Iragarkia

43. ALDIZKARIA - 2020ko martxoaren 3a

1. NAFARROAKO FORU KOMUNITATEA

1.7. BESTELAKOAK

39/2020 EBAZPENA, otsailaren 14koa, Hezkuntzako zuzendari nagusiak emana, zeinaren bidez ezartzen baita zein izanen den, ikastetxe publiko eta pribatu itunduetan ikasleak onartzeko prozeduraren barnean, hurbiltasun linealaren irizpidea, haren balorazioa eta aplikatuko den gehieneko distantzia, zer herritan aplikatuko den eta zein izanen den ikasleen batez besteko gehieneko erlazioa eskola unitate bakoitzeko, bai eta, horrez gain, zein diren prozeduraren jarraibideak, egutegia eta eskabide ereduak ere, Nafarroako Foru Komunitatean Derrigorrezko Bigarren Hezkuntzako eta Batxilergoko ikasketak egiteko 2020-2021 ikasturtean.

Hezkuntzako kontseilariaren martxoaren 17ko 28/2015 Foru Aginduaren 2. oinarriaren 2. atalean eta 5. oinarriaren 4. eta 5. ataletan ezarritakoarekin bat etorriz, zehaztu behar da, ikasturte akademiko bakoitzerako, zer herritan aplikatuko den hurbiltasun linealaren irizpidea, haren balorazioa, zein den irizpide hori erabiltzeko kontuan hartuko den gehieneko distantzia, eta zer ikasketatan eta zer ikasmailatan hartuko den kontuan irizpidea (foru agindu horren bidez onetsi ziren Nafarroako Foru Komunitatean Derrigorrezko Bigarren Hezkuntzako eta Batxilergoko ikasketak egin behar dituzten ikasleak ikastetxe publikoetan eta pribatu itunduetan onartzeko prozedura arautzen duten oinarriak). Bestalde, beharrezkoa da, halaber, prozesuaren jarraibideak eta datak zehaztea ikasturte bakoitzerako.

Orobat, eta bat etorriz apirilaren 2ko 31/2007 Foru Dekretuaren 7. artikuluan ezarritakoarekin, bidezkoa da zehaztea Hezkuntza Departamentuak ezarritako plangintzarekin bat ikastetxe bakoitzari esleitutako ikaspostuak, betiere hezkuntza itunetarako ezarritako berariazko arauak betez ikastetxe itunduen kasuan. Foru dekretu horren bidez ikasleak onartzeko arauak ezartzen dira unibertsitateaz kanpoko irakaskuntzak ematen dituzten Nafarroako Foru Komunitateko ikastetxe publikoetan eta pribatu itunduetan.

Hori guztia ebazpen batean zehaztuko da urtero, zeina eskolatze arloan eskumena duen zuzendaritza nagusiak emanen baitu.

Hori horrela, Hezkuntza Departamentuaren egitura organikoa ezartzen duen urriaren 30eko 267/2019 Foru Dekretuak ematen dizkidan eskudantziak erabiliz,

EBAZTEN DUT:

1. Derrigorrezko Bigarren Hezkuntzako eta Batxilergoko ikasketetan gehieneko distantzia linealaren irizpidea aplikatzea 2020-2021 ikasturterako, ikasketa horiek ematen dituzten eta udalerri hauetan dauden ikastetxeetan: Iruña, Antsoain, Aranguren, Barañain, Beriain, Berriobeiti, Berriozar, Burlata, Zizur, Eguesibar, Ezkabarte, Galar, Uharte, Noain (Elortzibar), Oltza Zendea, Orkoien, Atarrabia eta Zizur Nagusia.

2. Hurbiltasun linealaren irizpideari dagokionez, zeina zehaztuta baitago Hezkuntzako kontseilariaren martxoaren 17ko 28/2015 Foru Aginduaren 5. oinarriaren 4. eta 5. ataletan, honako hau ezartzen da 2020-2021 ikasturterako: hurbiltasun linealaren irizpidea erabiltzeko gehieneko distantzia lineala 1500 metrokoa izanen da. Distantzia hori kalkulatzeko, eskatzaileak aukeratuko du, alde batetik, bere benetako bizilekuaren UTM koordenatuak edo, bestela, gurasoetako baten edo legezko tutoreetako baten benetako lantokiaren UTM koordenatuak, eta, bestetik, lehenengo aukera bezala eskatutako ikastetxearen UTM koordenatuak. Kalkulu hori egiteko, eskola kudeaketako EDUCA sisteman dagoen geolokalizazio tresna erabiliko da, zeina Nafarroako Lurraldeari buruzko Informazio Sisteman oinarritzen baita.

3. Hurbiltasun linealaren irizpidea 0,5 punturekin baloratzea.

4. Irizpide hori aplikatzean kontuan izanen da zer ezarri den Nafarroako Foru Komunitateko ikastetxe publikoen sarea berrantolatzen duen uztailaren 3ko 80/2019 Foru Dekretuan.

5. Gehienez ere talde bakoitzeko 30 ikasle/taldeko ratioa ezartzea Derrigorrezko Bigarren Hezkuntzako maila guztietarako, eta 33 ikasle/taldeko ratioa Batxilergorako, bat etorriz Hezkuntzari buruzko maiatzaren 3ko 2/2006 Lege Organikoaren 157.1.a artikuluan ezarritakoarekin. Gertatuz gero ebazpen hau onesten den unean ikastetxeren batek ratio handiagoa izatea, ezin izanen dira bajak ordeztu baldin eta horrek arestiko ratioa gainditzea badakar.

6. Ikasleak ikastetxe publikoetan eta pribatu itunduetan onartzeko prozedurarako jarraibideak, egutegia eta eskaera ereduak onestea, 2020-2021 ikasturtean Nafarroako Foru Komunitatean Derrigorrezko Bigarren Hezkuntzako eta Batxilergoko ikasketak egin ditzaten; ebazpen honen I., II., III. eta IV. eranskinetan jaso dira jarraibideak, egutegia eta eskaera ereduak.

7. Ikaspostua hizkuntza-eredu jakin batean eta ikastetxe publiko batean eskatzen dutenek garraio eta jantokirako eskubidea izanen dute eskatutakoa eman ezean, betiere eskaerak Hezkuntzako kontseilariaren azaroaren 13ko 102/2017 Foru Aginduaren 2. artikuluko baldintzak betetzen baditu, eta Hezkuntza Departamentuak antolakuntza arrazoiengatik ezin badu ikaspostu bat esleitu hizkuntza-eredu horretan eskatzailearen bizilekuari dagozkion erreferentziako ikastetxe publikoetan, Nafarroako Foru Komunitateko Ikastetxe Publikoen sarea berrantolatzen duen uztailaren 3ko 80/2019 Foru Dekretuan ezarritakoaren arabera.

8. Ebazpen hau eta eranskinak igortzea Antolamendu, Prestakuntza eta Kalitate Zerbitzura, Eleaniztasunaren eta Arte Ikasketen Zerbitzura, Inklusio, Berdintasun eta Bizikidetza Zerbitzura, Hezkuntzako Ikuskapen Zerbitzura, Azterlan Ekonomikoen eta Nominen Zerbitzura, Hezkuntzako Azpiegituren Zerbitzura, Hezkuntzako Teknologien eta IKT Azpiegituren Zerbitzura, Hezkuntzako Informazio Sistemen Zerbitzura, Lanbide Heziketaren Plangintza eta Berrikuntzarako Zerbitzura eta Nafarroako Eskolatze Batzorde Nagusira, behar diren ondorioak izan ditzaten.

9. Ebazpen honen aurka gora jotzeko errekurtsoa jartzen ahalko da, Hezkuntzako kontseilariari zuzendua, hilabeteko epean, Nafarroako Aldizkari Ofizialean argitaratu eta biharamunetik hasita.

10. Ebazpen hau eta eranskinak Nafarroako Aldizkari Ofizialean argitaratzea.

Iruñean, 2020ko otsailaren 14an.–Hezkuntzako zuzendari nagusia, Gil Sevillano González.

I. ERANSKINA

DERRIGORREZKO BIGARREN HEZKUNTZAKO ETA BATXILERGOKO JARRAIBIDEAK
IKASPOSTUA ESKATZEA	1. Ikastetxeek zigilua daraman fotokopia emanen diote eskatzaileari, eskabidea zein egunetan sartu den adierazita duela. 2. Aurreinskripzioa egiteko eskabidearekin batera, errolda agiria aurkeztu behar da. Bertan, gutxienez ere, ikaslearen izena eta aitaren edo/eta amaren edo legezko tutorearen izena agertuko dira. Etxebizitza berean bizi beharko dute. 3. Lantokia egiaztatzeko, enpresaren titularrak egindako dokumentua aurkeztu behar da, zeinean zehaztuko baita non dagoen lantokia eta zer lan zerbitzu eskaini ohi duen bertan. Langile autonomoek EJZ aurkeztu beharko dute (Ekonomia-jardueren gaineko Zergan alta hartuta dagoela dioen agiria), herriko udalak egina. Dokumentu hori 2020ko urtarrilaren 1etik aurrerakoa izanen da. 4. Nafarroako Parlamentuaren ebazpena eta Nafarroako Arartekoaren gomendioa kontuan hartuta, Pirinioetako DBHIetatik (Garralda, Erronkari eta Otsagabia), eremu ez euskalduneko ikastoletatik eta Lekaroz BHIko A eredutik heldu diren Batxilergoko 1. mailako eskatzaileek, onartuak izateko baremoaren ondorioetarako, hautatu duten ikastetxearen helbidea balia dezakete ikasketak hizkuntza-eredu berean jarraitzeko. 5. Nafarroako Arartekoaren gomendioa kontuan hartuta, Arte Batxilergoko modalitatearen 1. mailako eskatzaileek, onartuak izateko baremoaren ondorioetarako, hautatu duten ikastetxearen helbidea balia dezakete. 6. Eskatzaileek zalantza badute ikaslearen promozioaren gainean, inprimaki berean egin daiteke onartzeko eskaera bai ikasmailaz igarotzeko bai errepikatzeko. 7. Ikastetxeek EDUCA bidez sartuko dituzte eskaera guztiak horretarako dagoen epean, puntu guztiak beteta dituztela. 8. Nahitaez igorri eta jakinarazi behar da matrikulen aurreikuspena horretarako ezarritako epean, EDUCA programako “Ikastetxearen eskaintza (VII. eranskina)” atalaren bidez.
ESKAERAK AURKEZTEA ETA BANANTZE ETA DIBORTZIO KASUAK (112/2013 F.A.)	1. Eskaera baliozkotzat eta eraginkortzat joko da kasu hauetakoren batean baldin badago: 1.1. Bi gurasoen sinadurarekin eginikoa. 1.2. Horietako batek eginikoa, baldin laukitxo hau markatu badu: nire erantzukizunpean adierazten dut gurasoak/tutoreak bat gatozela eskaera honekin. 1.3. Horietako batek bakarrik eginikoa, baldin laukitxo hau markatu badu: gurasoak/tutoreak banantze, dibortzio edo desadostasun egoeran gaudela deklaratzen dut, eta ebazpen judiziala edo indarra duen dokumentazioa aurkezten dut, ahalmena ematen didana nik neuk bakarrik aukeratzeko semearen edo alabaren ikastetxea. Horretaz gain, aipatu dokumentazioa aurkeztu beharko du eta hartatik deduzituko da erabakia berari bakarrik dagokiola. Agiri horietatik ez bada ondorioztatzen erabakia soilik berari dagokiola, eskabidea tramitatuko da baldin eta banantze edo dibortzio egoeretan daudela ikastetxeek nola jardun behar duten arautzen duten jarraibideetan eskolatzeari buruzko zatian (1. atala) ezarritako irizpideen arabera ulertu badaiteke bi gurasoek onartzen dutela eta egoera hori emandako agiriekin egiaztatu bada. 1.4. Gainerako kasuetan eskatzaileari errekerituko zaio eskaera osa dezan, ohartaraziz eskaera bertan behera geldituko dela baldin eta adierazitako epean osatzen ez badu.
JAIEGUNAK	1. Ebazpen honen II. eranskinean adierazitako datak aginduzkoak dira. “Bukaera eguna” jaieguna bada ikastetxe batean, jai ez den hurrengo egunera aldatuko da, eta behar duen publizitatea emanen zaio.
IRIZPIDE OSAGARRIA (hurbiltasun lineala)	1. Bat etorriz 28/2015 Foru Aginduak, zeina abenduaren 29ko 141/2016 Foru Aginduak aldatu baitzuen, bere 5. oinarriaren 4. eta 5. ataletan ezarritakoarekin, eta aintzat hartuz Arartekoaren gomendioa, ikastetxe bakoitzeko organo eskudunak 0,5 puntu emanen dizkio eskatzaileari baldin eta bere helbidetik edo gurasoetako baten edo legezko tutoreetako baten lantokitik lehenbizi eskatutako ikastetxera dagoen distantzia ebazpenean hurbiltasun lineal gisa ezarritako distantzia bera edo hortik beherakoa bada, kontuan izanik eskatzaileak puntuazioa kalkulatzeko aukeratutako helbidean, bizitokia den kasuetan, 2020ko urtarrilaren 1a baino lehenago egon behar duela alta emanda, eta lantokia den kasuetan, bertan zerbitzu ematen ari behar duela 2019ko abenduaren 31n.
ESKAERAKO DOKUMENTAZIOA	1. Kasuan kasuko eskabide eredu ofizialetan jasotzen dena, ukatu gabe atzerritarrek derrigorrezkoa ez den irakaskuntza sisteman Espainiakoen baldintza berberetan sartzeko duten eskubidea, Atzerritarrek Espainian dituzten eskubide eta askatasunei eta haien gizarteratzeari buruzko urtarrilaren 11ko 4/2000 Lege Organikoaren arabera.
ONARTZEKO BAREMOA	1. Jendaurrean egon beharko dute, bai barematzeko irizpideek, bai erreklamazioren bat egin ahal izateko ezarri den prozedurak. 2. Dokumentuz egiaztatzen ahal diren irizpideak bakarrik onartuko dira baremorako. 3. 2018. urteko lanbide arteko gutxieneko soldata 10.302,6 eurokoa da. Errenta aitorpena aurkeztuz gero, balidazio mekanikoaren kodea izan beharko du. Per capita errenta kalkulatzeko, ondoan heldu diren jarraibideak hartuko dira kontuan, dagokion atalean. Per capita errenta kalkulaturik, EDUCA aplikazioaren dagokion laukitxoan sartuko da balio hori. 4. Errenta tarteak eta EDUCAk bakoitzari emandako puntuazioa ondoko hauek dira: –Lanbide arteko gutxieneko soldataren erdia edo hori baino txikiagoa bada per capita errenta (5.151,3 euro): 1,5 puntu. –Lanbide arteko gutxieneko soldataren erdia baino handiagoa eta soldata horren hiru laurdenak edo txikiagoa bada per capita errenta (7.726,95 euro): 1,0 puntu. –Lanbide arteko gutxieneko soldataren hiru laurdenak baino handiagoa eta soldata hori bera edo txikiagoa bada per capita errenta (10.302,6 euro): 0,5 puntu. –Lanbide arteko gutxieneko soldata baino handiagoa bada per capita errenta: 0 puntu. 5. Minusbaliotasun maila, %33koa edo handiagoa, dokumentu hauetako baten bidez frogatuko da: 5.1. Adinekoen eta Gizarte Zerbitzuen Institutuak (IMSERSO) edo autonomia erkidegoko organo eskudunak emandako ebazpena edo ziurtagiria. (Nafarroan, gaur egun, Eskubide Sozialetako Departamentua da). 5.2. Gizarte Segurantzako Institutu Nazionalaren ebazpena (GSIN), ezintasun iraunkor osoagatik, ezintasun iraunkor absolutuagatik edo baliaezintasun handiagatik pentsioduna dela adierazten duena. 5.3. Ekonomia eta Ogasun Ministerioaren edo Defentsa Ministerioaren ebazpena, lanerako ezintasun iraunkorragatik edo lanerako ezgaitasunagatik erretiro pentsioa esleitzen duena. 5.4. Nafarroako Gobernuko Eskubide Sozialetako Departamentuko Pertsonen Autonomiarako eta Garapenerako Nafarroako Agentziak emandako txartela, desgaitasun maila aitortzen duena, identifikatzeko baliozko dokumentu batekin batera. 6. Legez familia ugaria izatea horretarako ezarritako titulu ofizialaren bidez egiaztatuko da. 7. Eskaerak hartzeko epea bukaturik, horiek ezin izanen dira aldatu, eta ez da onartuko baremoan eragin dezakeen dokumentazio gehiago. 8. Onartuen behin-behineko eta behin betiko zerrendak EDUCAtik ateratako eredua erabiliz emanen dira aditzera, eta ikastetxean, toki ageri batean, erakutsiko dira. 9. Zerrendak argitaratu aurretik, ikastetxeek EDUCAren bidez jakinarazi beharko dute onartu izana. 10. Batxilergoa eskatzen duten ikasleek ikasketa espedientea aurkeztuko dute eskaera egiten dutenean. 10.1. Aurtengo ikasturtean matrikula DBHko 4. mailan egin duten ikasleek ikasketa espedientea aurkeztuko dute, DBHko 3. maila bitartean kalkulatutako batezbesteko aritmetikoarekin. 10.2. Gainerako ikasleek Hezkuntzako kontseilariaren martxoaren 17ko 28/2015 Foru Aginduaren 11. oinarrian xedatutakoa beteko dute.
PER CAPITA ERRENTAREN KALKULUA, ONARTZEKO BAREMOAREN ONDORIOETARAKO	1. Ondorio horietarako, familia unitatearen errentatzat hartuko da (dira) likidazio oinarri osoa(k) (NFK-ko errenta aitorpenaren 525 laukia). 2. Ondorio horietarako, familia unitatetzat hartuko da aitorpenaren lehen orrialdean ageri den familia kideen kopurua (aitortzailea, ezkontidea eta, PFEZaren foru araudian ezarri bezala, kenkaria egiteko eskubidea sortzen duten pertsonak). Ondorio horietarako, familia unitatearen per capita errenta kalkulatuko da likidazio oinarri osoa (apartatu honetako 1. puntua) zati familia kideen kopurua eginik (apartatu honetako 2. puntua).
GIZARTE ETA KULTURA EGOERA AHULEAN DAUDEN DBH-KO IKASLEENTZAKO ERRESERBA	1. Erreserbatutako ikaspostu horiek eskuratu ahal izateko, ezinbestekoa da herriko oinarrizko zerbitzuaren txostena aurkeztea.
BESTELAKO ERRESERBAK	1. Ikasleak beste ikastetxe batera joan daitezke atzerriko hizkuntza bat ikastera. Hori errazteko, ikastetxeek matrikulatuta utziko dituzte ikasle horiek haien ikaspostuetan, gehienez ere ikasturte batez. Epe hori igarota, eta ikaslea ikastetxera itzuli ez bada, zegokion ikaspostua galduko du. 2. Behin matrikulatuta, aurreko puntuan aipatutako ikasleak ikastetxeari eman beharko dio horren berri, eta esan zer herrialde eta herritan dagoen ikastetxea eta zein izen duen.
JENDAURREKO ZOZKETA	Apirilaren 2ko 31/2007 Foru Dekretuak, unibertsitateaz kanpoko irakaskuntzak ematen dituzten Nafarroako Foru Komunitateko ikastetxe publiko eta pribatu itunduetan ikasleak onartzeko arauak ezartzen dituenak, 15. artikuluan ezartzen du ezen, berdinketa gertatuz gero, zozketa eginen dela organo eskudunaren aurrean. Jendaurreko zozketa hori Hezkuntza Departamentuan egin zen (San Domingo kalea z.g.) 2020ko otsailaren 14an, inplikatuta dauden ikastetxeei deia egin ondoren. 1. Jendaurreko zozketarako prozedura: a) Zerrenda bat egin zen Nafarroan inskribatutako eta matrikulatutako ikasle guztiekin, eta bakoitzari zenbaki bat eman zitzaion. b) Gero, zenbaki bat atera zen, ikasle batena zena. c) Ikasle horren izenak eta deiturek zehaztuko dute norengandik hasita zehaztuko den plazak esleitzeko lehentasun alfabetikoa. d) Urte berean jaiotako anai-arreben eskaeren kasuan, Hezkuntzako kontseilariaren martxoaren 17ko 28/2015 Foru Aginduaren 5. oinarriko 7. atalean ezarritakoari jarraituko zaio. e) Zozketaren emaitzaren arabera osatuko da onartuen zerrenda. f) Plaza huts guztiak esleituta direla, prozedura berari jarraituko zaio itxaron zerrenda osatzeko, zozketan parte hartzen dutenen zerrenda bukatu arte. g) Esleitutako plazetan batzuk hutsik geratuz gero, zerrenda hori erabiliko da. h) Aurreko prozedura horri guztiari buruzko akta eginen da, eta bertan jasoko da zozketaren emaitza.
IKASLEAK ALFABETIKOKI ORDENATZEKO IRIZPIDEAK, BERDINKETAK EBATZI BEHAR DIREN KASURAKO	Ikasle guztiak ordenatzeko kontuan hartzen dira, lehenengo eta behin, abizenak, eta, bigarrenik, ponte-izena, EDUCAren ordena irizpideen arabera, hau da: 1. Ikasleek abizen bakarra badute, abizen horrez gain beste bat ere daukatenen atzetik jartzen dira. 2. Aurrizkia duten abizenak eta abizen konposatuak: preposizioak, kontrakzioak, artikuluak eta zenbait abizenen parte diren bestelako hitzak abizen bakoitzaren osagarritzat hartzen dira. Kasu horietan, zuriunea a letraren aurreko karakteretzat hartzen da. 3. Letra larriak, tiletak, apostrofoak eta marratxoak ez dira aintzat hartzen ordenatzeko garaian.
BEHIN-BEHINEKO ZERRENDAREN KONTRAKO ERREKLAMAZIOAK	1. Zer ikastetxetan egin den aurreinskripzioa, hango zuzendari titularrari zuzenduko zaizkio behin-behineko zerrendari egiten zaizkion erreklamazioak, ebazpen honen II. eranskinean ezarritako epeko azken eguneko 14:00ak baino lehen.
MATRIKULATZEKO DOKUMENTAZIOA	1. Epe arruntean eta berezian nahiz ikasturtea hasita dagoela ikastetxe batean sartzen diren ikasle berriek matrikula egiteko honako dokumentazio hau aurkeztu beharko dute: 1.1. Erroldaren ziurtagiria edo bolantea aurreinskripzioaren orriarekin batera aurkeztuko da ikastetxean, horretarako ezarritako epeetan. 1.2. Txerto txartela edo zein txerto dosi hartu diren edo zein osasun azterketa egin zaion adierazten duen beste agiri mediko bat. 1.3. Osasun txartelaren fotokopia. 1.4. Egindako osasun azterketen txostenak, ikasleak minusbaliotasunik, eritasunik edo beste osasun arazorik baldin badu, ikastetxeak jakin beharrekoa (txosten audiometrikoak, otorrinolaringologikoak, oftalmologikoak eta abar). DBH-RAKO: 1.5. Familia-liburuaren edo jaiotza-ziurtagiriaren edo horien baliokidearen fotokopia eta, ikastetxeak erka ditzan, jatorrizko agiriak. 1.6. Eskaera eta matrikulazio tramiteei dagozkien prozesu eta dokumentazio guztietan, ikaslearen izen-deiturak bat etorriko dira familia-liburuan edo jaiotza-ziurtagirian edo horien baliokidean agertzen direnekin. BATXILERGORAKO: 1.7. NANaren, AIZaren, atzerritarren nortasun txartelaren edo ikasle txartelaren fotokopia edo haien parekoarena. 1.8. Eskaera eta matrikulazio tramiteei dagozkien prozesu eta dokumentazio guztietan, ikaslearen izen-deiturak bat etorriko dira aipatutako dokumentazioan agertzen direnekin. 1.9. Atzerritarrek derrigorrezkoa ez den irakaskuntza sisteman Espainiakoen baldintza berberetan sartzeko duten eskubidea galarazi gabe, Atzerritarrek Espainian dituzten eskubide eta askatasunei eta haien gizarteratzeari buruzko urtarrilaren 11ko 4/2000 Lege Organikoaren arabera. 1.10. Ikasketa espedientea: Ikaslearen historiala eta/edo honako hauen fotokopia konpultsatua: Oinarrizko Hezkuntzaren Eskolatze Liburuaren 25. eta 27. orrialdeena, Batxilergoko Kalifikazio Liburuaren 12. eta 13. orrialdeena edo Lanbide Heziketako Kalifikazio Liburuaren 7. edo 8. orrialdeena, dagokionaren arabera, edo, hala denean, ikasketa espedientearena.
ITXARON ZERRENDAK	1. Epe arrunteko nahiz bereziko itxaron zerrenden indarraldia aurreinskripzioa egiten den urteko urriaren 31 bitartekoa da.
ATZERRIKO HEZKUNTZA SISTEMETATIK DATOZEN IKASLEAK BATXILERGOAN SARTZEA	1. Atzerriko hezkuntza sistemetatik datozen ikasleek, eskabidearekin batera, ikastetxean aurkeztu beharko dute ikasketak homologatzearen baldintzapeko bolantea edo behin betiko kredentziala, zeinetan ageri den kalkulatutako batez besteko nota.
EPE BEREZIA	1. Epe arruntean herrialdez edo bizilekuz aldatu direlako eskaera egin ez duten ikasleek bakarrik izanen dute eskaera epe berezian aurkezteko aukera. 2. Bizilekuz aldatu izana frogatzeko, erroldaren ziurtagiria edo bolantea aurkeztuko da, aurreinskripzioaren epe arrunta itxi ondoren bizileku berrian alta hartu izana erakusteko. Ondorio horietarako, helbide aldaketa justifikatzeko, posta kodearen aldaketa egon behar du.
EPETIK KANPO ESKOLATZEA	1. Epe arruntaren eta bereziaren ondotik bizilekuz aldatzeagatik ikastetxez aldatu beharra justifikatua duten ikasleek bakarrik eskatzen ahalko dute plaza. Egoera hori dokumentu bidez frogatuko da. 2. Ikastetxe guztiek eman eta jaso beharko dituzte eskabideak, plaza hutsik izan edo ez, eta berehala tramitatuko dituzte behar diren oharrekin, Hezkuntza Departamentuari ikasle horiek eskolatzen laguntzearren.
LANBIDE HEZIKETAN IZENA AURREZ EMAN DUTEN DBH-KO ETA BATXILERGOKO IKASLEAK	1. Bigarren Hezkuntzako ikastetxeak behartuak daude Lanbide Heziketako ikastetxeei jakinaraztera zein den titulua erdietsi duten ikasleen batez besteko nota. Ikasleak beharturik daude lehen aukeran eskatutako ikastetxean hori aurkeztera, ondorio horretarako adierazitako egunetan. Batez besteko notarako kontuan izanen dira DBHko lau ikasturteen baliokideak diren kurtsoen notak erdi mailako zikloetarako, eta Batxilergoko bi kurtsoenak goi mailako zikloetarako.
DERRIGORREZKO ESKOLATZEALDIAN DAUDEN IKASTETXEKO IKASLEAK ETA, MATRIKULA EZ EGITEAZ GAIN, BESTE IKASTETXE BATEAN MATRIKULATUTA EZ DAUDEN IKASLE ATXIKIAK	1. Ikastetxeek IV. eranskina bidali beharko dute Eskolatze Bulegora behar bezala beteta, egutegian ondorio horretarako adierazitako egunean. 2. Honako helbide honetara bidali beharko dute: nescolar@navarra.es
KOMUNIKAZIO BIDEAK	–Helbide elektronikoa: nescolar@navarra.es –Gurasoei eta ikasleei aholkuak eta orientazioa ematea: 848 42 66 17. –Tramitazio eta onarpen kontuak, ikastetxeentzat: 848 42 69 77.

II. ERANSKINA

2020-2021 ikasturtea

Derrigorrezko Bigarren Hezkuntzako / Batxilergoko Ikasleak onartzeko prozesuaren egutegia

PROZESUA	HASIERA EGUNA	BUKAERA EGUNA
EPE ARRUNTA
Eskabideak igortzea eta/edo hartzea atxikipen zentroan	Martxoaren 30a	Apirilaren 3a
Ikastetxean inskribatzeko epea	Apirilaren 20a	Apirilaren 24a	14:00ak arte
Aurreinskribatutako ikasleen datuak EDUCA bidez sartzea		Apirilaren 30a
Onartutako ikasleen behin-behineko zerrenda ikastetxean jartzea, ongi ikusteko moduko toki batean. Onartutako ikasleak nondik datozen ikastetxeei jakitera ematea (Educa)		Maiatzaren 4a
Ikastetxean onartuen behin-behineko zerrendari buruzko erreklamazioak egiteko egunak	Maiatzaren 5a	Maiatzaren 6a	14:00ak arte
Ikastetxeak ebaztea behin-behineko zerrendari jarritako erreklamazioak		Maiatzaren 7a
Onartutako ikasleen behin betiko zerrenda ikastetxean jartzea, ongi ikusteko moduko toki batean		Maiatzaren 8a
VII. eranskina (“Matrikularen aurreikuspena, aurreinskripzio-epe arruntaren ondoren”) EDUCA bidez igorri eta jakinaraztea		Maiatzaren 8a
Onartu gabeko ikasleak: Hezkuntza Departamentuak tokiak esleitzea		Maiatzaren 22a
Ikasleak matrikulatzea	Ekainaren 24a	Uztailaren 13a	12:00ak arte
VII. eranskina (“Ekaineko matrikularen aurreikuspena”) EDUCA bidez igorri eta jakinaraztea		Uztailaren 13ra arte
EPE BEREZIA
Ikastetxean inskribatzeko epea	Irailaren 1a	Irailaren 2a	14:00ak arte
Azken eguna aurreinskribatutako ikasleen datuak EDUCA bidez sartzeko		Irailaren 4a
Onartutako ikasleen behin-behineko zerrenda ikastetxean jartzea, ongi ikusteko moduko toki batean. Onartutako ikasleak nondik datozen ikastetxeei jakitera ematea (Educa)		Irailaren 4a
Onartuen behin-behineko zerrendaren kontrako erreklamazioak	Irailaren 7a	Irailaren 9a	14:00ak arte
Ikastetxeak ebaztea behin-behineko zerrenda		Irailaren 10a
Onartutako ikasleen behin betiko zerrenda ikastetxean jartzea, ongi ikusteko moduko toki batean. Onartutako ikasleak nondik datozen ikastetxeei jakitera ematea (Educa)		Irailaren 10a
VII. eranskina EDUCA bidez igorri eta jakinaraztea: “Iraileko matrikularen aurreikuspena”		Irailaren 10a
Epe berezian onartutako ikasleen matrikula	Irailaren 11	Irailaren 14a	14:00ak arte
Onartu gabeko ikasleak: departamentuak plazak esleitzea		Irailaren 18a
DBH-KO IKASLEAK: Eskolatze Bulegora igortzea ikastetxeko ikasleen eta, matrikula ez egiteaz gain, beste ikastetxe batean matrikulatuta ez dauden ikasle atxikien izenen zerrenda (IV. eranskina)		Irailaren 21a arte