102. ALDIZKARIA - 2021eko maiatzaren 4a

1. NAFARROAKO FORU KOMUNITATEA

1.5. ESTATUTUAK ETA LAN HITZARMEN KOLEKTIBOAK

64C/2021 EBAZPENA, martxoaren 9koa, Enpresa Politikaren, Nazioarteko Proiekzioaren eta Lanaren zuzendari nagusiak emana, erabakitzen duena Noaingo Mitsubishi Logisnext Europe SA enpresaren hitzarmen kolektiboko soldatak 2021erako berrikusteari buruzko akordioa erregistratzea, gordailutzea eta Nafarroako Aldizkari Ofizialean argitaratzea.

Noaingo Mitsubishi Logisnext Europe SA enpresaren hitzarmen kolektiboko 2021eko soldaten berrikuspenari buruzko akordioaren testua aztertu da (kode zenbakia: 31005001011982), erregistro honetan 2021eko urtarrilaren 25ean sartu zena, enpresaren eta sindikatuen ordezkariek izenpetua eta 2021eko otsailaren 9an zuzendua, Langileen Estatutuaren Legearen testu bategina onetsi zuen urriaren 23ko 2/2015 Legegintzako Errege Dekretuaren 90. artikuluko 2. eta 3. apartatuetan eta Hitzarmen kolektibo, lan akordio kolektiboen eta berdintasun planen erregistro eta gordailuari buruzko maiatzaren 28ko 713/2010 Errege Dekretuan ezarritakoaren arabera. Horrenbestez,

EBAZTEN DUT:

1. Nafarroako Hitzarmen Kolektiboen, Akordio Kolektiboen eta Berdintasun Planen Erregistroan inskribatzeko agintzea.

2. Nafarroako Aldizkari Ofizialean argitaratzeko xedatzea, orok jakin dezan.

Iruñean, 2021eko martxoaren 9an.–Enpresa Politikaren, Nazioarteko Proiekzioaren eta Lanaren zuzendari nagusia, Izaskun Goñi Razquin.

Noaingo Mitsubishi Logisnext Europe SA enpresaren hitzarmen kolektiboa (PDFa).

Iragarkiaren kodea: F2104079