2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
IRUÑERRIKO MANKOMUNITATEA
4 erabilpen kodeari (etxebizitza) dagokion indize zuzentzaile
berria Galarren. Onespena
2020ko azaroaren 19an, Iruñerriko Mankomunitateko lehendakariak 632/2020 Ebazpena eman zuen. Hona hemen testu osoa:
“2020ko hiri-hondakinak kudeatzeko zerbitzuak emateagatiko tributu-izaera ez duten ondare-prestazio publikoak arautzen dituen ordenantzak, II. eranskinean, 4. erabilpen-kodeari (etxebizitza) dagozkion udalez udaleko koefiziente zuzentzaileen aplikazioa ezartzen du, ondasun horien zerga-oinarriak berdintzeko xedearekin, nabarmena baita Mankomunitatearen esparruan dagoen desberdintasuna. Ekitaldi bakoitzean aplikatzen diren koefizienteak 2019ko azaroan zeuden Nafarroako Lurralde Aberastasuneko Erregistroko erregistro-balioak kontuan hartuta onartzen dira. Horregatik, Ordenantzak ondokoa aurreikusten du: “2020ko ekitaldian balorazio-ponentzia berririk indarrean jarriko balitz, delako udalaren koefiziente zuzentzailea moldatu beharko litzateke, katastro-balioak aldatu izan litezkeeneko proportzioan”.
Halaber, jendaurrean egoteko izapidean dago 2021eko hiri-hondakinak kudeatzeko zerbitzuak emateagatiko tributu-izaera ez duten ondare-prestazio publikoak arautzen dituen ordenantza, zeinak II. eranskinean, 4. erabilpen-kodeari (etxebizitza) dagozkion udalez udaleko koefiziente zuzentzaileak ezartzen dituen, 2020ko azaroan zeuden Nafarroako Lurralde Aberastasuneko Erregistroko erregistro-balioak kontuan hartuta.
258. zenbakiko Nafarroako Aldizkari Ofizialean, 2020ko azaroaren 4an, GALARko balorazio-ponentzia onartu zen behin betiko.
Zerbitzu teknikoek indize zuzentzaile berriak zehazteko beharrezkoak diren egiaztatzeak egin dituzte.
Horren guztiaren arabera,
EBATZI DUT:
1.–2020ko hiri-hondakinak kudeatzeko zerbitzuak emateagatiko tributu-izaera ez duten ondare-prestazio publikoak arautzen dituen ordenantzako II. eranskineko 4. erabilpen-kodeari (etxebizitza) aplikatzekoa zaion indize zuzentzaile berria onartzea GALARko udalerrian:
Aldatuko den indizea: 0,82.
Indize berria: 0,71.
2.–2021eko hiri-hondakinak kudeatzeko zerbitzuak emateagatiko tributu-izaera ez duten ondare-prestazio publikoak arautzen dituen ordenantzako II. eranskineko 4. erabilpen-kodeari (etxebizitza) aplikatzekoa zaion indize zuzentzaile berria onartzea GALARko udalerrian (jendaurrean egoteko izapidean dago ordenantza hori):
Aldatuko den indizea: 0,82.
Indize berria: 0,71.
3.–Ebazpen hau Nafarroako Aldizkari Ofizialean argitara ematea.
4.–Ebazpen hau Iruñerriko Zerbitzuak, S.A. sozietateari jakinaraztea”.
Iruñean, 2020ko azaroaren 23an.–Lehendakaria, David Campión Ventura.
Iragarkiaren kodea: L2014216