren aurkeztuko duen proiektuaren ebaluazio bat egin beharko du.

6. Aurreko ataletan aipatzen diren betekizun tekniko guztiak mantendu egin beharko ditu erakunde onuradunak programa indarrean den bitartean, eta indarraldiaren edozein unetan “bertatik bertara” begiratutzen eta egiaztatzen ahalko dira.

11.–Instrukzioa eta tramitazioa.

1. Prozeduraren instrukzioa eta tramitazioa NL-NEZ zerbitzuko Lana Aktibatzeko eta Lurralde Koordinaziorako Zerbitzuari dagozkio.

2. Instrukzio organoak, behar diren egiaztapenak egin ondoren eta aurrekontuan dagoen diru erabilgarriaren arabera, txostena prestatu eta dagokion ebazpen proposamena eginen du, NL-NEZeko zuzendari kudeatzaileari igortzeko.

3. Eskaeren instrukzioa aurkezten diren hurrenkera berari jarraikiz eginen da.

12.–Dirulaguntzak emateko prozedura.

Deialdi honetan ezarritako dirulaguntzak emateko, banakako ebaluazioaren araubidea erabiliko da. Prozedura hori Dirulaguntzei buruzko azaroaren 9ko 11/2005 Foru Legearen aurreikuspenekin eta oinarri arautzaile hauetan ezarritakoarekin bat etorriko da.

13.–Dirulaguntza emateko ebazpena.

1. NZ-NEZ Zerbitzuko zuzendari kudeatzaileak, instrukzio organoak egindako proposamena jasorik, ebatziko du dirulaguntza eman edo ukatzen den.

Ebazpena gehienez ere hilabetean eman eta jakinaraziko da, eskaera aurkezten denetik hasita.

Epe hori ebazpen espresik jakinarazi gabe bukatzen bada, aurkeztutako eskaera ezetsi egin dela ulertuko da, deusetan galarazi gabe organo eskudunak ebazpena emateko duen betebeharra.

2. Ebazpena entitate eskatzaileari jakinaraziko zaio, diru-laguntza eman edo ukatzearen arrazoiak adierazita.

3. Eskaeraren gaineko ustezko edo berariazko ebazpenaren aurka gora jotzeko errekurtsoa aurkezten ahalko da Nafarroako Gobernuko Eskubide Sozialetako kontseilariari zuzendua, jakinarazi eta biharamunetik hasita hilabeteko epean. Ebazpena berariazkoa ez bada, noiznahi aurkezten ahalko da errekurtsoa, ebazteko gehieneko epea bukatu eta biharamunetik hasita.

4. Instrukzio organoak egiaztatu ondoren eskaeraren xedeko jarduketa egin dela eta enplegatzailea egunean dagoela bere zerga arloko eta Gizarte Segurantzaren arloko betebeharretan, dirulaguntza ordainduko da.

14.–Diru-laguntzaren ordainketa eta justifikazioa.

1. Dirulaguntzaren azken justifikazioaren aitzinetik, entitateak konturako ordainketa bat eskatzen ahal du, exekuzio memoria tekniko bat aurkeztuta. Konturako ordainketen kopurua ez da izanen emandako dirulaguntzaren % 60 baino handiagoa. Konturako ordainketa hau eskatzeko azken eguna urte bakoitzeko azaroaren 30a izanen da.

2. Dirulaguntzaren azken likidazioa egiteko, proiektua amaitu eta gehienez hilabeteko epean, entitate onuradunak justifikatzeko agiri hauek aurkeztu beharko ditu:

a) Dirulaguntza ematean ezarritako baldintzak bete direla justifikatzeko jarduketa memoria, adierazita zer jarduera egin diren, zer emaitza lortu, eta zehaztuta zer lan egin den prestakuntzan, orientazioan, ekintzailetzan eta laneratzen laguntzen, bai eta ikasleen bana-banako orientazio eta jarraipen ibilbideak ere. Era berean, teknikarien dokumentazioan:

b) Justifikazio memoria ekonomiko bat, gutxienez honako hauek jasoko dituena:

–Onuradunak modulutzat hartzen diren unitate fisikoen kopuruaz egindako adierazpena (amaitzen duten parte hartzaileak eta prestakuntza orduak).

–Diru-laguntzaren zenbatekoa, kalkulatua jarduketa memoriako jarduera-datuetan eta oinarri arautzaileen moduluetan oinarriturik.

–Diruz lagundutako jarduera finantzatu duten bestelako dirulaguntzen edo diru-sarreren azalpena, bakoitzaren zenbatekoa eta jatorria adierazita.

Justifikazioa ezarritako epean edo zuzenketak egiteko ematen den epean aurkeztu ezean, galduko da justifikatzen ez diren gastuak eta ordainketak kobratzeko eskubidea.

3. Azken likidazioan proiektuan jasotzen den laneratzeari dagokion ordainketa jasoko da, erakunde onuradunak bere memorian kontratua esan ezean. Ondoren, behin dagokion epea amaituta, organo kudeatzaileak laneratzea bete ote den egiaztatuko du, eta hala ez bada itzulketa bat izapidetuko du.

4. Inpaktuaren Ebaluazioaren Txostenaren Memoria.

15.–Erakunde onuradunaren betebeharrak:

Onuradunek Diru-laguntzei buruzko azaroaren 9ko 11/2005 Foru Legearen 9. artikuluan ezarritako betebehar orokorrak bete beharko dituzte.

Bereziki, hauek:

a) Programa hasten den egunean, proiektuaren xede den jarduera hasi delako jakinarazpena igortzea NL-NEZari. Ezarritako epean ez jakinarazteak zigor bat ekarriko du berekin, emandako zenbatekoa txikitzea, hasiera jakinarazi behar zen egunetik jakinarazi gabe iragan diren egunen zati proportzionala kenduta.

b) Dirulaguntzaren xedeko jarduera deialdian ezarritako moduan eta epean egitea.

c) Proiektura atxikitako langileen lan-kontratuen aurkezpena.

d) Proiektua hastean, proiektuan zehar egin beharreko jarduera osoaren plangintza eta egutegi zehatza aurkeztea.

e) Lehenbailehen jakinaraztea NL-NEZari zer alta eta baja izan diren parte hartzaileen artean.

f) NL-NEZak edo beste kontrol erakunde batzuek egin beharreko egiaztapen, jarraipen eta kontrol lanak onartzea.

g) Nafar Lansare-Nafarroako Enplegu Zerbitzuari ezagutzera ematea beste administrazio edo entitate publiko edo pribatu batzuek, nazionalek nahiz nazioartekoek, xede bererako emandako bestelako dirulaguntzarik, laguntzarik, diru-sarrerarik edo baliabiderik jaso den, bai eta dirulaguntzak emateko kontuan hartutako xedeak edo baldintzak aldatu diren ere.

h) NL-NEZari behar bezala justifikatzea laneratze konpromisoak bete egin direla.

i) Jasotako diruaren erabilerari buruzko frogagiriak gordetzea, agiri elektronikoak barne, egiaztatze eta kontrol lanen xede izan daitezkeen bitartean.

j) Diruz lagundutako jarduerak izaera publikoa duela agerraraztea. Diruz laguntzen diren programen hedapen eta garapenarekin zerikusia duten jarduketa guztietan, gutxienez, Nafarroako Gobernuaren ikurra sartu beharko da, eta NL-NEZarekiko lankidetza aipatu. Horiek guztiak lehentasunezko tokian jarriko dira, eta ez dira inola ere entitate onuradunaren ikurra baino txikiagoak izanen. Betiere proportzioak eta jatorrizko gama kromatikoa errespetatuko dira.

Entitateak deialdi hau jakinarazi eta zabaltzeko erabiltzen dituen dokumentazio, publizitate, irudi edo material guztietan, hizkuntzaren erabilera ez-sexista egin beharko da, emakumeak diskriminatzen dituen edozein eredu edo estereotipo sexista baztertu, eta berdintasun balioetan, presentzia orekatuan eta rolen eta genero identitateen aniztasunean oinarritutako irudia sustatu.

k) Nafar Lansare-Nafarroako Enplegu Zerbitzuari jakinaraztea laguntzen jarraipena egiteko behar duen informazio guztia.

l) Jarduketak SISPE/Orientasare/IRISen grabatzea.

m) Istripu aseguruko poliza bat izenpetzea, proiektuak hasi baino lehen. Poliza hori gauzapen aldiari, egin asmo diren jarduketei eta eguneroko ordutegiari egokituko zaizkie. In itinere istripu gastuak eta ikasleek enpresetara eta beste establezimendu batzuetara egiten dituzten bisiten ondoriozko arriskuak estali beharko ditu, eta jarduketen garapenari euskarri eman beharko diote.

Polizak hirugarrenen aurreko erantzukizun zibila ere estali beharko du, programa gauzatu bitartean parte-hartzaileek eragindako kalteak estaltzeko eta Nafar Lansare-Nafarroako Enplegu Zerbitzua horren gaineko erantzukizun orotatik salbuesteko. Aseguru poliza kolektibo bat sinatzen ahalko da, adierazitako baldintzekin, parte-hartzaile guztiak estaltzeko.

Parte-hartzaileek ez diote proiektuari hasiera ematen ahalko istripu aseguruko poliza sinatu ez bada. Polizak, gutxienez, honako estaldura hauek izanen ditu:

–Heriotza, istripuagatik.

–Baliaezintasun iraunkorra (partziala, osoa edo absolutua) eta baliaezintasun handia istripuagatik. Baremoaren araberakoa izanen da.

–Osasun laguntza mugagabea, istripuagatik.

16.–Gardentasun betebeharrak.

Gardentasunari, informazio publikoa eskuratzeari eta gobernu onari buruzko maiatzaren 17ko 5/2018 Foru Legearen 3.c) artikuluan aipatutako erakundeak behartuak daude gardentasun betebeharra betetzera baldin eta, urtebetean, 20.000 eurotik goitiko laguntzak edo dirulaguntzak jasotzen badituzte Nafarroako Aurrekontu Orokorren kargura, edo jasotako laguntzak edo dirulaguntzak beren urteko diru-sarrera guztien %20 edo gehiago badira, betiere 5.000tik goitiko kopurua bada.

Aipatu diren inguruabarrak gertatzeagatik gardentasun betebeharrak dituzten entitate onuradunek jarraian adierazten den informazioa eman beharko dute hilabeteko epean, dirulaguntza emateko ebazpena jakinarazten denetik kontatzen hasita:

a) Entitatearen gobernu, administrazio eta zuzendaritza organoen osaera.

b) Organo horiek osatzen dituzten kargudunen zerrenda.

c) Entitateak aurreko urtean kargudun bakoitzari ordaindutako ordainsari gordinak eta gainerako diru konpentsazioak, kontzeptuz kontzeptu. Sortu berriak diren entitateen kasuan, informazioa izanen da haien aurrekontuetan edo plan ekonomiko-finantzarioan jasotakoa.

d) Gobernu, administrazio eta zuzendaritza eginkizunetan ematen den dedikazioaren araubidea.

e) Erakunde onuradunaren urteko azken kontuen kopia bat.

Informazio hori entitate onuradunaren legezko ordezkariak sinatuta aurkeztuko da, Nafarroako Gobernuaren Erregistro Orokor Elektronikoaren bide telematikoak erabiliz, eta dirulaguntza kudeatzen duen administrazio unitateari bidaliko zaio.

Entitateak gardentasun betebeharra bete behar ez badu, aurreikusitako inguruabarrak gertatzen ez direlako, horren gaineko aitorpena aurkeztu behar du.

Entitateak ekitaldi berean dirulaguntza bat baino gehiago jasotzen badu, ez du informazioa errepikatu behar dirulaguntza bakoitzerako, salbu eta hasieran eman zituen datuak aldatzen badira. Horretarako, entitateak identifikatu behar du Foru Komunitateko Administrazioaren zein organoren aurrean eta noiz aurkeztu zuen.

Betebehar hori bete ezean, emandako dirulaguntza ez da ordainduko, ezta aurrerakinak ere, eta, kasua bada, kobratutako zenbatekoak itzuli egin beharko dira, Dirulaguntzei buruzko azaroaren 9ko 11/2005 Foru Legearen 35.1.c) artikuluan ezarritakoari jarraikiz.

Aurrekoa galarazi gabe, onuradun guztiak behartuak daude unitate kudeatzaileari behar den informazio guztia ematera, aurretiazko errekerimendua eginda eta hamar eguneko epean, frogatzeko betetzen direla maiatzaren 17ko 5/2018 Foru Legearen II. tituluan jasotako gardentasun betebeharrak (aipatutako foru lege horrek hizpide ditu gardentasuna, informazio publikoa eskuratzea eta gobernu ona).

Errekerimenduan emandako epea bukatzen bada eskatutakoa bete gabe, hertsapen isunak ezartzea erabakitzen ahalko da, 500 eurotik 5.000 eurora bitartekoak, interesdunari ohartarazpena egin ondoren eta entzunaldia emanda. Isuna hamabost egunetik behin errepikatuko da, errekerimendua bete arte. Isunaren zenbateko osoa ez da izanen dirulaguntzaren zenbatekoaren ehuneko bost baino handiagoa. Zenbatekoa zehazteko, kontuan hartuko dira ez-betetzearen astuntasuna eta proportzionaltasun-printzipioa.

17.–Dirulaguntzaren bateragarritasuna.

1. Deialdi honetan aurreikusitako dirulaguntzak bateragarriak dira Nafarroako Foru Komunitateko Administrazioaz aparte beste administrazio publiko batzuek, beste erakunde publiko zein pribatu batzuek edo norbanakoek, nazionalek edo atzerrikoek, jarduera bera garatzeko ematen dituztenekin. Giza Eskubideen Departamentuko dirulaguntzen beste deialdi batzuen bidez egiteko aurreikusitako urtean diruz lagundu diren proiektuak ez dira, inolaz ere, finantzatuko.

2. Ematen diren dirulaguntzen zenbatekoak ez du sekula gaindituko, bakarrik edo beste erakunde edo entitate pribatu zein publiko batzuen laguntzekin batuta, diruz lagundutako jardueraren kostua.

18.–Azpikontratazioa.

Erakunde onuradunek diruz lagundutako jardueraren %60ra arte azpikontrata dezakete hirugarrenekin, Dirulaguntzei buruzko azaroaren 9ko 11/2005 Foru Legearen 26. artikuluan xedatuaren arabera.

Langileen kontratazioa ez da azpikontrataziotzat hartuko, kontratazio zuzena edo autonomoena bada.

4. Oinarrian deskribatzen diren ekintzak burutzeari dagokionez, pertsona onuradunak berriro kualifikatzera bideratutako prestakuntza soilik azpikontratzen ahalko da, laneko gaitasun espezifikoen bidez.

19.–Onetsiriko proiektuen aldaketak.

1. Proiektuak edo diru-laguntzak ematerakoan kontuan hartutako baldintzak aldatu badira, aitzinetik horren berri eman beharko zaio NL-NEZ zerbitzuari, haietarako baimena eman dezan.

2. Aldaketa egiteko eskaeretan behar bezain ongi azaldu beharko da aldaketarako arrazoia, edo zer arazo sortu den proiektua hasieran pentsatu bezala ez egiteko. Horrelako eskaerak proposatu nahi den aldaketa hasi baino gutxienez 5 egun natural lehenago aurkeztu beharko dira.

3. Aldaketa horiek funtsezkotzat jotzen badira, NZ-NEZ zerbitzuak ebazpen bat emanen du onartutako diru-laguntzaren zenbatekoa gutxitu edo bertan behera uzteko, sartutako aldaketen garrantziaren arabera.

20.–Jarraipena eta ebaluazioa.

1. NL-NEZ zerbitzuak beharrezko zeregin guztiak eginen ditu proiektuak ebaluatu eta haiei jarraipena egiteko. Entitate onuradunek behar diren datu, agiri eta informazio guztiak emanen dituzte egindako jarduketa ebaluatzeko, justifikatzeko, jarraipena egiteko eta kontrolatzeko. Zehazki, Gizarte Segurantzan kontsulta eginda, proiektuetan parte hartu dutenak laneratu direla egiaztatuko da.

2. NZ-NEZ zerbitzuak laguntzaren xedeko jarduketak ikuskatzen ahalko ditu, diru-laguntzak ematean aintzat hartutako eta ezarritako baldintza eta zehaztapenetara egokitzen ote diren egiaztatzeko. Horretarako, beharrezkoak diren bisitak eginen ditu, baita diru-laguntza jaso duten jarduerak egiten diren tokietara ere beharrezkoa bada, horien betetze maila ebaluatze aldera.

3. Jarraipen Batzorde bat osatuko da, organo kudeatzaileko eta erakunde onuraduneko profesionalek osatua, zehazten den aldizkakotasunez elkartuko dena.

Uneoro, aitzinetik bi aldeek hala adostuta, Batzorde horren osaera areagotu egin ahal da, eta lanbide profil jakinak izatea eskatzen ahal da, jorratzeko gaien arabera.

Hauek izanen dira Batzordeari esleitutako zeregin nagusiak:

–Helburuak eta jarduerak berrikustea.

–Egokiak diren aurreikuspenak egitea.

–Lanbide orientazio eta prospekzio arloan egindako lana NZ-NEZ zerbitzuarekin koordinatzea.

–Proiektua egikaritzean sortzen ahal diren zailtasunak ebaztea.

Saio horietan, erakunde onuradunak garatutako ekintzen jarraipena egiteko txostenak eta eskatzen ahal zaion beste edozein dokumentazio helaraziko du. Horretarako, hori egiteko maiztasuna eta modua erakundearekin adostuko da.

21.–Dirulaguntzen publizitatea.

Dirulaguntzei buruzko azaroaren 9ko 11/2005 Foru Legearen 15. artikuluan xedatutakoarekin bat, Lana Aktibatzeko eta Lurralde Koordinaziorako Zerbitzuak jendaurrean jarriko ditu emandako dirulaguntzak Nafarroako Atarian (www.nafarroa.eus), eta bertan adieraziko dira deialdia, aurrekontuko zein programari eta kredituri egotzi zaizkien, onuraduna, emandako zenbatekoa eta dirulaguntzaren xedea. Estatuko Administrazioko Kontu-hartzailetza Nagusiak ere argitaratuko ditu datu horiek bere web-orrian, Dirulaguntzei buruzko azaroaren 17ko 38/2003 Lege Orokorraren 20.8 artikuluan xedatutakoarekin bat.

22.–Datuen babesa.

Deialdi honek ezartzen duena betetzeko beharrezkoak diren datu pertsonalen tratamendua honako arau hauen arabera eginen da: 2016/679 (EB) Erregelamendua, apirilaren 27koa, Europako Parlamentuarena eta Kontseiluarena, datu pertsonalen tratamenduari eta datu horien zirkulazio askeari dagokienez pertsona fisikoak babesteari buruzkoa, eta 95/46/EE Zuzentaraua indargabetzen duena; 3/2018 Lege Organikoa, abenduaren 5ekoa, Datu Pertsonalak Babesteari eta Eskubide Digitalen Bermeari buruzkoa; eta garapenerako gainerako arauak, hari aurka egiten ez dioten heinean.

Entitate onuradunen ardura izanen da programetan parte hartzen duten pertsonei aipatu Erregelamenduaren (EB) 13. artikuluan adierazitako informazioa ematea.

Halaber, organo kudeatzaileak programetako parte-hartzaileen lan bizitzak kontsulta ditzan, entitate onuradunek dagozkien baimenak eskatu behar dizkiete horiei.

23.–Betebeharrak ez betetzea eta diru-laguntzak itzultzea.

1. Hartutako zenbatekoa itzuli egin beharko da, osorik edo partez, baldin programa gauzatzen ez bada, dirulaguntza emateko ezarritako baldintzak betetzen ez badira, Dirulaguntzei buruzko Foru Legearen 35. artikuluan aipatzen diren zergatikoak gertatzen badira edo deialdi honetan berariaz aipatzen diren betebeharrak betetzen ez badira. Legez ezarritako kasuetan, gainera, bidezkoa izanen da dirulaguntza ordaindu zenetik itzuli beharraren gaineko ebazpena ematen den arte sortutako berandutze-interesak ordaintzeko eskatzea.

2. Ezarritako epean justifikatu ezik, onartutako dirulaguntza kobratzeko eskubidea galduko da eta aurreratutako zenbatekoak itzuli beharko dira, berandutze-interesak barne.

3. Diru-laguntza erabiltzen baldin bada eman zen helburuetarako ez beste batzuetarako, eta aldaketa hori NZ-NEZ zerbitzuari jakinarazten ez bazaio, diru-laguntza osoa itzuli beharko da, berandutze-interesak barne, ezar daitekeen zehapena galarazi gabe.

Erakunde onuradunak diru-laguntza emateko aintzat hartutako baldintzen edo programen aldaketa jakinarazi eta NZ-NEZ zerbitzuak onartu badu, dirua itzultzea beharrezkoa bada, ez da berandutze-interesik eskatuko.

4. Entitate onuradunak ia baldintza guztiak betetzen dituenean eta konpromisoak betetzeko jarrera garbia duela egiaztatzen duenean, itzuli beharreko zenbatekoa proportzionaltasun irizpideari jarraikiz zehaztuko da, dirulaguntza emateko ezarritako baldintzak zenbateraino eta noraino bete ez diren ikusita. Deialdi honen ondorioetarako, “esanguratsutzat” joko da onetsitako proiektuaren %75 betetzea.

Lan-munduan txertatzeko konpromisoa, proiektuan ezarritakoa, betetzen ez bada, %5 itzuli beharko da proiektuan adierazitako portzentajearen %20ra arte betetzen ez denean; %10, portzentaje hori %21etik %50era arte betetzen ez denean; %15, %51tik %75era arte betetzen ez denean, eta %20, portzentaje hori gaindituz gero.

5. Entitate onuradunak organo kudeatzaileari eskatzen ahalko dio dirulaguntzaren zati bat bere borondatez itzultzeko. Borondatezko itzulketetan, eta, Diru-laguntzei buruzko azaroaren 9ko 11/2005 Foru Legearen 35. artikuluan xedatua kontuan hartuta, berandutze-interesak aplikatu behar badira, itzulketa gertatu arte kalkulatuko dira.

24.–Zehapen araubidea.

Arau-hauste eta zehapenen araubideari dagokionez, Diru-laguntzei buruzko azaroaren 9ko 11/2005 Foru Legearen IV. tituluan xedaturikoa aplikatuko da.

I. ERANSKINA

2020. urtean gehien kontratatutako ekonomia jarduerak

EKONOMIA JARDUERAK

GEHIEN KONTRATATUTAKO EKONOMIA JARDUERAK

GUZTIRA

%

10

ELIKAGAIEN INDUSTRIA

48.236

%6,20

86

OSASUN ARLOKO JARDUERAK

26.439

%8,88

01

NEKAZARITZA, ABELTZAINTZA, EHIZA ETA HORIEKIN LOTUTAKO ZERBITZUAK

19.046

%6,40

81

ERAIKINETARAKO ZERBITZUAK ETA LOREZAINTZA JARDUERAK

16.944

%5,69

85

HEZKUNTZA

16.717

%5,61

56

OTORDU ETA EDARIEN ARLOKO ZERBITZUAK

16.553

%5,56

47

TXIKIZKAKO MERKATARITZA, SALBU IBILGAILU MOTORDUNEN ETA MOTOZIKLETEN KONPONKETA

16.267

%5,46

29

IBILGAILU MOTORDUNEN, ATOIEN ETA ERDI-ATOIEN FABRIKAZIOA

15.574

%5,23

87

LAGUNTZA EGOITZA-ESTABLEZIMENDUETAN

10.508

%3,53

25

METALEZKO PRODUKTUEN FABRIKAZIOA, SALBU MAKINERIA ETA EKIPAMENDUA.

6.998

%2,35

52

BILTEGIRATZEA ETA GARRAIOARI ERANTSITAKO JARDUERAK

6.826

%2,29

88

OSTATURIK GABEKO GIZARTE ZERBITZUEN JARDUERAK

6.333

%2,13

84

ADMINISTRAZIO PUBLIKOA ETA DEFENTSA DERRIGORREZKO GIZARTE SEGURANTZA

6.099

%2,05

46

HANDIZKAKO MERKATARITZA ETA MERKATARITZA BITARTEKARIAK, SALBU IBILGAILU MOTORDUNEN ETA MOTOZIKLETEN KONPONKETA

6.097

%2,05

22

KAUTXUZKO PRODUKTUEN ETA PLASTIKOEN FABRIKAZIOA

6.048

%2,03

93

KIROL, JOLAS ETA ENTRETENIMENDU JARDUERAK

5.302

%1,78

43

ERAIKUNTZA ESPEZIALIZATUKO JARDUERAK

5.020

%1,69

97

ETXEETAKO JARDUERAK, ETXEKO LANGILEEN ENPLEGATZAILE GISA

4.477

%1,50

49

LURREKO ETA HODI-SARE BIDEZKO GARRAIOA

4.186

%1,41

55

OSTATU ARLOKO ZERBITZUAK

3.992

%1,34

82

BULEGOKO ADMINISTRAZIO JARDUERAK ETA ENPRESETARAKO BESTE LAGUNTZA JARDUERA BATZUK

3.849

%1,29

28

BESTE INON SAILKATU GABEKO MAKINERIAREN ETA EKIPOEN FABRIKAZIOA

3.807

%1,28

41

ERAIKINEN ERAIKUNTZA

3.335

%1,12

53

BESTELAKO POSTA JARDUERAK

3.291

%1,11

24

METALURGIA. BURDINAZKO PRODUKTUEN, ALTZAIRUAREN ETA FERROALEAZIOEN FABRIKAZIOA

2.900

%0,97

71

ARKITEKTURA ETA INGENIARITZAKO ZERBITZU TEKNIKOAK. ENTSEGUAK ETA ANALISI TEKNIKOAK

2.703

%0,91

17

PAPERAREN INDUSTRIA

2.361

%0,79

18

ARTE GRAFIKOAK ETA GRABATUTAKO EUSKARRIEN ERREPRODUKZIOA

2.000

%0,67

94

ELKARTE JARDUERAK

1.936

%0,65

33

MAKINERIA ETA EKIPOEN KONPONKETA ETA FABRIKAZIOA

1.841

%0,62

59

ZINEMATOGRAFIA, BIDEO ETA TELEBISTAKO SAIO, SOINU GRABAKETA ETA MUSIKA EDIZIOKO JARDUERAK

1.703

%0,57

38

HONDAKINEN BILKETA, TRATAMENDUA ETA EZABAKETA BALORIZAZIOA

1.653

%0,56

90

SORKUNTZA JARDUERAK, JARDUERA ARTISTIKOAK ETA IKUSKIZUNAK

1.651

%0,55

27

MATERIAL ETA EKIPO ELEKTRIKOEN FABRIKAZIOA

1.643

%0,55

21

FARMAZIA-PRODUKTUEN FABRIKAZIOA

1.522

%0,51

78

ENPLEGUAREKIN UZTARTUTAKO JARDUERAK

1.456

%0,49

45

IBILGAILU MOTORDUNEN ETA MOTOZIKLETEN SALMENTA ETA KONPONKETA

1.241

%0,42

96

BESTELAKO ZERBITZU PERTSONALAK

1.204

%0,40

13

EHUNGINTZA

1.041

%0,35

II. ERANSKINA

2020. urtean gehien kontratatutako okupazioak

GUZTIRA

%

9700

MANUFAKTURAKO INDUSTRIETAKO PEOIAK

81.912

%29,23

9210

BULEGO, HOTEL ETA ANTZEKO BESTE ESTABLEZIMENDUETAKO GARBITZAILEAK

18.979

%6,77

5220

DENDA ETA BILTEGIETAKO SALTZAILEAK

13.301

%4,75

9511

NEKAZARITZAKO PEOIAK (SALBU BARATZE, NEGUTEGI, HAZTEGI ETA LORATEGIETAN)

11.583

%4,13

5120

SOLDATAPEKO ZERBITZARIAK

11.440

%4,08

5611

OSPITALEKO ERIZAINTZAKO LAGUNTZAILEAK

8.215

%2,93

5629

BESTE EPIGRAFE BATZUETAN SAILKATU GABEKO OSASUN ZERBITZUETAN PERTSONEN ZAINTZARAKO LANGILEAK

7.739

%2,76

2121

ERIZAIN EZ ESPEZIALIZATUAK

7.308

%2,61

4500

BESTE EPIGRAFE BATZUETAN SAILKATU GABEKO JENDAURREKO ZEREGINAK DITUZTEN ADMINISTRARIAK

7.268

%2,59

2240

LEHEN HEZKUNTZAKO IRAKASLEAK

5.419

%1,93

9490

FUNTSEZKO BESTELAKO OKUPAZIOAK

4.963

%1,77

9100

ETXEKO LANGILEAK

4.291

%1,53

2230

BIGARREN HEZKUNTZAKO IRAKASLEAK (SALBU LANBIDE HEZIKETAKO IKASGAI ZEHATZAK)

4.093

%1,46

9530

NEKAZARITZA ETA ABELTZAINTZAKO PEOIAK

3.528

%1,26

7705

FRUTA ETA ORTUARIEN KONTSERBAGILEAK ETA ALKOHOLIK GABEKO EDARIAK EGITEKO LANGILEAK

3.130

%1,12

8121

METALAK ESKURATU ETA ERALDATZEKO INSTALAZIOETAKO BEHARGINAK

2.942

%1,05

5110

SOLDATAPEKO SUKALDARIAK

2.921

%1,04

5721

HAUR ZAINTZAILEAK HAURTZAINDEGI ETA IKASTETXEETAN

2.880

%1,03

9229

BESTELAKO GARBITZAILEAK

2.848

%1,02

3122

ERAIKUNTZAKO TEKNIKARIAK

2.781

%0,99

8333

ORGA JASOTZAILEEN BEHARGINAK

2.771

%0,99

4221

POSTA ZERBITZUETAKO LANGILEAK (SALBU ERAKUSMAHAIKO LANGILEAK)

2.708

%0,97

9512

NEKAZARITZAKO PEOIAK BARATZE, NEGUTEGI, HAZTEGI ETA LORATEGIETAN

2.557

%0,91

3724

JOLAS ETA ENTRETENIMENDU JARDUERETAKO MONITOREAK

2.481

%0,89

8143

PAPER ETA KARTOI PRODUKTUAK FABRIKATZEKO MAKINETAKO BEHARGINAK

2.470

%0,88

7899

BESTE EPIGRAFE BATZUETAN SAILKATU GABEKO BESTE LANBIDE BATZUETAKO OFIZIAL, BEHARGIN ETA ARTISAUAK

2.259

%0,81

9811

SALGAIETAKO GARRAIOKO PEOIAK ETA ZAMAKETARIAK

2.204

%0,79

8432

SOLDATAPEKO KAMIOI GIDARIAK

2.044

%0,73

9310

SUKALDARITZAKO LAGUNTZAILEAK

1.994

%0,71

8412

SOLDATAPEKO AUTO, TAXI ETA FURGONETA GIDARIAK

1.899

%0,68

9442

HONDAKINEN SAILKATZAILEAK, GUNE GARBIKO BEHARGINAK ETA TXATAR BILTZAILEAK

1.786

%0,64

2824

GIZARTE LAN ETA HEZKUNTZAKO PROFESIONALAK

1.780

%0,64

9602

ERAIKINEN ERAIKUNTZAKO PEOIAK

1.727

%0,62

4309

BESTE EPIGRAFE BATZUETAN SAILKATU GABEKO JENDAURREKO ZEREGINAK EZ DITUZTEN ADMINISTRARIAK

1.562

%0,56

7121

IGELTSEROAK

1.432

%0,51

7312

SOL

1.394

%0,50

5710

ETXEZ ETXEKO PERTSONEN ZAINTZARAKO LANGILEAK

1.356

%0,48

7701

ABERE-HILTZAILEAK ETA HARAGI INDUSTRIETAKO LANGILEAK

1.332

%0,48

9432

EKIPAJEEN ETA ANTZEKOEN LANGILEAK

1.087

%0,39

5500

KUTXAZAINAK ETA TXARTEL-SALTZAILEAK (SALBU BANKUAK)

1.038

%0,37

5833

ERAIKINETAKO ATEZAINAK

979

%0,35

2939

BESTE EPIGRAFE BATZUETAN SAILKATU GABEKO SORKUNTZA ETA INTERPRETAZIOKO ARTISTAK

973

%0,35

7111

HORMIGOIZKO OBRARATZE LANETAKO KOFRATZAILE ETA BEHARGINAK

954

%0,34

2111

FAMILIA MEDIKUAK

937

%0,33

2329

BESTE EPIGRAFE BATZUETAN SAILKATU GABEKO IRAKASLEAK ETA IRAKASKUNTZAKO PROFESIONALAK

937

%0,33

8202

EKIPAMENDU ELEKTRIKO ETA ELEKTRONIKOETAKO MIHIZTATZAILEAK

912

%0,33

2932

MUSIKAGILEAK, MUSIKARIAK ETA ABESLARIAK

879

%0,31

2220

LANBIDE HEZIKETAKO IRAKASLEAK (IKASGAI ZEHATZAK)

877

%0,31

9601

HERRI LANETAKO PEOIAK

859

%0,31

3713

GIZARTE LAN ETA HEZKUNTZAKO PROFESIONALEN LAGUNTZAILEAK

769

%0,27

9441

HONDAKINEN BILTZAILEAK

764

%0,27

5992

BAINULARI-SOROSLEAK

763

%0,27

5941

ARMEKIN JOAN DAITEZKEEN SEGURTASUN ZAINDARIAK ETA ANTZEKOAK

741

%0,26

9820

APAL-BETETZAILEAK

732

%0,26

3510

MERKATARITZAKO AGENTE ETA ORDEZKARIAK

730

%0,26

2152

FISIOTERAPEUTAK

729

%0,26

2122

ERIZAIN ESPEZIALIZATUAK (SALBU SORTZAINAK)

717

%0,26

2935

AKTOREAK

692

%0,25

3128

METALURGIA ETA MEHATZETAKO TEKNIKARIAK

655

%0,23

2252

HAUR HEZKUNTZAKO TEKNIKARIAK

646

%0,23

3314

DIAGNOSI KLINIKOEN LABORATEGIKO TEKNIKARIAK

619

%0,22

8199

BESTE EPIGRAFE BATZUETAN SAILKATU GABEKO INSTALAZIO ETA MAKINERIA FINKOETAKO BEHARGINAK

612

%0,22

3723

KIROL JARDUERETAKO INSTRUKTOREAK

607

%0,22

3127

LABORATEGIKO TEKNIKARI ETA ANALISTAK INDUSTRIA KIMIKOAN

605

%0,22

6110

LANGILE KUALIFIKATUAK NEKAZARITZAKO JARDUERETAN (SALBU BARATZE, NEGUTEGI, HAZTEGI ETA LORATEGIETAN)

587

%0,21

2112

BESTELAKO MEDIKU ESPEZIALISTAK

584

%0,21

III. ERANSKINA

Proiektuaren memoria (PDFa).

IV. ERANSKINA

Iruñeko Metropoli Eremua (4/2019 Foru Legea, otsailaren 26koa)

Eskualdea: “Iruñerria”

Azpieskualdea. “Metropolialdea”.

UDALERRIA

POPULAZIOA 2017

ANTSOAIN

10.752

ARANGUREN

10.239

BARAÑAIN

20.124

BERIAIN

3.894

BERRIOBEITI

6.872

BERRIOZAR

9.874

BURLATA

18.591

ZIZUR

3.784

GALAR

2.194

UHARTE

6.917

NOAIN (ELORTZIBAR)

8.115

ORKOIEN

3.910

IRUÑA

197.138

TEBAS-MURU ARTEDERRETA

613

EGUESIBAR

20.417

ATARRABIA

10.217

ZIZUR NAGUSIA

14.686

348.337

Iragarkiaren kodea: F2109196