1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
1055/2021 EBAZPENA, maiatzaren 24koa, Nafarroako Unibertsitate Publikoko errektoreak emana, María del Mar Rubio Varas andrea unibertsitateko katedradun izendatzen duena.
Nafarroako Unibertsitate Publikoko Irakasleen Gaietarako errektoreordeak 2021eko urtarrilaren 18an emandako 43/2021 Ebazpenaren bidez, unibertsitateko irakaskidegoetako lanpostuak betetzeko lehiaketarako deia egin zen.
Ikusirik 3942 zenbakia duen lanpostua betetzeko lehiaketaz arduratzen den batzordeak 2021eko maiatzaren 21ean egindako proposamena, María del Mar Rubio Varas andrea Ekonomia Saileko “Historia eta Erakunde Ekonomikoak” jakintza-arloko unibertsitateko katedradun izendatzearen aldekoa.
Unibertsitateei buruzko 2001eko abenduaren 21eko 6/2001 Lege Organikoaren 65. artikuluak eta Nafarroako Unibertsitate Publikoaren Estatutuen 40. artikuluak ematen dizkidaten eskudantziez baliatuz,
EBAZTEN DUT:
Lehenbizikoa.–María del Mar Rubio Varas andrea Nafarroako Unibertsitate Publikoko unibertsitateko katedradun izendatzea. Lanpostua “Historia eta Erakunde Ekonomikoak” jakintza-arlokoa da, 3942 zenbakia du eta Ekonomia Sailari atxikia dago.
Bigarrena.–Izendapen honek interesduna lanpostuaz jabetzen denean hartuko du indarra, eta betiere gehienez hogei eguneko epean ebazpen hau “Estatuko Aldizkari Ofizialean” argitaratu eta biharamunetik kontatzen hasita.
Hirugarrena.–Ebazpen honek administrazio bidea agortzen du, Unibertsitateei buruzko 2001eko abenduaren 21eko 6/2001 Lege Organikoaren 6.4 artikuluan ezarritakoaren arabera, eta haren kontra zilegi da berraztertzeko errekurtsoa jartzea errektorearen aurrean, edo, bestela, zuzenean administrazioarekiko auzi-errekurtsoa Nafarroako Administrazioarekiko Auzietako epaitegietan, hilabeteko epean lehenbiziko kasuan, eta bi hilabeteko epean bigarrenean, biak ere ebazpena argitaratu eta biharamunetik kontatzen hasita.
Iruñean, 2021eko maiatzaren 24an.–Ramón Gonzalo García, Errektorea.
Iragarkiaren kodea: F2108878
