1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
344E/2020 FORU AGINDUA, azaroaren 16koa, Osasuneko kontseilariak emana, zeinaren bidez aldatzen baita urriaren 21eko 306E/2020 Foru Agindua, deialdi honen testua onesten duena: deialdia, batetik, Osasun Departamentuaren erakunde autonomoetarako prebentzio medikuntzako eta osasun publikoko barrutiko fakultatibo espezialisten 3 lanpostu, eta erradiodiagnostikoko barrutiko fakultatibo espezialisten 19 lanpostu, oposizio-lehiaketa bidez betetzeko; eta bestetik, hautaproben bitartez, izangaien zerrendak osatzeko, horrelako lanpostuetan jardun dezaten, bai aldi baterako kontratazio bidez, bai aldi baterako barne igoeraren bidez.
Osasuneko kontseilariaren urriaren 21eko 306E/2020 Foru Aginduaren bidez onetsi zen deialdi honen testua: deialdia, batetik, Osasun Departamentuaren erakunde autonomoetarako zenbait lanpostu oposizio-lehiaketa bidez betetzeko (zehazki, prebentzio medikuntzako eta osasun publikoko barrutiko fakultatibo espezialisten 3 lanpostu, eta erradiodiagnostikoko barrutiko fakultatibo espezialisten 19 lanpostu); eta bestetik, hautaproben bitartez, izangaien zerrendak osatzeko, horrelako lanpostuetan jardun dezaten, bai aldi baterako kontratazio bidez, bai aldi baterako barne igoeraren bidez. Deialdia 2020ko 258. Nafarroako Aldizkari Ofizialean argitaratu zen, azaroaren 4koan.
Urriaren 25eko 926/2020 Errege Dekretuaren bidez, alarma-egoera deklaratu zen SARS-CoV-2ak eragindako kutsatzeen hedapena geldiarazteko, ikusita goranzko joera zuela diagnostikatutako kasuen kopuruak eta gero eta handiagoa zela patologia hori artatzeari lotutako presio asistentziala. Gero, azaroaren 3ko 956/2020 Errege Dekretuak alarma-egoera hori luzatu du 2021eko maiatzaren 9ko 00:00etara arte.
Bestalde, Nafarroako Foru Komunitatean egoera epidemiologikoa txarra izanik, Osasuneko kontseilariak 57/2020 Foru Agindua eman zuen urriaren 21ean, zeinaren bidez berariazko prebentzio neurri apartekoak hartu baitziren Nafarroako Foru Komunitaterako, COVID-19ak eragindako egoera epidemiologikoak izan zuen bilakaeraren ondorioz. Foru agindu horrek aparteko neurri murritzaile batzuk onetsi zituen, hala nola irteerak eta sarrerak murriztea Nafarroako Foru Komunitate osoko perimetroan.
Gero, alarma-egoerak indarra hartu ondoan, Nafarroako Foru Komunitateko lehendakariaren urriaren 27ko 24/2020 Foru Dekretua onetsi zen, zeinaren bidez prebentzio neurriak ezarri baitziren Nafarroako Foru Komunitatean, SARS-CoV-2ak eragindako kutsatzeen hedapena geldiarazteko. Horrekin, mugak jarri ziren jendeak gaueko joan-etorriak egiteko, Nafarroako Foru Komunitatean sartu eta irteteko eta pertsonen taldeak eremu publikoan zein pribatuan biltzeko. Ikusita egoerak ez duela hobera egin, neurri horiek luzatu dira Nafarroako Foru Komunitateko lehendakariaren azaroaren 4ko 26/2020 Foru Dekretuaren bidez.
Horregatik guztiagatik, daukagun pandemia edukita eta antolamendu arrazoiak direla eta, bermatu gogo da, ahal den heinean, ez dela azterketaren hilabetea aldatu beharrik izanen azterketara hurbildu ahala. Hori dela eta, beharrezkoa da oposizio-lehiaketen deialdiaren 6.2 oinarria aldatzea, oposizioaldia hasteko hilabeteari dagokionez.
Hortaz, erabiliz Nafarroako Foru Komunitateko Administrazioaren eta haren erakunde autonomoen organoetako langileen arloko eskudantziak zehazten dituen otsailaren 21eko 30/2005 Foru Dekretuak emandako ahalmenak,
AGINTZEN DUT:
1. Aldatzea Osasuneko kontseilariaren urriaren 21eko 306E/2020 Foru Aginduaren bidez onetsitako deialdiaren 6.2 puntua. Deialdi hori egin zen, batetik, oposizio-lehiaketa bidez betetzeko Osasun Departamentuaren erakunde autonomoetarako prebentzio medikuntzako eta osasun publikoko barrutiko fakultatibo espezialisten 3 lanpostu, eta erradiodiagnostikoko barrutiko fakultatibo espezialisten 19 lanpostu; eta bestetik, hautaproben bitartez, izangaien zerrendak osatzeko, horrelako lanpostuetan jardun dezaten, bai aldi baterako kontratazio bidez, bai aldi baterako barne igoeraren bidez. Hona aldaketa:
Honako hau dioen tokian:
“Oposizioa 2021eko maiatzean hasiko da. Izangai onartu eta baztertuen behin betiko zerrenda onesten duen ebazpenean zehaztuko da oposizioaldia zer toki, egun eta ordutan izanen den”.
Honako hau behar du:
“Oposizioa 2021eko urrian hasiko da. Izangai onartu eta baztertuen behin betiko zerrenda onesten duen ebazpenean zehaztuko da oposizioaldia zer toki, egun eta ordutan izanen den”.
2. Foru agindu hau Nafarroako Aldizkari Ofizialean argitara dadila agintzea.
3. Foru agindu honen kontra, ez baitu administrazio bidea amaitzen, gora jotzeko errekurtsoa aurkezten ahalko da, Nafarroako Gobernuari zuzendua, hilabeteko epean, errekurtsoaren xedeko egintza argitaratu edo jakinarazi eta biharamunetik hasita, bat etorriz Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Legearen 126.1.a) eta 126.3 artikuluan xedatutakoarekin.
Iruñean, 2020ko azaroaren 16an.–Osasuneko kontseilaria, Santos Induráin Orduna.
Iragarkiaren kodea: F2013828
