133. ALDIZKARIA - 2021eko ekainaren 8a

1. NAFARROAKO FORU KOMUNITATEA

1.7. BESTELAKOAK

ERABAKIA, Nafarroako Gobernuak 2021eko maiatzaren 26an hartua, foru intereseko inbertsio deklaratzen duena Laboratorios Cinfa SAk sustatutako inbertsio proiektua, “Instalazio berriak, berritzaile eta jasangarriak, botikak eta osasun teknologiak garatzeko, fabrikatzeko eta banatzeko” izenekoa. Proiektua Ollokin (Nafarroa) eginen da.

Laboratorios Cinfa SAk, 2021eko apirilaren 30ean, eskatu zuen foru intereseko deklara zedila Ollokin (Nafarroa) egin asmo duen inbertsio proiektua, “Instalazio berriak, berritzaile eta jasangarriak, botikak eta osasun teknologiak garatzeko, fabrikatzeko eta banatzeko” izenekoa.

Industria Sustapenaren Zerbitzuak inbertsio proiektua ebaluatuta, kontuan harturik proiektuaren ezaugarriak, enplegua sortzeari begira izanen duen eragina eta haren garapena sustatu beharra, proposatu du foru intereseko inbertsio deklaratzea, Enpresa edo lanbide jarduerak abian jartzeko xedearekin administrazio bideak errazteko neurriei buruzko abenduaren 9ko 15/2009 Foru Legearen 4. artikuluan ezarritakoaren ondorioetarako.

Adierazitakoarekin bat, Nafarroako Gobernuak, Garapen Ekonomiko eta Enpresarialeko kontseilariak proposaturik,

ERABAKITZEN DU:

1. Laboratorios Cinfa SAk sustaturik Ollokin egin asmo den inbertsio proiektua, “Instalazio berriak, berritzaile eta jasangarriak, botikak eta osasun teknologiak garatzeko, fabrikatzeko eta banatzeko” izenekoa, foru intereseko inbertsio deklaratzea, Enpresa edo lanbide jarduerak abian jartzeko xedearekin administrazio bideak errazteko neurriei buruzko abenduaren 9ko 15/2009 Foru Legearen 4. artikuluan ezarritakoaren ondorioetarako. Deklarazio honek inbertsio proiektua bukatu arte izanen ditu ondorioak.

2. Erabaki hau Nafarroako Parlamentuko Garapen Ekonomikorako Batzordera igortzea, abenduaren 9ko 15/2009 Foru Legearen 4. artikuluan ezarritakoaren ondorioetarako.

3. Erabaki hau Nafarroako Aldizkari Ofizialean argitaratzea, orok jakin dezan, eta Laboratorios Cinfa SAri jakinaraztea, behar diren ondorioak izan ditzan.

Iruñean, 2021eko maiatzaren 26an.–Nafarroako Gobernuko kontseilari-idazkaria, Javier Remírez Apesteguía.

Iragarkiaren kodea: F2108622