2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
GARES
Baso-aprobetxamenduaren enkante publikoa
Garesko Udalak iragartzen du gutun-azal itxien bidezko enkantea, jarraian aipatzen den makalen baso-aprobetxamendua saltzeko:
Lote bakarra:
–11. poligonoko 1.079. lurzatia.
–1.094 makal.
–1.085 m³ egur desbiribiltzeko.
–Hasierako prezioa: 74.407,50 euro, BEZa kanpo.
Enpresa lizitatzaileek proposamenak aurkeztu beharko dituzte erregistro elektronikoaren bidez edo aurrez aurre Garesko Udalaren bulegoetan (Mena plaza, z.g.), hurrengo hamabosgarren egun balioduneko 13:00ak baino lehen, iragarki hau Nafarroako Aldizkari Ofizialean argitaratu eta biharamunetik hasita.
Interesdunen eskura daude baldintza ekonomiko-administratibo partikularren agiria eta baldintza teknikoen agiria, Nafarroako Kontratazioaren Atarian.
Garesen, 2020ko urtarrilaren 20an.–Alkatea, Oihan Mendo Goñi.
Iragarkiaren kodea: L2002839
