286. ALDIZKARIA - 2020ko abenduaren 11

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.1. Kargu-uzteak, izendapenak eta bestelako egoerak

ERABAKIA, Nafarroako Gobernuak 2020ko azaroaren 25ean hartua, Javier Vidorreta Salillas jauna Nafarroako Unibertsitate Publikoko Gizarte Kontseiluko buru izendatzen duena.

Nafarroako Unibertsitate Publikoko Gizarte Kontseiluari buruzko uztailaren 2ko 15/2008 Foru Legearen 19.1 artikuluak ezartzen du erakundeko burua interes sozialak ordezkatzen dituzten kideen artean izendatuko dela, Nafarroako Unibertsitate Publikoko Gizarte Kontseiluko kideen gehiengoak proposaturik.

Bestetik, Nafarroako Unibertsitate Publikoko Gizarte Kontseiluaren Antolaketari eta Funtzionamenduari buruzko Erregelamenduaren 30. artikuluak ezartzen du Gizarte Kontseiluko burua Nafarroako Gobernuaren erabakiaren bidez izendatuko dela.

Nafarroako Unibertsitate Publikoko Gizarte Kontseiluak, 2020ko azaroaren 16an egindako bilkuran, Javier Vidorreta Salillas jauna aukeratu du Gizarte Kontseiluko buru.

Horrenbestez, Nafarroako Gobernuak, Unibertsitateko, Berrikuntzako eta Eraldaketa Digitaleko kontseilariak proposaturik,

ERABAKITZEN DU:

1. Javier Vidorreta Salillas jauna Nafarroako Unibertsitate Publikoko Gizarte Kontseiluko buru izendatzea.

2. Erabaki hau Nafarroako Unibertsitate Publikoari eta Unibertsitateko, Berrikuntzako eta Eraldaketa Digitaleko Departamentuari igortzea, eta interesdunari jakinaraztea.

3. Erabaki hau Nafarroako Aldizkari Ofizialean argitaratzea.

Iruñean, 2020ko azaroaren 25ean.–Nafarroako Gobernuko kontseilari-idazkaria, Javier Remírez Apesteguía.

Iragarkiaren kodea: F2014362