1. NAFARROAKO FORU KOMUNITATEA
1.7. BESTELAKOAK
ERABAKIA, Nafarroako Gobernuak 2021eko maiatzaren 26an hartua, foru intereseko inbertsio deklaratzen duena GKN AYRA Servicio SAk sustatutako inbertsio proiektua, “Jarduera finkatzea eta hazten hastea Zarrakaztelun eta negozio lan ildo berriak zabaltzea” izenekoa. Proiektua Zarrakaztelun (Nafarroa) eginen da.
GKN AYRA Servicio SAk, 2021eko apirilaren 20an, eskatu zuen foru intereseko deklara zedila Zarrakaztelun (Nafarroa) egin asmo duen inbertsio proiektua, “Jarduera finkatzea eta hazten hastea Zarrakaztelun eta negozio lan ildo berriak zabaltzea” izenekoa.
Industria Sustapenaren Zerbitzuak inbertsio proiektua ebaluatuta, kontuan harturik proiektuaren ezaugarriak, enplegua sortzeari begira izanen duen eragina eta haren garapena sustatu beharra, proposatu du foru intereseko inbertsio deklaratzea, Enpresa edo lanbide jarduerak abian jartzeko xedearekin administrazio bideak errazteko neurriei buruzko abenduaren 9ko 15/2009 Foru Legearen 4. artikuluan ezarritakoaren ondorioetarako.
Adierazitakoarekin bat, Nafarroako Gobernuak, Garapen Ekonomiko eta Enpresarialeko kontseilariak proposaturik,
ERABAKITZEN DU:
1. “Jarduera finkatzea eta hazten hastea Zarrakaztelun eta negozio lan ildo berriak zabaltzea” izeneko proiektua, GKN AYRA Servicio SAk sustaturik, foru intereseko inbertsio deklaratzea, Enpresa edo lanbide jarduerak abian jartzeko xedearekin administrazio bideak errazteko neurriei buruzko abenduaren 9ko 15/2009 Foru Legearen 4. artikuluan ezarritakoaren ondorioetarako. Deklarazio honek inbertsio proiektua bukatu arte izanen ditu ondorioak.
2. Erabaki hau Nafarroako Parlamentuko Garapen Ekonomikorako Batzordera igortzea, abenduaren 9ko 15/2009 Foru Legearen 4. artikuluan ezarritakoaren ondorioetarako.
3. Erabaki hau Nafarroako Aldizkari Ofizialean argitaratzea, orok jakin dezan, eta GKN AYRA Servicio SAri jakinaraztea, behar diren ondorioak izan ditzan.
Iruñean, 2021eko maiatzaren 26an.–Nafarroako Gobernuko kontseilari-idazkaria, Javier Remírez Apesteguía.
Iragarkiaren kodea: F2108623
