1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
1297E/2021 EBAZPENA, apirilaren 26koa, Nafar Lansare-Nafarroako Enplegu Zerbitzuko zuzendari kudeatzaileak emana, indarrik gabe uzten duena Nafar Lansare-Nafarroako Enplegu Zerbitzuko zuzendari kudeatzailearen ekainaren 2ko 1612/2017 Ebazpena, zeinaren bidez onetsi baitzen dirulaguntzen deialdia errenta bermatua edo gizarteratze-errenta jasotzen duten pertsonen kontratazioa sustatzeko. DDBN identifikazioa: 547551.
Nafar Lansare-Nafarroako Enplegu Zerbitzuko zuzendari kudeatzailearen ekainaren 2ko 1612/2017 Ebazpenaren bidez, errenta bermatua edo gizarteratze-errenta jasotzen dutenen kontratazioa sustatzeko dirulaguntzak emateko deialdia onetsi zen.
Nafar Lansare-Nafarroako Enplegu Zerbitzuko zuzendari kudeatzailearen otsailaren 5ko 44E/2021 Ebazpenaren bidez, errenta bermatua edo gizarteratze-errenta jasotzen dutenen kontratazioa sustatzeko dirulaguntzak emateko deialdiaren gastua baimendu zen.
Kontuan harturik dirulaguntza horiek kudeatzen jasotako esperientzia eta egungo egoera ekonomikoa, gomendagarria da deialdiaren oinarri arautzaileak berrikustea eta beste batzuk onestea, deialdiaren eragimena hobetzearren eta enpleguaren kalitatea hobetzen laguntzeko.
Horregatik guztiagatik, eta egoera berriari ongi egokitzen zaion deialdi berria egiteko, bidezkoa da aipatu ekainaren 2ko 1612/2017 Ebazpena indarrik gabe uztea.
Horrenbestez, Nafar Lansare-Nafarroako Enplegu Zerbitzua erakunde autonomoaren estatutuak onesten dituen azaroaren 6ko 302/2019 Foru Dekretuaren 12. artikuluaren bidez emandako ahalmenak erabiliz,
EBAZTEN DUT:
1. Indarrik gabe uztea Nafar Lansare-Nafarroako Enplegu Zerbitzuko zuzendari kudeatzaileak ekainaren 2an emandako 1612/2017 Ebazpena. Ebazpen horren bidez onetsi zen errenta bermatua edo gizarteratze-errenta jasotzen dutenen kontratazioa sustatzeko dirulaguntzen deialdia. DDBN: 547551, ebazpen hau Nafarroako Aldizkari Ofizialean argitaratzen den unetik. Ebazpena argitaratu aurretik izenpetutako kontratuen kasuan, dirulaguntza hilabeteko epean eskatzen ahalko da, kontratu harremana hasi eta biharamunetik hasita.
2. Baimena kentzea dirulaguntzen deialdi horri dagokion 50.000 euroko gasturako.
3. Ebazpen hau Nafar Lansare-Nafarroako Enplegu Zerbitzuko Enplegua Sustatzeko eta Enpresentzako Zerbitzuetarako Zerbitzura eta Laguntza eta Kudeaketa Administratiboaren Zerbitzura igortzea, behar diren ondorioak izan ditzan.
4. Ebazpen hau Nafarroako Aldizkari Ofizialean argitaratzea.
5. Ebazpen honek ez du administrazio bidea amaitzen, eta honen aurka gora jotzeko errekurtsoa jar daiteke, Eskubide Sozialetako kontseilariari zuzendua, hilabeteko epean, jakinarazi eta biharamunetik hasita. Administrazio publikoek administrazioarekiko auzi-errekurtsoa jartzen ahal dute eskumena duen ordena jurisdikzionalari zuzendua, jakinarazi eta biharamunetik hasita bi hilabeteko epean, alde batera utzi gabe Nafarroako Gobernuari aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan aurreikusitako moduan eta epeetan.
Iruñean, 2021eko apirilaren 26an.–Nafar Lansare-Nafarroako Enplegu Zerbitzuko zuzendari kudeatzailea, Mirian Martón Pérez.
Iragarkiaren kodea: F2106720
