1. NAFARROAKO FORU KOMUNITATEA
1.7. BESTELAKOAK
139/2021 EBAZPENA, apirilaren 13koa, Hezkuntza Baliabideen zuzendari nagusiak emana, zeinaren bidez ebazten baita Nafarroako Foru Komunitateko ikastetxeetan Derrigorrezko Lehen Hezkuntzako unitateen hezkuntza ituna berritzea 2021-2022 ikasturtetik aurrera.
Nafarroako Gobernuak 2021eko otsailaren 3an hartutako Erabakiaren bidez, Hezkuntza Baliabideen zuzendari nagusiari baimena eman zitzaion urte anitzeko gastu konpromiso bat hartzeko Nafarroako Foru Komunitateko ikastetxe itunduetan Lehen Hezkuntzako unitateen hezkuntza ituna finantzatzeko, 2021-2022, 2022-2023, 2023-2024, 2024-2025, 2025-2026 eta 2026-2027 ikasturteetarako.
Hezkuntza Baliabideen zuzendari nagusiaren otsailaren 5eko 35/2021 Ebazpenaren bitartez (37. Nafarroako Aldizkari Ofiziala, otsailaren 17koa), ezarri zen hezkuntza itunen araubidea aplikatzeko prozedura 2021-2022 eta 2026-2027 ikasturteen arteko aldirako, Lehen Hezkuntzako etapan, bat etorriz Hezkuntza Itunei buruzko Arauen Erregelamendua onesten duen abenduaren 14ko 416/1992 Foru Dekretuan xedatuarekin.
Ikusirik eranskinetan aipatzen diren gizarte ekimeneko ikastetxeek hezkuntza itunak berritzeko eta izenpetzeko egindako eskaerak, eta Itunen Batzordeak 2021eko martxoaren 29an egindako proposamena, bidezkoa da Lehen Hezkuntzako itunen berritzea onestea eta izenpetzeko egin den eskaera berri bakarrari ezetza ematea.
Hezkuntza Departamentuaren egitura organikoa ezartzen duen urriaren 30eko 267/2019 Foru Dekretuak ematen dizkidan ahalmenak erabiliz.
EBAZTEN DUT:
1. Lehen Hezkuntzako hezkuntza itunen berritzea onestea Ebazpen honen eranskinean aipatzen diren ikastetxe pribatuekin, bat etorriz Itunen Batzordeak hartutako erabakiekin.
2. Ebazpen honen bidez berritutako hezkuntza itunak indarrean egonen dira 2021eko irailaren 1etik 2027ko abuztuaren 31ra arte.
3. Ebazpen honen bidez ezartzen diren hezkuntza itunek ebazpen honen eranskinetan zehazten diren unitateak izanen dituzte, deusetan galarazi gabe Hezkuntza Itunei buruzko Arauen Erregelamenduaren 46. artikuluaren arabera bidezko diren aldaketak egitea.
Apartatu honetako aldaketak 2021-2022 ikasturtean aplikatuko dira, hala badagokio, ikasturte horretarako ikasleak onartzeko prozedura amaitutakoan.
4. Aurreko apartatuan xedatua dela-eta gerta daitezkeen aldaketak gorabehera, ikastetxeek ituna berritzea ahalbidetu duten betekizunei eutsi beharko diete hura indarrean den bitartean.
5. Ikastetxeen, Finantzaketaren eta Ikasketetarako Laguntzen Atalak interesdunei jakinaraziko die zein egun eta tokitan agertu behar duten hezkuntza ituna formalizatzeko administrazio agiria sinatzera. Agiri hori da, hain zuzen, Hezkuntza Baliabideen zuzendari nagusiaren otsailaren 5eko 35/2021 Ebazpenaren II. eranskinean (37. Nafarroako Aldizkari Ofiziala, otsailaren 17koa) ageri dena.
6. Hezkuntza ituna formalizatzeko administrazio agiria, batetik, Hezkuntza Baliabideen zuzendari nagusiak eta, bestetik, ikastetxe pribatuko titularrak edo behar bezala egiaztatutako legezko ordezkariak sinatuko dute.
7. Mundo World-ek ituna sinatzeko egin duen eskaerari ezezkoa ematea, ez dago-eta ikastetxe gisa baimenduta.
8. Ebazpen honen aurka ikastetxe interesdunek gora jotzeko errekurtsoa jar dezakete, Hezkuntzako kontseilariari zuzendua, jakinarazi edo argitaratu eta biharamunetik hilabeteko epean.
9. Ebazpen hau eta eranskina Nafarroako Aldizkari Ofizialean argitara daitezela agintzea.
10. Ebazpen hau eta eranskina igortzea Hezkuntza Departamentuko kontu-hartzailetza delegatura, Hezkuntza Baliabideen zuzendari nagusiari, Hezkuntza Departamentuko Idazkaritza Tekniko Nagusira, Ikuskapen Zerbitzura, Inklusio, Berdintasun eta Bizikidetza Zerbitzura, Lanbide Heziketaren Plangintza eta Berrikuntzarako Zerbitzura, Lanbide Kualifikazio, Enpresa eta Enplegurako Zerbitzura, Lanbide Heziketaren Plangintza, Antolamendu eta Garapenerako Atala, Ikastetxeen Finantzaketaren eta Ikasketetarako Laguntzen Atalera eta Itunpeko eta Diruz Lagundutako Ikastetxeetako Nominen Bulegora, behar diren ondorioak izan ditzaten.
Iruñean, 2021eko apirilaren 13an.–Hezkuntza Baliabideen zuzendari nagusia, Begoña Unzué Vela.
ERANSKINA
Lehen Hezkuntzako itunak berritzea 2021-2022
ikasturtetik 2026-2027 ikasturtera arteko aldirako
Ituna 2021-2022
HERRIA | IKASTETXEA | UNITATE ITUNDUAK |
Altsasu | Iñigo Aritza Ikastola | 8 |
Altsasu | Sagrado Corazón | 6 |
Aiegi | Mater Dei | 12 |
Barañain | Santa Luisa de Marillac | 12 |
Bera | Labiaga ikastola | 6 |
Bera | Sagrado Corazón/Jesusen Bihotza | 4 |
Burlata | Amor de Dios | 6 |
Burlata | Irabia/Izaga | 30 |
Burlata | Notre Dame | 6 |
Burlata | Regina Pacis | 6 |
Zizur Txikia | San Fermin ikastola | 24 |
Lizarra | Lizarra ikastola | 12 |
Lizarra | Santa Ana | 11 |
Etxarri Aranatz | Andra Mari | 11 |
Fontellas | Argia | 6 |
Lesaka | Tantirumairu ikastola | 4 |
Lodosa | Ibaialde | 2 |
Lodosa | La Milagrosa | 6 |
Irunberri | Arangoiti | 4 |
Mutiloa | Luis Amigó | 24 |
Iruña | Calasanz | 12 |
Iruña | Cardenal Larraona | 12 |
Iruña | Esclavas Sagrado Corazón | 11 |
Iruña | Hijas de Jesús | 12 |
Iruña | Jaso ikastola | 12 |
Iruña | La Compasión Escolapíos | 18 |
Iruña | Liceo Monjardín | 24 |
Iruña | Miravalles-El Redín | 36 |
Iruña | Nuestra Señora del Huerto | 18 |
Iruña | Sagrado Corazón | 18 |
Iruña | San Cernin | 24 |
Iruña | San Ignacio (Jesuitas) | 24 |
Iruña | Santa Catalina Labouré | 6 |
Iruña | Santa Teresa de Jesús | 12 |
Iruña | Santísimo Sacramento | 6 |
Iruña | San Tomás | 12 |
Iruña | Vedruna | 12 |
Zangoza | Zangozako ikastola | 5 |
Sarriguren | Santa María la Real | 24 |
Tafalla | Escuelas Pías | 12 |
Tafalla | Garcés de Los Fayos ikastola | 7 |
Tutera | Anunciata | 18 |
Tutera | Compañía de María | 23 |
Viana | Erentzun | 5 |
Atarrabia | La Presentación | 6 |
Atarrabia | Paz de Ciganda | 18 |
Lehen Hezkuntzan itundutako unitateak, guztira | 587 |
Iragarkiaren kodea: F2105851